Overblog
Suivre ce blog Administration + Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton!

Ekde 03/01/2012

free counters
Free counters

Bonvenon

8 décembre 2018 6 08 /12 /décembre /2018 17:53

08/12/2018

De tri jaroj, la nombro da personoj, kiuj suferas pro malsato en la mondo kreskas denove, kaj koncernas 821 milionojn da personoj en 2017. La Organizaĵo pri Nutrado kaj Agrikulturo de la Unuiĝintaj Nacioj (ONA) starigis tiujn nombrojn en sia jarraporto pri la "Stato de la nutrada sekureco kaj nutrado en la mondo". Ili markas regreson ĝis la nivelo, kiu ekzistis antaŭ dek jaroj, indikis la internacia organizaĵo.
«La situacio pligraviĝas en Sud-Ameriko kaj en plejparte de la afrikaj regionoj, dum la tendenco al malaltiĝo de la sub-nutrada procento, kiu karakterizis la asian kontinenton, ŝajne malrapidis forte», konstatas UN en sia komunikaĵo.
Aliparte, la raporto klare ligas tiun kreskadon de la malsato en la mondo, al la klimata ŝanĝiĝo. «Krom la konfliktoj, la variemo de la klimato kaj la klimataj ekstremoj figuras inter la ŝlosilaj faktoroj de la antaŭnelonga pliintensiĝo de la malsato en la mondo, kaj estas unu el la ĉefaj kialoj de la gravaj nutradaj krizoj. La kombinaj efikoj de la klimata ŝanĝiĝo estas malprofitaj al ĉiuj aspektoj de la nutrada sekureco (disponebleco, alirebleco, uzado kaj stabileco», ĝi indikas.   
Ĝi aparte notas, ke la klimataj ŝanĝiĝoj kaŭzas «malaltiĝon de la kvalito de la nutraĵoj, kaj de la diverseco de la nutraĵoj produktitaj kaj konsumitaj»: «efikojn al akvo kaj salubrigo» ; «konsekvencojn al la flegado de la patrinoj kaj mamnutrado». 

03/02/2018

Klimato: giganta manifestacio en Bruselo markas la malfermon de la COP24

http://neniammilitointerni.over-blog.com/2018/12/klimato-giganta-manifestacio-en-bruselo-markas-la-malfermon-de-la-cop24.html

02/12/2018

Germanio: manifestacioj kontraŭ la karbo, tagon antaŭ la pintkunveno pri la klimato en Katovico

http://neniammilitointerni.over-blog.com/2018/12/germanio-manifestacioj-kontrau-la-karbo-tagon-antau-la-pintkunveno-pri-la-klimato-en-katovico.html

neniammilitointerni - dans Sandetruado
28 septembre 2018 5 28 /09 /septembre /2018 13:43

28/09/2018

Bildo : La klordekono, tiu endokrina perturbanto estis longtempe konsiderata kiel nemalhavebla al la kulturo de bananoj, unu el la ŝlosilaj ekonomiaj sektoroj de Antiloj… 

La Antilanoj estas kore de lukto por diskonigi la danĝerecon de la klordekono. Ĉeestanta en Martiniko kaj Gvadelupo, tiu kancerogena insekticido kaj endokrina perturbanto ĉeestanta en la grundoj, estigos poluadon dum pluraj jarcentoj.

Ĝi estis longtempe konsiderata kiel nemalhavebla al la kulturo de bananoj, unu el la ŝlosilaj ekonomiaj sektoroj de Antiloj. En longa enketo, la franca ĵurnalo Le Monde priskribas la situacion de tiu «mirakla» insekticido, kiu havas katastrofajn konsekvencojn. Aperinta en 1972, ĝi estis ŝprucigita al la bananejoj cele al lukto kontraŭ la grenskaraboj de la bananujo, kulpaj pri konsiderindaj damaĝoj.   

Malpermesita en Francio ekde 1990, sed escepte uzata ĝis 1993 en Antiloj, ĝi estas de tiam, plu ĉeestanta en la grundoj kaj povas troviĝi en kelkaj nutraĵoj je vegetala aŭ besta origino, kaj kelkaj akvokaptiloj.

 

Poluitaj grundoj dum centoj da jaroj 

Laŭ la ĵurnalo "Le Monde", preskaŭ ĉiuj Gvadelupanoj (95%) kaj Martinikanoj (92%) estas venenitaj per klordekono, laŭ studaĵo publikigita en 2013 fare de "Santé publique France". (Publika Sano Francio)

Pli grave, «la pesticido estas forte suspektata, ke ĝi kreskigas la riskon de kancero de prostato, kies nombro en Martiniko superas mondan rekordon, kun 227,2 kazoj por 100 000 homoj ĉiujare», eksplikas la artikolo. Ĝi ankaŭ estas suspektata malhelpi la normalan kreskadon de la beboj.   

La klordekono estas eliminita de la korpoj post kelkaj semajnoj. Sed en Antiloj, neniu povas eskapi ĝin. Ĝi ĉeestos en la grundoj dum centoj da jaroj. 

neniammilitointerni - dans Sandetruado
27 septembre 2018 4 27 /09 /septembre /2018 12:44

27/09/2018

Bildo: pesticidoj fabrikataj de Syngenta à Monthey venenas Hindiajn terkutivistojn.  

Averto pri mortigaj insekticidoj. La NeRegistara Organizaĵo Public Eye postulis de la svisaj aŭtoritatoj, ke ĝi malpermesu eksportadojn de potenca pesticido, suspektata esti je la origino de ondo da veneniĝo, okcidente de Barato.

Antaŭ jaro, funkciuloj de la Ŝtato Maharaŝtro (okcidente) indikis, ke 20 agrikulturaj laboristoj mortis, kaj centoj da aliaj estis hospitaligitaj post veneniĝo, kiam ili disŝutis pesticidojn produktitajn de la entrepreno Syngenta.

Purushattam Khadse, terkultivisto, rakontas: «Miaj okuloj komencis brulvundi min, kaj ruĝiĝi. Mi konsultis kuraciston, kaj li diris al mi, ke mi suferas pro la pulvoro, kiun mi disŝutas en la kampojn».

"Public Eye" atentigas, ke la insekticido vendata en Barato, kaj produktata en Svislando estas malpermesita je vendo en Eŭropa Unio pro ties malutilaj efikoj kontraŭ sano kaj medio.

Sed Syngenta defendiĝas: la agrokemia entrepreno (hodiaŭ posedata de ĉina grupo) asertas, ke nenia pruvo ekzistas, ebligante aserti, ke ĝia insekticido kulpas pri la veneniĝoj.

La NRO tamen iris ĉi-somere en la Ŝtato Maharaŝtro, cele al renkontiĝo kun postvivantoj kaj familioj de viktimoj. Laŭ "Public Eye", novaj kazoj de veneniĝo okazis ankaŭ en 2018.

neniammilitointerni - dans Sandetruado
12 septembre 2018 3 12 /09 /septembre /2018 14:50
FAO/IFAD/WFP/Eliza Deacon

12/09/2018

Malsato en la mondo kreskis en 2017, por la tria sinsekva jaro. Tion emfazas komuna raporto publikigita de la Organizaĵo pri Nutrado kaj Agrikulturo de la Unuiĝintaj Nacioj (ONA), la  Organizaĵo pri Nutrado kaj Agrikulturo de la Unuiĝintaj Nacioj (ONA), kaj kvar aliaj UN-organizaĵoj, kiuj pritraktas tiujn demandojn.   

Antaŭ dek ok jaroj, UN engaĝiĝis solvi la problemon de malsato en la mondo, antaŭ la fino de la jaro 2030. Tiu respektinda celo pli kaj pli malproksimiĝas. José Graziano da Silva, ĝenerala direktoro de la ONA malĝojas: «Bedaŭrinde, la granda novaĵo ne estas bona novaĵo… por la tria jaro, mi devas anonci al vi, ke la nombro da homoj, kiuj suferas pri malsato en la mondo kreskis».

Preskaŭ 821 milionoj da personoj suferis malsaton en la mondo en 2017, ili estis 804 en 2016. Afriko plu estas la plej tuŝata kontinento kun 21% el ties loĝantaro malbone nutrataj, Azio situiĝas en la dua rango, kun 11,5%.

La nombro de malplenaj ventroj revenis al sia nivelo ekzistanta dek jarojn antaŭe. La tendenco al malaltiĝo do inversiĝis kaj la ONA akuzas la klimatan ŝanĝiĝon: «Ĉi-jare, ni insistas pri la klimata ŝanĝiĝo. La raporto demonstras klare, ke la klimata ŝanĝemo, kaj la submetiĝo al ekstremaj eventoj, pli kompleksaj, pli oftaj kaj pli intensaj, pridubigas la progresojn observatajn en malaperigo de la malsato kaj misnutrado», aldonas José Graziano da Silva.

        

151 milionoj da infanoj koncernataj 

Pro tiuj klimataj ŝanĝiĝoj, la terkultivistoj havas pli malfacilan laborŝarĝon. Tio estas la kazo en Latin-Ameriko, ekzemple, kie la fenomeno El Niño kaŭzis ripetitan sekecon. Triono el la landoj, kiuj spertis kreskadon de misnutrado, spertis ankaŭ sekecon. La klimataj ŝanĝiĝoj instigas la mondon helpi la sudajn terkultivistojn, gurdas la UN-organizaĵoj. Necesas investadi en pli efikajn semojn kaj konservadon de la rikoltoj. Kvankam la klimata ŝanĝiĝo estas fingromontrata, milito plu estas unu el la unuaj kaŭzoj de misnutrado. En Jemeno, ekzemplo, triono el la loĝantaro estas misnutrita.

Sola progreso registrita en 2017, la nombro da infanoj, kiuj suferas pri nesufiĉa kreskado pro malsato, iomete malaltiĝis. Sed 151 milionoj da infanoj en la mondo plu suferas pri malsato.

neniammilitointerni - dans Sandetruado
1 juin 2018 5 01 /06 /juin /2018 21:01
Bildo: Murpentraĵo de agrikulturaj laboristoj en Burkino 
Bildo: Murpentraĵo de agrikulturaj laboristoj en Burkino 

01/06/2018

La civitana kolektivo por agro-ekologio organizas ĉi-2an de junio protestmarŝadon kontraŭ la GMO, la Genetike Modifitaj Organismoj. En 2016, Burkino rezignis pri la transgena kotono, sed tamen la esplorado daŭras pri aliaj varoj. La ministrejo pri Medio certigas, ke nenio okazos tiuteme sen aprobo de la Nacia agentejo pri biosekureco.

Tri jarojn post la marŝado kontraŭ la firmao Monsanto, monda ĉefrolulo pri la GMO, la civitana kolektivo por agro-ekologio, kiu grupigas kvardek organizaĵojn de kamparanoj kaj de la civita socio, kampanjas denove.

«Tiu marŝado celas atentigi la politikajn aŭtoritatojn de la lando, ke ni luktas kontraŭ la intenco revenigi la GMO en Burkinon».      

Ali Tapsoba estas la porparolanto de la kolektivo. Du jarojn antaŭe, Burkino rezignis pri la transgena kotono, sed la GMO tamen ne malaperis de la kamparo. Laboratorioj plu esploradas interalie pri la ñebbe, fazeolo ege ŝatata de la burkinanoj.

Ali Tapsoba: «Esplorgrupo burkina, ganea kaj niĝeria efektivigas tiujn esplorojn en fermita medio. Tiu grupo intencas testi estontjare en malfermita medio. Sciu, ke se tio okazus, ni estus unu el la malofta loĝantaro en la mondo, kiuj rekte konsumas genetike modifitajn organismojn».      

Batiou Bassière, ministro pri Medio en Burkino deziras trankviligi la protestantojn. Nenio okazos sen kontrolo.

«Principe, Burkino ne kontraŭas la GMO, sed ni kreis nacian agentejon pri biosekureco, kiu antaŭ enkonduko de substancoj, efektivigas antaŭan analizon pri sekureco pri biodiverseco, kaj pri efiko al la konsumantoj».     

Alia zorgiga afero estas la projekto de reglamento pri la bioteknologio preparita de la CEDEAO. La NeRegistaraj Organizaĵoj (NROj) alvokas al tutafrika mobilizado.

Ali Tapsoba: «Ni nun starigas afrikan fronton favore al nutraĵa suvereneco, kiu unuigos la luktojn nivele de tuta Afriko, por malhelpi efektivigon de tiu projekto».        

Ankaŭ pri tio, la ministro pri Medio montriĝis trankvilige.

Batiou Bassière: «Ĉiu lando havas sian vizion, kaj ni opinias, ke en la demarŝo de nia registaro, temas pri protektado de la medio kaj de la konsumantoj».

Lasta kaŭzo de kolero por la civita socio: la projekto planas liberigi genetike modifitajn moskitojn en la naturon por lukti kontraŭ paludismo. Nenia decido estas ĝis nun prenita, memorigis la registaro. 

neniammilitointerni - dans Sandetruado
24 mai 2018 4 24 /05 /mai /2018 20:25
ARUN SANKAR / AFP / Getty Images

24/05/2018

Sude de Barato, manifestacioj kontraŭ plivastigo de kupro-fandejo estis perforte subpremita de la polico. Kolizioj inter policistoj kaj pluraj miloj da manifestaciantoj daŭris ĝis merkrede. De post mardo, ili okazigis pli ol dekon da mortintoj. La surloka loĝantaro denuncas de monatoj la poluadon de aero kaj akvoj estigitan de uzino, kiu apartenas al la brita multnacia firmao Vedanta. Tiu afero ripetiĝas en Barato, kie la mediaj normoj estas kutime malobservataj profite al la grandaj industriaj projektoj.

Tuticorin tumultiĝas de post mardo. La interrompo de la projekto pri plivastigo de la fandejo de la grupo Sterlite Industries, filio de Vedanta, ne trankviligis la etoson en tiu havena urbeto ekstremsude de Barato. La policistoj denove pafadis, okazigante plian mortinton, dum la manifestaciantoj denove incendiis plurajn veturilojn.   

Multaj barataj politikistoj denuncis en la amasinformiloj kaj la sociaj retoj la reagon de la polico, kiu pafis per veraj kugloj al la homamaso. Mardon, dekoj da miloj da manifestaciantoj surstratiĝis, atakis policajn veturilojn, plurajn registarajn konstruaĵojn kaj restadan kvartalon, kie loĝas la laboristoj de Vedanta. La uzino, unu el la plej gravaj en Barato, estas fermita de preskaŭ du monatoj kaj plu restos tia almenaŭ ĝis la 6a de junio. La surloka aŭtoritato pri kontrolo de la poluado asertas siaflanke, ke la uzino ne respektas la internaciajn normojn.  

En 2013, la registaro de Tamilnado ordonis la fermadon de tiu uzino post likado de toksa gaso. Vedanta sukcesis apelacii kontraŭ tiu justica decido, sed estis kondamnita pagi monpunon je 12,5 milionoj da eŭroj.

neniammilitointerni - dans Sandetruado
23 mai 2018 3 23 /05 /mai /2018 20:52

23/05/2018

Bildo: lernejaninoj kovras sian vizaĝon por protekti sin kontraŭ poluado en Nov-Delhio (Barato), la 8an de novembro 2017.

SAJJAD HUSSAIN / AFP 

Tio reprezentas pli altan nombron ol la nombro da viktimoj de vojakcidentoj, aidoso, tuberkulozo kaj diabeto sumigitaj.

Ni timas aerpoluadon, ĉar ĝi kontribuas al la klimata varmiĝo de la planedo. Sed ĝi ankaŭ devus timigi pro ties rektaj konsekvencoj, kelkfoje nekonataj: ĝi mortigas ĉiujare 7 milionojn da personoj en la mondo, mencias la Monda Organizaĵo pri Sano (MOS) en jara bilanco (en la angla), publikigita merkredon 2an de majo.

Tiu nombro kreskas: la lasta bilanco publikigita en 2016 menciis 6,5 milionojn da mortoj ĉiujare. La nombro da mortintoj ligitaj al la enhejma poluado – pro interalie fornoj kaj hejtiloj – malkreskis de 4,3 ĝis 3,8 milionoj, la mortintoj kaŭzitaj de la ekstera aero eksplodis, de 3 ĝis 4,2 milionoj. 

 

Naŭ homoj el dek spiras poluitan aeron.  

Tiuj mortoj ne tuŝas la tutan mondon egalmaniere: 90% inter ili okazas en landoj kun malaltaj aŭ mezaj mongajnoj, eksplikas la MOS, ĉefe en Azio kaj Afriko.

La organizaĵo ligita kun UN emfazas alian nombron: naŭ loĝantoj de la planedo el dek, spiras aeron «kiu enhavas altajn nivelojn da poluiloj». La aeroj plej poluitaj en la mondo troviĝas en Mez-Oriento kaj Sud-orienta Azio.   

Tiu poluado estas konsiderata de la MOS kiel grava faktoro de netransdoneblaj malsanoj. La raporto mencias, ke 24% el la mortoj estas ligitaj al kormalsanoj kaj 29% al pulmokancero.

neniammilitointerni - dans Sandetruado
12 avril 2018 4 12 /04 /avril /2018 19:43

12/04/2018

Bildo: La loĝantoj de Volokolamsk, apud Moskvo, manifestacias kontraŭ la poluadaj forĵetaĵoj, kiuj kaŭzis enhospitaligon de infanoj, la 21an de marto 2018. Maxime POPOV. AFP

La loĝantoj de Volokolamsk, okcidente de Moskvo, manifestaciis la 1an de aprilo, postulante fermadon de apuda rubejo, el kiu emanas toksaj gasoj, kiuj poluadas la aeron de la komunumo. La kontestado nun vastiĝas laŭ dekoj da urboj situantaj proksime de la rusia ĉefurbo.  

Preskaŭ 2 000 personoj kolektiĝis sur la placo de la urbodomo de Volokolamsk, 100 kilometrojn nord-okcidente de Moskvo. Ili postulas fermadon de la apuda rubejo. Dek personoj, inter kiuj la organizinto de tiu malpermesita kolektiĝo, estis arestitaj de la polico fine de la manifestacio.

De post meze de marto, la 20 000 loĝantoj de tiu urbo mobiliziĝas, plendas sin pro invado de toksaj gasoj. Apuda rubejo, en kio amasiĝas forĵetaĵoj devenantaj de la ĉefurbo estas celata. La aktiveco de tiu rubejo kreskadis en decembro post la fermado petata de Vladimir Putin de alia rubejo en la granda ĉirkaŭaĵo de Moskvo.

La 21an de marto, 41 infanoj estis enhospitaligitaj en Volokolamsk. La aŭtoritatoj deklaris la urbon en prigarda stato, kaj fermis plurajn lernejojn. Vizaĝoŝirmiloj estis disdonitaj al la loĝantoj.

La kontestado vastiĝas hodiaŭ en deko da aliaj urboj situantaj ĉirkaŭ la ĉefurbo. La loĝantoj, kiuj timas je sia sano, organiziĝas por bloki la vojojn kaj rubejojn, kaj tio, malgraŭ la avertoj lanĉitaj de la aŭtoritatoj. En Rusio, specigo de la forĵetaĵoj estas kvazaŭ neekzistanta. Ĉiuj rubujoj de la ĉefurbo estas amasigitaj liberaere, en la kamparo.

neniammilitointerni - dans Sandetruado
3 janvier 2018 3 03 /01 /janvier /2018 18:57

03/01/2018

Bildo: Sud-Afrikaninoj kolektas karbon, proksime de termoelektra centralo.© AFP/Marco Longari 

Ili estas duoble viktimoj de la mizero. La loĝantoj de la getourboj ne nur estas la plej malriĉaj de Sud-Afriko, ili ankaŭ vivas en areoj poluataj de dekoj da jaroj de minekspluatado. La plej videbla poluado estas tiu polvo ellasata de karbo-restaĵo. Sed oni trovas ankaŭ arsenikon, plumbon, uranion, kiuj mortigas iom post iom la loĝantojn.

200 minejaj teramasoj kaj preskaŭ 600 forlasitaj minoj ekzistas ĉirkaŭ Johanesburgo. Ili estas heredaĵoj de la orimpetego kaj de la karbo-ekspluatado. Soweto, la getourbo de Nelson Mandela kaj ties miliono kaj duono da loĝantoj, enkalkulas multegajn kazojn de spirmanko.       

La kazoj de tuberkulozo kaj astmo tuŝas ĉiuaĝajn personojn. Ankaŭ haŭtmalsanoj multnombras.

La kaŭzo estas jena: ekde kiam la vento blovas, ĝi deponas danĝeran nigran polvon en la hejmoj. Eĉ la nutraĵoj estas kovritaj, se ili ne estas tuj konsumitaj. Ĝi entenas restaĵojn de kupro aŭ plumbo, cianuro kaj arseniko. La plej insida estas la radioaktiva poluado. En la malnovaj mingalerioj, 6 000 tunoj da restaĵoj de uranio estis enfositaj, laŭ universitata studaĵo. Cele al evito de konsumado de akvo poluata per uranio, Johanesburgo importas sian trinkeblan akvon el Lesoto, 380 kilometrojn for de tie.

Kompreneble, pluvoj kaj inundoj transportas poluaĵojn ĉien. Kanaloj ja estis fositaj piede de la minejaj teramasoj por kolekti la defluadajn akvojn. Sed pro manko de aranĝo, ili ofte estas damaĝitaj, kaj ellasas la poluatajn akvojn tra kampoj kaj herbejoj. Ĝuste tie, kie la gregoj paŝtiĝas kaj la infanoj ludas. Laŭ la asocio de lukto kontraŭ kancero, la situacio estas tiel senesperiga, ke la sano de 400 000 personoj estas minacata.            

La kompleta purigado de la malnovaj minoj montriĝas neebla, pro ĝia kosto kaj ĉefe, ĉar la esk-proprietuloj estas nesolventaj aŭ nekonataj. Koncerne la konatajn proprietulojn, ili silentas kaj neas la rilatojn inter poluado kaj sano de la loĝantaro. Ĉiaokaze, neniu epidemiologia studaĵo ekzistas pri tiu temo.      

La sola solvo por la loĝantoj estus forlasi la lokojn. Sed ili estas tro malriĉaj por fari tion.

neniammilitointerni - dans Sandetruado
17 octobre 2017 2 17 /10 /octobre /2017 19:18
AP Photo/Alexander JOE

17/10/2017

En Madagaskaro, almenaŭ 74 personoj mortis pro pesto, kaj pli ol 800 aliaj kazoj estas menciataj. Nacia plano de lukto estis aranĝita, sed la obstakloj estas multnombraj.  

Estas la tempo de serioza purigado en Antananarivo, kaj ĉiuj partoprenas. De post la fino de aŭgusto, centre de Madagaskaro, la «pesto-sezono» komenciĝis. Sed ĉi-jare, la malsano rapide disvastiĝis ĝis la ĉefurbo. Laŭ lasta bilanco publikigita mardon 17an de aŭgusto, fare de la ministrejo pri Sano, 805 kazoj kaj 75 mortoj estis jam konstatitaj en la tuta Granda Insulo, el kiuj almenaŭ 276 kazoj kaj 25 mortoj en Antananarivo.   

En la urbo, la fajrobrigadistoj mobiliziĝis en la bazaroj, cele al eliminado de la ratoj, kies puloj vehiklas peston. Sed en unu el la plej malriĉaj ĉefurboj de la mondo, higieno kolizias kun malriĉeco. En la kvartalo Ampefiloha, la brokantistoj kaj aliaj feraĵistoj ŝajne ne konscias pri la ligilo ekzistanta inter pesto kaj nesalubreco. Meze de stokoj da forĵetaĵoj, ili plu komercas, ignorante la danĝeron. «Blokadoj ligitaj al malriĉeco ja ekzistas, konstatas Jacques Razafindraibe, delegito de la urbestro de Antananarivo. Kio ĉefe zorgigas la homojn, estas scii kion ili manĝos hodiaŭ kaj morgaŭ, prefere al penso pri purigado. Tio ĉi estas la problemo».

En uzino de la ĉefurbo, kvar personoj estis trafitaj de la pulmopesto, kiu estas la plej grava kaj kontaĝa formo de la malsano, ĉar ne kuracita, la homoj povas morti en daŭro de 24 horoj. Teamo de la ministrejo pri Sano malinfektadis 25 0000 m2 da surfaco, kaj kuracadis 1 600 dungitojn.  

 

«Ni kvazaŭ spertas militon » 

La ĉefa defio, kion alfrontas la registaro, estas je ĉia prezo, ĉesigi la disvastiĝon de la malsano. La 11an de oktobro, la prezidento Hery Rajaonarimampianina proklamis ĝeneralan mobilizadon kontraŭ la pesto. «Ni kvazaŭ spertas militon», li deklaris dum surloka vizito en Antananarivo.

En la ĉefurbo, la aŭtoritatoj multobligis la preventajn aranĝojn. Kadre la nacia plano de lukto, agentoj pord-al-porde vizitas la loĝantojn ĉiutage, por atentigi ilin pri la plago. La universitato kaj la lernejoj estis fermitaj pro malinfektado, la busstacidomoj estas kontrolataj kaj la publikaj kunvenoj suspenditaj…

Alvokita por helpo, la "Monda Organizaĵo pri Sano" liveris 1,2 milionon da tunoj da dozoj de antibiotikoj, kapablaj protekti ĝis 100 000 personoj kaj kontingentojn de buŝprotektiloj kaj aliaj varoj por malinfektado. Ankaŭ agentejo de UN kaj la Ruĝa-Kruco urĝe formis volontulojn, taskitajn pri informado kaj prevento en la loĝantaro.

Sed malgraŭ ĉiuj ĉi streboj, la pesto plu okazigas viktimojn. Dek tri tagoj pasis inter la unua morto kaj la alarmo de la ministrejo pri Sano. Tiu malfruo estigas embarasan situacion por la aŭtoritatoj, kiuj asertis tri semajnojn antaŭe, ke ili regas la epidemion.

neniammilitointerni - dans Sandetruado
Créer un blog gratuit sur overblog.com - Contact - CGU -
.date span.text {display:none ; }