12/09/2020

La cindroj transformis la pejzaĝon de la okcidenta marbordo de Usono: kalcinitan, grizan, nerekoneblan. Pasintan vendredon, pli ol 20 000 fajrobrigadistoj plu luktis kontraŭ la flamoj, kiuj detruadas la usonan okcidentan marbordon.

Tiuj incendioj nutrataj de la sekeco kaj la perfortaj ventoj, okazigis almenaŭ 19 mortintojn, en Kalifornio kaj Oregono. Sed la guberniestro de Kalifornio Gavin Newsom avertis: ju pli la sukuristoj konkeras terenon fronte al la flamoj, des pli kreskas la nombro de mortintoj.     

Nord-okcidente de Kalifornio, la incendio nomita «August Complex Fire», kunigado de 37 fajroj, kaj kiu tuŝis la arbaron de Mendocino ekde la 17a de aŭgusto, fariĝis oficiale la plej vasta el la historio de tiu Ŝtato, kun pli ol 300 000 hektaroj bruligitaj.

Tiuj fajroj estis ampleksigitaj de altaj temperaturoj kaj sekega atmosfero, sed la guberniestro Newsom ĝojis, ke la meteologio «komencas kooperi», kun vento-malkresko kaj kelkaj pluvoj atendataj en la venontaj tagoj.

Ankaŭ la Ŝtato Vaŝingtono, norde de la okcidenta marbordo, estas tuŝata de tiu incendio, la dua plej grava iam registrita ĉi tie, post la fajroj de 2015. La guberniestro de la Ŝtato Jay Inslee rekte akuzis efikojn de la klimata varmiĝo.

«Tio ne estas natura fenomeno. Tio ne estas agado de Dio. Tio okazas, ĉar la homoj modifis la klimaton de la Ŝtato Vaŝingtono el impresa maniero», li subskribis.

En Oregono, duon-miliono da loĝantoj estis petataj evakui la regionon, kaj la damaĝoj estas gravegaj. Kelkaj forlasitaj domoj eĉ estis rabitaj, kio estigis plurajn arestadojn.

Sume, pli ol 400 000 hektaroj estis trakuritaj de la flamoj en tiu Ŝtato, kie tri mortintoj estis censitaj fare de la helpantoj, dum pluraj dekoj da aliaj personoj plu estas malaperintaj.  

https://fr.euronews.com/2020/09/12/incendies-aux-etats-unis-le-gouverneur-de-washington-met-en-cause-le-rechauffement-climati

https://www.youtube.com/watch?v=D58uXnqH9Es&feature=emb_logo

21/08/2020

«Se vi neas la klimatan ŝanĝiĝon, venu en Kalifornion»: kvar mortintoj, miloj da personoj truditaj foriri, pli ol 10 000 fajrobrigadistoj mobilizitaj kontraŭ la incendioj

http://neniammilitointerni.over-blog.com/2020/08/se-vi-neas-la-klimatan-sangigon-venu-en-kalifornion-kvar-mortintoj-miloj-da-personoj-truditaj-foriri-pli-ol-10-000-fajrobrigadistoj

22/08/2020

532 miliardoj da tunoj, t.e la enhavo de ses olimpikaj naĝejoj ĉiu sekundo: tio reprezentas la fandiĝo de la glaciĉapo en 2019, nova rekordo por tiu teritorio tuŝata de la klimata varmiĝo. La insulo Gronlando varmiĝas duoble pli rapide ol la cetero de la planedo.

«Estas maltrankvilige, ke rekordoj de amasaj perdoj en Gronlando sin sekvas jaron post jaro», eksplikas la aŭtoro de la studaĵo, Ingo Sasgen, glaciologo en la "centro Helmholtze pri esplorado polusa kaj mara". «En 2012, kiam ni spektis la lastan grandan fandiĝon, ŝajnis, ke tio estis ia unika evento, kiu ne reaperos post longa tempo. Kaj nun, nur sep jarojn poste, en 2019, ni spertis atmosferajn kondiĉojn, kiuj denove kaŭzis saman amasan fandiĝon».

La varmiĝo, kion ni jam konstatas en Arkto estas tro grava, por ke la glaciĉapo rekonsistiĝu.  

Sed la plej grava estas, ke la senrimeda fandiĝo de la gronlanda glaciejo plu daŭros, eĉ se la klimata varmiĝo haltus hodiaŭ, ĉar la neĝpluvoj ne plu kompensas la perdojn. Ankaŭ la malmulta volumo de neĝo estas konsekvenco de la klimata varmiĝo.

«La varmiĝo, kion ni jam konstatas en Arkto estas tro grava, por ke la glaciĉapo rekonsistiĝu», aldonas Ingo Sasgen.               

«La altigo de 1,5 celsiaj gradoj kompare kun la antaŭindustria periodo estas grava. Kaj pro tio la glacio plu fandiĝas. De post 1997, ni ne spertis jaron de rekonsistiĝo de la glacio».

La fandiĝo havas kiel konsekvencon altiĝon de la marnivelo, kiu jam atingis 15 centimetrojn dum la 20a jarcento. Post 30 jaroj, pli ol unu homo el sep vivos en riska zono, vundebligita de la altiĝo de la marnivelo kaj la klimata perturbo. 

https://fr.euronews.com/2020/08/21/fonte-record-de-la-calotte-glaciaire-en-2019-une-tragedie-pour-l-avenir

https://www.youtube.com/watch?v=wsZguUYaMKc&feature=emb_logo

Franca

https://www.youtube.com/watch?v=DgjJ_36lPo0&feature=emb_logo

Germana

https://www.youtube.com/watch?v=vEtg4JxhwTU&feature=emb_logo

Itala

https://www.youtube.com/watch?v=O0aeFbaTsIs&feature=emb_logo

Hispana

https://www.youtube.com/watch?time_continue=1&v=_CTlStUa60w&feature=emb_logo

Portugala

https://www.youtube.com/watch?v=tLmNP4tLxAw&feature=emb_logo

Greka

https://www.youtube.com/watch?v=pfECRcehRLE&feature=emb_logo

Hungara

https://www.youtube.com/watch?v=xlVfRf8TOyY&feature=emb_logo

18/07/2019

Rekordo de varmo ĝis 21 celsiaj gradoj estas registrita apud la Norda poluso

http://neniammilitointerni.over-blog.com/2019/07/rekordo-de-varmo-gis-21-celsiaj-gradoj-estas-registrita-apud-la-norda-poluso.html

16/08/2020

La kargoŝipo "MV Wakashio", grundita sur rifo apud la insulo Maŭricio, kaj kiu elverŝis 1 000 tunojn da fuelo sur la marbordojn duonrompiĝis, anoncis dimanĉon ĝia proprietulo, la kompanio Mitsui OSK Lines     

«La 15an de aŭgusto estis konfirmite, ke la ŝipo duonrompiĝis», anoncis "Mitsui OSK Lines" precizigante, ke informis pri tio la proprietulo, "Nagashiki Shipping".

Tiu rompiĝo de la kargoŝipo, kiu grundis la 25an de julio sur rifo en loko nomita Pointe d’Esny sud-oriente de la insulo Maŭricio kun 3 800 tunoj da fuelo kaj 200 tunoj da dizelo, ŝajnis neevitebla tiujn lastajn tagojn.  

Ekologia katastrofo 

Inter 800 kaj 1 000 tunoj da fuelo elverŝiĝis el ĝiaj tranĉitaj flankoj kaj malpurigis la marbordojn, interalie la areojn protektatajn per arbaroj da mangrovo, kaj minacitajn speciojn. La help-skipoj faris sian eblon por pumpi la restaĵon de karburaĵo, dum la ŝipo minacis rompiĝi je ia ajn momento. 

«Ne rekuperita kvanto da karburaĵo elverŝis el la ŝipo», menciis dimanĉon "Mitsui OSK Lines". Laŭ la aŭtoritatoj, ĉirkaŭ 90 tunoj da karburaĵo plu restis surŝipe ĉe la momento, kiam la ŝipo duonrompiĝis.

La help-teamo intencas remorki du trionojn de la vrako kaj dronigi ilin marvaste por eviti pliajn damaĝojn, eksplikis anonima polica informofonto en Port-Luiso. La restanta parto de la ŝipo plu estas blokita ĉe la rifo, laŭ la sama informfonto.

La civitanoj bedaŭras la senagadon de la registaro 

La maŭricia registaro estas akuzata pri neglekto. La loĝantaro de tiu turisma insulo sin demandas, kial tiel malmulte estis farita inter la momento, kiam la "MV Wakashio" grundis, kaj la apero de la likado. La Ĉefministro Pravind Jugnauth opiniis, ke nenia eraro estis farita kaj rifuzis sin ekskuzi. La registaro ankaŭ anoncis, ke ĝi postulos monkompenson de la proprietulo kaj de la asekuristo de la ŝipo, pro la damaĝoj kaŭzitaj de la fuelo, kaj pro la kosto de marborda purigado.     

"Nagashiki Shipping", sin deklaris «profunde konscia pri siaj respondecoj», kaj promesis respondi «sincere» al la petoj pri monkompenso.   

https://fr.metrotime.be/2020/08/16/must-read/le-navire-echoue-sur-les-cotes-de-lile-maurice-sest-brise/

https://www.youtube.com/watch?v=ICznJazR_D0

10/08/2020

Maŭricio: la loĝantoj mobiliziĝas kontraŭ la minaco de naftoverŝo

http://neniammilitointerni.over-blog.com/2020/08/mauricio-la-logantoj-mobilizigas-kontrau-la-minaco-de-naftoverso.html

22/05/2015

Kalifornio : naftoellasiĝo : la entrepreno, kiu ekspluatas la naftokondukilon estas akuzita

http://neniammilitointerni.over-blog.com/2015/05/kalifornio-naftoellasigo-la-entrepreno-kiu-ekspluatas-la-naftokondukilon-akuzita.html

14/12/2014

Bangladeŝo : raraj delfenoj minacitaj de naftoellasiĝo

http://neniammilitointerni.over-blog.com/2014/12/bangladeso-raraj-delfenoj-minacitaj-de-naftoellasigo.html

10/08/2020

Miloj da personoj atingis dimanĉon la sud-orientan marbordon de la insulo Maŭricio por partopreni ĝian protektadon fronte al la naftoverŝo, kiun minacas ellasi la kargoŝipo Wakaŝio, grundita sur rifo cent metrojn for de la marbordo.

«La homoj komprenis, ke ili devas okupiĝi mem pri protektado de la faŭno kaj flaŭro», asertis Aŝok Subron, ekologiista aktivulo veninta de la apuda urbo Mahébourg.

Sur la marbordo, centoj da volontuloj pene plektis flosantajn barilojn el kanabo kaj teksaĵo cele al deteni la nafto-tavolon, kiu ellasiĝas el la ŝipo, grundita sur rifo de Pointe d'Esny, ne malproksime de la internacia flughaveno de Maŭricio.

Aliaj, kovritaj per nafto kaj oleo, surhavante maskojn kaj kaŭĉukajn gantojn, provis demeti en sitelojn la produktaĵojn ellasitajn de la ŝipo.     

Ĉirkaŭ 1 000 el la 4 000 tunoj da nafto transportitaj de la Wakaŝio jam verŝiĝis en la maron, menciis Akihiko Ono, vic-prezidento de la "Mitsui OSK Lines", kiu funkciigis la ŝipon apartenantan al alia japana entrepreno, kaj kiu navigas sub panama flago.  

«Stato de media urĝeco».

Dum gazetkunveno en Tokio, la proprietulo kaj la frajtigisto de la ŝipo petis pardonon de la maŭricia popolo, kaj promesis klarigi la aferon koncerne la cirkonstancojn de la ŝippereo.    

«En ĉi tiu kazo de ŝippereo ni scias, ke la ŝipo tro proksimiĝis de la insulo. Pri la kialo, ni enketu. Se eraro aŭ miskompreno okazis, ni enketu per pridemandoj».

Masanori Kato, Ĝenerala Direktoro de O.S.K Lines

Dimanĉon, la maŭricia polico intencas siaflanke akiri la dokumentojn rilatajn al la navigado de la ŝipo kaj la registradon de la interkomunikaĵoj.  La Wakaŝio ŝippereis pasitan 25an de julio. Ĝi transportis 200 tunojn da dizelo kaj 3 800 tunojn de fuelo. La maŭricia Ĉefministro, Pravind Jugnauth, de tiam deklaris «Staton de media urĝeco».

https://fr.euronews.com/2020/08/09/ile-maurice-les-habitants-se-mobilisent-contre-la-menace-de-maree-noire

https://www.youtube.com/watch?v=LiiKZvM_0wg

https://www.youtube.com/watch?v=-EJSOQHf6h4

26/07/2020

Bildo: domo forlasita en la norvegia arkipelago Svalbardo, en junio 2018. 

Pasintan sabaton, la kulmino de varmo, kiu ŝajne daŭros ĝis lundo, superas nete la normalajn sezonajn temperaturojn:  kutime en julio, plej varma monato en Arkto, la temperaturoj ĉirkaŭas 5 ĝis 8 gradoj en Svalbardo.

Sabaton 25an de julio, Svalbardo, norvegia arkipelago en Arkto, registris temperaturojn super 20 gradojn. Laŭ la norvegia meteologia instituto, ili estas la plej varmaj iam registritaj de pli ol kvardek jaroj. Kun kulmino ĝis 21,2 gradoj dum posttagmezo, la arkipelago eĉ spertis sian duan plej varman tagon de post la komenco de la meteologiaj mezuroj. La sola precedenco konata datiĝas de la 16a de julio 1979, kiam la termometro indikis 21,3 gradojn, precizigas la meteologiisto Kristen Gislefoss.

La grupo da insuloj, kelkfoje pli konata per la nomo Spicbergo, situiĝas mil kilometrojn for de la Norda Poluso. La sabata kulmino de varmo, kiu ŝajne daŭros ĝis lundo, superas nete la normalajn sezonajn temperaturojn: kutime en julio, plej varma monato en Arkto, la temperaturo ĉirkaŭas 5 ĝis 8 gradoj en Salvardo.

Jam varmiĝo de 3 ĝis 5 gradoj en daŭro de 30 jaroj 

Arkto varmiĝas duoble pli rapide ol la tuta planedo, opinias la sciencistoj. La somero de la jaro 2020 en la regiono estas markita per epizodoj de varmega ondo en la rusia parto de Arkto: temperaturoj 5 gradojn super la normalaj de januaro en Siberio, kaj kulmino ĝis 38°C komence de julio trans la arkta cirklo.

Laŭ antaŭnelonga norvegia oficiala raporto de «Climate in Svalbard 2100» (en la angla), la averaĝa temperaturo en Svalbardo por la periodo 2070-2100 ŝajne kreskos de 7 ĝis 10 gradoj kompare kun la periodo 1970-2000, laŭ la nivelo de emisioj kaŭzitaj de la homaj aktivecoj en la venontaj jardekoj. La ŝanĝiĝo jam estas videbla. «De 1971 ĝis 2017, plivarmiĝo je 3 ĝis 5°C estis observebla, kun la plej fortaj kreskoj en vintro», laŭ la raporto.        

Konata pro siaj polusaj ursoj, Svalbardo havas paradoksan apartaĵon, ĉar ĝi loĝigas samtempe karbonminon: energion, kiu estas la plej granda emisianto de forcejefika gaso, kaj «vegetala arkeo de Noa», inaŭgurita en 2008 cele al protektado de la plantoj kontraŭ la nekompetenteco de la homoj. Tiu sekurĉambro supozata protekti nin kontraŭ la klimata ŝanĝiĝo, estis mem viktimo de la varmiĝo. Ĉirkaŭ 20 milionoj da eŭroj da konstruado estis devige plenumintaj en 2016 pro enfiltrado de akvo, kaŭzita de la permafrosta degelo.   

https://www.francetvinfo.fr/meteo/climat/arctique-plus-de-20-degres-dans-le-svalbard-norvegien-un-record-depuis-plus-de-40-ans_4056045.html

https://www.youtube.com/watch?v=B13uuJEw94Q

27/06/2020

Siberio: 38°C en  Verĥojansk: rekordo de varmo en Arkto

http://neniammilitointerni.over-blog.com/2020/06/siberio-38-c-en-verhojansk-rekordo-de-varmo-en-arkto.html

14/07/2019

Arkto: la permafrosto fandiĝas 70 jarojn pli frue ol antaŭvidite, kaj tio estas katastrofo

http://neniammilitointerni.over-blog.com/2019/07/arkto-la-permafrosto-fandigas-70-jarojn-pli-frue-ol-antauvidite-kaj-tio-estas-katastrofo.html