06/09/2023

En sia lasta raporto publikigita merkredon 6an de septembro 2023, la "Monda Organizaĵo pri Meteologio" emfazas la rilatojn inter klimata varmiĝo kaj kvalito de la aero, interalie koncerne la poluadon per ozono.   

Okaze de la « Internacia tago de la pura aero por bluaj ĉieloj », kiu okazas ĉiujare la 7an de septembro, la "Monda Organizaĵo pri Meteologio" (MOM) publikigis raporton ĉi-merkrede 6an de septembro 2023, en kiu ĝi eksplikas, ke la klimata varmiĝo kaj la kvalito de la aero estu traktitaj kunkune. Dum epizodoj de varmo pli kaj pli intensaj tuŝas la planedon, la MOM lanĉas alarmon pri la altaj temperaturoj, kiuj frapas nun la eŭropan kontinenton. Tiuj ĉi draste pligravigas la poluadojn per ozono.

Konsekvencoj « ofte neglektitaj »

Dum la jaro 2022, ozonaj koncentriĝoj « superantaj la limon rekomenditan de la Monda Organizaĵo pri Meteologio » estis konstatitaj en « centoj de kontrolejoj » sur la tuta kontinento, alarmas la komunikaĵo. La MOM metas en lumon la konsekvencojn de tiu poluado por la Homa sano kaj por la ekosistemoj « ofte neglektitaj sed same danĝeraj ».

La fortaj ozonaj koncentriĝoj rekte frapas la agrikulturajn produktaĵojn: « La perdoj de rikolto okazigitaj pro ozono varias averaĝe inter 4,4% kaj 12,4% koncerne la bazajn vivtenigajn kulturojn. La perdoj de tritiko kaj sojo povas atingi 15% ĝis 30% en la ĉefaj agrikulturaj regionoj de Barato kaj Ĉinio », ĝi mencias.

Detrua somero 2023

La somero 2023 estas ankaŭ detale ekzamenita fare de la Organizaĵo. Tiu somero spertis la plej altajn mondajn averaĝajn temperaturojn iam mezuritajn, anoncis ĉi-merkrede la Eŭropa Observejo Copernicus kaj la MOM.

La incendioj, kiuj detruadis « vastegajn areojn » en Kanado, laŭ Petteri Taalas, ĝenerala sekretario de la MOM, kaŭzis « gravajn damaĝojn kaj mortintojn ». Ili ankaŭ « kaŭzis malaltiĝon de la kvalito de la aero ĝis danĝera nivelo por milionoj de personoj, kaj moviĝon de fumnuboj en Atlantiko kaj Arkto », ŝi deklaris.     

https://www.ouest-france.fr/environnement/climat/climat-les-episodes-de-chaleur-renforcent-dangereusement-la-pollution-alarme-lomm-2f746422-4c99-11ee-bf81-8d00315abe43

https://fr.euronews.com/2023/09/06/lomm-alerte-sur-le-lien-entre-rechauffement-climatique-et-pollution-de-lair

https://www.youtube.com/watch?v=jqwpd7wSYcU

28/07/2023

De Usono ĝis Grekio, la norda hemisfero spertas ekstreman klimaton

http://neniammilitointerni.over-blog.com/2023/07/de-usono-gis-grekio-la-norda-hemisfero-spertas-ekstreman-klimaton.html

08/07/2023

« La klimata ŝanĝiĝo estas eksterkontrolo », alarmas Unuiĝintaj Nacioj post tre tre varma semajno

http://neniammilitointerni.over-blog.com/2023/07/la-klimata-sangigo-estas-eksterkontrolo-alarmas-unuigintaj-nacioj-post-tre-tre-varma-semajno.html

03/07/2023

Kanado:  la incendioj minacas  ankaŭ la tradiciojn de la indiĝenaj komunumoj: « nia vivkutimo ja estas minacita »

http://neniammilitointerni.over-blog.com/2023/07/kanado-la-incendioj-minacas-ankau-la-tradiciojn-de-la-indigenaj-komunumoj-nia-vivkutimo-ja-estas-minacita.html

23/06/2023

Klimata krizo: parto de Ĉinio frontas premegan varmon, Pekino dekretas ruĝan alarmon

http://neniammilitointerni.over-blog.com/2023/06/klimata-krizo-parto-de-cinio-frontas-premegan-varmon-pekino-dekretas-rugan-alarmon.html

20/06/2023

En nordo de Barato, « ondo de ekstrema varmo » okazigas preskaŭ cent mortintojn

http://neniammilitointerni.over-blog.com/2023/06/en-nordo-de-barato-ondo-de-ekstrema-varmo-okazigas-preskau-cent-mortintojn.html

25/04/2023

Meteologiaj katastrofoj en Malavio kaj Pakistano ege kreskigis la nombron de kazoj de malario, alarmas Peter Sands, la direktoro de la Monda fonduso de lukto kontraŭ aidoso, tuberkulozo kaj malario, konsiderante, ke ili estas ekzemploj de la konsekvencoj de la klimata varmiĝo.

La infektoj en Pakistano kvarobliĝis post la detruaj inundoj en la lando pasintjare, kaj atingis 1,6 milionon da kazoj laŭ la Monda Organizaĵo pri Sano (MOS).

En marto, en Malavio, la ciklono Freddy – kiu kaŭzis ekvivalenton de ses monatoj da pluvoj en la malgranda lando de Orienta Afriko – kaŭzis kreskon de kazoj de malario, precizigas Peter Sands.

« Kion ni vidis en lokoj kiel Pakistano aŭ Malavio konsistigas realan pruvon, ke la kreskado de malario estas konsekvenco de la klimata ŝanĝiĝo », li opinias.

« Post tiuj ekstremaj meteologiaj eventoj, jen inundoj en Pakistano, jen ciklono en Malavio, multe da akvo stagnas surloke. ». « Ni observis tre netan kreskadon de infektoj kaj mortoj surloke en ambaŭ kazoj », li eksplikas okaze de la monda tago de malario la 25an de aprilo, « kiu ebligas kutime celebri la progresojn, kiujn ni faris ». Sed ĉi-jare, « ni alarmu », li asertas. « Se la malario pligraviĝas pro la klimata ŝanĝiĝo, ni agadu nun por malprogresigi kaj elimini ĝin ».

En Pakistano kaj Malavio, la marĉetoj lasitaj post la forigo de la akvoj estas favora medio por la moskitoj, kiuj transportas la malsanon.

Peter Sands substrekas, ke kvankam progreso okazas en la lukto kontraŭ la malario, li memorigas, ke ĉiun minuton infano mortas pro la malsano.

En 2021, la MOS taksis ĝis 247 milionoj la nombron de kazoj en la mondo. Ĉirkaŭ 619 000 personoj mortis pro malario ĉi-jare. 

https://lecourrier.vn/les-catastrophes-naturelles-font-bondir-les-cas-de-paludisme-au-malawi-et-au-pakistan/1178976.html

https://www.youtube.com/watch?v=_ZgohTsZvqw

27/12/2022

La eksplodo de ĥolero estas pligravigita de la klimata ŝanĝiĝo

http://neniammilitointerni.over-blog.com/2022/12/la-eksplodo-de-holero-estas-pligravigita-de-la-klimata-sangigo.html

12/09/2022

Inundoj en Pakistano : « klimata amasbuĉado », indignas S° Guterres

http://neniammilitointerni.over-blog.com/2022/09/inundoj-en-pakistano-klimata-amasbucado-indignas-s-guterres.html

23/03/2023

Klimato: la tutmonda varmiĝo atingos plian 1,5°C ekde 2030-2035, laŭ la Interregistara Spertularo pri Klimata Ŝanĝiĝo (ISKŜ)

http://neniammilitointerni.over-blog.com/2023/03/klimato-la-tutmonda-varmigo-atingos-plian-1-5-c-ekde-2030-2035-lau-la-interregistara-spertularo-pri-klimata-sangigo-isks.html

23/01/2022

La niĝera filio de Orano, antaŭe nomita Areva, ekspluatis dum 40 jaroj tiun minejon de uranio en Saharo por nutradi nukleajn centralojn.

La pejzaĝo konsistas en dezerto de sablo kaj rokoj, kie potenca vento regule balaas la grundon. En Arlit, Niĝera Saharo,  la radioaktivaj kotoj, la rubaĵoj de la Cominak estas stokitaj subĉiele. 

« Tio reprezentas ĉirkaŭ 20 milionojn da tunoj da radioaktivaj rubaĵoj produktataj dum 40 jaroj », komentas Bruno Charon, inĝeniero pri nuklea fiziko ĉe la laboratorio Criirad, asocio pri protektado de la medio, kiu analizis tiujn rubaĵojn, kaj alarmas hodiaŭ pri la danĝeroj por la loĝantoj kaj la medio.

La niĝera filio de Orano, antaŭe nomita Areva, ekspluatis dum 40 jaroj tiun minejon de uranio en Saharo por nutradi interalie nukleajn centralojn. La minejo fermis de preskaŭ du jaroj, sed la rubaĵoj ne ankoraŭ estas izolitaj.    

« Pro la potenco de la ventoj en la regiono, la radioaktivaj polvoj, la radioaktiva gaso estas tre facile disigeblaj en la medio, eksplikas la inĝeniero. Ĉar tiuj rubaĵoj ne estas izolitaj, la infektado eniras en la subgrundajn akvojn. Tio estas absolute neakceptebla. »

« Arlit estas paradizo por la sano »

Ĉe la Cominak, la ĝenerala direktoro Mahaman Sani Abdoulaye asertas, ke nenia risko ekzistas koncerne la demandon pri akvo en Arlit, ekzemple: « Ĝi estas trinkebla. Neniu emiso atingas lokon ekster nia zono. Tio estas taŭge retenata, taŭge kontrolata en nia industria areo. »

Laŭ li, nenia problemo ekzistas ankaŭ por la 600 personoj, kiuj plu laboras en la loko. Tio ridetigas Almoustapha Alhacen, prezidento de la NeRegistara Organizaĵo Aghinr'inman, en Arlit: « Profesiaj malsanoj neniam okazis dum 50 jaroj da laboro, nek malsanoj ligitaj al uzataj produktaĵoj, nek malsanoj ligitaj al la radioaktiveco. Dum 50 jaroj, neniu malsano okazis. Arlit estas paradizo por la sano », li ironias.  - Almoustapha Alhacen, prezidento de la NRO Aghinr'inman    

La prezidento de la NRO Aghinr'inman elvokas spirmalsanojn en Arlit, malsanoj pri renoj, hepato… « Sed ni ne havas rimedojn, li bedaŭras, por pruvi, ke ili estas ligitaj aŭ ne kun la minaj aktivecoj. »

Siaflanke, la entrepreno promesis, ke ĝi iompostiom kovros la rubaĵojn ĝis 2026 per argilo kaj rokoj.

Laŭ la asocioj, tiu kovrilo ne estos sufiĉe hermetika.    

https://www.francetvinfo.fr/monde/afrique/niger/au-niger-pres-de-20-millions-de-tonnes-de-dechets-radioactifs-entreposees-a-l-air-libre-par-une-entreprise-francaise_5618339.html

https://www.youtube.com/watch?v=nhDUnjQlP6U

Video: « 20 milionoj da radioaktivaj kotoj » (en la franca)

13/10/2013

Niĝero: miloj da manifestaciantoj kontraŭ Areva en la nordo

http://neniammilitointerni.over-blog.com/2013/10/ni%C4%9Dero-miloj-da-manifestaciantoj-kontra%C5%AD-areva-en-la-nordo.html

14/06/2012

Francio: la respublika Prezidento S° Hollande volas akceli la uranian produktadon

http://neniammilitointerni.over-blog.com/article-francio-la-respublika-prezidento-s-hollande-volas-akceli-la-uranian-produktadon-106930020.html

27/04/2012

Niĝero: striko sur la laborejo de Imuraren, ekspluatata de Areva

http://neniammilitointerni.over-blog.com/article-ni-ero-striko-sur-la-laborejo-de-imuraren-ekspluatata-de-areva-104159508.html

11/03/2022

Bildo : koreiaj manifestaciantoj antaŭ la japana ambasadejo la 11an de marto 2022 en Seulo  

La 11-an de marto 2011, la nuklea akcidento komenciĝis. 11 jarojn poste, la media, sanitara kaj homa katastrofo daŭras.

La akcidentita centralo plu bezonas konstantan malvarmigon, kaj la japanaj aŭtoritatoj pretiĝas forĵeti en la maron, ekde la jaroj 2023-2024 kaj dum pluraj jardekoj, pli ol 1,3 milionon da kubaj metroj da infektita akvo stokitaj sur la areo, malgraŭ la opozicio de la fiŝkaptistoj kaj marbordaj loĝantoj.

11 jarojn poste, la radioaktiva infektado plu estas vaste ĉeestanta en la grundoj. Tamen, la japanaj aŭtoritatoj deplojadas grandajn rimedojn por instigi junulojn instaliĝi en la komunumoj, kiuj estis deklaritaj « evakuindaj areoj ».

La maksimuma sojlo de tolerebla submetiĝo por la publiko en Fukuŝimo plu estas fiksita po 20 milisivertoj jare, kio estas la limo por la laboristoj en la nuklea industrio.

Broŝuroj minimumigas la danĝeron de la radioaktiveco kaj laŭdas la sendanĝerecon de la infektita akvo de la centralo de Fukuŝimo Dajiĉi.

Ekde nun, preskaŭ 300 kazoj da tiroida kancero estis detektitaj inter la personoj de la gubernio de Fukuŝimo, kiuj estis infanoj dum la eksplodo – tiu nenormala kvociento superas la kutiman prevalencon por tiu malsano, la sola kiu estis objekto de epidemiologia studaĵo, kio kaŝas la ekzistadon de aliaj patologioj.

Inter ili 6 personoj, aĝaj de 6 ĝis 16 jaroj dum la akcidento, plendis kontraŭ la operatoro TEPCO la 27an de januaro 2022, por ke ligo inter sia patologio kaj la akcidento estu agnoskita, kaj akiri justicon por la aliaj viktimoj. 

Tiuj junuloj aldoniĝas al preskaŭ 14 000 personoj nun engaĝintaj en civilaj procesoj, tiel ke la registaro kaj TEPCO akceptu sian kulpecon en la akcidento kaj kompensu la viktimojn.

La 4an de marto, la japana Ĉefkortumo aliparte faris historian juĝon, ratifante definitive la juĝan respondecon de la entrepreno kaj ordonante al ĝi monkompenson de 4 000 personoj.

Antaŭ la venonta somaro, ĝi decidos pri la respondeco de la registaro.

https://www.sortirdunucleaire.org/A-l-occasion-du-11eme-anniversaire-de-l-accident#nb1

https://www.youtube.com/watch?v=DSVVu2_PSXg

13/04/2021 

Japanio decidis forĵeti la akvon de Fukuŝimo en la maron

http://neniammilitointerni.over-blog.com/2021/04/japanio-decidis-forjeti-la-akvon-de-fukusimo-en-la-maron.html

19/05/2021

Bildo : zono de senarbarigo en la amazonia ĝangalo, kaŭzita de kontraŭleĝaj minaj aktivecoj en la riverbaseno de la regiono Madre de Dios, sud-oriente de Peruo, la 17an de majo 2019.  

Laŭ Internacia Amnestio, ili prezentas altajn nivelojn de plumbo, arseniko kaj hidrargo pro la minekspluatado apud iliaj vilaĝoj.

Internacia Amnestio alarmas pri la situacio de ĉirkaŭ 8 000 indiĝenoj en Peruo. Ili prezentas altajn nivelojn de plumbo, arseniko kaj hidrargo pro la minekspluatado apud iliaj vilaĝoj en la provinco Espinar (Sud-Oriento), denuncas raporto publikigita mardon 18an de majo fare de la NRO. Peruo estas unu el la ĉefaj produktistoj de kupro, oro, arĝento, zinko kaj plumbo en la mondo.   

Post tri jaroj da enketo ĉirkaŭ la mina areo de Ataccapay kontrolata de la angla-svisa Glencore, la raporto de la organizaĵo pri defendo de la homaj rajtoj emfazas : « La niveloj de metaloj kaj toksaj substancoj (plumbo, kadmio, arseniko, hidrargo kaj mangano) malkovritaj ĉe la partoprenintoj dum la studaĵo, demonstras la riskon por la sano, al kio estas submetitaj la indiĝenaj komunumoj en la provinco Espinar  ».

Kapdoloroj, tumoroj 

La enketo analizis la metalojn kaj toksajn substancojn ĉe 150 volontuloj, kaj la kvaliton de la akvo en 292 lokoj situantaj en la koncernata zono. La ĉeesto de pezaj metaloj en la organismo « povas generi multajn specojn de malsanoj, naŭzojn, vomojn, kelkajn specojn de kanceroj kaj hepatajn problemojn », eksplikas la respondeculino de la enketo, María José Veramendi.

Dum la individuaj intervjuoj efektivigitaj dum la enketo, la loĝantoj priskribis simptomojn kiel kapdoloroj, renajn, prostatajn aŭ dentajn problemojn, stomakajn afekciojn, ŝi eksplikis. Ankaŭ kanceraj tumoroj estis menciitaj de du personoj.  

« Programo de epidemiologia atento » 

María José Veramendi admonas la sanitarajn aŭtoritatojn, ke ili « starigu programon de konstanta epidemiologia atento en la provinco Espinar por determini la ĝeneralan efikon suferitan de la submetita loĝantaro ». La loĝantoj de la provinco Espinar « spertas duoblan urĝecon pro la venenado kaj la kovim-19 », ŝi substrekas.   

En Peruo, laŭ la oficialaj nombroj, dek milionoj da personoj, t.e ĉirkaŭ triono el la loĝantaro, riskas submetiĝon al la pezaj metaloj, pli ol 20% (6,8 milionoj da personoj) al metaloidoj kiel arseniko, kaj pli ol 6% (du milionoj) al hidrokarbidoj, memorigas la raporto. 

https://www.francetvinfo.fr/sante/environnement-et-sante/perou-des-milliers-d-indigenes-menaces-par-une-pollution-aux-metaux-lourds_4628773.html

https://www.youtube.com/watch?v=W7WtpCGrrrk

23/06/2017

Peruo: infanoj mortas pro plumbo: urĝa stato estas deklarita

http://neniammilitointerni.over-blog.com/2017/06/perou-infanoj-mortas-pro-plumbo-urga-stato-estas-deklarita.html