Overblog
Editer l'article Suivre ce blog Administration + Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton!

Ekde 03/01/2012

free counters
Free counters

Bonvenon

17 janvier 2018 3 17 /01 /janvier /2018 15:09
Bildo: somaliaj rifuĝintinoj, la 19an de decembro 2017. © REUTERS/Baz Ratner

17/01/2018

Human Rights Watch denuncas, en nova raporto, kampanjon pri rekrutigoj de infanoj fare de Al Ŝabab en Somalio. Laŭ HRW, la islamismaj batalantoj pli kaj pli minacas la civilulojn, trudante ilin liveri junulojn. En sia enketo, la NRO de defendo de la homaj rajtoj mencias centojn da junuloj perforte rekrutigitaj de la terorisma grupo.

La raporto de HRW elvokas infanojn kelkafoje nur okjarajn. Ili estas elŝiritaj el siaj familioj, kaj poste enkondukitaj en grandajn koranajn lernejojn Al Ŝabab. Tie, ili estas submetitaj al cerbolavado, devigataj sekvi la dogmojn de la teroristoj, kaj finfine ofte fariĝas batalantoj.

Jam de jaroj, la islamistoj forkaptas infanojn . Antaŭe, ili faris tion prepare al batalo, do foroferis la infanojn. Sed laŭ Laetitia Bader, kiu enketis, temas ĉi-foje pri maniero akiri monrimedon. Efektive, multaj komunumoj, ĉefe la plej malriĉaj, ne plu kapablas pagi la impostojn altruditajn de Al Ŝabab. Interalie pro la sekeco. Do la teroristoj ŝajne uzadas la infanojn, kiel kvazaŭan imposton. 

Tio estas ankaŭ rimedo por la movado, firmigi sian hegemonion kontraŭ la loĝantoj. Cele al tio, Al Ŝabab plenumas sturmatakojn en vilaĝoj, kaj forkaptas la infanojn. Ili premas la komunumajn ĉefojn, per mortominaco, ultimatoj, murdoj, por ke la loĝantoj mem liveru siajn knabojn kaj knabinojn.

Tio okazigas alian konsekvencon: la vilaĝanoj sendas siajn gefilojn, solajn, al la urboj ekster la areoj, kie regas Al Ŝabab. «Multaj gepatroj opinias, ke tio estas la sola solvo, por ke iliaj gefiloj estu en sekureco», eksplikas Laetitia Bader. Tamen la vojaĝo al kelkaj urboj estas danĝera por tiuj vundeblaj junuloj. Tie, kelkaj estas gastigataj fare de familianoj, aliaj atingas la kampadejojn de delokitoj. Kelkafoje, loĝantoj ankaŭ decidas kreadon de strukturoj por subteni ilin.             

neniammilitointerni - dans Neniam milito inter ni
Créer un blog gratuit sur overblog.com - Contact - CGU -
.date span.text {display:none ; }