Overblog
Suivre ce blog Administration + Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton!

Ekde 03/01/2012

free counters
Free counters

Bonvenon

1 octobre 2021 5 01 /10 /octobre /2021 16:31

01/10/2021

Irano ne permesas funkciadon de sendependaj sindikatoj, kaj la sindikataj aktivuloj estas ofte enkarcerigitaj, kiam ili defendas la laboristajn rajtojn. LabourStart kondukis multajn kampanojn por defendi la sindikatanojn, malliberigitajn en Irano.

Malgraŭ tio, la laboristoj plu organizas strikojn kaj protestojn kontraŭ la malbonaj dungintoj, kaj kelkfoje ili venkas. Tiujn lastajn jarojn, dekoj da miloj da portempaj laboristoj, kiuj laboras en petrol- kaj gas- projektoj en Irano partoprenis neleĝajn strikojn, kunordigitajn fare de strikkomitatoj. La laboristoj protestas kontraŭ la laboroj efektivigitaj en ekstrema varmo, la malaltaj salajroj, la malbonaj vivkondiĉoj, la maldecaj laborcikloj kaj la salajro-faktoroj, kiuj ne ĝuste informas pri la asekuraj kotizoj, kaj enpoŝigas la diferencon.

Tiuj laboristoj komencis venki, kaj la registaro konsideris tion : pasintmonate, unuafoje, la ministrejo pri Laboro renkontis reprezentanton de la laboristoj, la UMMI, kiu estas la irana aliĝinto de IndustriALL, por aŭskulti la laboristajn postulojn. Estas nun tempo formaligi tiun aranĝon, agnoskante la sendependajn sindikatojn kiel legitimajn reprezentantojn de la laboristoj, kaj konstruante sistemon de industriaj rilatoj konformaj al la mondaj normoj kaj al la konvencioj de la IOL.

Alvoku la iranan registaron, ke ĝi agnosku la sendependajn sindikatojn !           

Retmesaĝo : 

La laboristoj de multaj industrioj en Irano suferas pri nejustaj kondiĉoj. Ili  estas ekspluatataj fare de senskrupulaj dungintoj kaj ne estas reprezentataj de sendependaj sindikatoj. Dum via registaro postulas altan produktivon en la petrol- kaj gas- projektoj, laboristoj efektivigas danĝerajn laborojn, en malfacilaj kondiĉoj, en ekstrema varmo kaj por malaltaj salajroj. Ili estas ekspluatataj de salajro-faktoroj.

La laboristoj protestis kontraŭ tiuj kondiĉoj emfazante serion de legitimaj postuloj, interalie salajra strukturo intertraktitaj laŭ laborkategorio, taŭga socia asekuro, pli bonaj vivkondiĉoj kaj laborciklo, kiu ebligas al ili vidi sian familion. 

Antaŭnelonge, via ministrejo pri Kooperativoj, Laboro kaj Socia protektado renkontis reprezentantojn de la laboristoj por auskulti iliajn postulojn. Temas pri necesa etapo. Ni petas de vi, ke vi tuj komencu konformigi la sistemon de industriaj rilatoj de Irano kun la mondaj normoj kaj la konvencioj 87 kaj 98 de la IOL pri la libereco pri asocio kaj la rajto organizi kaj plenumi kolektivan intertraktadon.

Partnerece kun IndustriALL, kiu reprezentas 50 milionojn da laboristoj en 140 landoj en la sektoroj pri minekspluatado, energio kaj manufaktura industrio. Ĝi konsistigas forton de tutmonda solidareco, kaj luktas por pli bonaj laborkondiĉoj kaj sindikataj rajtoj en la tuta mondo.  

neniammilitointerni - dans Labourstart Kampanjo
22 septembre 2021 3 22 /09 /septembre /2021 17:33
Josian E. Bruno Gómez / EL VOCERO

22/09/2021

La guberniestro de Porto-Riko utiligas la privatigon de la elektroreto de Porto-Riko por ataki UTIER, plej malnova kaj granda sendependa sindikato de la insulo, kiu reprezentas la laboristojn de la elektro-sistemo de pli ol 79 jaroj. La registaro transdonis la ekspluatadon de la elektroreto de la insulo al la privata entrepreno LUMA Energy ekde la 1-a de junio.

Luma ne agnoskis la kolektivan konvencion de UTIER kaj pli ol 3 000 laboristoj en la elektro-sektoro ekstrikis, rifuzante labori por LUMA. La guberniestro ekvalidigis la kontrakton malgraŭ la oponoj de la laboristoj kaj konsekvence, LUMA ne disponas pri sufiĉe da kvalifikitaj dungitoj por konvene funkciigi la reton, kio endanĝerigas la tutan insulon. Miloj da kvalifikitaj laboristoj en la elektrofako estis translokitaj en registaraj laborpostenoj sen rilatoj kun la elektroreto aŭ en agentejoj, kiuj ne havas rimedojn por pagi iliajn salajrojn aŭ avantaĝojn.         

Postulu de la guberniestro de Porto-Riko, ke li agnosku la rajtojn de la elektrolaboristoj de la insulo kaj restarigu iliajn laborpostenojn en la elektro-sistemo !

Retmesaĝo :

Kara guberniestro Pierluisi,

Mi skribas al vi por peti agnoskon de la rajtoj de miloj da elektrolaboristoj de Porto-Riko, kiuj estis translokitaj pro la kontrakto kun LUMA Energy. La kontrakto kun LUMA kontraŭleĝe senigis la laboristojn je iliaj rajtoj kaj sindikataj avantaĝoj, malobserve al la leĝo 120-2018. Miloj da elektrolaboristoj translokitaj ne kapablas fari sian laboron, pri kio li ricevis formadon, kaj frontas necertan estontecon, dum LUMA ne kapablas administri konvene la reton.       

La kontrakto estu nuligita, tiel ke la sindikataj laboristoj povu efektivigi la urĝan laboron de bontenado kaj rekonstruado de la elektro-sistemo de Porto-Riko.  

Partnerece kun Public Services International, internacia sindikata federacio, kiu grupigas pli ol 700 sindikatojn kaj reprezentas 30 milionojn da laboristoj en 154 landoj

kaj UTIER. La laboristoj de la Sindikato de elektro-industrio kaj irigacio de Porto-Riko unuiĝas por labori por kaj en defendo de niaj interesoj kaj komunaj rajtoj, tiuj de la tuta laboristaro kaj de nia popolo. Pro tio, ni opinias, ke energio estas rajto de la tuta homaro – kaj ne estas komercaĵo.

neniammilitointerni - dans Labourstart Kampanjo
15 septembre 2021 3 15 /09 /septembre /2021 15:58

15/08/2021

La 1-an de februaro, la milita puĉo en Birmo renversis la elektitan registaron de la lando kaj instalis despotan militan ĥunton.  

De tiam, la militistoj mortigis pli ol 1 000 manifestaciantojn kaj pacemajn civilulojn kaj delokis 175 000 personojn. 7 000 civiluloj estis arestitaj, enkarcerigitaj kaj kondamnitaj. 300 000 laboristoj estis maldungitaj kaj plejparte el la sindikatanoj estis truditaj kaŝiĝi. La mongajnoj de 83% el la birmaj familioj duoniĝis kaj pli ol 25 milionoj da personoj vivas en malriĉeco. En spirito de solidareco kaj demokratio, la Council of Global Unions alvokis la internacian komunumon adopti urĝajn aranĝojn kontraŭ la milita puĉo por meti finon al la kruelaĵoj kaj al la katastrofo koncerne Homajn rajtojn en Birmo.

En junio, iniciate de la grupo de laboristoj de la Internacia Organizaĵo de Laboro, la Internacia Konferenco pri laboro repuŝis la potencojn de la nelegitima milita ĥunto de Birmo, kaj alvokis al restarigo de la demokratio en la lando. Unuiĝintaj Nacioj nun devas fari same.

Retmesaĝo :

Mi subtenas la alvokon lanĉitan de la sindikatoj el la tuta mondo dum la 76-a Ĝenerala Asembleo de Unuiĝintaj Nacioj, ke ĝi agnosku la Registaron de Nacia Unuiĝo (NUG) kiel legitiman reprezentanton de la birma popolo – kaj ke ĝi repuŝu la militan ĥunton.

Partnerece kun Building and Wood Worker's International (BWI)

International Trade Union Confederation (ITUC)

IndustriALL global union

Education International

International Union of Foodworkers

 

 

neniammilitointerni - dans Labourstart Kampanjo
8 août 2021 7 08 /08 /août /2021 19:59

08/08/2021

Bildo : STRIKRAJTO ESTAS FUNDAMENTA RAJTO –  NI SUBTENU LA LABORISTOJN EN LA AERTRAFIKO

La laboristoj de la aertrafiko de la hungara provizanto de servoj en aernavigacio estas kontraŭleĝe senigitaj je ilia fundamenta rajto al striko. La 26an de julio, pretekste de Kovim-19, la hungara registaro malpermesis al la laboristoj striki, baziĝante sur du dekretoj, malobserve al la decido de la hungara Apelacia kortumo de la 20a de julio 2021, kiu konfirmis ilian laŭleĝan strikrajton.

Ni rifuzu tiun novan malobservadon de la Jurŝtato fare de la hungara registaro kaj ni rifuzu la sindikatan detruadon ĉe HungaroControl.

Retmesaĝo:

S° Victor ORBAN, Ĉefministro de Hungario,

S° Tibor NAVRACSICS, ministro pri publika administracio kaj justico, 

S° Sándo CZOMBA, Ŝtatministro taskita pri dungado 

Mi skribas al vi pri du kontraŭleĝaj decidoj prenitaj de via registaro la 26an de julio, kiu senigas la laboristojn en aertrafiko de la hungara provizisto pri servoj de aernavigacio (ANSP) - HungaroControl – pri ilia fundamenta strikrajto. Mi memorigas al vi, ke la reprezentado kaj kolektiva intertraktado estas fundamentaj rajtoj de la laboro, kiuj estu respektataj.     

Mi do petas de vi meti finon al la malobservado de la Jurŝtato en Hungario, atenti pri respekto de la rajtoj de la laboristoj en Hungario, kaj relanĉi la socialan dialogon.   

Partnerece kun la Eŭropa Federacio de la Transport-laboristoj, kiu reprezentas pli ol 5 milionojn da transport-laboristoj en pli ol 200 sindikatoj de la sektoro

https://www.youtube.com/watch?v=pnEZqCN-XEw

neniammilitointerni - dans Labourstart Kampanjo
25 juin 2021 5 25 /06 /juin /2021 16:40

25/06/2021

De jaroj, la profitoj de la tabak-kompanioj senĉese kreskas, dum la salajroj en la takak-ekspluatejoj plu estas malaltaj. Pro tio, la laboristoj plu luktas por siaj fundamentaj homaj rajtoj. 
La laboristoj de la tabak-ekspluatejoj de Norda Karolino en Usono kampanjas por akiri agnoskon de sia rajto pri organizado kaj kolektiva intertraktado, cele al plibonigo de siaj viv- kaj labor-kondiĉoj.
La laboristoj unuiĝis ene de la Farm Labor Organizing Committee (FLOC), kiun British American Tobacco rifuzas agnoski. BAT rifuzas ankaŭ konfesi sian kulpecon en la malkonstruo de la sindikatoj en la farmbienoj de siaj provizantoj. 
Bonvolu subteni la FLOC en ĝia kampanjo por la digneco de la laboristoj kaj homaj rajtoj.

Retmesaĝo

BAT devas agadi por meti finon al la malobservadoj pri homaj rajtoj en sia provizad-ĉeno. Ni urĝe petas de BAT, ke ĝi engaĝiĝu en sincerajn intertraktadojn kun la Farm Labor Organizing Committee (FLOC), cele al akiro de akordo, kiu plene garantias la rajtojn de la tabak-laboristoj organiziĝi kaj kolektive intertraktadi. 

Partnerece kun la Farm Labor Organizing Committee (AFL-CIO),

Kaj la Internacia sindikato pri Nutrado, Agrikulturo, Hotelo, Restoracio, Pladvendado, Turismo, Tabako kaj Aliiĝintaj laboristaj Asocioj (IUF)

 

https://www.youtube.com/watch?v=lOrEEZVAOu8

neniammilitointerni - dans Labourstart Kampanjo
21 juin 2021 1 21 /06 /juin /2021 21:39

21/06/2021

Laboristaj rajtoj estas homaj rajtoj.

Pasintan mardon, Labourstart ricevis du tre bonajn novaĵojn, kiujn ni deziras dividi kun vi.

Unue ni eksciis, ke Mourad Ghedia, prezidento de la Nacia federacio de la laboristoj en justico en Alĝerio, kiu estis enkarcerigita la 5an de aprilo, estis liberigita post la internacia kampanjo de la ISP en Labourstart. Kiel skribis al ni lia sindikato, Mourad « rekuniĝis kun sia familio danke al tiuj, kiuj partoprenis la vastan kampanjon de solidareco kaj subteno organizita de amikaj sindikatoj, de LabourStart, kaj de la internaciaj sindikataj organizaĵoj, kiuj interpelaciis la alĝeriajn aŭtoritatojn. Le SNAPAP / CGATA esprimas sian dankemon al ĉiuj, kiuj interpelaciis la registaron kaj la Respublikan Prezidentecon pri la afero Mourad Ghedia. Ĝi tutkore dankas la ISP kaj LabourStart pro ĉiuj streboj mobilizitaj en la internacia kampanjo.

Samtage, juĝisto de Turkio ordonis la liberigon de Cihan Erdal, kiu ankaŭ estas objekto de nuna kampanjo de LabourStart. Cihan estas libera atendante la konkludon de lia puna proceso. Kiel estis anoncite, « lia liberigo estas kondiĉa… ». Li devas restadi en Turkio kaj sin prezenti ĉe la surloka policejo du fojojn tage. Kvankam temas pri bona novaĵo, Cihan Erdal tamen plu estas submetita je kondiĉoj, kiuj malhelpas lin reiri al sia rezidejo en Otavo, Kanado, kaj apartigas lin de sia edzino kaj familio. Li riskas ankaŭ estontan enkarcerigon sur bazo de akuzoj, kiuj konsistigas evidentajn malobservadojn pri lia libereco je asociiĝo kaj esprimo. En tiaj cirkonstancoj, la lukto daŭras ».

12/05/2021                  

Labourstart Kampanjo : agadu tuj por helpi al liberigo de Cihan Erdal !

http://neniammilitointerni.over-blog.com/2021/05/labourstart-kampanjo-agadu-tuj-por-helpi-al-liberigo-de-cihan-erdal.html

https://www.labourstartcampaigns.net/show_campaign.cgi?c=4838

Se vi ne ankoraŭ faris tion, bonvolu dediĉi momenton por montri vian solidarecon kun Cihan kaj postuli lian rajton reiri en sian hejmon – alklaku ĉi tien :

https://www.labourstartcampaigns.net/show_campaign.cgi?c=4844

Tiuj ambaŭ eventoj estas nova pruvo pri la potenco de la novaj komunikaj teknologioj, kiam ili kongruas kun la tradicia sindikata solidareco. Ambaŭ provizas al ni taŭgajn kialojn fieri pri la laboro efektivigita por subteni la enkarcerigitajn sindikatanojn, ne nur en Alĝerio kaj Turkio, sed ĉie en la mondo.

Kiel vi eble scias, LabourStart lanĉas nun sian jaran monalvokon. La sindonemo de la individuaj sindikatanoj kaj de viaj sindikatoj senĉese mirigas nin kaj faras nin dankemaj.    

Bonvolu legi plu kaj donaci tion, kion vi povas - alklaku ĉi tien (en la angla) :

https://www.labourstart.org/pico/?en/2021fundraisingdrive

 

Dankon – kaj solidarecon por ĉiam !

Laboursart

neniammilitointerni - dans Labourstart Kampanjo
15 juin 2021 2 15 /06 /juin /2021 15:33

15/06/2021

Ĉiuj scias, ke la respondo de la brazila registaro al la krizo de Kovim-19 estis unu el la plej mistrafa en la mondo. Mortiga miksaĵo de neado, publika malobservado de la interpersona distanciĝo rekomenditaj de la Monda Organizaĵo pri Sano, kaj aktiva sabotado pri akirado de vakcinoj.

La sanitaraj aŭtoritatoj de la Ŝtato San-Paŭlo ne preparis la sansistemon kvankam ili sciis, ke la Kovim-19 disvastiĝas.

En marto 2020, la sindikato de la sanlaboristoj Sindsaúde-SP devis iri al la tribunalo, por ke la Ŝtatsekretario pri sano konsentu pri kunsido por priparoli la aranĝojn kontraŭ la pandemio, interalie pri la manko de materialoj pri individua protektado (MIP), kaj la testoj pri Kovim-19 por la laboristoj de la sansektoro.

Pluraj plendoj koncerne la mankon de MIP kaj la terurajn laborkondiĉojn estis publikigitaj en la amaskomunikiloj. La sindikataj gvidantoj Edson Fedelino kaj Marilurdes Silva de Faria estis intervjuitaj kaj menciitaj. Anstataŭ diskuti kun la laboristoj kaj ties sindikato por solvi tiujn problemojn, ilia dunganto decidis interrompi ilian laboron dum 30 tagoj sen salajro.

Bonvolu subteni tiujn sindikatajn gvidantojn, postulante tujan nuligon de la provizora eksigo de Edson kaj Marilurdes el ilia laborposteno.      

Retmesaĝo : 

Ni postulas tujan nuligon de la maljusta provizora eksigo de Edson Fedelino kaj de Marilurdes Silva de Faria el la malsanulejo das Clínicas de Ribeirão Preto.

La rajto de tiuj ambaŭ sanlaboristoj alparoli la amaskomunikilojn estas protektata de la brazila laborjuro, la brazila konstitucio kaj la Konvencio 98 de la Internacia Organizaĵo de Laboro koncerne la rajton al organizado kaj kolektiva intertraktado, ratifita de Brazilo la 18an de novembro 1952, kaj la Konvencio 151 pri la interrilatoj en laboro (publika servo), ratifita de Brazilo la 15an de junio 2010.

Exigimos a reversão imediata das injustas suspensões de Edson Fedelino e Marilurdes Silva de Faria do Hospital das Clínicas de Ribeirão Preto. 

O direito destes dois trabalhadores da saúde de falar aos meios de comunicação é protegido pela legislação trabalhista brasileira, pela Constituição Brasileira e pela Convenção 98 da Organização Internacional do Trabalho sobre o direito de sindicalização e negociação coletiva, ratificada pelo Brasil em 18 de novembro de 1952 e Convenção 151 Convenção Relativa à Proteção do Direito de Organização e aos Processos de Fixação das Condições de Trabalho na Função Pública, ratificada pelo Brasil em 15 de junho, 2010.

Partnerece kun la Internacio de la Publikaj Servoj, tutmonda federacio, kiu grupigas pli ol 700 sindikatojn kaj reprezentas 30 milionojn da laboristoj en 154 landoj kaj Sindsaúde-SP, la sindikato de la sanlaboristoj, kiu reprezentas 25 000 laboristojn en San-Paŭlo.

neniammilitointerni - dans Labourstart Kampanjo
12 juin 2021 6 12 /06 /juin /2021 20:57

12/06/2021

En junio 2020, Yachiyoda Alloy Wheel Co. Ltd maldungis 32 membrojn de la sindikato aliĝinta al la Konfederacio de la Industriaj Laboristoj de Tajlando (KILT). Kiam la aktivecoj de la entrepreno estis interrompitaj dum 4 semajnoj en majo kaj junio 2020, la sindikatanoj rifuzis sekvi la instrukciojn de la entrepreno, kiu trudis la laboristojn peti helpon de fonduso. Tiu ĉi intencis pagi al ili nur 62% el iliaj salajroj. En septembro 2020, la entrepreno maldungis 5 sindikatajn gvidantojn, inter kiuj Pichetsak Kansorn, Sakchai Sritanai kaj Sarawut Sunornkum. Ili estis akuzitaj, ke ili petis de membroj de la sindikato, ke ili infektu la produktadon de radoj en forno. La sindikato refutis la senbazan aserton. La entrepreno insistis pri la fakto, ke ĝi ne volas sindikaton.                          

Retmesaĝo :  

Mi subtenas la alvokon de la KILT kaj IndustriALL, kiuj postulas de Yachiyoda, ke ĝi reenpostenigu la 37 sindikatanojn kun nepagitaj salajroj, avantaĝoj kaj kromsalajroj pro servodaŭro. Mi urĝe petas de Yachiyoda, ke ĝi metu finon al la sindikata malkonstruado, kaj organizu socialan dialogon por diskuti pri la reenpostenigo kun la sindikato.

Partnerece kun la Konfederacio de la Industriaj Laboristoj de Tajlando (KILT)

kaj IndustriALL, kiu reprezentas 50 milionojn da laboristoj en 140 landoj en la sektoroj de minoj, energio kaj industrio, forto de universala solidareco, kiu luktas por pli bonaj laborkondiĉoj kaj sindikataj rajtoj en la tuta mondo.   

neniammilitointerni - dans Labourstart Kampanjo
2 juin 2021 3 02 /06 /juin /2021 14:45

02/06/2021

De post la 28-a de aprilo 2021, la kolombia popolo plenumas ĝeneralan strikon. Tiu striko komenciĝis reage al imposta reformo, kiu celis kreskigi enspezojn, plialtigante la akcizojn de la bazaj nutraĵoj kaj de la esencaj servoj kiel akvo, elektro, gaso kaj sanigo.     

La striko komenciĝis postulante intertraktadon koncerne la urĝan planon prezentitan al la registaro fare de la Nacia komitato de striko. Vastaj sektoroj de la loĝantaro, inkluzive de la sindikato ISP de Kolombio, kaj aparte la junularo, partoprenis amase al la manifestacioj sur la stratoj de la lando.   

La registaro de Ivan Duque respondis per represio kaj drastaj perfortoj. La Nacia komitato de striko denuncis almenaŭ 2 387 kazojn da policaj perfortoj, 50 mortintojn, 578 vunditojn (inter kiuj 40 viktimojn ĉe la okuloj), 524 malaperintojn, 1 200 arbitrajn enkarcerigojn, 21 kazojn da seksperfortoj kontraŭ virinoj kaj 87 kazojn da genraj perfortoj de post la komenciĝo de la mobilizado, kio konsistigas humanitaran krizon je grandamplekso.         

Sed la kolombianoj plu surstratiĝas kaj estas venkantaj. La imposta reformo estis forlasita, la ministro pri financoj eksiĝis kaj la kontestita leĝprojekto celanta privatigi la sansektoron estis forlasita.

La rajto pace manifestacii estas fundamento de la demokratio.

Kuniĝu kun la kolombia popolo por postuli de la registaro, ke ĝi ĉesigu la ŝtatan perforton, komencu tuj intertraktadojn kun la Nacia komitato de striko kaj respondu favore al la petoj de la Interamerika komisiono pri Homaj rajtoj (IKHR) kaj de la Alta Komisaro de la Unuiĝintaj Nacioj pri Homaj Rajtoj pri laborvizitoj en Kolombio.

Retmesaĝo :

Exijo al gobierno colombiano que ponga fin inmediatamente a la violencia contra los manifestantes y que inicie negociaciones con el Comité Nacional de Paro. El derecho a la protesta pacífica es fundamental para la democracia.

La oferta de la Comisión Interamericana de Derechos Humanos (CIDH) de visitar Colombia debe ser aceptada sin más demora.

 

Mi postulas de la kolombia registaro, ke ĝi tuj ĉesigu la perforton kontraŭ la manifestaciantoj kaj komencu intertraktadojn kun la Nacia komitato de striko. La rajto pace manifestacii estas fundamento de la demokratio.

La peto de la Interamerika komisiono pri Homaj rajtoj (IKHR) iri al Kolombio estu senprokraste akceptita.    

Partnerece kun Internacio de la Publikaj Servoj, internacia sindikata federacio, kiu grupigas pli ol 700 sindikatojn, kaj reprezentas 30 milionojn da laboristoj en 154 landoj, kaj la kolombiaj aliĝintoj de la ISP.  

neniammilitointerni - dans Labourstart Kampanjo
12 mai 2021 3 12 /05 /mai /2021 21:20

12/05/2021

De septembro 2020, Cihan Erdal, membro de la surloka sekcio 4600 de la SCFP, estas maljuste enkarcerigita en Turkio. La SCFP premas la kanadan registaron, ke ĝi subtenu Cihan Erdal, kiu prepariĝas al sia proceso, kiu okazos en majo. La SCFP ankaŭ petas de la Federala registaro fari ĉiujn siajn eblojn por akiri lian liberigon kaj lian revenon al Kanado en plena sekureco. La venontaj semajnoj estos decidigaj. Ni devas fari tiel, ke la defendo de Cihan Erdal fariĝu prioritato de agado por la turka registaro. 

La nacia prezidento de la SCFP, Mark Hancock, kaj la nacia kasisto-sekretario Charles Fleury, sendis leteron al la kanada ministro pri fremdaj aferoj Marc Garneau, en kio ili postulas tri precizajn aranĝojn, krom ripeto de la alvoko jam lanĉita pasintan aŭtunon fare de la SCFP, postulante de Kanado, ke ĝi defendu la interesojn de Cihan Erdal.        

Vi povas helpi nin, memorigante al la prokuroro de Ankaro, al la turka ministro pri Justico kaj al la turka prezidento la devigojn de ilia lando koncerne la personajn rajtojn, instigi ilin liberigi Cihan Erdal, kaj ebligi al li reveni hejmen.

Nia solidareco helpos Cihan reveni hejmen en plena sekureco.

Retmesaĝo 

Mi skribas al vi por atentigi vin pri la kazo de Cihan Erdal, universitatano kaj sindikatano, kiu estas malliberigita en Turkio de post lia aresto la 25-an de septembro 2020 kune kun aliaj universitatanoj, aktivuloj kaj opoziciaj politikuloj. Urĝas, ĉar lia proceso komenciĝos la 18an de majo 2021.

Cihan Erdal estas doktoriĝanta studento ĉe la universitato Carleton. Li loĝas en Kanado de 2017. Li reiris al Turkio en 2020 por viziti sian familion kaj fari surlokan laboron kadre de siaj doktoraj studoj. Cihan Erdal estis maljuste arestita kaj malliberigita surbaze de falsaj akuzoj, laŭ kiuj « li intence kaj memvole kontribuis al la plenumo de kontraŭleĝaj agoj okazintaj inter la 6an kaj 8an de oktobro 2014 (manifestacioj de Kobani) ». La akuza akto entenas nur du elementojn de pruvo kontraŭ li : du publikigaĵojn en Fejsbuko. Neniu el ili rilatas al la manifestacioj.

Mi postulas liberigon de Cihan Erdal, konforme kun la artikolo de 2018 de la Eŭropa Kortumo pri Homaj rajtoj, konfirmita de la artikolo de ties granda ĉambro de la 22a de decembro 2020. Ĉiuj akuzoj kontraŭ li kaj la aliaj membroj de lia partio enkarcerigitaj estu forlasitaj.     

Kadre de la lasta agadplano por la personaj rajtoj, la engaĝiĝoj de Turkio inkludas la respekton de lia supoza senkulpeco, kaj pli rapidan procezon por mallongigi la daŭron de lia provizora mallibereco. Mi esperas, ke Turkio prenos tujajn aranĝojn por liberigi Cihan Erdal sen kondiĉoj, kaj atentos pri lia reveno hejmen en Kanado en plena sekureco. 

Partnerece kun la Kanada sindikato de la dungitoj en la publika sektoro. Pli granda kanada sindikato.

https://www.youtube.com/watch?v=BjmeMv_1nP0

neniammilitointerni - dans Labourstart Kampanjo
Créer un blog gratuit sur overblog.com - Contact - CGU -
.date span.text {display:none ; }