25/09/2024

De post la fino de aŭgusto, du grandaj riveroj spertas epizodon de poluado, kiu mortigis dekojn da tunoj da fiŝoj.

Nun estas kutime la bela sezono sur la bordoj de la rivero Desno. Tio estas la sezono de bano kaj fiŝkaptado. Sed ĉi-jare, Volodimir, kiu loĝas en la vilaĝeto Horicjo en Ukrainio, venis konstati la damaĝojn. « La rivero Desno estis belega rivero, li diras. Kian sortobaton oni faris al ni. Ĉio estas venenita ».

« La rivero ŝanĝis sian koloron, fariĝis malhela, malpura kaj malbonodora. Antaŭe, la rivero estis klara, travidebla », li aldonas. Tiu epizodo de poluado komenciĝis meze de aŭgusto, dum la bataloj en Kursk: kvin tunoj da poluaj materialoj devenintaj de industria areo estis enverŝitaj en la riveron Seym, en Rusio.

La urbestro de la vilaĝo Boromiki longe primemoros tion. « Matene, kiam ni atingis la riveron, tio estis vidado de hororo. Laŭlonge de la rivero kuŝiĝis diversaj mortigaj fiŝoj: sandroj, ezokoj, siluroj, plotoj, bremenoj. Laŭ metron larĝa kaj 700 metrojn longa ! »

Sume, laŭlonge de kelkaj dekoj da kilometroj, 30 tunoj da fiŝoj estis kolektitaj. Preskaŭ tri jarojn estos necesaj, por ke la rivero Desno restarigas sian ekosistemon.

La klimata kosto de la milito

Tiu estas nova ilustraĵo pri la konsekvencoj de la milito kontraŭ la medio, laŭ Sergi Tsibulja, profesoro pri ekologio ĉe la Universitato de Ĉernihivo. « Estas poluado de la tero fare de la materialoj de detruitaj konstruaĵoj, minaj terenoj, perfortaj incendioj dum la bataloj, detruado de la cisternoj de karburaĵoj. La detruado de la pejzaĝo, la poluado de la atmosfero. Ankaŭ efiko kontraŭ ekologio estas unu el la krimoj de tiu milito ».

Laŭ raporto, la kostoj de la klimataj damaĝoj de post la komenciĝo de la milito atingas pli ol 30 miliardojn de eŭroj.

https://www.francetvinfo.fr/monde/europe/manifestations-en-ukraine/reportage-c-est-aussi-l-un-des-crimes-de-cette-guerre-en-ukraine-l-impact-environnemental-des-affrontements-dans-la-region-de-koursk_6792625.html

Les russes ne sont pas à une saloperie près.

Une catastrophe écologique a été provoquée par les Russes dans la région de Soumy.

Dans la rivière Seim, l'eau est désormais noire et les poissons meurent en masse. les Russes y ont déversé des déchets industriels.⬇️ pic.twitter.com/t8ttynWDSB

— D Mionnet (@geopolitis) August 28, 2024

18/10/2023

La detruado de la baraĵo de Kakovko okazigis preskaŭ 14 miliardojn da dolaroj da damaĝoj

http://neniammilitointerni.over-blog.com/2023/10/la-detruado-de-la-barajo-de-kakovko-okazigis-preskau-14-miliardojn-da-dolaroj-da-damagoj.html

17/08/2024

Laŭ studaĵo, pro la efiko de la klimata perturbola, arbaraj fajroj estis aparte perfortaj kaj vastaj.

Tiu bilanco estas alarma kaj la nombroj estas kolosaj. La incendioj kaŭzis emision de 8,6 miliardoj da tunoj da karbona dioksido (CO2)  inter marto 2023 kaj februaro 2024, laŭ la rezultoj de studaĵo de la brita universitato de East Anglia interalie. Tio reprezentas ekvivalenton je 15% de la jaraj emisioj de forcejefika gaso produktitaj de la homoj.

Laŭ tiu studaĵo, la bilanco estas katastrofa: 3,9 milionoj da km² brulis, kio ekvivalentas al sepoble la surfaco de lando kiel Francio. Pluraj zonoj estis tuŝataj fare de gigantaj incendioj, kaj unue la borealaj arbaroj. En Kanado, 232 000 personoj estis evakuitaj en aŭgusto 2023 kaj la emisioj de CO2 estis pli ol naŭoble superaj al la averaĝo de la du lastaj jaroj.   

Aliaj regionoj suferis kiel Amazonio aŭ Havajo, kiu ankaŭ en 2023 spertis la plej mortigan incendion el sia historio, okazigante la morton de pli ol 100 personoj.

Ankaŭ Grekio, denove viktimo de perfortaj fajroj, travivis la plej vastan incendion iam spertitan en Eŭropa Unio. La afrika savano estis relative domaĝita, kio evitis superi novan rekordon de CO2 emisiata en la mondo. Sed koncerne la studitan periodon, la emisoj tamen estas 16% superaj al la averaĝo.

Risko de incendio estas pli probabla pro la klimata varmiĝo

La klimata perturbo faciligas la ekstremajn meteologiajn kondiĉojn kaj kaŭzas vastegajn incendiojn. En okcidenta Amazonio, la arbaraj fajroj estas pro tio 20-oble pli probablaj. Kaj tio estas jam la kazo: laŭ alia studaĵo aperita en junio, la nombro kaj la intenseco de la arbaraj fajroj pli ol duobliĝis en la lastaj 20 jaroj pro la homa aktiveco.

Sed laŭ la esplorgrupo, ne estas tro malfrue kaj la solvo estas konata de ĉiuj: draste redukti la emisiojn de CO2.     

https://www.francetvinfo.fr/monde/environnement/crise-climatique/crise-climatique-les-incendies-responsables-de-l-emission-de-plus-de-8-millions-de-tonnes-de-co2-dans-le-monde-entre-2023-et-2024_6725184.html

https://www.youtube.com/watch?v=mo-Dr-83YMs

26/06/2024

De antaŭ dudek jaroj, la ekstremaj arbaraj fajroj duobliĝis en la mondo pro la klimata varmiĝo

http://neniammilitointerni.over-blog.com/2024/06/de-antau-dudek-jaroj-la-ekstremaj-arbaraj-fajroj-duobligis-en-la-mondo-pro-la-klimata-varmigo.html

02/07/2024

Tiu fenomeno intervenas nur kelkajn semajnojn post rekorda varma ondo, kies temperaturo atingis 48°C en Sud-orienta Azio.

Ili estas izolitaj de la mondo. En Birmo, miloj da loĝantoj vivas sen elektro kaj sen telefonaj komunikoj, post intensaj inundoj norde de la lando. La riverego Ayeyarwady, kiu fluas en la Ŝato Kachin, superis sian « danĝeran nivelon » en la urbo Myitkyina, post pluraj tagoj de fortaj pluvoj, laŭ la Ŝtataj mediatoj.

« La akvo altiĝas rapidege, multaj loĝantoj plu estas blokitaj en siaj domoj », deklaris loĝanto de Myitkyina aldonante, ke la elektraj kaj telefonaj retoj estis interrompitaj de dimanĉo. « Mankas karburaĵo kaj la savistoj spertas multajn malfacilaĵojn por atingi la homojn per motorboatoj », li aldonis.

Abundaj pluvoj estas antaŭvidataj

Mardon matene, la akvo iomete retiriĝis, kvankam pluvo daŭre falas.  Subita flualtiĝo kaptis milojn da personoj en iliaj domoj, kaj la meteologia buroo de la lando atentigis pri novaj abundaj pluvoj dum la venontaj tagoj.

Alvale, en Mandalajo, dua plej granda urbo de la lando, la riverego Ayeyarwady povus altiĝi de 1,8 ĝis 3 metroj dum la dek unuaj tagoj de julio. Dum la pluvsezonoj de junio ĝis oktobro, la terglitoj multobliĝas kaj konsistigas mortigan riskon por miloj da migrantoj, kiuj laboras en la minoj de altaprezaj metaloj.

Tiuj inundoj intervenas kelkajn semajnojn post rekorda varma ondo. La temperaturo atingis 48°C en kelkaj regionoj de la lando.

https://www.francetvinfo.fr/monde/birmanie/en-birmanie-des-milliers-d-habitants-pris-au-piege-par-des-inondations-rapides_6639726.html

https://www.youtube.com/watch?v=I4pHIBz7qww

28/08/2022

Pakistano : pli ol 1 000 mortintoj en la inundoj

http://neniammilitointerni.over-blog.com/2022/08/pakistano-pli-ol-1-000-mortintoj-en-la-inundoj.html

14/08/2021

Turkio : post la incendioj, mortigaj inundoj okazas

http://neniammilitointerni.over-blog.com/2021/08/turkio-post-la-incendioj-mortigaj-inundoj-okazas.html

06/07/2022

Sidnejo: miloj da loĝantoj estas petitaj evakui pro la klimata perturbo

http://neniammilitointerni.over-blog.com/2022/07/sidnejo-miloj-da-logantoj-estas-petitaj-evakui-pro-la-klimata-perturbo.html

27/05/2022

Rekordaj inundoj en Bangladeŝo: laŭ Unicef 4 milionoj da personoj estas tuŝitaj

http://neniammilitointerni.over-blog.com/2022/05/rekordaj-inundoj-en-bangladeso-lau-unicef-4-milionoj-da-personoj-estas-tusitaj.html

21/06/2024

La ekstrema varmego, kiu frapas Meksikon de marto jam mortigis 155 personojn. Kaj la varmego daŭros.

La bilanco de la varmego, kiu regas de marto sur granda parto  de la teritorio de Meksiko atingas 155 mortintojn, kun 30 novaj kazoj inter la 13a kaj la 18a de junio, anoncis ĵaŭdon la ministrejo pri Sano.

Sume, 2 567 sanproblemoj kaŭzitaj « de la naturaj ekstremaj temperaturoj » estis registritaj de post la 17a de marto, laŭ la semajna raporto de la ministrejo pri la sezonoj de varmego, kiu vastiĝas de la 17a de marto ĝis la 5a de oktobro.

La varmo ĉefe mortigis en la Ŝtato Veracruz, oriente, laŭlonge de la Meksika golfo (56) kaj en Tabasko, duoninsulo de Jukatanio (18) kaj en tri nordaj Ŝtatoj (Tamaŭlipaso, 17, Novleono, 12, et San Luis Potosí, 11).

La mortiga varma ondo, kiu frapis fine de majo kaj komence de junio Usonon, Meksikon kaj Centran Amerikon fariĝis 35-oble pli probabla pro la klimata ŝanĝiĝo, asertis ĵaŭdon ekspertoj de la referenca reto World Weather Attribution (WWA).

En Meksiko, tiuj urboj superis varmajn rekordojn kiel la ĉefurbo, Meksikurbo (34,7 gradoj la 25a de majo). Pro la altaj temperaturoj kaj manko de pluvo, la akvonivelo de pluraj baraĵoj plu estas tre malalta kaj la lagoj sekiĝas.

Morto de hurluloj

La situacio bruske inversiĝis merkredon, kiam la tropika tempesto Alberto estigis fortajn pluvojn kaj mortigis kvar personojn en la Ŝtato Nuevo, nord-oriente.

La ministrejo pri Sano tamen avertis, ke la plej granda parto de la lando plu spertos varmegajn temperaturojn, kiuj povus superi 45 gradojn en la Ŝtato Baja Kalifornio (Nord-okcidente).

Dekoj da hurluloj aliparte mortis en la arbaroj de Tabasko kaj Ĉiapaso, sude de la lando, kie temperaturoj superaj al 40 gradoj estas registritaj.  

https://www.letemps.ch/monde/le-bilan-de-la-canicule-au-mexique-s-alourdit-a-155-morts-depuis-mars?utm_term=Autofeed&utm_medium=Social&utm_source=Twitter#Echobox=1718939009

https://www.youtube.com/watch?v=BrFJOSbdPCw

02/06/2024

Akvo-leviĝo: en Meksiko, la loĝantoj de la vilaĝo El Bosque estas devigataj foriri

http://neniammilitointerni.over-blog.com/2024/06/akvo-levigo-en-meksiko-la-logantoj-de-la-vilago-el-bosque-estas-devigataj-foriri.html

19/04/2024

Sahelo: La « homdevena » klimata ŝanĝiĝo kulpas pri la mortiga varmo

http://neniammilitointerni.over-blog.com/2024/04/sahelo-la-homdevena-klimata-sangigo-kulpas-pri-la-mortiga-varmo.html

30/05/2024

Rekorda temperaturo ĝis 52,3°C estas registrita merkredon en Nov-Delhio, ĉefurbo de Barato. Tio estas nacia rekordo, anoncis la meteologiaj servoj.

Ĝi estis registrita merkredon posttagmeze en la ĉirkaŭurbo de Nov-Delhio en Mungeshpur, fare de la meteologia departemento de la lando, kaj superas ĝis pli ol unu Celsia grado la precedencan nacian rekordon, kiu estis registrita en la dezerto de Raĝastano. La barataj meteologiaj servoj jam menciis precedencan rekordon en Nov-Delhio ĝis 49,9°C.

Ruĝa sanitara alarmo

La aŭtoritatoj de la urbo, kie loĝas ĉirkaŭ 30 milionoj da homoj starigis ruĝan sanitaran alarmon dum merkredo, kie temperaturoj similaj al la antaŭa tago estis atingitaj. Ili atentigis kontraŭ « tre forta ebleco de disvolviĝo de malsanoj ligitaj al la varmo, kaj varmofrapoj je ĉiu ajn aĝo ». Ili alvokis al « ekstrema prigardado » koncerne la vundeblajn personojn. La ondo de varmo en la centro kaj nord-okcidento de Barato « ŝajne iom-post-iom malintensiĝos ekde ĵaŭdo », laŭ la barata meteologio.

Risko de akvo-manko

La aŭtoritatoj de Nov-delhio atentigis kontraŭ risko de akvo-manko. Interrompoj de provizoj jam okazis en kelkaj lokoj. La ministro pri Akvo, Atishi Marlena, alvokis al « kolektiva respondeco » de la loĝantoj por eviti malŝparon, raportis merkredon la ĵurnalo Times of India. « Por solvi la problemon de akvo-manko, ni adoptis serion da aranĝoj kiel redukto de akvo-provizado de dufoje tage ĝis unufoje tage en multaj regionoj », deklaris S-ino Atishi, laŭ la Indian Express. « La akvo tiel ŝparita estos porciumita kaj disdonita en la zonoj, kiuj frontas akvo-mankon kaj kie la provizado daŭras nur 15 ĝis 20 minutoj tage », ŝi aldonis.

53°C en Pakistano

Ankaŭ la apuda Pakistano spertis fortajn ondojn da varmo, kun maksimumo de temperaturo taksita ĝis 53°C en la regiono Sindo, landlimo de Barato. La meteologia buroo de Pakistano menciis, ke ĝi atendas malaltiĝon de temperaturo ekde merkredo sed avertis, ke aliaj varmaj ondoj okazos en junio.

https://www.7sur7.be/ecologie/une-temperature-record-de-52-3c-enregistree-a-new-delhi-en-inde~a3358fe6/?referrer=https%3A%2F%2Fwww.google.com%2F

https://www.youtube.com/watch?v=OXQ0e_FISYo

19/04/2024

Sahelo: La « homdevena » klimata ŝanĝiĝo kulpas pri la mortiga varmo

http://neniammilitointerni.over-blog.com/2024/04/sahelo-la-homdevena-klimata-sangigo-kulpas-pri-la-mortiga-varmo.html

08/04/2024

Zambio: malsato tuŝas pli ol milionon da infanoj, alarmas NeRegistara Organizaĵo

http://neniammilitointerni.over-blog.com/2024/04/zambio-malsato-tusas-pli-ol-milionon-da-infanoj-alarmas-neregistara-organizajo.html

20/09/2923

Biodiverseco: sciencistoj alarmas pri perdo de tutaj branĉoj de la « arbo de vivo »

http://neniammilitointerni.over-blog.com/2023/09/biodiverseco-sciencistoj-alarmas-pri-perdo-de-tutaj-brancoj-de-la-arbo-de-vivo.html