« La klimata ŝanĝiĝo estas eksterkontrolo », alarmas Unuiĝintaj Nacioj post tre tre varma semajno

8 juillet 2023 6 08 /07 /juillet /2023 10:17

« La klimata ŝanĝiĝo estas eksterkontrolo », alarmas Unuiĝintaj Nacioj post tre tre varma semajno

08/07/2023

La ĝenerala sekretario de UN opinias, ke la planedo direktiĝas « al katastrofa situacio » post du tutmondaj rekordoj de varmo en unu semajno.

Verŝajne, la somero 2023 restos registrata en la homaj analoj. Post du sinsekvaj rekordoj de la plej varma tago iam mezurita mondnivele, lundon kaj mardon, la ĝenerala sekretario de UN opinias, ke de nun la klimata ŝanĝiĝo estas « eksterkontrolo ».

« Se ni plu prokrastas la esencajn aranĝojn, kiujn ni bezonas (reduktado de la forcejefikaj gasoj) mi opinias, ke ni direktiĝas al katastrofa situacio, kiel montras ambaŭ rekordoj de temperaturoj », deklaris Antonio Guterres ĉi-ĵaŭdon 6an de julio dum gazetkunveno en Novjorko. Mardon, la averaĝa temperaturo de la aero atingas 17,18%, superante la antaŭan rekordon de 17,01°C atingitan lundon.

Kaj la mondo sendube eĉ spertis sian plej varman semajnon iam registritan, ĉiuj monatoj miksitaj, de merkredo 5a de julio al 12a de julio. La averaĝa taga temperaturo superis ĉiun ajn semajnon de la 44 antaŭaj jaroj da registrado ĝis 0,04°C, laŭ la « Climate Reanalyzer » ĉe la Universitato de Maine, raportas The Guardian.

La National Oceanic and Atmospheric Administration (NOAA), kies datumoj, kiuj datiĝas de 1950 estas referenco por la klimato, tamen deklaris ĵaŭdon, ke ĝi ne estas ĝis nun kapablas validigi tiujn neoficialajn nombrojn.

Julio estis « la plej varma monato el ĉiuj tempoj »

Mardon, UN konfirmis la revenon de El-Ninjo, klimata fenomeno asociita al la altiĝo de la mondaj temperaturoj kaj ekstremaj eventoj. La lasta granda fenomeno El-Ninjo datiĝas de 2016.

Mondnivele, junio 2023 jam estis la plej varma monato, kun iom pli ol 0,5 gradoj super la averaĝo 1991-2022, kaj la tendenco ŝajne daŭros en julio. « Ekzistas granda risko, ke julio fariĝu la plej varma monato el ĉiuj tempoj (...) nome de la Eemiana periodo t.e ĉirkaŭ 120 000 jaroj », deklaris Karsten Haustein ĉe la Universitato de Lepsiko al CNN.

Eĉ se prognozo ne estas garantiata koncerne la estontan someron, de post aprilo la rekordoj de temperaturoj sin sekvas, de Ĉinio ĝis Hispanio.

Maraj varmegoj tuŝas la oceanojn Pacifiko kaj Atlantiko de post la printempo, kaj estas la plej rekta signo de la klimata perturbo. Samtempe, la bankizo de Antarkto atingis sian plej malvastan surfacon por junio de post la komenciĝo de la satelitaj observoj.