Overblog
Suivre ce blog Administration + Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton!

Ekde 03/01/2012

free counters
Free counters

Bonvenon

11 décembre 2022 7 11 /12 /décembre /2022 22:43
NnoMan Cadoret / Reporterre

11/12/2022

Bildo: Christophe Yanuwana Pierre, porparolanto de la Indiĝena Junularo de Gviano.

Kontraŭ giganta elektro-centralo en Gviano, kiu detruos hektarojn da arbaro, la Kalina popolo kreis unuan « memstaran defendindan zonon ». Laŭ ties reprezentantoj, tio estas « demando de pluvivado ».

En Prospérité, malgranda vilaĝo en franca Gviano, la Kalina popolo, unu el la ses indiĝenaj popoloj de Gviano, ekrezistas kontraŭ giganta projekto de elektro-centralo, kiu planas instaliĝi malpli ol du kilometroj de ilia vilaĝo. Delegacio ĉeestis Parizon ĉi-semajne por liveri sian mesaĝon ĝis la plej alta nivelo de la Ŝtato.

Pasintan 24an de oktobro, la ĝendarmoj eniris frumatene en la vilaĝon Prospérité por aresti ilian tradician ĉefon Roland Sjabeur.

Tio estas senprecedenca en Gviano, eksplikas la deputito Jean-Victor Castor: « Unuafoje en la historio de la tradiciaj ĉefoj, prefekto eniras en vilaĝon, arestas "Jopoton" (surloka nomo de la tradicia ĉefo). Ruĝa linio estis transpasita. Hodiaŭ, intertraktado ne plu eblas»

 

« Trankvileco »

Tamen, Roland Sjabeur kaj la kalina popolo ne kontraŭas la projekton mem. Tiu hibrida centralo ambicias provizi ĝis 10 000 hejmoj danke al sunpaneloj kaj tute nova sistemo de stokado de energio per hidrogeno. Tio, kion ili konkrete deziras: « El konkreta vidpunkto, ni tutsimple deziras trankvilon en nia vilaĝo. La projekto estu translokita aliloken. »

 

Kial malpli ol du kilometrojn for de la vilaĝo ?

Kial instali tiun centralon je malpli ol 2 kilometroj de la vilaĝo, kaj tio sen ia ajn interdiskutado, dum Gviano mezuras pli ol 83 000 km2 ? La kalinoj kaj lia kutima ĉefo venis starigi tiun demandon en Parizo, dum surloke la mobilizado daŭras.   

20/05/2020

Franca Gviano: nova projekto de orminejo endanĝerigas la biodiversecon, laŭ la NeRegistaraj Organizaĵoj

http://neniammilitointerni.over-blog.com/2020/05/franca-gviano-nova-projekto-de-orminejo-endangerigas-la-biodiversecon-lau-la-neregistaraj-organizajoj.html

Paco inter la popoloj, Klasbatalo, Homaj Rajtoj, kontraŭrasismo, kontraŭseksismo, Medidefendado en Esperanto

https://twitter.com/esperantoNMIN

neniammilitointerni - dans medidefendo
8 décembre 2022 4 08 /12 /décembre /2022 22:38
TAMATI SMITH

08/12/2022

La industria grupo Santos devos rezigni sian foradon, kiu devis okazi cent kilometrojn for de la marbordoj.

La aŭstralia tribunalo juĝis, ke antaŭ ol komenci ekspluatadon, akordo de la proprietuloj de la klano Munupi estis bezonata. Tiu decido estas senprecedenca.

Tagon post la malfermo de la COP 15, la pintkunveno de Unuiĝintaj Nacioj pri biodiverseco, merkredon 7an de decembro en Montrealo, la aŭstralia justico unuafoje pravigis aborigenan komunumon konsiderante, ke ĝia teritorio estas minacita.

La klano Munupi, kiu vivas sur la insuloj Tiwi, ĉe la norda pinto de Aŭstralio, akiris venkon ĉe la federala kortumo de Melburno fronte al giganto pri energio, la grupo Santos, kiu projektis ekspluatadi gasforadon cent kilometrojn for de iliaj marbordoj. La aŭstralia tribunalo juĝis, ke antaŭ ol komenci ekspluatadon de iliaj resursoj, akordo de la proprietuloj de la klano Munupi estis bezonata.

 

La maro, ekonomia kaj kultura resurso

La novaĵo estis ricevita en tiuj insuloj kun multe da ĝojo.

« Ni estas tre fieraj. Dum 230 jaroj, nia registaro tute ignoris la tradiciajn proprietulojn, kaj ĉiam agadis laŭ sia volo ne petante de ni permeson, eksplikas Antonia Burke, kiu reprezentas la klanon Munupi. Akiro de venko ĉe la tribunalo, bazita sur la registaraj leĝoj, estas do grandega venko, kiu donas al ni esperon. »         

Tio estis grava batalo por la loĝantoj de tiuj insuloj, ĉar por ili la maro estas ne nur fonto de nutraĵoj, ili ankaŭ havas kun ĝi spiritan rilaton, rakontas Antonia Burke: « En la aborigena kulturo, la homoj estas en harmonio kun la naturo. »

« Ni havas dancojn, ceremoniojn, kantojn, kiuj ritmas nian ĉiutagaĵon. Kaj ĉiuj ĉi dancoj kaj kantoj estas ligitaj kun la maro, kaj al ĉio, kio troviĝas en ĝi. »  - Antonia Burke, porparolanto de la klano Munupi. 

La entrepreno Santos, siaflanke, planas peton de nova ekspluatpermesilo, sed la Munupi estas decidemaj batali ĝis la fino kontraŭ tiu projekto.

 

Decido, kiu devigas kaj maltrankviligas la industriistojn

Tiu justica senprecedenca decido ĉiaokaze faros jurisprudencon por ĉiuj ekstermarbordaj petrol- kaj gas- projektoj en Aŭstralio, kaj malhelpos la aŭtoritatojn provizi ekspluatpermesilojn al la industriistoj.

« Tiu decido starigas tre klaran normon koncerne la konsultadon de la tradiciaj proprietuloj, asertas Alina Leikin, la advokatino de la klano Minupi. De nun la gas-kompanioj ne plu povos ekskludi ilin el la konsulta proceduro. »

La venko de la Munupi do maltrankviligas la gigantojn de la energia sektoro. Precipe, la grupo Woodside, kiu defendas grandegan gas-projekton nord-okcidente de Aŭstralio.

Tiu projekto kaŭzas viglajn kritikojn, ĉar okaze de ĝia efektivigo, ĝi ellasus dum sia ekspluata daŭro pli ol miliardon da tunoj da CO2. Tio reprezentus ekvivalenton de 20 000 ĉirkaŭteraj flugoj ĉiutage dum 25 jaroj.           

06/08/2021

Aŭstralio monkompensos la aborigenojn de la « ŝtelitaj generacioj »

http://neniammilitointerni.over-blog.com/2021/08/australio-monkompensos-la-aborigenojn-de-la-stelitaj-generacioj.html

neniammilitointerni - dans medidefendo
20 novembre 2022 7 20 /11 /novembre /2022 22:45

20/11/2022

Ĉi-semajne, indiĝenaj gvidantoj vojaĝis de la perua Amazonio ĝis Usono, kun celo malpersvadi la investistojn financadi la peruan petrolkompanion Petroperu.

Tiu semajno estas ŝarĝita por la kvar indiĝenaj gvidantoj: kunsidoj en Novjorko okazos kun la bankoj JP Morgan, Citi Bank kaj Goldman Sachs. La investfonduso Vanguard siaflanke rifuzis partopreni la kunsidon.

Nelton Yankur reprezentas la popolon Aŝuar, komunumo de perua Amazonio damaĝita de antaŭ 40 jaroj, li diras, de la nafto-eksluatado.

« Petroperu, kaj ankaŭ la entrepreno Talisman havas negativan bilancon. La  akvo de la riverego, niaj akvofontoj ne plu estas trinkeblaj. Ili estas tute venenitaj. Kaj la problemo ne ankoraŭ estas solvita  », li eksplikas.

De kelkaj monatoj, la ŝtata grupo Petroperu provas relanĉi esploron kaj boradon, inkluzive en Amazonio. Tiu investo necesigas pli ol miliardon kaj duonon da dolaroj.

La indiĝenaj gvidantoj deziras malhelpi tiun relanĉon de la aktivecoj. « Ni volas, ke la mondaj bankoj, kiuj financas Petroperu, ĉesigu investi. Ni, popolo Aŝuar, ankaŭ la popolo Wampis kaj aliaj popoloj, neniam permesos nafto-ekspluatadon sur niaj teroj », asertis Nelton Yankur.

La indiĝenaj popoloj denuncas ankaŭ petrolan likadon, kiu okazis  pasintan septembron. 2 500 bareloj estis elverŝitaj sur iliajn terojn. Tia katastrofo jam okazis en 2014.   

La kompanio Petroperu elvokas siaflanke, intencajn kaj regulajn damaĝojn de la oleodukto Norperuano de la ŝtata entrepreno, unu el la plej grandaj konstruaĵoj de la lando, konstruita kvar jardekojn antaŭen por transporti petrolon de la amazonia regiono ĝis la marbordo laŭlonge de 800 kilometroj.

24/01/2022

Peruo deklaras median urĝecon por mildigi la konsekvencojn de la naftoverŝo

http://neniammilitointerni.over-blog.com/2022/01/peruo-deklaras-median-urgecon-por-mildigi-la-konsekvencojn-de-la-naftoverso.html

19/04/2014

Amazonio : la franca-brita petrolisto Perenco multobligas siajn naftoputojn

http://neniammilitointerni.over-blog.com/2014/04/amazonio-la-franca-brita-petrolisto-perenco-multobligas-siajn-naftoputojn.html

neniammilitointerni - dans medidefendo
5 octobre 2022 3 05 /10 /octobre /2022 21:50

05/10/2022

La primatologino Jane Goodall faras ŝian portreton en la usona semajna revuo Times: Farwiza Farhan, la indonezianino, kiu akiris monpunon de 26 milionoj da dolaroj kontraŭ giganto de palmoleo, do estas nomata plej influhava famulo de la jaro, fare de Times, en la fako « engaĝiĝo ».

Tiu honora titolo aldoniĝas al la premio Pritzker Innovators 2021, kiun ŝi ricevis komence de la jaro, kaj la premio National Geographic 2022, kio faras de ŝi referencon pri lukto kontraŭ la senarbarigo.

Farwiza Farhan loĝas en la insulo Sumatro, la tria plej granda tropika arbaro en la mondo, kiu malvastiĝas jaron post jaro, viktimo de la produktantoj de palmoleo.

Sciindas, ke sen arboj, akvo kaj bestoj malaperas, la tero mortiĝas kaj kune kun ili la surlokaj loĝantoj, unuaflanke la virinoj, devigataj iri pli kaj pli malproksimen por trovi akvon.               

Tiu ciklo de malriĉeco instigis Farwiza Farhan krei sian asocion "Haka", por jure helpi la arbaron de Leuser en la provinco Aĉeo, lasta loko en la mondo, kie kunvivas tigroj, rinoceroj, orangutangoj, elefantoj kaj homoj.

 

Monpuno ĝis 26 milionoj da dolaroj kontraŭ giganto de palmoleo

Por pli bone defendi tiun ekosistemon, ŝi unue kunigis la reprezentantojn de la vilaĝo, la virojn, kaj konvinkis ilin, ke ili estos pli fortikaj inkludante la alian duonon de la loĝantaro, la virinojn, subtilajn scipovintinoj de la arbaro, sed tradicie forapartigitajn. Ŝi poste kreis la unuan grupon de virinoj gardistinoj, por fari patroladon, lokalizi la ŝtelĉasistojn, kartografii la kontraŭleĝajn dehakojn.

La pruvoj estis kompilitaj, plendo estis deponitaj kontraŭ "PT Kallista", giganto de la palmoleo, kaj la justico tranĉis: monpuno de 26 milionoj da dolaroj pro kontraŭleĝaj dehakoj.

Tio okazis antaŭ ses jaroj kaj certe estis grava venko, sed Farwiza Farhan volas pli, ŝi deziras agadi pli frue, antaŭ la senarbarigo, antaŭ la neriparebleco.

Ŝi do laboras do valorigi tiun arbaron, montri, ke tio estas pli profitebla ol fari profitojn en mallonga tempo. Ŝi ankaŭ memorigas al tiuj, kiuj pene pripensas por ripari niajn emisiojn de CO2, ke pinta teknologio por kapti karbonon kaj eltiri ĝin el atmosfero jam ekzistas: ĝi nomiĝas arbo kaj tre bone funkcias de antaŭ 400 milionoj da jaroj.

22/04/2013

Sumatro : protektita arbaro baldaŭ vendita al mina firmao ?

http://neniammilitointerni.over-blog.com/sumatro-protektita-arbaro-balda%C5%AD-vendita-al-mina-firmao

neniammilitointerni - dans medidefendo
26 août 2022 5 26 /08 /août /2022 21:45
AP - Ebrahim Noroozi

26/08/2022

Tiujn lastajn tagojn, manifestacioj kontraŭ manko de trinkebla akvo multobliĝas en pluraj urboj okcidente de Irano pro la senprecedenca sekeco, kiu frapas la landon.

Ĉio komenciĝis pasintan 16an de aŭgusto en la urbo Ŝahrekordo. Post pluraj tagoj de manko je trinkebla akvo, la loĝantoj surstratiĝas por protesti.  

« Morton al la nekompetentaj respondeculoj », kriis la manifestaciantoj. Fine, la aŭtoritatoj sukcesis instali kanalizon por venigi akvon ĝis la urbo.

Sed la situacio estas eĉ pli grava en la urbo Hamadano, historia ĉefurbo de Irano, kiu de pluraj tagoj spertas manifestaciojn kontraŭ la manko de akvo. Hamadono, kie loĝas pli ol 500 000 personoj, kaj ties regiono estas centro de la agrikultura produkto. La ĉefa baraĵo de la regiono estas tute seka.

 

Subgrundaj akvotavoloj senakvigitaj

La borado de centoj da profundaj kontraŭleĝaj putoj en la regiono, kaj la intensa uzado de akvo sekigis fine la subgrundajn akvotavolojn.

La lokaj aŭtoritatoj decidis devigi la agrikulturistojn provizi 25% el la akvo de siaj putoj por garantii trinkeblan akvon al la urbo.   

En la regiono Urmio, iom pli norde de la lando, la situacio estas same. Ankaŭ ĉi tie, la borado de centoj da profundaj putoj preskaŭ tute sekigis la lagon Urmia, la plej grandan salitan lagon de la lando.

De pluraj jaroj, inundoj kaj sekeco instigis parton de la loĝantaro sude de Irano, interalie en la provinco Sistano kaj Baluĉistano, migradi al la nordo. La sekeco, kiu frapas nun la landon ŝajne pligravigis la situacion.  

18/07/2022

Irano:  opoziciantoj al la senakvigo de la lago Urmia estis arestitaj de la aŭtoritatoj

http://neniammilitointerni.over-blog.com/2022/07/irano-opoziciantoj-al-la-senakvigo-de-la-lago-urmia-estis-arestitaj-de-la-autoritatoj.html

 

28/11/2021

Irano : Senakvigo de rivero : la polico patrolas en Isfahano post kolizioj

http://neniammilitointerni.over-blog.com/2021/11/irano-senakvigo-de-rivero-la-polico-patrolas-en-isfahano-post-kolizioj.html

07/06/2022

Klimato : Sirio kaj Irako estas grave tuŝitaj de drasta sekeco

http://neniammilitointerni.over-blog.com/2022/06/klimato-sirio-kaj-irako-estas-grave-tusitaj-de-drasta-sekeco.html

neniammilitointerni - dans medidefendo
20 juillet 2022 3 20 /07 /juillet /2022 08:55

19/07/2022

Meksiko anoncis, ke ĝi volas konstrui trajnon Majaa, kiu intencas interrilatigi la Ŝtatojn Ĉiapaso, Tabasko, Kampeĉo, Jukatanio kaj Quintana Roo laŭlonge de 1 500 kilometroj. Per tia projekto, la lando esperas disvolvi pli la turismon en tiuj regionoj.

Perceptita kiel minaco kontraŭ la subteraj riveroj kaj la sovaĝa faŭno, la projekto de konstruado de trajno majaa por plifortigi la turismon de kelkaj regionoj de Meksiko estas malbone rigardata de certaj loĝantoj kaj aktivuloj. Ili denuncas interalie ĝian efikon kontraŭ la medio, kaj la neinversigeblajn damaĝojn, kiujn ĝi povus kaŭzi al la natura kaj kultura heredaĵoj de la lando. La trajno majaa estas tamen supozita malfermi serion da komercaj kaj sociaj oportunaĵoj, profitaj por la loĝantoj kaj lokaj entreprenoj.

 

Tiu tuta areo estas ekosistemo ekstreme delikata »

Por kontraŭi tiun projekton de konstruaĵo, grupo de aktivuloj antaŭnelonge petis de UNESKO, ke ĝi haltigu la laborojn.

« Ni opozicias nek al la prezidento, nek al la projekto de trajno en si mem. Sed ni ne volas, ke tio ne okazu ĉi tie, ĉar tiu ekosistemo estas tre delikata ».

De disfalo de rokvandoj ĝis infektado de la akvo, pluraj kialoj plifortigas la malemon de la lokanoj koncerne tiun projekton.   

« Tio ege maltrankviligas nin, ĉar tiu regiono vivtenas sin per turismo, kaj turismo ne ekzistas sen ekologio, sen la travidebla turkisblua maro, sen la plaĝoj de blanka sablo, sen la cenotoj, sen la majaa kulturo. La majaoj adoris tiujn grotojn, ili estis iliaj sakralaj lokoj, iliaj temploj. » 

neniammilitointerni - dans medidefendo
10 juin 2022 5 10 /06 /juin /2022 14:18
RIJASOLO / AFP

09/06/2022

Henri Rakotoarisoa, 70-jara, estis sovaĝe mortigita la 1an de junio 2022 apud la komunumo Moramanga, oriente de la Granda insulo.

La madagaskara aktivulo pri mediprotektado Henri Rakotoarisoa estis ĝismorte frapita la 1an de junio 2022 fare de ĉirkaŭ kvardek vilaĝanoj, kiuj vivtenas sin per lignoŝakrado oriente de la Granda insulo.   

 

Protektado de la praa arbaro

Kiel protektanto de la loka komunumo Mialo, Henri Rakotoarisoa 70-jara, denuncas de du jaroj la dehakadon de altvalora ligno sur parcelo de praa arbaro. Tiu medidefendanto estis konata pro lia lukto por protektado de la arbaro kaj biodiverseco. La alertisto ŝajne estis sovaĝe mortigita, dum li venis diskuti kun la vilaĝanoj de la komunumo, kiuj estas pagitaj por ekspluati kontraŭleĝe la arbaron.   

Prenante sur sin ilian agon, tridek sep personoj prezentiĝis kelkajn horojn poste ĉe la surloka ĝendarmejo.

 

Timigo kaj perfortaj reprezalioj

Rigardita kiel ĝenanto, Henri Rakotoarisoa havis malfacilajn rilatojn kun la vilaĝanoj de Andramasina, kiuj vivtenas sin per lokaj arbaraj resursoj. 

Des pli ke la defendanto de tiu arbaro, kiu akceptas grandan naturan rezervejon, petis ĝian enlistigon kiel protektataj areoj.

Tagon antaŭ lia murdo, ĝenerala asembleo de lia asocio okazis por prepari la viziton de agentoj de la ministrejo.

« Tiuj agentoj devis helpi nin ĉirkaŭlimigi la parcelojn. La ŝakristoj ne aprezis tion », laŭ Laure Verneau, korespondantino de la franca radio RFI.

La madagaskaraj ekologiaj aktivuloj estas regule timigitaj de la ŝakristoj, kun verŝajna kompliceco en la plej alta nivelo de la Ŝtato por organizi la ekspluatadon de tiuj altvaloraj lignoj.

Se la krimoj kontraŭ la medio ofte profitas pri nepuniteco, tia murdo estas senprecedenca en la ĵusa historio de la Granda insulo.            

22/03/2017

Madagaskaro: alarma raporto pri la rabado de la naturaj resursoj

http://neniammilitointerni.over-blog.com/2017/03/madagaskaro-alarma-raporto-pri-la-rabado-de-la-naturaj-resursoj.html

neniammilitointerni - dans medidefendo
8 juin 2022 3 08 /06 /juin /2022 19:32

08/06/2022

La 2an de junio, la Meksika federala komisiono de elektro nuligis la kontrakton pri liverado de elektro de la meksika filio de la franca giganta entrepreno EDF.

Tio temas fakte pri nuligo de la konstruado de la ventoparko de Gunaa Sicaru. Tio estas venko por la zapoteka komunumo de Union Hidalgo post kvin jaroj de leĝa batalo.

Danke al ĝiaj proceduroj ĉe la tribunaloj de Francio kaj Meksiko, Union Hidalgo fariĝas la unua indiĝena komunumo, kiu sukcesas venki kontraŭ multnacia entrepreno: tio estas historia venko laŭ Juan Antonio Lopez, aktivulo ĉe la NeRegistara Organizaĵo ProDESC, kiu apogis la opoziciantojn en la leĝa kampo kontraŭ tiu projekto de ventoparko Gunaa Sicaru. Tiu ĉi estintus la plej vasta ventoparko kun 4 400 hektaroj kaj 115 ventoturbinoj.

« Union Hidalgo kreis precedencon, kaj malfermas la vojon al aliaj komunumoj, kiuj povos daŭre defendi sian teritorion », li eksplikas.

 

27 ventoparkoj en la regiono kaj la nombro de birdoj malkreskas

La istmo de Tehuantepec estas tre venta areo en Meksiko, kaj delonge logas la fremdajn energiajn kompaniojn.

La malgranda regiono enkalkulas jam 27 ventoparkojn, bedaŭras Pedro Matos, loĝanto de Union Hidalgo : « Ni vivas tie tagon post tago kaj suferas la konsekvencojn. Kiam mi preterpasas laŭlonge de la parko mi konstatas, ke la nombro de birdoj malkreskas. Necesas fari pliajn esplorojn, regionan studaĵon pri la efiko al medio. »   

La opoziciantoj al la projekto de EDF denuncis la foreston de interkonsento kun la surloka loĝantaro. La projekto intensigis la teritoriajn konfliktojn, kio damaĝas la pacon en la regiono, mencias la aktivulo Guadalupe Ramirez : « Plej gravas estas la komunuma divido, kiun ni spertas nuntempe. Ni postulas de la aŭtoritatoj, ke ili garantiu la sekurecon de niaj familioj, ĉar ni estas minacitaj. »      

« Union Hidalgo kreis precedencon, kaj malfermas la vojon al aliaj komunumoj, kiuj povos daŭre defendi sian teritorion », li eksplikas.

neniammilitointerni - dans medidefendo
25 avril 2022 1 25 /04 /avril /2022 21:27
Naturmedio : en Pollando, la arbaro povus nuligi la projekton de kontraŭ-migranta muro
BEATA ZAWRZEL / NURPHOTO

25/04/2022

Muro 180 kilometrojn longa, laŭlonge de la landlimo kun Belorusio, kies konstruado jam komenciĝis, trapasos la praarbaron de Białowieża. Tamen la Eŭropa Komisiono kontraŭas tiun projekton nome de la protekto de biodiverseco.

Ĉu la medidefendantoj sukcesos akiri malsukceson de la projekto de kontraŭ-migranta muro en Pollando ĉe la landlimo kun Belorusio ? La komisiono pri medio de Eŭropa Unio ĉiaokaze petis ĉi-semajne garantiojn de la pola registaro koncerne tiun muron, kiu planas trapasi arbaron enlistigitan en la tutmonda heredaĵo de Unesko. Dum la konstruado jam komenciĝis, EU povus uzi tiun argumenton de protekto de la biodiverseco por bloki la projekton.

 

Arbaro proksime de natura stato

La arbaro de Białowieża – situanta ĉe la landlimo inter Pollando kaj Belorusio – estas nun malfacile alirebla. Tamen, sekvi la progreson de la konstruado eblas, danke al bildoj fotitaj de aktivuloj. Tiuj bildoj montras muron faritan el ferplakoj kvin metrojn altaj, starantaj en la grundo de tiu arbaro de pinoj kaj betuloj. Białowieża estas escepta praarbaro en Eŭropo, asertas Laurent Simon, emerita profesoro ĉe la universitato Parizo 1 Panthéon Sorbonne.           

« Tiu arbaro staras proksime de natura stato kiel estus arbaroj, se la homoj neniam intervenus. Aliloke en Eŭropo, la arbaroj estas uzataj, ekspluatataj, malfortigitaj. Ĉi tie, la arbaro estas plene escepta el vidpunkto de ĝia flaŭro kaj faŭno. »

« Ĉi tie vivas samtempe grandaj predantoj, lupoj, linkoj, grandaj herbovoritaj, la lastaj grandaj bizonoj de Eŭropo, kiuj ĉie aliloke malaperis »

Laurent Simon 

La projekto de kontraŭ-migranta muro, 180 kilometrojn longa, perturbas tiun ekosistemon. La parlamento definitive aprobis ĝian konstruadon en oktobro 2021 post somero markita per la alveno de miloj da personoj, kiuj fuĝis Mezorienton kaj Afrikon ĉe la landlimo inter Pollando kaj Belorusio.

 

Pollando jam estis kondamnita pro siaj dehakoj

Preskaŭ 1 800 sciencistoj esprimis opozicion, kiel Maude Lelièvre, prezidentino de la "Franca komitato de la Internacia Unuiĝo por konservado de la Naturo", kiu atribuis la statuson de rezervejo al la arbaro de Białowieża : « Ni spertos gravajn damaĝojn pro senarbarigo, sed ankaŭ koncerne rompiĝon de ekologia kontinueco. Se estonte ni havas landlimon, barilon kiu malhelpas la speciojn moviĝi, ni do spertos malfacilaĵojn por la migrado de la specioj kaj rektaj konsekvencoj

La arbaro de Białowieża, situante en nacia parko, estas enlistigita kaj protektata laŭ pluraj motivoj. Unesko enlistigis ĝin en sia tutmonda heredaĵo en 1979 kaj klasifikis ĝin ankaŭ kiel rezervejon de biosfero en 1976. Nome de tiu statuso, la "Media komisiono de Eŭropa Unio" petis garantiojn de Pollando cele al haltigo de la konstruado. Tiu demarŝo okazas malfrue, sed povus utili kiel levilo por kondamnigi la polajn aŭtoritatojn kaj akiri malkonstruadon de la muro. Jam en 2018, Varsovio estis kondamnita de la "Kortumo de Eŭropaj Komunumoj" pro dehako en tiu praarbaro.

26/01/2022

Pollando komencas la konstruadon de muro ĉe la belorusia landlimo

http://neniammilitointerni.over-blog.com/2022/01/pollando-komencas-la-konstruadon-de-muro-ce-la-belorusia-landlimo.html

 

04/04/2021

En Pollando, la pra-arbaro de Bialowieza denove minacita

http://neniammilitointerni.over-blog.com/2021/04/en-pollando-la-pra-arbaro-de-bialowieza-denove-minacita.html

neniammilitointerni - dans medidefendo
14 avril 2022 4 14 /04 /avril /2022 21:27
SERGIO LIMA / AFP

14/04/2022

Preskaŭ 8 000 Indiĝenoj tendumas en Braziljo de post la 4a de aprilo por kontraŭi plurajn leĝprojektojn, kiuj minacas iliajn teritoriojn, pro la ekspluatado de naturaj resursoj. Iliaj voĉoj komencas akiri influadon en la brazila socio, kiu agnoskas ilian rolon en la protektado de la medio. La eks-prezidento Lula konfesis sian kulpon kaj prenis engaĝiĝojn.     

La indiĝenaj popoloj de Amazonio, en Brazilo, gajnis mardon 12an de aprilo gravan subtenon en sia lukto kontraŭ pluraj leĝprojektoj, kiuj minacas siajn teritoriojn. Efektive, la eks-prezidento Lula, kandidato ĉe la prezidenta baloto de 2023, ĝis nun estas granda favorato de la baloto, kiu okazos venontan oktobron.

Li fakte venis en la tendumejon, kiun preskaŭ 8 000 Indiĝenoj starigis en Braziljo, por kontraŭi specifan leĝprojekton, kiu celas permesi la ekspluatadon de iliaj naturaj resursoj : ercoj, nafto aŭ gaso.

La indiĝenaj popoloj kontraŭas ĝin vigle, ĉar ili jam konas la damaĝojn de la kontraŭleĝaj orlavadoj en Amazonio.

La ĉeesto de la eks-prezidento estis do granda venko por ili, ĉar li ne nur agnoskis, ke lia registaro faris erarojn, aparte koncerne la baraĵon Belo Monte en Amazonio, li ankaŭ prenis firmajn engaĝiĝojn, se li regas denove en 2023.

« Certe estas, ke la registaro de la Laborista Partio ne faris ĉion eblan, kaj preskaŭ ĉio, kion ni faris estis malmuntinta. Ni ne volas invadon de la indiĝenaj teroj, deklaris la eks-prezidento ».

« Prizorgu la arbaron estas devigo de la brazila Ŝtato. »

« Mi volas anonci al vi, ke vi partoprenos la ellaboradon de la programo de mia registaro », li aldonis. La indiĝenaj popoloj ne ricevis tian apogon de antaŭlonge. La atakoj, kiujn ili suferas, nuligis ĉiujn akiritajn rajtojn, kiuj estis garantiataj de la Konstitucio.

 

Lula promesas nuligi ĉiujn dekretojn de Bolsonaro

Lula promesis nuligi ĉiujn dekretojn de Bolsonaro kontraŭ ili.  Kaj iu el la kunordigantoj de la asocio de la indiĝenaj popoloj en Brazilo, Alberto Terena petis, ke li subskribu tiujn engaĝiĝojn.  

Li agnoskas, ke la dialogo kun Lula estas tute malsama ol tiu, kiu ekzistas kun la aktuala prezidento.

« Lula devenas de partio, kiu turniĝas al la malplimulto. Ni do konservas tiun esperon kaj en niaj paroladoj, ni komprenigas al li, ke ni aprezas la laboron plenumintan de li, sed ke multo restas por fari, deklaras Alberto Terena. Eĉ se li ne faris tion, kion ni deziras, li tamen ne traktis nin el malvirta maniero, kiel faris Bolsonaro »

Restas elekti Lula-n. Estas certe ke nun, li gajnis la voĉdonojn de la Indiĝenoj, kaj de tiuj, kiuj maltrankviliĝas pro ekologio en Brazilo.    

24/02/2022

Brazilo : naŭ gigantaj minaj kompanioj celas la indiĝenajn terojn

http://neniammilitointerni.over-blog.com/2022/02/brazilo-nau-gigantaj-minaj-kompanioj-celas-la-indigenajn-terojn.html

neniammilitointerni - dans medidefendo
Créer un blog gratuit sur overblog.com - Contact - CGU -
.date span.text {display:none ; }