La konfederacio de la sindikatoj de Azerbajĝano (Labor Desk Confederation of Trade Unions) alvokas al internacia solidareco, post la aresto pro politikaj kialoj, de ĝia prezidanto Afjaddin Mammadov kaj de ties sindikataj kolegoj Ajkhan Israfilov, Elvin Mustafajev kaj Mohjaddin Orujov. Tiuj arestoj enskribiĝas en la kadro de sistema represio kontraŭ la sendependaj sindikataj organizaĵoj en Azerbajĝano, kie la aŭtoritata reĝimo subpremas perforte ĉian rezistadon al novliberalisma ekspluatado kaj la memorganizado de la laboristoj.
Fondita en 2022, la Konfederacio subtenis la prekarajn kaj portempajn laboristojn pere de jurhelpo, de publika mobilizado kaj protestaj agadoj, kiuj estigis kruelajn reprezaliojn fare de la Ŝtato. La akuzoj kontraŭ la arestitaj aktivuloj, inkluzive de la manipulitaj akuzoj pri drogo kaj huliganismo, celas detruadi kreskantan laboristan movadon kaj silentigi ties gvidantojn. Ni postulas ilian tujan liberigon kaj alvokas la komunumon, ke ĝi agadu.
La enkarcerigo de Afjaddin Mammadov, Elvin Mustafajev, Ajkhan Israfilov kaj Mohjaddin Orujov estigas viglajn maltrankviliĝojn koncerne la represion motivigitan per politikaj konsideroj. La persekutoj engaĝitaj kontraŭ tiuj homoj kompromitas la internaciajn devigojn de Azerbajĝano koncerne la protektadon de la asociiĝa libereco kaj de la sindikata libereco, kiel priskribitaj en la konvencioj 87 kaj 98 de la Internacia Oganizaĵo de Laboro (IOL). Ni respekte petas de nia registaro, ke ĝi liberigu tuj la enkarcerigitajn aktivulojn, kaj adoptu signifajn aranĝojn por respekti la rajtojn de la laboristoj, la demokratiajn liberecojn kaj la internaciajn jurajn normojn.
Partnerece kun Labor Desk, alternativa sindikata konfederacio, kiu provizas senpagan jurhelpon, atentigas la publikon al la insida ekspluatado de la laboristoj en Azerbajĝano.
Education International (EI) kaj Eğitim Sen, ĝia aliĝorganizaĵo en Turkio, kondamnas la hejmarestadon de la ekzekutiva Buroo de la sindikato de la edukado, la perforton kaj timigon plenumintajn kontraŭ la edukistoj kaj la protestantajn civitanojn kadre de la ĵusa kontraŭ-demokrata represio.
Preskaŭ 2 000 homoj, inter kiuj studentoj, ĵurnalistoj kaj advokatoj, estis ankaŭ arestitaj.
Dum la sendependaj sindikatoj de Turkio suferas egan premon fare de la pli kaj pli aŭtoritata reĝimo de Erdoğan, tiu lasta atako markas signifan kreskadon kaj prilumas la afliktan erodon de la demokratio kaj de la rajtoj en la lando.
Mi estas solidara kun la gvidantaro kaj la instruistoj membroj de la sindikato de la edukado Eğitim Sen.
La 25-an de marto, la instruistoj membroj de Eğitim Sen kondukis sindikatan agadon solidarece kun la protestantaj studentoj kaj kontraŭ la kreskanta kontraŭdemokratia represio, kiu celas detruadi la universitatan memstarecon kaj liberecon.
Mi alvokas la turkajn aŭtoritatojn: ili forlasu ĉiujn striktigojn koncerne la sindikatajn rajtojn. Subtenu kvalitan publikan instruadon, kiu promocias ne-diskriminacion kaj la lernadon bazitan sur scienco. Respektu kaj intertraktadu kun Eğitim-Sen. Forlasu ĉiujn senbazajn akuzojn kontraŭ la gvidantoj de Eğitim-Sen.
Ĉi-semajne, ni ricevis bonegan novaĵon : nia fratoIsmet Aslan, turka sindikatano, estis liberigita.
Kiel diris liaj kolegoj de la turka sindikata movado, « la kampanjo de Labourstart kontribuis atentigi la tutmondan publikan opinion, dank’al preskaŭ 5000 subskribintoj, kiuj montris la potencon de la internacia solidareco… Ni dankas ĉiujn, kiuj subtenis la kampanjon - via solidareco faris la diferencon ».
La laboristoj de la kinejoj Alamo Drafthouse de Broklino kaj Manhatano (en Novjorko) nun strikas por protesti kontraŭ la maldungo de 70 membroj de la sindikato la 3an de februaro. La entrepreno unuflanke decidis plenumi maldungojn meze de procedo de intertraktado pri nia unua kontrakto.
Tiuj laboristoj estis maldungitaj sen antaŭavizo, sen monkompensoj nek prestaĵoj.
Tiuj maldungoj estas kontraŭleĝaj, ĉar la entrepreno deklaris haltigon de la maldungoj, dum ambaŭ partoj plu intertraktas pri unua kontrakto. La sindikato plendis pro mallojala praktiko ĉe laNational Labor Relations Board kaj strikas de post la 14a de februaro. Ĝia celo estas akiri de la entrepreno, ke ĝi reenpostenigu la maldungitajn laboristojn, ke ĝi monkompensu ilin kaj intertraktadu sincere kun la sindikato cele al konkludo de unua kontrakto.
Kelkaj el niaj kolegoj ankaŭ kondukas kampanjon de monkolekto, monhelpo por la maldungitaj kaj strikantaj laboristoj, por tiuj kiuj deziras subteni niajn strebojn.
Kiel defendanto de la laboristaj rajtoj, mi skribas al vi por informi vin, ke mi plene subtenas la laboristojn de la kinejoj Alamo Drafthouse. Mi postulas de vi, ke vi intertraktu sincere kun NYC Alamo United kaj reenpostenigu la laboristojn kontraŭleĝe maldungitajn en Broklino kaj Manatanho la 3an de februaro 2025. La kuiristoj, trinkejistoj, servistoj, telerlavistoj, purigistoj kaj kortistoj kiuj administras la kinejojn kaj estigas profitojn ne estas elĵetindaj. Ili estas kvalifikaj kaj spertataj laboristoj, havas vastajn konojn pri la instalaĵoj kaj ĉefe estas homoj, kiuj havas pagendajn fakturojn kaj familianojn por nutri. Mi petas, ke vi faru vian eblon, kaj intertraktadu kun la sindikato por akiri tuj akordon pri tiu demando.
Partenerece kunNYC Alamo United, aliĝinta al United Auto Workers Local 2179.
La asociiĝa libereco ne ekzistas en Belorusio. La 19an de aprilo 2022, la burooj de la demokrataj sindikatoj de Belorusio suferis polican sturmon, sindikataj gvidantoj kaj aktivuloj estis arestitaj. En julio 2022, la sindikatoj estis deklaritaj eksterleĝaj, kaj agadi en ilia nomo estas konsiderate kiel krimo. 29 sindikatanoj, akuzitaj pro ekstremaj kaj teroristaj aktivecoj, plu estas enkarcerigitaj en malliberejoj kaj punkolonioj, kondamnitaj ĝis 15 jaroj da prizono. Ni alvokas la registaron de Belorusio, ke ĝi metu finon al la represio kontraŭ la laboristoj, liberigu la politikajn malliberulojn kaj la sindikatanojn kaj restarigu la asociiĝan liberecon en Belorusio.
Ni alvokas la registaron de Belorusio, ke ĝi haltigu la represion kontraŭ la laboristoj, liberigu la politikajn malliberulojn kaj la sindikatanojn, kaj restarigu la asociiĝan liberecon en Belorusio.
Partnerece kun la Belorusa Kongreso de la demokrataj sindikatoj (BKDP), belorusa sindikata asocio likvidita fare de la Ŝtato, kaj Salidarnast e.V., homhelpa asocio registrita en Germanio kaj bazita en Bremeno, fondita de sindikataj gvidantoj kaj aktivuloj de Belorusio, kiuj estis devigitaj forlasi la landon post la likvido kaj la represio kontraŭ la demokrataj sindikatoj.
21/04/2023
Belorusio: Labourstart Kampanjo: Sindikata aktiveco ne estas ekstremismo !
La kanada teknologia entrepreno Telus provizas servojn al TikTok kaj aliaj grandaj entreprenoj kadre de siaj aktivecoj en Turkio.
Tamen, la laboristoj, kiuj okupas tiujn « profitdonajn » postenojn estas premitaj pro malaltaj salajroj kaj laborkondiĉoj psikologie elĉerpitaj. Le rendimentaj celoj estas konstante altigitaj, laborsekuro ne ekzistas kaj arbitraj maldungoj okazas.
La laboristoj de Telus sindikataniĝis por postuli kolektivan konvencion. Responde, la entrepreno komencis maldungi sindikatajn reprezentantojn kaj modifis sian juĝan statuson por malhelpi la sindikatajn aktivecojn.
La laboristoj, kiuj stariĝas nun sur strikposteno antaŭ la buroo de Telus en Izmiro, postulas pli bonajn laborkondiĉojn, agnoskon de siaj sindikataj rajtoj kaj reenpostenigon de siaj maldungitaj kolegoj.
La laboristoj de Telus TikTok luktas por pli bonaj laborkondiĉoj por siaj familioj kaj ĉiuj kontraktaj laboristoj. Ni ne povas ignori ilian lukton, ni estu solidaraj !
La laboristoj sindikataniĝis por postuli justajn salajrojn, sekurajn laborpostenojn kaj pli bonajn laborkondiĉojn. Anstataŭ respekti iliajn rajtojn, Telus respondis per maldungoj kaj kontraŭsindikataj taktikoj. Ni petas de Telus, ke ĝi reenpostenigu tuj la maldungitajn laboristojn, agnosku iliajn sindikatajn rajtojn kaj engaĝu sincerajn intertraktadojn. Respektu la rajtojn de la laboristoj kaj haltigu tuj damaĝi la sindikatojn !
Partnerece kun UNI Global Union (kiu reprezentas pli ol 20 milionojn da laboristoj en la servo-sektoro en 150 landoj), United Steel Workers Canada (la plej granda sindikato en la privata sektoro en Nordameriko), Çağrı-İş kaj Sosyal-İş, sindikatoj kiuj reprezentas la laboristojn en oficejo, komerco kaj telefonvokocentro en Turkio.
Ismet Aslan, gvidanto de la Konfederacio de sindikatoj de funkciuloj (KESK), estis arestita de la sekurfortoj la 7an de oktobro 2024. Li estas de tiam detenita en la malliberejo de Silivri. La ĝenerala prokuroro decidis devigan konfidencon pri la dosiero, konsekvence, detalaj informoj pri la akuzo ne disponeblas. Aslan laboras kiel respondeculo de la kolektivaj konvencioj kaj la juraj aferoj ĉe la KESK de ĉirkaŭ 20 jaroj. Krome, li suferas ian haŭtkanceron, kiu necesigas kontinuan medicinan traktadon. Ni petas de vi iniciati liberigon de İsmet Aslan. Sendante leteron al la ministrejo pri justico, vi povas peti de tiu ministrejo, ke ĝi liberigu la sindikatanon, İsmet Aslan.
Ismet Aslan, gvidanto de la Konfederacio de sindikatoj de funkciuloj (KESK), estis arestita de la sekurfortoj la 7an de oktobro 2024. La ĝenerala prokuroro decidis devigan konfidencon pri la dosiero, konsekvence, detalaj informoj pri la akuzo ne disponeblas. Krome, li suferas ian haŭtkanceron, kiu necesigas kontinuan medicinan traktadon, kaj lia enkarcerigo reprezentas gravan riskon por lia sano. Mi urĝe postulas tujan liberigon de Ismet Aslan kaj provizadon de la necesaj medicinaj flegadoj.
Partnerece kun la Konfederacio de sindikatoj de funkciuloj en Turkio. Ĝi estas unu el la plej grava sindikata federacio en Turkio kaj aniĝas al ITUC kaj ETUC.
Panicha Kanyana kaj Anucha Chaipha estis provizore eksigitaj de la entrepreno post la organizado de 400 laboristoj en 2023 fare de ilia sindikato Thailand Autoparts and Metal Workers Union (TAM). YPC ankaŭ translokis 38 sindikatanojn al aliaj departementoj, rifuzis kromajn laborhorojn kaj atribuis al ili malraciajn rendimentajn indicojn. La sindikatanoj estis ankaŭ minacitaj de portempaj laborkontraktoj kaj eksteraj laboristoj estis dungitaj. Tiuj praktikoj konsistigas malobservadojn de la tajlanda leĝo koncerne la laborrilatojn, kaj la internaciajn labornormojn.
Panicha Kanyana luktas por siaj laborrajtoj ĉe la tribunalo, dum Anucha Chaipha, kiu estis redungita, frontas ĉiutagan diskriminacion sur sia laborposteno, ne rajtas efektivigi kromajn laborpostenojn kaj estas devigita fari sengravajn taskojn
YPC Precision devas tuj meti finon al la malfondo de la sindikato, reenpostenigi Panicha Kanyana en lian originan postenon, pagi la nepagitajn salajrojn, kaj meti finon al ĉia diskriminacio kontraŭ Anucha Chaipha.
La direkcio de YPC respektu la tajlandan leĝon pri la laborrilatoj, kaj la internaciajn normojn pri laboro. La detruado de la sindikatoj kaj la diskriminacio kontraŭ membroj de la TAM ĉesigu tuj. La direkcio reenpostenigu Panicha Kanyana al sia origina posteno kun pago de la nepagitaj salajroj, kaj meti finon al ĉiaj diskriminacioj kontraŭ Anucha Chaipha.
Partnere kun IndustriALL Global Union kaj Confederation of Industrial Labour of Thailand (CILT).
La rajtoj de la laboristoj en Pollando estas grave minacitaj. PKP Cargo S.A, unu el la plej grandaj entreprenoj de fervoja vartransporto en la lando restrukturiĝas kaj malobservas el evidenta maniero la leĝojn, normojn kaj rajtojn, kiuj protektas la sindikatajn aktivecojn en Pollando. La entrepreno praktikas diskriminacion kontraŭ membroj de la sindikato « Solidarność », maljuste celante ilin cele al maldungo, inkluzive de gravaj sindikataj reprezentantoj en la naciaj kaj lokaj strukturoj en la fervoja sektoro.
Tiu kontraŭleĝa kaj senprecedenca agado de la direkcio de la PKP Cargo S.A. sapeas la fundamentajn principojn de la socia dialogo inter dungantoj kaj dungitoj reprezentitaj pere de siaj sindikatoj.
Inter la maldungitaj personoj figuras gravedaj virinoj, izolitaj parencoj (inkluzive de tiuj, kiuj okupiĝas pri handikapitaj infanoj), subtenantoj de unikaj familioj kaj laboristoj, kiuj profitas protektadon antaŭ emeritiĝo. Tiaj agadoj ne nur malobservas la fundamentajn principojn de la sociala respondeco, sed ankaŭ reprezentas nehumanan kaj kontraŭleĝan atakon kontraŭ la plej vundeblaj kaj plej protektitaj grupoj de la socio.
Ni bezonas vian helpon por sendi klaran mesaĝon al PKP Cargo kaj pola registaro. Ĉesigu atakon kontraŭ la rajtoj de la laboristoj kaj engaĝu konstruktivan dialogon kun la sindikatoj.
Mi plene subtenas la alvokon de la Eŭropa federacio de la transport-laboristoj meti finon al la atakoj kontraŭ la rajtoj de la laboristoj PKP Cargo S.A, kaj mi urĝe postulas de la direkcio, ke ĝi engaĝu konstruktivan dialogon kun la sindikatoj. Mi postulas tujan reenpostenigon de ĉiuj laboristoj maljuste maldungitaj kaj firme kondamnas la kontraŭleĝajn kaj senprecedencajn agadojn de la direkcio de PKP Cargo S.A.. Tiuj agadoj malobservas ne nur la naciajn polajn leĝojn, sed ankaŭ la rajtojn pri asociiĝa libereco, garantiata de la Eŭropa ĉarto de la fundamentaj rajtoj kaj la konvencioj de la OIL.
Partnerece kun la Eŭropa federacio de la transport-laboristoj, transeŭropa organizaĵo, kiu grupigas la transportajn sindikatojn de Eŭropa Unio, la Eŭropa Ekonomia Areo kaj landoj de Centra kaj orienta Eŭropo. Hodiaŭ, la ETF reprezentas pli ol 5 milionojn da transport-laboristoj el pli ol 200 transportaj sindikatoj kaj 38 eŭropaj landoj. Tiuj laboristoj ĉeestas en ĉiuj sektoroj de la transport-industrio, sur tero, en maro kaj en la aeroj.
China Steel Express (CSE), la plej lukra filio de la plej granda publika entrepreno de Tajvano, China Steel Corporation (CSC), ekspluatas de longe la tajvanajn maristojn pere de kontraŭleĝaj portempaj kontraktoj. Hodiaŭ, CSE anstataŭigis la tajvanajn maristojn per membroj de ĉinaj skipoj. Konsekvence, pli ol 300 maristoj perdis sian laborpostenon. En julio, CSE bruske nuligis la asekuron de pli ol 100 maristoj por trudi aliajn laboristojn forlasi sian laborpostenon. Por defendi siajn rajtojn, la sindikato de la CST organizis baloton pri ekstriko. El 487 membroj, 371 (76%) subtenis la strikon. Tiu amasa subteno atestas pri ilia decidego protekti sian laborrajton kaj markas la unuan strikon en la historio de la tajvana marsektoro.
Mi subtenas la postulojn de la sindikato de la China Steel Express en Tajvano por defendi sian laborrajton. Mi subtenas ankaŭ ilian alvokon al la tajvana registaro, ke ĝi enketu pri la kialoj de la striko kaj komprenu, kial la maristoj ne havis alian elekton. Krome, mi subtenas la alvokon lanĉitan al China Steel Express, ke ĝi restarigu la asekuron de la maristoj, kaj donu prioritaton al dungado de naciaj maristoj.
Partnerece kun la CSEU kaj la asocio Serve the People (SPA).
/image%2F0553642%2F20170724%2Fob_8aeb1c_logo.jpg){kind=logo}
/image%2F0553642%2F20250424%2Fob_965b1b_5634.jpg)
/image%2F0553642%2F20250424%2Fob_d4573b_istockphoto-511572803-612x612.jpg)
/image%2F0553642%2F20250424%2Fob_84675d_labor-desk.jpg)
/image%2F0553642%2F20250421%2Fob_e2f8d1_5633.jpg)
/image%2F0553642%2F20250421%2Fob_1afda5_mapo.jpg)
/image%2F0553642%2F20250421%2Fob_257e30_egitim-sen.jpg)
/image%2F0553642%2F20250421%2Fob_fa18a4_ei2017.jpg)
/image%2F0553642%2F20250329%2Fob_d12b50_logo.jpg){kind=logo}
/image%2F0553642%2F20250329%2Fob_21437a_enkarcerigita.jpg)
/image%2F0553642%2F20250322%2Fob_e33632_5617.jpg)
/image%2F0553642%2F20250322%2Fob_7fead0_mapo.jpg)
/image%2F0553642%2F20250322%2Fob_052f87_alamo.png)
/image%2F0553642%2F20250314%2Fob_ccc5aa_5604.png)
/image%2F0553642%2F20250314%2Fob_404d8a_128251813-bbcmp-belarus.jpg)
/image%2F0553642%2F20250314%2Fob_4616d0_logos.jpg)
/image%2F0553642%2F20250314%2Fob_bf52e2_ekstremismo.png)
/image%2F0553642%2F20250314%2Fob_414a28_jarcento.jpg)
/image%2F0553642%2F20250217%2Fob_9ec36e_tiktok.png)
/image%2F0553642%2F20250217%2Fob_3c6679_telechargement.jpg)
/image%2F0553642%2F20250217%2Fob_315939_uni.jpg)
/image%2F0553642%2F20241201%2Fob_2ee467_5552.jpg)
/image%2F0553642%2F20241201%2Fob_31eb86_128716565-bbcm-turkey-country-profile.jpg)
/image%2F0553642%2F20241201%2Fob_f93df8_kesk.jpg)
/image%2F0553642%2F20241130%2Fob_2f5101_5556.png)
/image%2F0553642%2F20241130%2Fob_4bae25_129877980-bbcm-thailand-country-profi.png)
/image%2F0553642%2F20241130%2Fob_12995e_tam.jpg)
/image%2F0553642%2F20240929%2Fob_f59262_1711131162720.jfif)
/image%2F0553642%2F20240929%2Fob_97e607_poland.png)
/image%2F0553642%2F20240929%2Fob_deaf37_etf-logo-mark-new.png){kind=logo}
/image%2F0553642%2F20240923%2Fob_06bbf3_5517.jpg)
/image%2F0553642%2F20240923%2Fob_480640_128463528-bbcmp-taiwan.jpg)
/image%2F0553642%2F20240923%2Fob_c43af2_spa.jpg)