/image%2F0553642%2F20170724%2Fob_8aeb1c_logo.jpg){kind=logo}
/image%2F0553642%2F20230107%2Fob_ab8fc0_63b95a51cc65e-antilles-apres-le-non-li.png)
07/01/2022
Kvankam la justico agnoskis, ke la uzado de la klordekono en la bananejoj de Martiniko kaj Gvadelupo estas sanitara katastrofo, senkulpiga ordono estis decidita.
Vendredon 6an de januaro, tiu decido skandalis la koncernatojn.
La klordekono estis uzata ĝis la jaro 1993 por lukti kontraŭ la kalandroj en la bananejoj de Martiniko kaj Gvadelupo.
Tiu pesticido infektadis 90% el la loĝantaro kaj venenos la grundojn dum pluraj jardekoj.
Post 16 jaroj da proceduro, la justico ĵus decidis lundon 2an de januaro, senkulpigan ordonon. Tamen en siaj konkludoj, la juĝistoj agnoskas sanitaran katastrofon.
« Ni ĉiuj estas malsanaj, ni ĉiuj estis venenitaj. Mi opinias, ke tio ne estas justa », deklaris virino pri la decido.
Apelacio kontraŭ la decido estas antaŭvidita
Laŭ la justico, gravas estas la sciencaj konoj en la momento, kiam la klordekono estis uzata. Laŭ ĝi, la danĝereco de la pesticidoj ne estis demonstrita en la 1980aj jaroj, kaj la pruvo de la kulpeco de la Ŝtato ne estis demonstrita.
Laŭ la advokato de la plendantoj, kiu apelacios, tiu juĝo ne estas akceptebla.
En komunikaĵo, la registaro notas la decidon, kaj memorigas, ke financa plano ĝis 92 milionoj da eŭroj estas dediĉita al la protektado de la sano de la loĝantaro, kaj elimino de la klordekono el la medio.
/image%2F0553642%2F20230107%2Fob_1f3f94_antiloj.gif)
/image%2F0553642%2F20230107%2Fob_3640d2_profesia-malsano.jpg)
22/12/2021
Klordekono : la prostataj kanceroj kaŭzitaj de la pesticido estas de nun agnoskitaj kiel profesia malsano
/image%2F0553642%2F20230107%2Fob_7ccac1_fort-de-france.jpeg)
18/07/2020
Martiniko: Mobilizado de la aktivuloj kontraŭ la klordekono: dua nokto da ribelo en Fort-de-France