01/11/2025

Laŭ la titolo de la fama verko de la historiisto Marc Bloch verkita en 1940 kaj titolita franclingve « L’Etrange défaite » (La stranga malvenko)   

La historio ĉiam estis verkita de la venkintoj, sed kelkafoje bedaŭrinde la venkitoj kredas ĝin kaj eĉ igas sin de ĝi la porparolantojn.

1/14. La reĝimo de Putino kontrolas ŝlosilajn sektorojn de la ekonomio kaj alproprigis al si la energian renton, tiujn de la krudmaterialoj kaj de la armado. Lia « proksima cirklo » - plimulte konsistigita de antaŭ jardekoj da motivoj kaj komunaj praktikoj hereditaj de la KGB kaj la peterburga mafio – estas tiel kapabla strukturi la dominajn raportojn laŭ « logiko de lojaleco-rekompenco/opono-puno ». Diri aŭ pensi, ke tiu kleptokratio havas nek la rimedojn nek la emon rekonkeri sian imperion, estas ignori aŭ nei la multjarcentan historion, al kio ĝi referencas, revigligitan de plu ol du jardekoj. Notindas ke ofte la historio de soveta unio kaj de Rusio, kaj la naturo de la reganta reĝimo estas silentigita, kio ebligas paroladi el abstrakta maniero pri paco, milito… ktp. Ŝajnas eĉ ke la memorkapablo mankas al plejparte de la komentistoj kaj de la okcidentaj registaroj : la militoj de Putino ne komenciĝis antaŭ tri jaroj kaj duono eĉ ne en 2014, sed ja en 1999.

Nenia serioza politika aŭ filozofia pripenso ne povas ignori Historion, ĉefe kiam temas pri popoloj, kiuj suferis dum la tuta 20a jarcento.

2. Kiam la invado, la totala milito, la milita kaj genocida krimoj de la Kremlo plenumitaj ĉiutage en Ukrainio ne estas atribuita al ĝi mem ; kiam oni resendas dorsaldorse la agresanton kaj la agresiton parolante pri « milito rusia-ukraina » ; kial oni aranĝas sin – pli malpli lerte – por meti Rusion kaj Ukrainian en la saman situacion, kaj kelkafoje pretendi, ke « kvalita malsameco » inter ambaŭ reĝimoj ne ekzistas ; kiam estas sugestite, ke la kulpeco en la komenco aŭ la daŭrigo de tiu milito estas dividita, kiel diris la mafiulo de Vaŝingtono : kiam estas asertite, ke la okcidentuloj ekscitis Putinon, manipulante la ukrainajn marionetojn aŭ pli grave, ke la ukraina registaro « ostaĝigis sian popolon por elmontri sangoplenajn bildojn eksterlanden cele al akiro de pli da mono, dum neniu rusia misilo ne ankoraŭ flugis en la registara kvartalo » ; kiam oni lasas kompreni, ke  ĉiu « grava potenco » bezonus « glacison » por garantii sian sekurecon ; kiam tuta artikolo aŭ dosiero pri la milito sukcesas silentigi la dekojn da miloj da ukrainoj mortintaj de post la sieĝo de Mariupolo ĝis la bombadoj de la malsanulejoj aŭ loĝkonstruaĵoj, dum oni povas opinii racie, ke la « misinforma influkontrolo » starigita de jardekoj fare de Moskvo plu estas efika, aŭ konscie kaj kompleze diskonigita de kelkiuj. Sed tio ne senŝarĝigas la sincerajn skribintojn pri ilia respondecoj, kiu konsistigus interalie en serĉado de la faktaj veroj.

Kelkaj diras, ke rezisti al tiu entrepreno de submetiĝo estus militismo. Tio estus ludi la « militinstigantojn » ! La rusia potenco ja ne estas la sola, kiu praktikas « akuzan inversigon ».     

3. Silentigi la fakton, ke Putino metis la tutan landon en milit-ekonomion, diri ke la okcidentaj landoj prepariĝas ataki Rusion, dum ili tute ne havas por tio la rimedojn, aŭ diri ke nun la okcidenta kapitalo sin servas de Putino por komenci rearmadon (fakte ridindan kompare al tio, kio ĝi estis en la 80-aj jaroj), havas malmulte da senco. Tamen, se la komentistoj malfermus la okulojn antaŭ pli ol 25 jaroj kaj se iliaj registaroj ĉesigus fermi siajn por profitaj motivoj, ni ne atingus tiun situacion. La sinsekvaj fuĝoj de ĉiuj okcidentaj registaroj antaŭ la engaĝiĝoj subskribitaj de post la memorando de 1994 (inkluzive de la Minsk-akordoj) ja aŭdacigis Putinon, ne parolante pri la fakto, ke ili ankaŭ ne respektas la internaciajn konvenciojn, kies subskribintoj ili estas, kaj kiuj devigas ilin interveni okaze de genocido aŭ atenco kontraŭ la humanitara juro.

« La amareco de la Ukrainoj estas granda kiam ili konsciiĝas, ke se ili ne rezignis sub la okcidenta premo je la nuklea arsenalo heredigita de USSR, ĉiuj rusiaj minacoj perdus ĉian sencon. Estas do paradokse peti de tiu, kiu estas la plej submetita al la risko de nuklea atako, ke ĝi ĉesigu rezisti, cele al kvietiĝo de tiuj, kiuj estas ege malpli minacitaj.     

4. De oktobro 2022, la rusiaj armeoj kondukas totalan militon, nome ili intence celas civilajn konstruaĵojn cele rompi la moralon de la loĝantaro (kion malpermesas al si la ukrainaj armeoj). La bombadoj de la urbocentroj (inkluzive de Kijivo) estas terura ilustrado de tio, ne parolante pri la forkaptoj de infanoj aŭ de la barbaraj praktikoj en la okupaciataj teritorioj : ĉiufoje, kiam la rusia armeo retiriĝis de invadita teritorio, ĉambroj de seksperforto kaj torturo estis malkovritaj. Ĉio ĉi estas perfekte dokumentita, jen de NeRegistaraj Organizaĵoj, jen de la Internacia Puntribunalo. Silentigi tion estas fari de si la komplicojn. 

« Ili devis elekti inter milito kaj malhonoro, ili elektis malhonoron, kaj ili ricevos militon ! »

5. Certe, la militoj estis ĉiam instrumento de detruado de la loĝantaroj aŭ submetado de siaj kontraŭ-potencoj. Sed en la 20a jarcento en Eŭropo, kio profunde kaj longe pluigis ilian submetiĝon, tio estis la soveta-stalinismo dum 75 jaroj, salazarismo dum 42 jaroj, frankismo dum 36 jaroj, la itala faŝismo dum 21 jaroj, la naziismo dum 12 jaroj kaj la petainismo en Francio dum 4 jaroj.

Rifuzi batali kontraŭ ia ajn diktaturo, estas konsenti vivi surgenue.

6. En plejparte de la kazoj, en kiu la dizerto estas valorigita kiel « alta politika ago », tute nenio estas dirita nek pri la familioj, kiuj estas devigitaj restadi ariere en lando ĉiutage bombadita, nek pri la plej malriĉaj ukrainoj, kiuj ne havas la eblon foriri, nek pri la pluado de la politika lukto daŭrigota post migrado al supozita fremda lando, nek pri la fakto ke amasaj foriroj « malhelpus socian lukton en Ukrainio ». Do dizerti, sed el kio ? El siaj politikaj respondecoj ? Kaj kio pri la subteno de la proksimuloj aŭ de la kompanoj, kiuj decidis batali ĉe la fronto ? Tio estas ankaŭ unu el la multaj simptomoj de la abstrakta vizio de la historio, multaj aliaj ekzistas.

« La rezistado al subpremo estas la konsekvenco de la aliaj Homaj rajtoj ». Deklaracio de la Homaj rajtoj de 1793, artikolo 33.

7. La potenco de la laŭdiritaj sociaj retoj estas tiel, inkluzive en Ukrainio, ke ili estas uzitaj de la komplotejoj de la Kremlo por organizi sabotojn, atencojn en la lando (kaj aliloke en Eŭropo) kaj ĉefe por konduki longdaŭran militon kontraŭ la moralo de la loĝantaro, instigante kompreneble al dizerto, tio estas la baza principo dum milittempo. Por plenumi siajn fiagojn, kontraŭ pago kompreneble, ili pli kaj pli uzadas junulojn, same kiel faras la narkotaĵkomercaj banditoj. La Organized Crime and Corruption Reporting Project dokumentas tion precize en Ukrainio.           

8. Kion necesis fari post la armistico de junio 1940 en Francio ? Fuĝi al kamparo, pli vivi en la kvartalo Saint-Germain same kiel nenio okazis, atendante pli bonajn tagojn, aŭ komenci interkontakti cele al organizado kontraŭ la invado ? Engaĝiĝi en la Rezistado, tio tute ne estis defendi Ŝtaton, sed lukti kontraŭ invadinto, kiu ne kaŝis sian intencon starigi « miljaran regnon » malembarasitan el siaj « degenerintoj ».  La sinceraj pacistoj – ne la okazaj – kiuj engaĝiĝis en la rezistado kaj rifuzis uzadi armilojn ricevis misiojn tiel danĝerajn kiel tiujn de siaj kompanoj, nome: saboti la instalaĵojn, distribui poŝtaĵojn, manĝaĵojn, kaj aliajn ekipaĵojn necesajn en la makisoj, informi la rezistantojn pri la naziaj moviĝoj kaj la petainistajn ligojn, servi kiel stafetoj aŭ kaŝejoj por la alvenontoj, partopreni al evadejoj, afiŝi alvokojn en urbocentroj, ktp. La hispana rezistado kontraŭ la frankismo estis venkita tiel pro la stalinistoj kiel pro la manko de armiloj. Ankaŭ la francaj rezistantoj al naziismo mortis kelkafoje pro manko de armiloj aŭ municioj. Ĉu ni povas imagi tiujn rezistantojn rifuzi uzadon de tiuj ĉi, ĉar ili devenis de kapitalistaj Ŝtatoj ?  

9. Oni intence forgesas, ke la disfunkciadon aŭ la miskondutojn de la sinsekvaj ukrainaj registaroj de post 34 jaroj kaŭzis la plej terura el la multjarcentaj rusiaj koloniismoj, tiu de la Soveta imperio, kiu reduktis ĝis triono ĝian loĝantaron inter 1919 kaj 1947, sekve de la malsatego de 1919, de la Holodomoro de 1933, de la elpurigoj de 1937, de la dua mondmilito kaj de la malsatego de 1947. La kazo certe ne estas izolita : pli ol 60 jarojn post la afrikaj sendependecoj, eblas konstati bedaŭrinde la daŭrajn efikojn de profunda koloniismo. Tamen el ĉiuj landoj de la eks-USSR, kiuj akiris sendependecon, Ukrainio spertis la plej multan alternon de potencoj kaj la plej grandajn mobilizadojn de popularaj kontestoj. Tial estas nekredeble mirinde legi, ke la ribelo kreskas kontraŭ la ukraina registaro, dum nenio estas dirita pri diktaturo, kiu draste silentigas la rusiajn loĝantojn de pli ol jarcento, eĉ enkarcerigas aŭ sendas ilin en gulagon.

« Jen pli amara konstato : se la okcidentuloj provizis al Ukrainio dekonon el la milita materialo, kiun ili donas hodiaŭ, kaj se ili ne sin pravigis dum jaroj per la principo de « ne-eskalado » […], Vladimir Putin verŝajne pli hezitus antaŭ ol alsturmi siajn trupojn kontraŭ la lando.

Daŭrigota…  

04/10/2025

La preparo de la mensoj al « stranga malvenko » ? (2/2)

http://neniammilitointerni.over-blog.com/2025/11/la-preparo-de-la-mensoj-al-stranga-malvenko-2/2.html

30/06/2023

Falsaj novaĵoj anstataŭ ukraina realo: afekcia pesto (1/4) 

http://neniammilitointerni.over-blog.com/2023/06/falsaj-novajoj-anstatau-ukraina-realo-afekcia-pesto-1/4.html

15/04/2025

Dimanĉon 13an de aprilo en la urbo Sumio nord-oriente de Ukraino, bombado okazigis la morton de 34 homoj, inter kiuj du infanoj, kaj centon da vunditoj. Tio estas kondamnita de la internacia komunumo.

Du tagojn post la vizito de la usona sendito en Moskvo, Usono opinias, ke « Rusio transpasas la limon de konveneco ». La germana kancelario Olaf Scholz kondamnas « barbaran atakon », dum la itala Ĉefministrino Giorgia Meloni bedaŭregas bombadon « abomenindan kaj malkuraĝan » kiu « kontraŭdiras ĉian realan engaĝiĝon favore al la paco ». Surloke, ja la civiluloj klare estis celitaj.

Kore de la urbo, ambaŭ misiloj frapis konstruaĵojn de la universitato, kie junulara koncerto estis planita je la 11a horo dimanĉon matene.

Kvardek minutojn pli frue, la unua bombado frapis la konstruaĵon fronte al la hejmo de Nadja. « Tio estis fortega, ŝi eksplikas, nia tuta konstruaĵo estis damaĝita. Mi tuj pensis pri la homoj, kiuj mortis. Ĉi tie, ni estas en la urbo-centro. Hodiaŭ, estas festotago. La infanoj kaj ties patrinoj promenadas. Ni benas palmodimanĉon », bedaŭras Nadja.

« Intenca ekstermo de la civilaj loĝantoj »

Dimanĉon vespere, la stratoj estis diskovritaj per rompitaĵoj, kalcinitaj aŭtoj, kriblitaj per metalaj splitaĵoj. Renversitaj bicikloj blokas la trotuarojn. La loĝantoj, konsternitaj, vagas en la sekura areo, kie la sukuristoj plu laboras. « Mi kredis, ke mi ĉion vidis en mia vivo, sed tio, kio okazis hodiaŭ superas la tutan ceteron, diris Oler Strilka, porparolanto de la sukuristoj. Dek veturiloj flamigitaj, ankaŭ la buso, kun senkulpaj pasaĝeroj. Ĉio estis fajrigitaj, ĉio brulis. Ene ĉeestis homoj, tio estis hororo, krioj, larmoj, paniko ».

« Tio estis intenca ekstermo de la civilaj loĝantoj », plu diras tiu sperta sukuristo, laŭ kiu la misiloj senditaj al Sumio ja havis kiel celon okazigi maksimumon da viktimoj. « Vidi la restaĵojn de la homoj, vidi infanojn kaj maljunulojn bruligitajn vivaj, temas tutsimple pri intenca ekstermo de senkulpaj civiluloj ».

Ruĝiĝintaj okuloj, Irina proksimiĝas. Mi petegas, rakontu pri tio, kio okazas ĉi tie. Estas krimo kontraŭ la Homaro. Oni alvokas la tutan mondon. Protektu niajn infanojn. Rigardi sen ion fari, tio sufiĉas ! ». Pasintan monaton, 164 civiluloj estis mortigitaj laŭ Unuiĝintaj Nacioj. Ili estis nun viktimoj de kvazaŭ ĉiutagaj bombadoj  de la rusia armeo.        

« Ĝis kiam la tuta mondo nur kontentiĝos observi kiel la Rusianoj ekstermas Ukrainion ? » Nadja, loĝantino de Sumio.

Nadja alvokas unu plian fojon la internacian komunumon: « Rigardu, nenio milita estas surloke, tio estas krimo ». Apud ŝi, alia virino deklaras:  « Necesas rakonti. Necesas diri al la mondo tio, kio okazas ĉi tie, krimo kontraŭ la Homaro ».   

https://www.francetvinfo.fr/monde/europe/manifestations-en-ukraine/reportage-c-etait-l-horreur-les-cris-les-larmes-la-panique-a-soumy-les-ukrainiens-persuades-que-la-russie-visait-les-civils_7187715.html

https://www.youtube.com/watch?v=iTTp8S-zLrM

13/08/2024

Rusio intence mortigas infanojn, pacientojn kaj ukrainajn laboristojn

http://neniammilitointerni.over-blog.com/2024/08/rusio-intence-mortigas-infanojn-pacientojn-kaj-ukrainajn-laboristojn.html

13/12/2023

Milito en Ukrainio: sur la militfronto, la soldatoj petas de la okcidentaj aliancanoj, ke ili ne interrompu la liverojn de armiloj

« Provizu al ni pli da armiloj, da municioj kaj ni faros tion, kion ni devas fari. » - Arturo, ukraina sub-oficiro

http://neniammilitointerni.over-blog.com/2023/12/milito-en-ukrainio-sur-la-militfronto-la-soldatoj-petas-de-la-okcidentaj-aliancanoj-ke-ili-ne-interrompu-la-liverojn-de-armiloj.html

24/07/2023
Ukrainio:  la rusiaj bombadoj kontraŭ Odeso celas « terorigi » la loĝantaron, laŭ la generalo Jérôme Pellistrandi
http://neniammilitointerni.over-blog.com/2023/07/ukrainio-la-rusiaj-bombadoj-kontrau-odeso-celas-terorigi-la-logantaron-lau-la-generalo-jerome-pellistrandi.html

27/03/2025

Bildo: « Ni rifuzas morti »

Dum pacismaj manifestacioj organizitaj norde de Gazao, kontraŭ-Hamasaj sloganoj estis aŭdataj, akompanataj de pacaj mesaĝoj adresitaj al Israelo.

Ĉi-marde, norde de Gazao, multaj manifestaciantoj kolektiĝis por postuli finon de la milito kaj kontraŭi la Hamason. Tiu malofta postulo ne havis tielan amplekson de post la 7a de oktobro 2023.

Multaj videoj aperis en la sociaj retoj montrantaj centojn da viroj paŝantaj en la urbo Bajt Lahija, kantante « La Hamaso estas terorista » kaj « Ni volas finon de la milito ».

Loĝantaro elĉerpita

La alvoko manifestacii estis dissendita en la apo Telegramo. La identeco de la organizantoj ne estas konata. « Ili aŭdu niajn voĉojn, ili sciu, ke Gazao ne estas silenta, ke popolo ekzistas kaj ne akceptos esti neniigita » eksplikis la organizantoj en tiu mesaĝo.   

« Me ne scias, kiu organizis la manifestacion », precizigis Mohammed al la franca novaĵagentejo AFP. La manifestacianto ne deziris konigi sian familian nomon time de reprezalio. « Mi partoprenis ĝin por sendi mesaĝon nome de la popolo : "Stop la militon" », li daŭrigis asertante, ke li « vidis membrojn de la sekurecaj fortoj de la Hamaso civilvestitaj disigi la manifestacion ».

Tiuj pacismaj manifestacioj intervenas dum delokigo de la loĝantaro kaj dum la israelaj bombadoj rekomenciĝis de post la haltigo de la batalhaltigo decidita inter Israelo kaj la Hamaso. La gazaa sanministrejo ĵus anoncis, ke la limo de 50 000 mortintoj en Gazao estis transpasita ĉi-semajne de post la komenco de la israela interveno en la enklavo.

Majdi, alia manifestacianto, kiu ankaŭ rifuzis konigi sian nomon opinias, ke « la homoj estas elĉerpitaj » kaj sin demandas: « Se la foriro de la Hamaso el Gazao estas la solvo, do kial la Hamaso ne foriras la potencon por protekti la popolon ? »

Surloke, malfacilas taksi la subtenon de la Palestinanoj al la Hamaso, sed la lastaj opinisondoj disponeblaj realigitaj en septembro fare de la Palestinian Center for Policy and Survey Research asertas, ke nur 35% de la loĝantoj de la enklavo subtenas la Hamason. 

https://www.20minutes.fr/monde/4145396-20250326-gaza-nombreuses-manifestations-contre-hamas-reprise-bombardements-israeliens

https://www.youtube.com/watch?v=Bb7yc9_QtXY

15/05/2018

Perfortaĵoj en Gazao: kian rolon ludas la Hamaso en la protestmovado?

http://neniammilitointerni.over-blog.com/2018/05/perfortajoj-en-gazao-kian-rolon-ludas-la-hamaso-en-la-protestmovado.html

12/10/2024

La Nobel-premio pri Paco rekompensis vendredon la japanan organizaĵon por abolo de la nukleaj armiloj Nihon Hidankyo, kiu grupigas pluvivantojn de la nukleaj bombadoj kontraŭ Hiroŝimo kaj Nakasako en 1945.

La Nobel-premio pri paco 2024 estis aljuĝita al la japana organizaĵo Nihon Hidankyo pro ĝia engaĝiĝo favore al la pluvivantoj de la nukleaj bomboj de Hiroŝimo kaj Nakasako, anoncis vendredon 11an de oktobro, la Reĝa Akademio de Sciencoj de Svedo.

Nihon Hidankyo « ricevas la pac-premion pro siaj klopodoj favore al mondo sen nukleaj armiloj, kaj ĉar ĝi demonstris per atestoj, ke la nukleaj armiloj estu neniam uzitaj », deklaris la prezidento de la Norvegia nobel-komitato, Jørgen Watne Frydnes.

Aljuĝante tiun premion al la japana movado fondita la 10an de aŭgusto 1956, do antaŭ 68 jaroj, la Nobel-komitato deziras alarmi kontraŭ malkresko de la tabuo pri uzado de la nuklea armilo.        

« De antaŭ preskaŭ 80 jaroj, neniu nuklea armilo estis uzita en milito », konstatis la prezidanto de la Nobel-komitato. « Estas do alarme konstati, ke hodiaŭ tiu tabuo kontraŭ uzado de la nukleaj armiloj estas submetita al premoj », li substrekis.

La diroj koncerne la militon kontraŭ Ukrainio vekis antaŭnelonge maltrankvilojn pri malfortigo de tiu tabuo, aparte pro la minaco de la rusia prezidento Vladimir Putin revizii sian doktrinon pri la uzado de la absoluta armilo.

« La ĉi-lasta premio estas premio, kiu emfazas la necesecon pluigi la nuklean tabuon. Kaj ni ĉiuj havas respondecon por tion fari, aparte la nukleaj potencoj », aldonis la prezidanto de la Nobel-komitato.

La situacio en Gazao « similas Japanion antaŭ 80 jaroj »

Reaginte al la venko de sia organizaĵo, la Kun-prezidanto de Nihon Hidankyo esprimis sian surprizon. « Neniam mi imagus, ke tio povus okazi », deklaris Toshiyuki Mimaki al la ĵurnalistoj, kun larmoj en la okuloj, dum gazetkonferenco en Tokio.

Toshiyuki Mimaki starigis similecon inter lia batalo kaj la konflikto, kiu detruas nun Mezorienton. « En Gazao, sangoplenaj infanoj estas detenitaj. Same kiel en Japanio antaŭ 80 jaroj », asertis Toshiyuki Mimaki.

Pasintan jaron, la Nobel-premio pri paco estis aljuĝita al la irana aktivulino Narges Mohammadi, enkarcerigita en sia lando, pro sia lukto kontraŭ  vualo por la virinoj kaj kontraŭ la mortopuno.

La Nobel-premio pri paco, dotita ĝis 11 milionoj da svedaj kronoj (ĉirkaŭ miliono da eŭroj), estos aljuĝita en Oslo la 10an de decembro, datreveno de Alfred Nobel.    

La premio de la Sveda Banko pri ekonomiko, kutime nomata Nobel-premio  pri ekonomiko, estos siaflanke aljuĝita venontan lundon.

https://www.france24.com/fr/info-en-continu/20241011-%F0%9F%94%B4-le-prix-nobel-de-la-paix-2024-attribu%C3%A9-%C3%A0-l-organisation-japonaise-pour-l-abolition-des-armes-nucl%C3%A9aires-nihon-hidankyo

https://www.youtube.com/watch?v=qB6W-PlRr7E

06/10/2023

La irananino Narges Mohammadi : « La Nobelpremio pri paco igos min pli fortika, pli decidema, pli optimisma »

http://neniammilitointerni.over-blog.com/2023/10/la-irananino-narges-mohammadi-la-nobelpremio-pri-paco-igos-min-pli-fortika-pli-decidema-pli-optimisma.html

06/08/2023

Memorfestoj de Hiroŝimo: Japanio denuncas la rusian nuklean minacon

http://neniammilitointerni.over-blog.com/2023/08/memorfestoj-de-hirosimo-japanio-denuncas-la-rusian-nuklean-minacon.html

30/07/2020

Japanio:  la surradiitoj de la «nigra pluvo» de Hiroŝimo en 1945 finfine estas agnoskitaj kiel viktimoj

http://neniammilitointerni.over-blog.com/2020/07/japanio-la-surradiitoj-de-la-nigra-pluvo-de-hirosimo-en-1945-finfine-estas-agnoskitaj-kiel-viktimoj.html

05/10/2024

En Libano, ĉiuj lernejoj estas fermitaj, dum la israelaj bombadoj daŭras. Multaj el ili aliformiĝis en akceptejojn por centoj da miloj da delokitoj. 900 urĝaj centroj estis malfermitaj en la tuta lando.

De antaŭ dek tagoj, 175 personoj, inter kiuj duono estas infanoj, dormas surgrunde en klasĉambretoj en tiu libana lernejo de Zahlé aliformita en urĝan akceptejon, en la valo Bekaa oriente de Bejruto. Vestaĵoj, nutraĵoj… la familioj, foririntaj en urĝeco mankas je ĉio.

Kaŭriĝinta, kun vizaĝo enkadrigita per nigra hiĝabo, Rama 13-jara, desegnas. « Ĉi tie estas la suno, ĉi tie estas la nuboj, ŝi priskribas. Mi desegnas domon kun infano kaj mi desegnos la aerbombadojn. La infano ploras, ĉar ĝi perdis sian domon. Mi estas tiel malĝoja, ke mi forlasis la mian por veni ĉi tien ».   

Se la domo de Rama fakte ne estis damaĝita, la juna adoleskantino plu estas tamen traŭmatizita pro la bombadoj de la apudaj loĝejoj. « Dum bombado, mi grimpis en arbon. Mi kriis : panjo ! panjo ! Mi estis superŝutita, preskaŭ svenis, rakontas la adoleskantino. Oni donis al mi medikamentojn kun akvo ».

Issa, 10-jara, venas de la urbo Baalbek. « Mia domo estis tie, sed 20 misiloj falis en la kvartalon », li eksplikas.

« Oni aŭdis la eksplodojn. Ni timegis. Ni venis ĉi tien por ne plu timi kaj esti en sekureco ».  Aissa, 10-jara.

Tiuj infanoj estas traŭmatizitaj de la milita frakaso. « Droneoj, eksplodoj, aviadiloj, kiuj pasas kaj transpasas la sonmuron, tio estas traŭmatizaj, ilustras Christophe Boulierac, porparolanto de la Unicef en Libano. Ludi, esprimiĝi kaj restadi kun siaj parencoj estas la unua respondo, kiu ebligos al ili ne tro malfarti. Antaŭ kelkaj tagoj, mi estis en unu el tiuj ŝirmejoj en alia urbo, kaj knabo diras al mi : « "Mi volas havi braceleton kun mia nomo, ĉar se misilo falas sur nin, mi volas, ke oni retrovu mian korpon, kaj ke oni identigu ĝin kun mia familio", infano neniam devus diri tion ».

De la komenco de la milito inter Israelo kaj la Hizbolaho, la libanaj aŭtoritatoj mencias 2000 mortintojn, inter kiuj 127 infanoj. 30 000 infanoj jam estis delokitaj. Kaj la nombro senĉese kreskas.

https://www.francetvinfo.fr/monde/proche-orient/guerre/reportage-je-veux-un-bracelet-pour-qu-on-puisse-identifier-mon-corps-le-traumatisme-des-enfants-libanais-deplaces-a-cause-de-la-guerre_6820091.html

https://www.youtube.com/watch?v=Xg2Jm8ByAfk

31/01/2024

Libano:  la UNRWA estas vivnecesa por plejparto de la palestinaj rifuĝintoj

http://neniammilitointerni.over-blog.com/2024/01/libano-la-unrwa-estas-vivnecesa-por-plejparto-de-la-palestinaj-rifugintoj.html

05/11/2023

Atako de la 7a de oktobro: Naŭ familioj plendas ĉe la Internacia Puna Kortumo

http://neniammilitointerni.over-blog.com/2023/11/atako-de-la-7a-de-oktobro-nau-familioj-plendas-ce-la-internacia-puna-kortumo.html