Overblog
Suivre ce blog Administration + Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton!

Ekde 03/01/2012

free counters
Free counters

Bonvenon

23 août 2021 1 23 /08 /août /2021 14:46

23/08/2021

Blaise Droz estas ĵurnalisto ĉe la « Journal du Jura ». Li interparolis kun du prizorgantoj de la liberecana kooperativo «Espace Noir» (« Nigra lokalo »), fondita en St-Imier (Svislando) en 1986, inter kiuj la simbola reprezentanto Michel Némitz, 62-jara. Jen la konstato de la ĵurnalisto : « Ilia celo estas senhierarkia socio. Tio tute ne ekskludas ekzistadon de socia organizo, kiu kuraĝigas la respondecon de ĉiu ».

En St-Imier (Svislando), anarkiista lulilo de post 1872, la prizorganto de la kooperativo Nigra lokalo ne obeas la politikulojn, sed aŭskultas la sciencistojn.

Kion faras anarkiisto fronte al la pandemio ? 

Ĉu li emas surstratiĝi por kontraŭi la surhavon de masko aŭ la vakcinan pasporton ?

« Mi ricevis vakcinon de antaŭ pluraj semajnoj », anoncas Michel Némitz.

Ĉu pro obeemo aŭ pro konvinko ?

« Tion mi faris senhezite, ne ĉar la politikistoj petas tion de mi, sed ĉar rekomendas al mi ja sciencistoj », mencias la anarkiisto, aldonante pri la franca prezidento Emmanuel Macron, ke « metodoj tro aŭtoritataj estas kontraŭ-efikaj ».

 

Socia grava problemo

« Mi fidas la konsilojn de la scienca komunumo », daŭrigas  Michel Némitz promesante, ke li neniam parolas en trinkejo ĉirkaŭ tablo kvazaŭ li estus epidemiologiisto...

Ne ribelo ? « La anarkiistaj medioj montras komprenemon kaj volemon, kiam grava socia problemo okazas », asertas Michel Némitz.

Kvankam li opinias « kompreninda », ke oni respektu la personajn interesojn de ĉiu, evitante kiel eble la truddevigojn, la anarkiisto de St-Imier opinias « necese » respekti « la regulojn, kiuj estas justaj, cele al protektado de la tuta komunumo ».

 

Nocio de « egoo »

Ankaŭ vakcinita, lia amiko Axl Van der Beken, 26-jara, ne diras ion alian : « La libereco ne povas manifestiĝi sen respondeco », li diras. Laŭ li, tiuj, kiuj manifestacias kontraŭ la sanitaraj aranĝoj nur defendas nocion de « egoo », kaj ne havas universalan mondkoncepton. 

« Se ni akceptas evidentajn truddevigojn fronte al tiu pandemio, tio ne estas pro timo por ni mem, sed pro la volo akiri rimedojn, kiuj ebligos eliri tiun situacion kiel eble plej rapide, kun plej malmulte da homaj damaĝoj », opinias Axl Van der Beken.

Tiuj paroloj de anarkiistoj okazas en la urbo, kie Miĥail Bakounin fondis en 1872 la kontraŭ-aŭtoritatan Internacion, kiu estas la fondinta evento de anarkiismo, kaj kie la rusa teoriulo, kiu kontraŭis la germanan socialiston kaj komuniston Karl Marx, havas straton je sia nomo de post 2017.

https://www.lematin.ch/story/les-anarchistes-aussi-se-font-vacciner-542373956269

19/08/2021

Kovim-19 : Neregistaraj Organizaĵoj denuncas la eksportadon de sud-afrikaj vakcinoj al la « riĉaj »landoj

http://neniammilitointerni.over-blog.com/2021/08/kovim-19-neregistaraj-organizajoj-denuncas-la-eksportadon-de-sud-afrikaj-vakcinoj-al-la-ricaj-landoj.html

18/08/2021

Gvadelupo : la selekto de la pacientoj trafitaj de la Kovim-19 por akcepto en intensflego okazas nun ekde 50-jaraĝa

http://neniammilitointerni.over-blog.com/2021/08/gvadelupo-la-selekto-de-la-paciencoj-trafitaj-de-la-kovim-19-por-akcepto-en-intensflego-okazas-nun-ekde-50-jaraga.html

25/07/2021

Usono : radio-parolisto, kiu kontraŭis vakcinon, estas trafita de la Kovim-19, kaj ŝanĝas sian opinion

http://neniammilitointerni.over-blog.com/2021/07/usono-radio-parolisto-kiu-kontrauis-vakcinon-estas-trafita-de-la-kovim-19-kaj-sangas-sian-opinion.html

13/07/2021

Ugando : « Ni havas la monon, sed ne povas akiri vakcinojn »

http://neniammilitointerni.over-blog.com/2021/07/ugando-ni-havas-la-monon-sed-ne-povas-akiri-vakcinojn.html

27/01/2021

Monda Ekonomia Forumo: la sud-afrika prezidento forte kritikas la riĉajn landojn, kiuj akaparas la vakcinojn kontraŭ la Covid-19

http://neniammilitointerni.over-blog.com/2021/01/monda-ekonomia-forumo-la-sud-afrika-prezidento-forte-kritikas-la-ricajn-landojn-kiuj-akaparas-la-vakcinojn-kontrau-la-covid-19.html

neniammilitointerni - dans Kronviruso
19 août 2021 4 19 /08 /août /2021 21:32
Fotisto : Alet Pretorius/AP

19/08/2021

Ĝis nun, malpli ol 2% el la afrika loĝantaro estas plene vakcinitaj, laŭ la Monda Organizaĵo pri Sano (MOS).

NROj denuncas la eksportadon de vakcinoj kontraŭ la Kovim-19 de Sud-Afriko al la « riĉaj » Eŭropo kaj Usono, dum malpli ol 2% el la 1,3 miliardo da Afrikanoj estas ĝis nun vakcinitaj.

Johnson & Johnson « deturnas la dozojn de tiuj, kiuj vere bezonas ilin al la plej riĉaj landoj de la planedo », deklaris Fatima Hassan, aktivulino ĉe la sud-afrika NRO Health Justice Initiative, kiu denuncas « vakcinan apartigon » kaj « koloniisman » politikon ».

 

Eksportado

Dozoj de la usona entrepreno estas kunmetitaj kaj enskatoligitaj en Sud-Afriko fare de la farmacia giganto Aspen en Gqeberha (eksa Port Elizabeth), sude de la lando. « Milionoj da dozoj »  da vakcinoj kontraŭ la Kovim estas produktitaj en tiu unua uzino situanta en Afriko. Mardon 17an de aŭgusto, pluraj NROj raportis en komunikaĵo, ke de marto, tiu produktado estas eksportitaj al Eŭropo kaj Usono.

« La estroj de la farmaciaj entreprenoj kaptas la okazon por enkasigi monon, ignorante la mortintojn en Afriko », asertas Mohga Kamal-Yanni de la People's Vaccine Alliance citita en la komunikaĵo. La prioritato estas sisteme donita « al la Eŭropanoj kaj Nord-amerikanoj malprofite al la Afrikanoj », emfazas la doktoro Matthew Kavanagh, kiu laboras en la Instituto pri sanrajto ĉe la Usona Universitato de Georgetown.

 

Intelekta propraĵo

Sud-Afriko estis la ĉefrolulo en la lukto por provizora ĉesigo de la Intelekta propraĵo de la vakcinoj kontraŭ la Kovim, kaj surloka produktado de vakcinoj je kiel eble malplej alta kosto.  

Ĝia prezidento Cyril Ramaphosa plurfoje denuncis publike la neegalecon en la aliro al la dozoj, precipe por la afrikaj landoj.

Substrekante « gravan etapon » en la historio de Afriko, Aspen anoncis fine de julio la liveron de la unuaj dozoj fabrikitaj surloke. La entrepreno antaŭe anoncis en komunikaĵo, ke vakcinoj estos ankaŭ liveritaj al EU « kaj al aliaj fremdaj merkatoj ».

Ĝis nun, malpli ol 2% el la afrika loĝantaro estas plene vakcinitaj, laŭ la Monda Organizaĵo pri Sano (MOS). Afriko enkalkulas pli ol 7,3 milionojn da kazoj kaj 185 000 mortintojn.

18/08/2021

Gvadelupo : la selekto de la pacientoj trafitaj de la Kovim-19 por akcepto en intensflego okazas nun ekde 50-jaraĝa

http://neniammilitointerni.over-blog.com/2021/08/gvadelupo-la-selekto-de-la-paciencoj-trafitaj-de-la-kovim-19-por-akcepto-en-intensflego-okazas-nun-ekde-50-jaraga.html

neniammilitointerni - dans Kronviruso
18 août 2021 3 18 /08 /août /2021 21:12
©L. Gaydu

18/08/2021

Antiloj estas trafitaj de senprecedenca epidemia ondo de Kovim-19 en Francio. La sanservoj estas tiel superŝutitaj, ke la selekto de pacientoj estas nun realaĵo, kun kriza aĝo, kiu estis malaltigita al 50-jaraĝa.

Kun incidenco de preskaŭ 2 000 kazoj por 100 000 loĝantoj, la kvara ondo de epidemio Kovim-19, imputata al la tre kontaĝa varianto Delta, atingas kulminon en Antiloj. La konsekvenco estas, ke la sanservoj kaj la malsanulejoj estas saturitaj, superŝutitaj. 

La situacio estas tiel kriza, ke la selekto de la pacientoj ĉe la eniro, kaj ĉefe ĉe akcepto en intensflega fako fariĝis realaĵo. De post lundo, tiu selekto okazas ekde 50-jaraĝa, raportas pluraj sanprofesiuloj senditaj el la metropola teritorio kiel helpantoj. Konfirmas tion hospitala informfonto.

 

« La homoj mortas en la koridoroj »

Tio estas la kazo de tiuj du flegistinoj de la hospitalo de Dunkirko, kiuj alvenis Gvadelupen pasintsemajne. Ili atestas pri la ekstrema malfacileco de sia laboro en la malsanulejo de Pointe-à-Pitre kaj pri la efektivigo de la selekto : « La masanuloj aĝaj pli ol 50 jaroj kaj tiuj pli junaj, kiuj suferas pri almenaŭ unu kunmalsano ne plus estas intubitaj… La homa morteco estos grandega malgraŭ ĉiuj bonaj intencoj. Tagon post tago ni konscias, ke la situacio estas katastrofa ! La homoj mortas en la koridoro pro manko de loko ».

Tri tagojn antaŭen, tiu fatala sojlo estis la aĝo de 60-jara. Tiu aĝo jam ŝajnis malmulte alta por efektivigi tian selekton. Neniam la metropolo spertis tian situacion eĉ dum la kulmino de la pandemio.

Alia atesto, tiu de flegistino de Béthunes, ankaŭ sendita surloken kaj kolektita de ĵurnalistoj de l’Écho de la Lys, raportas same : « Hodiaŭ, se vi estas malpli ol 50-jara, vi povas esti rifuzita en intensflego. Plian fojon, ni malprogresas. Se vi estas pli ol 50-jara, vi bedaŭrinde ne ricevas la flegadon,  kion vi povus atendi ». Kaj ankaŭ ŝi denuncas « katastrofan situacion ».

Memorige, la vakcina protektado en Antiloj estas trioble malsupera ol tiu de la metropola teritorio.       

En video-mesaĝo dediĉita al la loĝantoj de Latin-Ameriko, Francisko instigis ricevi vakcinon kontraŭ la kronviruso : simpla gesto sed profunda por pli bona estonteco. La episkopoj de la sudo kaj nordo de la kontinento subtenas la Papon : ni respondecu pri la komuna havaĵo, ĉar ni estas tutmonda familio.

Vakciniĝi estas simpla maniero promocii la komunan havaĵon, kaj interflegi nin reciproke, aparte por la plej vundeblaj.

https://www.youtube.com/watch?v=C-isNHmNxlQ&t=36s

neniammilitointerni - dans Kronviruso
31 juillet 2021 6 31 /07 /juillet /2021 19:53

31/07/2021

Tokio ne vere interesiĝas pri la Olimpikoj. Tiujn lastajn tagojn, Japanio spertis maltrankvilegan nombron de infektado per la Kovim-19. Nur vendrede, pli ol 3 300 personoj estis testitaj pozitive en la ĉefurbo, 10 000 landnivele tagon antaŭe. Tiuj niveloj neniam estis antaŭe atingitaj. La urĝa stato estas plidaŭrigita kaj plivastigita al la granda ĉirkaŭaĵo de la gastiganta urbo.  

« La homoj volas ĉesigon de tiuj Olimpikoj, ĉar ĉiuj ĉi urĝaj statoj ŝajnas plenaj je maltaŭgeco kaj maljusteco. Ili fundamente kontraŭas la akcepton de la Olimpikoj. Ŝajnas al ili, ke tio okazas malprofite al la popolo », eksplikas Ĉing Li Tor surloka ĵurnalisto, kiu raportas pri la Olimpikoj.

Siaflanke, la  Internacia Olimpika Komitato (IOK) sin defendas, ke ĝi kontribuis al plivastiĝo de la viruso. Laŭ la organizantoj, la sanitara protektado ĉirkaŭ la ludoj estas efika. Malgraŭ ĉio, kelkaj japanaj fervoruloj, forpuŝitaj ekster la stadionoj, plu entuziasmiĝas.             

« Kvankam ni spertas urĝan staton, esti la gastiga urbo de la Olimpikoj estas evento, kiu okazas nur unu fojon en la vivo, do ni volas travivi tion », atestas viro. 

Tiu evento finfine estos multekosta por la japanoj. Tokio 2020 estas ekde nun la plej multekostaj Olimpikoj el la historio : 15,5 miliardoj da dolaroj. Koncerne la atenditan enspezon, ĝi estos ege malpli alte ol antaŭvidite, pro la konsekvencoj de la foresto de publiko.        

neniammilitointerni - dans Kronviruso
13 juillet 2021 2 13 /07 /juillet /2021 21:19
Fotisto : Nicholas Bamulanzeki/AP

13/07/2021

Dum la afrika kontinento frontas viglegan ondon de Kovim-19 (covid-19), uganda ministro, Chris Baryomunsi, denuncas en la ĵurnalo The Guardian  la mankon de solidareco de Okcidento.

Kontraŭ la tutmondaj pandemioj, la okcidentaj rimedoj estas rezervitaj al la okcidentuloj. En januaro, Cyril Ramaphosa, sud-afrika prezidento de la Afrika Unio (AU) stariĝis kontraŭ la « vakcina naciismo » de la riĉaj landoj. Kelkajn monatojn poste, dimanĉon 11an de julio, la uganda ministro pri Telekomunikado, la epidemiologiisto Chris Baryomunsi siavice kritikis la okcidentan egoismon en la brita ĵurnalo The Guardian :

« Ni havas la monon, sed ne povas akiri vakcinojn, tutsimple. Ni ne povas kalkuli je la okcidenta mondo, kiu koncentriĝas al sia propra loĝantaro ».

 

Ĉu prognozebla katastrofo ?

La problemo estas, ke Afriko, kiu estis relative domaĝita de la unuaj ondoj de Kovim-19, draste mankas nun pri artefaritaj ventoliloj, litoj, kaj ĉefe vakcinoj. La ĉeesto de la kontaĝa varianto Delta sur sia teritorio estigis gravan ondon de infektadoj kaj mortoj.  

Ekzistas « reapero de la viruso en 16 afrikaj landoj » (interalie en Demokrata Respubliko Kongo, Ugando, Sud-Afriko), kaj almenaŭ « 251 000 novaj kazoj estis censitaj en daŭro de semajno », alarmas The Guardian. Sume, la pandemio ŝajne kaŭzis la morton de 151 000 personoj sur la kontinento, sed tiu nombro – same kiel tiu de la novaj infektadoj – estas tre subtaksita pro la statistikaj mankoj.

Koncerne la iniciativon Covax, la programo de la Monda Organizaĵo pri Sano (MOS), kiu celas disdividon de la vakcinaj dozoj, ĝi estas malsukceso : nur 26 milionoj da dozoj estis disdonitaj pere de tiu ilo (Sume 70 milionoj), por 1,3 miliardoj da loĝantoj. Fine, nur 1% el la Afrikanoj profitis unuan dozon.

Ĉu tia scenaro estis prognozebla ? En januaro, la Ŝtatestroj de Okcidenta Afriko, kunigita okaze de pintkunveno tamen engaĝiĝis lukti « kontraŭ la viruso de neegalecoj ».  

20/04/2021

Covid-19 : la fondaĵo Greta Thunberg pagos 100 000 eŭrojn por ke la malriĉaj landoj havu aliron al vakcinoj

http://neniammilitointerni.over-blog.com/2021/04/covid-19-la-fondajo-greta-thunberg-pagos-100-000-eurojn-por-ke-la-malricaj-landoj-havu-aliron-al-vakcinoj.html

27/01/2021

Monda Ekonomia Forumo: la sud-afrika prezidento forte kritikas la riĉajn landojn, kiuj akaparas la vakcinojn kontraŭ la Covid-19

http://neniammilitointerni.over-blog.com/2021/01/monda-ekonomia-forumo-la-sud-afrika-prezidento-forte-kritikas-la-ricajn-landojn-kiuj-akaparas-la-vakcinojn-kontrau-la-covid-19.html

neniammilitointerni - dans Kronviruso Homaj Rajtoj
20 avril 2021 2 20 /04 /avril /2021 21:08

20/04/2021

«La internacia komunumo faru pli por solvi la tragedion, kiun reprezentas la vakcina malegaleco», opiniis la aktivulino por la klimato.

La fondaĵo Greta Thunberg pagos 100 000 eŭrojn al la sistemo de disdonado de vakcinoj kontraŭ la Covid-19 (Kovim-19 en la Esperanta lingvo) nomata Covax.

La sumo, kio estos pagita al la fondaĵo de la Monda Organizaĵo pri Sano (MOS) celos «aĉeti vakcinojn kontraŭ la Kovim-19, kadre de la monda strebo al justa aliro al la vakcinoj por la plej vundeblaj personoj», anoncis la instituto, lundon 19an de aprilo.

«La internacia komunumo faru pli por solvi la tragedion, kiun reprezentas la vakcina malegaleco», opiniis la junulino, dum gazetkunveno kun la ĝenerala direktoro Tedros Adhanom Ghebreyesus. «Ni havas disponeblajn rimedojn por alĝustigi la enorman malekvilibron, kiu tutmonde ekzistas hodiaŭ en la lukto kontraŭ la Kovim-19. Same kiel en la lukto kontraŭ la  klimata ŝanĝiĝo, ni unue helpu la plej vundeblajn», substrekis Greta Thunberg.

 

Greta Thunberg ne deziras «vakcinan strikon» 

La junulino fariĝis simbolo en la lukto kontraŭ la klimata ŝanĝiĝo, post kiam ŝi tutsola okazigis strikmovadon en la lernejoj por denunci tion, kion ŝi rigardas kiel neagadon de la Ŝtatoj. Ŝi tamen ne rekomendas al la junuloj fari la samon por devigi sian registaron disdividi la vakcinojn kun la plej malriĉaj. «Tio estus eraro peti individuajn agojn (...), kaj instigi ilin ne vakciniĝi sendus malbonan mesaĝon», substrekis la junulino.

Nun, la sistemo Covax malfacile funkcias, interalie ĉar Barato blokis la eksportojn de la vakcino "AstraZeneca" fabrikita sur sia teritorio, sed ankaŭ ĉar la riĉaj landoj preferas provizi sin rekte, prefere al uzado de la sistemo Covax.             

neniammilitointerni - dans Kronviruso
27 janvier 2021 3 27 /01 /janvier /2021 22:15

27/01/2021

Dum la Monda Ekonomia Forumo de davoso, Cyril Ramaphosa atentigis kontraŭ ĉia naciismo en la strategioj pri akiro de la vakcino.

«La riĉaj landoj aĉetis tre grandajn kvantojn da vakcinoj. Kelkaj, kvaroble pli ol bezonate», bedaŭris la sud-afrika prezidento, kies lando plej suferas de la epidemio de Covid en la kontinento, kun pli ol 1,4 miliono da kazoj kaj 41 000 mortintoj.

Dum la vakcina kampanjo komenciĝis en la mondo, Sud-Afriko plu atendas siajn unuajn vakcinojn.

1,5 miliono da dozoj estis aĉetitaj ĉe barata produktisto, kaj ŝajne estos liveritaj post kelkaj tagoj. Tio apenaŭ sufiĉas por vakcini duonon el la sanprofesiuloj.

Laŭ la sud-afrika prezidento, Cyril Ramaphosa, justa aliro al la vakcinoj necesas. «Ni diras al ili: disponigu la ekscesajn dozojn, kiujn vi mendis kaj flankeniĝis. Neniaj pravigoj ekzistas, ke lando je 40 milionoj da loĝantoj aĉetas 120 milionojn da dozoj. Tio okazas malfavore al kelkaj landoj, kiuj pli bezonas».                   

Tiu alvoko reeĥas la alarmojn de la Monda Organizaĵo pri Sano (MOS). Ties direktoro jam alvokis la riĉajn landojn, ke ili ne antaŭu la aliajn en la vico, kaj ke ili metu siajn ekscesajn dozojn je dispono de la plej malriĉaj landoj pere de la alianco Covax».

Tiu aranĝo de la MOS ebligu vakcini 20% el la loĝantoj de la afrika kontinento antaŭ la jarfino.     

neniammilitointerni - dans Homaj Rajtoj Kronviruso
18 octobre 2020 7 18 /10 /octobre /2020 20:58

18/10/2020

Ĉar la sindikatoj de uzino VIP 1 kaj 2 postulis sekurecajn aranĝojn Covid-19 ene de la uzino, la direkcio maldungis ĉiujn membrojn de la sindikato en ambaŭ uzinoj kaj la prezidanto de la sindikato de la uzino VIP 2 estis ponardita fare de huliganoj komisiitaj de la entrepreno. Tiuj agoj enskribiĝas en senkontesta volo detruadi ĉian sindikatan aktivecon en tiuj uzinoj, kiuj fabrikas sporto-artiklojn por Mizuno, CCM, Evil Bikes kaj Pivot Cycles. Malgraŭ monatojn da rekta interesigo fare de la sindikatoj, tiuj varmarkoj rifuzis interveni je ia ajn maniero.         

Retmesaĝo

La laboristoj, kiuj fabrikas viajn varojn en la uzinoj VIP 1 kaj 2 en Birmo spertis malobservadon de iliaj rajtoj kaj humaneco. Estas netolereble maldungi laboristojn, ĉar ili postulis sekurecajn aranĝojn kontraŭ la viruso, dum regas pandemio. Mi komprenas, ke la laboristoj informis vin dum monatoj pri la nehumanaj traktadoj, al kiuj ili estis submetitaj, kaj ke vi ne reagis.

Ni postulas, ke vi ordonu tujan reenpostenigon de ĉiuj maldungitaj sindikatoj en la uzinoj VIP 1 kaj VIP 2 en Birmo.   

neniammilitointerni - dans Labourstart Kampanjo Kronviruso
5 septembre 2020 6 05 /09 /septembre /2020 07:24

03/09/2020

Akuzitaj propagi la Covid-19, centoj da sub-saharaj migrantoj estis deportitaj al la sudo de Sauda Arabio, kie ili vivtenas sin en nehumanaj kondiĉoj, malkaŝis enketo de la brita ĵurnalo Sunday Telegraph.

«Ĉi tie estas infero. Ni estas traktitaj kiel brutaro kaj batataj ĉiutage», konfidis al la Sunday Telegraph Abebe, Etiopiano, kiu estis enfermita en detencentro «dum pli ol kvar monatoj».

Fine de ekskluziva enketo, bazita sur fotoj kaj videoj, la brita semajna ĵurnalo eniris en la detencentrojn de la sub-saharaj migrantoj en Sauda Arabio. Devenintaj de la Afrika Korno, ili estas akuzitaj propagi la Covid-19 en la Reĝlandon.

Kiom ili estas tiel mistraktitaj? Almenaŭ centoj, eble miloj amasigitaj en hangaroj sude de la lando. «Ni manĝas panpecon ĉiutage, kaj rizo ĉiuvespere. Ni preskaŭ ne havas akvon, kaj la necesejoj plenplenas, la ĉi tiea varmo mortigos nin», atestas Etiopianoj. La personoj, kun kiuj la brita ĵurnalo havis kontakton asertas, ke ili estas mistraktataj, ke ili ricevas skurĝbatojn kaj elektrajn malŝargojn. Sur la fotoj, kiujn ili sendis, cikatroj estas videblaj sur iliaj korpoj.                

 

Akuzataj esti vektoroj de la Covid-19

«Bildoj senditaj al la ĵurnalo montras dekojn da maldikaj viroj, ege suferantaj pri varmo, ili estas nudtorse, amasigitaj en stretaj rangoj en ĉambretoj kun kraditaj fenestroj» skribas la Sunday Telegraph.

Tiuj migrantoj eksplikas, ke ili estas akuzitaj de Sauda Arabio propagi la Covid-19. «Kiam la pandemio propagiĝis en marto, la sauda registaro akuzis la migrantojn, kiuj vivis en la ĉefurbo Riado, ke ili estas vektoroj de la viruso», aldonas la ĵurnalo. Preskaŭ 3 000 Etiopianoj estis rekondukitaj fare de la sekurecaj servoj al Etiopio komence de aprilo. Aliaj asertas, ke ili estis deportitaj en tiujn centrojn sude de la lando.

«Ni estis senditaj ĉi tien por morti», atestas unu el ili. Ĉirkaŭ 6,6 milionoj da fremduloj, t.e 20% el la loĝantaro de la lando, estas utiligitaj kiel malkosta laboristaro en Sauda Arabio. La sauda ambasadejo en Unuiĝinta Reĝlando, kontaktita de la Sunday Telegraph, ne deziris reagi al la enketo.

neniammilitointerni - dans Homaj Rajtoj Kronviruso
25 mai 2020 1 25 /05 /mai /2020 20:54

25/05/2020

En Ekvadoro, la huaoraníoj estas la lastaj indiĝenoj, kiuj konsentis pri kontakto kun la okcidenta civilizo. 5000 huaoraníoj plu vivas en tri amazoniaj provincoj, sed malgraŭ la izoleco de ilia komunumo, la pandemio de Covid-19 ne domaĝis ilin. Ĉi-semajne, ili postulis oficialajn protektajn aranĝojn, kaj plendas pri neagado de Kito.

La indiĝenaj gvidantoj mencias 73 konfirmitajn kazojn da Covid-19 en pluraj el iliaj praaj komunumoj. La prezidento de la nacio huaoranía, Gilberto Nenquimo denuncis la malrapidecon de la Ŝtato, fronte al la pandemia disvastiĝo: «Antaŭ 28 tagoj, mi alarmis en ĉiuj sancentroj. Mi ne estas kuracisto, sed la simptomoj de niaj malsanuloj estis tiuj de la Covid-19. Sed neniu aŭskultis min».

Laŭ Nenquimo, nur kiam juna huaoranío 21-jara pozitiva je Covid-19 estis urĝe transportita al Kito sabaton 17an de majo, iliaj proksimuloj estis testitaj en la komunumo de Miuaguno. Li deziras nun, ke la Ŝtato agadu urĝe por protektadi la aliajn huaoraníajn centrojn. 

 

Kreskas la risko de pandemia disvastiĝo 

«Mi petis de la Ŝtato, ke ĝi malpermesu eniron en la huaoraníajn teritoriojn, blokadu la ligno-finegocistojn, inter kiuj multaj venas de Guajakilo, epicentro de la pandemio. Sed nenio estis farita, indignas Gilberto Nenquimo. Kunsido ja okazis antaŭ semajno, sed de tiam la sanpersonaro ne ankoraŭ testis la loĝantojn de la komunumoj, kie suspektataj kazoj ekzistas, eĉ ne en la komunumoj atingeblaj pervoje!».

Laŭ Andrès Tapia, gvidanto de la Konfederacio de la indiĝenaj nacioj, ok indiĝenoj mortis pro la Covid-19, inter kiuj kvin estis pozitivaj kaj tri suspektaj. Kaj la risko de pandemia disvastiĝo kreskas pro la iompostioma ĉesigo de kvaranteno en pluraj amazoniaj municipoj.               

27/04/2020

Amazonio: «Ni bezonas helpon !»: la sincera krio de la indiĝenoj fronte al la kronvirusa krizo

http://neniammilitointerni.over-blog.com/2020/04/amazonio-ni-bezonas-helpon-la-sincera-krio-de-la-indigenoj-fronte-al-la-kronvirusa-krizo.html

neniammilitointerni - dans Kronviruso
Créer un blog gratuit sur overblog.com - Contact - CGU -
.date span.text {display:none ; }