15/08/2024

La laboristoj de Escondida ne sukcesis akiri interkonsenton pri nova kolektiva konvencio kun sia dunganto, la aŭstralia giganto BHP. La sindikatoj postulas delonge, ke 1% el la dividendoj, kion disdonas al si la eksterlandaj investistoj de la minejo, estu distribuitaj al la laboristoj.

La laboristoj de Escondida, la plej granda kuprominejo de la mondo situanta norde de Ĉilio, komencis strikon mardon la 13an de aŭgusto « pro neebleco akiri interkonsenton » kun la direkcio koncerne kolektivan konvencion, sciigis la sindikato en komunikaĵo. Ĝi opinias, ke « la fundamentaj petoj de la laboristoj, kiel respekto de la ripoztempo, ne estis atentigita de la entrepreno », la aŭstralia giganto BHP. La sindikato ankaŭ postulas, ke 1% el la dividendoj, kion disdonas al si la eksterlandaj investistoj de la minejo estu distribuitaj al la laboristoj.

Laŭ la surlokaj mediatoj, BHP proponis pagon de bonuso po ĝis 28 900 dolaroj al la laboristoj, sed la laboristoj opinias, ke 1% de la dividendoj ekvivalentas al po 36 000 dolaroj. BHP siaflanke asertis, ke ĝi bedaŭras la decidon de la laboristoj malgraŭ siaj « ripetitaj klopodoj dum la tuta procezo por prezenti proponojn enhavantajn fundamentajn plibonigojn de la nuna kolektiva konvencio, kiu jam estas unu el la plej bonaj de la industrio ».     

Situanta en la Atakama-Dezerto, la minejo de Escondida estas kontrolita de la aŭstralia BHP ĝis 57,5%. Ĝi produktis en 2023 1,1 milionon da tunoj da kupro, nome 5,4% de la monda produktado kaj 21% de tiu de Ĉilio.

Ĉu denove longa striko ?

En 2017, la laboristoj de Escondida strikis dum 44 tagoj, la plej longa el la ĉilia mina historio. La movado kaŭzis 740 milonojn da dolaroj de perdo kaj estigis malkreskon de 1,3% de la malneta enlanda produkto (MEP) de Ĉilio ĉi-jare.

Nun, la sindikato asertas, ke ĝi disponas pri « loĝistika fonduso plurfoje supera al tiu de la striko de 2017 », kiu ebligos financi la bazajn bezonojn de la laboristoj kaj ties familioj « dum tre longa periodo ». La laboristoj de Escondida ricevas salajron tre superan al la nacia averaĝo en Ĉilio, sed konforma kun tiuj praktikataj de la potenca ĉilia kupro-industrio, la unua en la mondo, kiu estigas inter 10 kaj 15% el la nacia MEP.

https://www.francetvinfo.fr/monde/ameriques/greve-au-chili-les-travailleurs-de-la-plus-grande-mine-de-cuivre-du-monde-entament-une-greve_6724551.html

https://www.youtube.com/watch?v=UPSj6qQ5F94

10/03/2017

Ĉilio: la lukto daŭras ĉe La Escondida, la plej granda kuprominejo en la mondo

http://neniammilitointerni.over-blog.com/2017/03/cilio-la-lukto-dauras-ce-la-escondida-la-plej-granda-kuprominejo-en-la-mondo.html

26/07/2024

Fronte al la perforta represio, la studenta movado origine de la manifestacioj en Bangladeŝo interrompis siajn protestojn lundon dum daŭro de 48 horoj.

Tiujn lastajn tagojn, la aŭtoritatoj de Bangladeŝo arestis pli ol 1100 personojn post perfortoj ligitaj al la manifestacioj kontraŭ la rekrutiga kvoto en la publika funkcio.

Almenaŭ 173 personoj, inter kiuj pluraj policistoj, mortis dum tiuj ribeloj.  Studentaj manifestacioj kontraŭ la rekrutiga kvoto en la publika funkcio akuzata, ke ĝi favoras la personojn proksimajn de la reganta partio, degeneris en la plej perfortan ondon, de kiam la ĉefministrino Sheikh Hasina ekregas, antaŭ 15 jaroj.

Interrompo de la protestado

La studenta movado origine de la manifestacioj interrompis siajn protestojn lundon dum daŭro de 48 horoj. Ĝia ĉefo deklaris, ke li ne volas reformojn je « la prezo de sango ».

Elirblokado estis trudita kaj soldatoj patrolas en la urboj de tiu lando de Suda Azio, kie vivas la oka plej vasta loĝantaro en la mondo. La armeo anoncis, ke la ordo revenis lundon vespere.  

Almenaŭ 200 personoj estis arestitaj en la distriktoj de Narajanganĝ kaj Narsingdi, centre de la lando, menciis la ĉefoj de la surloka polico, dum almenaŭ 80 personoj estas detenitaj en Bogra (nordo).

Forta milita ĉeesto

Almenaŭ 168 personoj estis arestitaj en la industria urbo Gazipur, proksime de la ĉefurbo, 75 en la urbo Rangpur (nordo) kaj 60 en Barisal, sudo, menciis altaj respondeculoj de la polico.

Tiuj arestoj aldoniĝas 532 arestoj en la ĉefurbo Dako tagon antaŭe, 1115 arestoj sume okazis en la tuta lando. Mardon, forta milita ĉeesto estis videbla en la ĉefurbo. Sed la homoj estis pli multnombraj sur la stratoj, same kiel centoj da rikiŝoj.

« Mi ne kondukis rikiŝon dum la unuaj tagoj de la elirblokado, sed hodiaŭ mi ne havas elekton », deklaris Hanif, kondukisto de tiuj popularaj veturiloj. « Se tion mi ne faras, mia familo malsatas ».

https://www.lematin.ch/story/manifestations-au-moins-173-morts-et-plus-de-1100-arrestations-au-bangladesh-912982376322

https://www.youtube.com/watch?v=FZ77Wh-SlQ0

25/03/2024

La 24an de marto estas neordinara tago el la argentina kalendaro. Kiel ĉiujare, la lando omaĝis ĉi-dimanĉe la viktimojn de la diktaturo de la 1970-1980aj jaroj. Kolektiĝoj okazis en la tuta lando, interalie sur la placo de Majo, kore de la ĉefurbo. Tiu mobilizado estis aparte amasa por la unua evento dum la prezidenteco de Javier Milei.

Dekoj da miloj da homoj, 200 000 laŭ la organizintoj, alvenis placo de Majo por krii « nunca mas », « neniam denove ». Ĉiuj generacioj ĉeestis, multaj homoj venis kun sia familio, kaj ĉie en la homamaso videblis tiuj fotoj nigra-blankaj kun la vizaĝoj de la malaperintoj de la diktaturo.       

Videblas ankaŭ afiŝtabuloj kun tiu nombro, 30 000 truditaj malaperintoj, 30 000 personoj murditaj de la ĥunto, bilanco kontestita interalie de Javier Milei, la prezidento de la Nacio, kiu dimanĉon publikigis videon por prezenti sian version pri tio, kio okazis inter 1976 kaj 1983.

Eviti, ke la Historio ripetiĝu

Tiu versio elvokas militon inter du demonoj prefere ol Ŝtatan terorismon. La argentina prezidento akuzas la organizaĵojn pri defendo de Homaj rajtoj, ke ili monopoligas kaj detranĉas la primemoran rakonton.

La amasa mobilizado sur la placo de Majo, fronte al la Casa Rosada, la prezidenta palaco, estas respondo al lia Historia reviziismo.                  

La homoj, kiuj ĉeestas tie asertas: pli ol iam, ni memoru kaj denuncu la krimojn de la diktaturo por eviti, ke la Historio ripetiĝu.

« Multaj venis kun sia famlio, kiel Denis, kiu portas sur siaj ŝultroj sian filinon Helena, 5-jara. "Mi venis kun mia filino, mia edzino, mia patrino ankaŭ venis, mia fratino… Ni volis ĉeesti kaj partopreni tiun tagon." Denis kaj lia familio ne ĉiam venas al tiu marŝo de la 24a de marto, sed ĉi-jare, partopreni estis evidenteco : "Fronte al la malfortiko de la demokratio, pro la diroj de Milei, pro la reveno de la neadismo koncerne la krimojn de la diktaturo, ŝajnis al ni grave kiel civitanoj ĉeesti hodiaŭ" »…       

https://www.rfi.fr/fr/am%C3%A9riques/20240324-jour-du-souvenir-de-la-dictature-les-argentins-dans-la-rue-pour-la-premi%C3%A8re-de-milei

https://www.youtube.com/watch?v=GZiwTWrD3i8

08/02/2024

Argentino: manifestacioj  kontraŭ la malaltigo de la nutraĵa helpo daŭras

http://neniammilitointerni.over-blog.com/2024/02/argentino-manifestacioj-kontrau-la-malaltigo-de-la-nutraja-helpo-dauras.html

08/02/2024

En Argentino, la mobilizadoj multobliĝas por denunci la malaltigon de la nutraĵa helpo fare de la registaro en kunteksto de forta inflacio.

Dum pli ol duono el la argentinaj infanoj vivas sub la malriĉeca sojlo, merkredon 7an de febraro, kuiristinoj de la supkuirejo de la ĉirkaŭaĵo de Bonaero manifestaciis antaŭ la ministrejo pri Homa kapitalo.

Malantaŭ rango de kaserolo malespere malplenaj, dekoj de volontuloj de supkuirejo portas afiŝtabulojn, sur kiuj estas skribite « nutraĵo ne estas alĝustiga variablo ».

« Ni venis por peti respondon de la ministrino Sandra Petrovello, ĉar de decembro, nutraĵo ne plu estas provizita » Roksana estas kuiristino en supkuirejo de Gerniko, unu el la plej malriĉaj urboj de Argentino situanta tridek kilometrojn sude de Bonaero: « Ni devas batali por nin nutri. Niaj infanoj suferas misnutradon. La situacio malboniĝas, la inflacio konstante kreskas. Nun, ni ne plu povas aĉeti kokidojn, eĉ lakton ni ne pu havas. »

De post la aŭstera ŝoko de Javier Milei en decembro, la prezoj de la nutraĵoj kreskis je pli ol 50% kaj la salajroj ne kompensas la inflacion.         

La rezultatoj estas, ke ĉiutage novaj personoj vizitas la supkuirejojn, alarmas Karina. « La mendo multe kreskas, kaj ne nur ĉe la infanoj. Hodiaŭ, ni ankaŭ vidas pensiulojn kaj eĉ familiojn, kiuj tamen laboras regule ! »  

Fronte al tiu situacio, la socialaj organizaĵoj multobligas la alarmsignalojn. Komence de la semajno, dum la ministrino taskita pri la Socialaj Aferoj deklaris, ke ŝi ricevos unu post la alia tiujn, kiuj malsatas, centoj da personoj rapide akceptis la proponon, kaj formis antaŭ ŝia ministrejo « vicon de la malsato » laŭlonge de 20 domeroj.     

https://www.rfi.fr/fr/am%C3%A9riques/20240208-argentine-toujours-des-manifestations-contre-la-diminution-de-l-aide-alimentaire

https://www.youtube.com/watch?v=wwLdoyRjOzA

25/01/2023

Ĝenerala striko en Argentino: la ultraliberalismulo Javier Milei frontas unuan protestadon

http://neniammilitointerni.over-blog.com/2024/01/generala-striko-en-argentino-la-ultraliberalismulo-javier-milei-frontas-unuan-protestadon.html

24/12/2023

Argentino:  Javier Milei prezentas la fakturon al la organizintoj de manifestacio

http://neniammilitointerni.over-blog.com/2023/12/argentino-javier-milei-prezentas-la-fakturon-al-la-organizintoj-de-manifestacio.html

25/01/2023

La argentina ultraliberalismulo Javier Milei frontis merkredon sian unuan ampleksan protestadon, ĝeneralan strikon kaj amasan manifestacion ĉe la momento, kiam lia malreguliga fervoro spertas kelkajn obstaklojn.

Miloj da manifestaciantoj konverĝis tagmeze kore de Bonaero, por sendube unu el la plej vastaj mobilizadoj de antaŭ jaroj, iniciative de la giganta sindikato KĜL (7 milonoj da aliĝintoj).

La argentina KĜL estas centralo el peronisma tendenco (proksime de la antaŭa registaro), al kiu kuniĝis aliaj sindikatoj, movadoj de la radikala maldekstro kaj socialaj organizaĵoj.

Manifestacioj estis antaŭviditaj en pluraj provincaj urboj. Alvokoj al solidarecaj kolektiĝoj estis lanĉitaj en eksterlandaj ĉefurboj: Madrido, Parizo, Bruselo interalie.

Post monato kaj duono da prezidenteco Milei, lavango de malreguligaj leĝprojektoj, devaluto ĝis 54% kaj aŭsteraj aranĝoj estis faktaj aŭ planitaj. « La homoj koleras […] neniu povas nei tion », deklaris la kun-gvidanto de la KĜL Hector Daer. Laŭ li, la kolero tute « transiras » la laboristan medion.            

« La patrio ne estas por vendi », « Ne al neniigo de la kulturo ! » « Ĉi tie kasto ne ekzistas ! » asertis la unuaj flagrubandoj sur fono de petardoj kaj bastamburoj, sub la rigardo de giganta marioneto reprezentanta Milei.

La aertrafiko estis tuŝita. La kompanio "Aerolineas Argentinas" efektive nuligis 297 flugojn, kio trafis « pli ol 2 000 pasaĝerojn » por « totala kosto, kiu superos 2,5 milionojn da dolaroj ».   

https://www.rtbf.be/article/greve-generale-en-argentine-le-president-ultraliberal-javier-milei-face-a-une-premiere-contestation-11318340

https://www.youtube.com/watch?v=X8GRbsarubI

24/12/2023

Argentino:  Javier Milei prezentas la fakturon al la organizintoj de manifestacio

http://neniammilitointerni.over-blog.com/2023/12/argentino-javier-milei-prezentas-la-fakturon-al-la-organizintoj-de-manifestacio.html