13/08/2024

La Konfederacio de la liberaj sindikatoj de Ukrainio (KVPU), organizaĵo membro de la Internacia sindikata Konfederacio kaj de la Eŭropa konfederacio de la sindikatoj, alvokas la internacian komunumon, la registarojn de la demokratiaj Ŝtatoj, ke ili plifortigu sian subtenon al Ukrainio en momento, kiam Rusio daŭrigas siajn terorismajn atakojn kaj sian genocidan militon en Ukrainio.      

En julio, la rusiaj trupoj lanĉis amasajn atakojn nokte, matene, kaj posttagmeze kontraŭ pluraj urboj de Ukrainio, interalie Kijivo, Dnipro, Krivij-Riho, Slovjansko, Kramatorsko, kaj Pokrovsko.     

Rusio pafis 40 misilojn el diversaj tipoj por mortigi kiel eble plej multajn civilulojn kaj timigi la ukrainan popolon, kiu luktas por libereco kaj demokratio. La rusiaj fortoj atakis, ĝuste kiam la laboristoj atingis sian laborejon, ke okazis laborkunsidoj, kaj dum pacientoj atingis medicinajn establaĵojn aŭ ricevis kuracojn.    

En Kijivo, dum la aranĝitaj rusiaj atakoj, la plej malnova malsanulejo por infanoj Okhmatdit, kie estis flegitaj infanoj grave malsanaj, estis frapitaj.  

La bombado kontraŭ la malsanulejo okazigis vunditojn kaj mortintojn, infanojn, parencojn kaj medicinajn laboristojn plu restis sub la rompitaĵoj, kaj devis esti liberigitaj. Alia medicina establaĵo de la distrikto Dnipro en Kijivo estis damaĝita fare de misilpafoj tagmeze. Ekde la 15a horo en Kijivo, oni jam nombris 17 mortintojn kaj 41 personoj estis vunditaj. Tuj datumoj ne estas definitivaj.

Posttagmeze de la 8a de julio, Rusio ankaŭ komencis amasan atakon de misiloj kontraŭ Krivij-Riho kaj Dnipro. Aparte, rusia misilo tuŝis la administran konstruaĵon de la uzino de minekspluatado kaj transformado de Nordo de Krivij-Riho. Je la 12a horo kaj duono, dek personoj mortis kaj 30 personoj estis vunditaj, inter kiuj 9 en grava stato.

La 8an de julio, tri civiluloj estis mortigitaj en la urbo Pokrovsko, en la regiono Donecko, post atako de misiloj kondukita de la rusiaj trupoj.   

Post la bombado, la buroo de la surloka organizaĵo de la sendependa sindikato de la ministoj de Ukrainio en Mirnogrado kaj en la distrikto de Pokrovskij estis damaĝitaj. Krom la industriaj instalaĵoj kaj la malsanulejoj, la misilpafoj damaĝis ankaŭ rezidajn konstruaĵojn kaj transportajn infrastrukturojn. Ni substrekas, ke la rusiaj trupoj kondukas ĉiutage atakojn per droneoj kaj misiloj. Rusio plu celas energiajn instalaĵojn cele al senigi la civilan loĝantaron je elektro, komunikiloj kaj medicinaj servoj, kaj detruadi la ekonomion de Ukrainio.            

Nuntempe, ĉiuj termikaj centraloj de Ukrainio jam estis malŝaltitaj. Pro tio la lando travivas permanentajn kurantajn interrompojn.

Hodiaŭ, Rusio unu plian fojon cinike malobservis la humanitaran internacian juron, konfirmante sian celon: la detruadon de Ukrainio kaj de ĝia kuraĝa popolo.

Hodiaŭ, la ukrainaj laboristoj, la sindikatanoj, kaj la tuta ukraina loĝantaro rezistas al la rusia agresanto kaj luktas por la liberigo de la okupaciataj teritorioj, kie regas teroro, kaj kie Homaj rajtoj ne estas garantiataj.

Hodiaŭ, ni lanĉas alvokon al la internacia demokratia komunumo: plu provizi helpon ekonomian, humanitaran kaj militan al Ukrainio ; - subteni la liveron de milita helpo al Ukrainio por protekti la loĝantaron, la energiajn infrastrukturojn, la laborpostenojn kaj la landon ; -  plifortigi la punojn kontraŭ la rusia terorisma reĝimo, kaj kontraŭ tiuj, kiuj subtenas kaj financas ĝin, ĉar tio povas ege limigi la financajn resursojn kaj la eksportojn necesajn al la pluigo de la sangoplena milito ; - garantii la eblecon uzadi la rusiajn blokitajn bankhavaĵojn por transloki ilin al Ukrainio ; - izoli kaj ekskludi el la internaciaj organizaĵoj la politikajn, publikajn kaj sindikatajn rusiajn homojn, kiel reprezentantojn de lando, kiu kondukas terorismajn aktivecojn kontraŭ suverena kaj sendependa Ukrainio kaj ties civitanoj, kaj kiu provas detrui la unuecon de la internacia organizaĵo de la demokratia sindikata movado.     

https://www.syllepse.net/syllepse_images/soutien-a---lukraine-re--sistante-32_compressed.pdf

https://www.youtube.com/watch?v=GKcFgkubkT4

http://neniammilitointerni.over-blog.com/2022/02/komuna-deklaracio-de-la-ukrainiaj-sindikatoj.html

http://neniammilitointerni.over-blog.com/2023/09/kongreso-de-la-trades-union-congress-tuc-venko-por-la-solidareco-kun-ukrainio-venko-por-la-vero.html

http://neniammilitointerni.over-blog.com/2023/08/la-kimraj-sindikatoj-subtenas-la-ukrainajn-laboristojn.ni-bezonas-pli-da-tia-solidareco.html

http://neniammilitointerni.over-blog.com/2022/11/lukto-por-la-libereco-en-ukrainio.html

http://neniammilitointerni.over-blog.com/2023/06/la-fundamentaj-rajtoj-de-la-laboristoj-estas-piedpremitaj-en-ukrainio.html

http://neniammilitointerni.over-blog.com/2024/02/alvoko-de-la-konfederacio-de-la-liberaj-sindikatoj-de-ukrainio.html

http://neniammilitointerni.over-blog.com/2022/11/lukto-por-la-libereco-en-ukrainio.html

10/07/2024

Tiu bilanco estis provizita de medicina informfonto ĉe la malsanulejo Naser de Ĥan Junis kaj de la gazetburoo de la Hamaso, kiu denuncis « teruran masakron » kun plejparte infanoj kaj virinoj.

Almenaŭ 29 Palestinanoj estis mortigitaj, sabaton 9an de julio, en lernejo sude de Gaza-sektoro, en la kvara frapo kontraŭ lernejo de la palestina teritorio en kvar tagoj, atribuita de la Hamaso al Israelo. Tiu bilanco estis provizita al la Franca novaĵagentejo AFP fare de medicina informfonto ĉe la malsanulejo de Nasser de Khan Younès kaj la gazetburoo de la Hamaso, kiu denuncis « teruran masakron », kun « plejparte infanoj kaj virinoj ».

La israela armeo asertis, ke ĝi celis apud la lernejo « teroriston de la armita branĉo de la Hamaso », kiu interalie partoprenis la atakon de la 7a de oktobro kaj « kontrolis la informojn, laŭ kiuj civiluloj estis tuŝitaj ».

Akuzante Israelon pri « intenca » frapo, Izzat al-Rishq, membro de la politika branĉo de la Hamaso, alvokis al « surstratiĝo por koleraj marŝoj, denuncante la masakrojn kaj la ekstermantan militon ». En komunikaĵo, ĝi aldonis, ke ĝi « kontrolos la informojn, laŭ kiuj civiluloj estis tuŝitaj apud la lernejo Al-Awda sude de Ĥan Junis, kiu situas apud de la fraploko ».

Alia lernejo celita dimanĉon

« Ni sidis ĉe la enirejo de la lernejo (…) subite kaj senaverte, raketoj estis pafitaj al la grupo. Ili ne partoprenis la batalon, ne estis armitaj, ĉiuj estis civiluloj », atestis Mohammed Sukkar.  

Antaŭ tiu frapo, tri lernejoj, kie rifuĝis delokitoj estis tuŝitaj de sabato fare de israelaj frapoj, kiuj jam okazigis 20 mortintojn. Dum la nokto de lundo ĝis mardo, la israela armeo anoncis, ke ĝi celis « teroristojn » uzantajn « la strukturojn de lernejo en la areo de Nousseirat ».

Dimanĉon, la Hamaso anoncis, ke kvar personoj estis mortigitaj en alia lernejo, kie rifuĝis delokitoj, administrata de la latina Patriarkato de Gaza-urbo. « Alia tago. Alia celita lernejo », skribis dimanĉon en X, Philippe Lazzarini, ĉefo de la UNRWA.

https://www.francetvinfo.fr/monde/proche-orient/israel-palestine/guerre-a-gaza-une-nouvelle-frappe-attribuee-a-israel-fait-29-morts-dans-une-ecole_6657582.html

https://www.youtube.com/watch?v=4R5yGU-NO0o

19/02/2024

Pli ol 10 milionoj da infanoj estis truditaj fuĝi sian hejmon pro la armitaj konfliktoj

http://neniammilitointerni.over-blog.com/2024/02/pli-ol-10-milionoj-da-infanoj-estis-truditaj-fugi-sian-hejmon-pro-la-armitaj-konfliktoj.html

09/04/2024

« Ni ne rajtas esprimi niajn emociojn »: de post la 7a de oktobro, la voĉoj de la Palestinanoj de Israelo estas ignorataj de la aŭtoritatoj

http://neniammilitointerni.over-blog.com/2024/04/ni-ne-rajtas-esprimi-niajn-emociojn-de-post-la-7a-de-oktobro-la-vocoj-de-la-palestinanoj-de-israelo-estas-ignorataj-de-la-autoritatoj.html

22/06/2024

Multobligante siajn atakojn, Rusio detruis duonon de la energia kapablo de Ukrainio, laŭ Volodimir Zelenskij.

Dum la nokto de vendredo 21a ĝis sabato 22a de junio, la rusiaj armeoj lanĉis novan atakon kontraŭ ukrainaj energiaj infrastrukturoj. 

« Instalaĵoj de la ukraina operatoro Ukrenergo, en la regionoj de Zaporiĵo (sude de la lando) kaj de Lvivo (okcidente) estis damaĝitaj », deklaris la ukraina ministrejo pri Energio precizigante, ke du dungitoj estis vunditaj kaj hospitaligitaj en Zaporiĵo.

Laŭ la ministrejo, temas pri la oka « amasa » atako kontraŭ ukrainaj energiaj centraloj dum tiuj tri lastaj monatoj, kio devigas trudi oftajn elektrajn interrompojn. Kijivo menciis pasintan ĵaŭdon alian gravan rusian noktan ofensivon, kio damaĝis energiajn infrastrukturojn, inter kiuj centralon, kiu okazigis sep vunditojn inter la dungitoj.

Kijivo petas helpon de la Okcidentuloj

Rusio, kiu multobligis siajn atakojn, detruis duonon el la energia kapablo de Ukrainio, laŭ la ukraina prezidento Volodimir Zelenskij.

Tiu ĉi petis ĵaŭdon munti sunpanelojn kaj energiajn stokejojn « en ĉiuj lernejoj kaj malsanulejoj, kiel eble plej rapide ».

La ĝenerala direktoro de la operatoro DTEK, Maxim Timĉenko avertis, ke Ukrainio riskas « fronti gravan krizon venontan vintron », se ĝiaj okcidentaj partneroj ne mobiliziĝas.

Kijivo admonas ilin helpi al rekonstruado de sia elektra reto. Tiu projekto necesigas gravajn investojn kaj provizojn de pliaj ekipaĵoj de aerdefendo por kontraŭi la rusiajn bombadojn.

En tiu kunteksto, Vaŝingtono adoptis « la malfacilan sed necesan decidon » akordi prioritaton al Ukrainio kompare kun aliaj aliancanoj, koncerne provizon de misiloj uzitaj por kontraŭaera defendo.

https://www.francetvinfo.fr/monde/europe/manifestations-en-ukraine/ukraine-une-nouvelle-attaque-massive-russe-a-vise-des-infrastructures-energetiques_6619536.html

https://www.youtube.com/watch?v=FrW6HvjFskU

20/04/2019

Krimeo: en Jalto, la rusia milda povo kunigas la eŭropajn ekstremdekstrojn (KRONOLOGIO EKDE 2014)

http://neniammilitointerni.over-blog.com/2019/04/krimeo-en-jalto-la-rusia-milda-povo-kunigas-la-europajn-ekstremdekstrojn.html

28/06/2023

Falsaj novaĵoj anstataŭ ukraina realo: afekcia pesto (1/4) 

http://neniammilitointerni.over-blog.com/2023/06/falsaj-novajoj-anstatau-ukraina-realo-afekcia-pesto-1/4.html

07/03/2023

LA ORKESTRO DE LA BLINDULOJ, SURDULOJ, AMNEZIULOJ, ĈARLATANOJ KAJ LA KOMPLICOJ LUDAS SIAN PARTITURON

http://neniammilitointerni.over-blog.com/2023/03/la-orkestro-de-la-blinduloj-surduloj-amneziuloj-carlatanoj-kaj-la-komplicoj-ludas-sian-partituron.html

24/02/2023

La obskura flanko de la neŭtraleco - SLAVOJ ŽIŽEK

http://neniammilitointerni.over-blog.com/2023/02/la-obskura-flanko-de-la-neutraleco.html

05/06/2024

La enklavo fariĝis vastega subĉiela kampadejo de delokitoj, kie nenio plu funkcias, kaj kie la vivaj kaj higienaj kondiĉoj estas de nun katastrofaj.  

La atestoj estas maloftaj. La vivo fariĝis « apokalipsa » en sudaj zonoj de Gaza-sektoro de post la komenco de la israela ofensivo kontraŭ Rafaĥo komence de majo, alarmas Unuiĝintaj Nacioj vendredon 31an de majo. La temperaturo atingas pli ol 30 gradojn en Gazao, kaj tiu varmo pligravigas la katastrofajn vivajn kaj higienajn kondiĉojn favorajn al disvastigo de malsanoj.        

La israela armeo bombadas Rafaĥon en la sudo, kaj neniu zono estas domaĝitaj. Estas la rektaj vundintoj sed ankaŭ ĉiuj aliaj, kiuj pereas iom-post-iom pro malsanoj kaŭze de la aĉaj sanitaraj kondiĉoj. Danke al Rami Al Maghari, unu el la maloftaj ĵurnalistoj ĉeestantaj surloke, delokitoj rakontas sian ĉiutagan vivon en la kampadejoj por rifuĝintoj de Al Maghazi, centre de Gazao.

« Odoro », « moskitoj » kaj « alergioj »…

Tiu zono estis proprasence frakasita de la bomboj. « La odoro estas naŭza, rigardu tiun krateron kaj tiun akvon, kiu elversiĝas en ĝin, tio estas abomeninda. Ni suferas alergiojn, estas voritaj de la moskitoj, ni ne eĉ sukcesas ekdormi » atestas Jumejra. Khaled, alia rifuĝinto asertas tion:  « La infanoj estas trafitaj de skabio ». De  fino de decembro, tiuj rifuĝintoj suferas regulajn israelajn frapojn, kiuj mortigis aŭ vundis parton de la 30 000 personoj, kiuj amasiĝis antaŭ la milito sur tiu kvadrata duonkilometro. La infrastrukturoj estas detruitaj kaj la delokitoj pluvivas en teruraj sanitaraj kondiĉoj.

« Somero proksimiĝas kaj ni ne povas vivi enfermitaj. Sed kiam ni malfermas la fenestrojn, tio odoras je rubejo. Ni ne eĉ havas elektron por funkciigi ventolilon kaj aerumi » - Khaled, rifuĝinto.

Do, kun la kelkaj funkciuloj de la palestina Aŭtoritato plu surloke kiel Mohamed, la lastaj loĝantoj organiziĝas por iĝi la kampadejo de rifuĝintoj iom malpli nesalubra. « Ĉiuj tagoj, 20 tunoj da forĵetaĵoj estas kolektitaj en Al Maghazi kaj estas elverŝitaj ĉi tien en tiun rubejon, kie amasiĝas nun 3 500 tunoj da forĵetaĵoj. Ni esperas, ke la milito baldaŭ haltos, ke ni povu baldaŭ reuzadi la rubejojn tradicie », li eksplikas.

La loĝantoj produktis po 1700 tunojn da forĵetaĵoj tage antaŭ la milito. Sed necesas nun enkalkuli la rompitaĵojn kaŭzitajn de la milito: 37 milionoj da tunoj en la tuta enklavo laŭ UN.              

https://www.francetvinfo.fr/monde/proche-orient/israel-palestine/temoignages-les-enfants-ont-attrape-la-gale-a-gaza-les-deplaces-survivent-dans-des-conditions-sanitaires-deplorables_6584877.html

https://www.youtube.com/watch?v=I--AUvKnP6k

09/04/2024

« Ni ne rajtas esprimi niajn emociojn »: de post la 7a de oktobro, la voĉoj de la Palestinanoj de Israelo estas ignorataj de la aŭtoritatoj

http://neniammilitointerni.over-blog.com/2024/04/ni-ne-rajtas-esprimi-niajn-emociojn-de-post-la-7a-de-oktobro-la-vocoj-de-la-palestinanoj-de-israelo-estas-ignorataj-de-la-autoritatoj.htm

19/02/2024

Pli ol 10 milionoj da infanoj estis truditaj fuĝi sian hejmon pro la armitaj konfliktoj

http://neniammilitointerni.over-blog.com/2024/02/pli-ol-10-milionoj-da-infanoj-estis-truditaj-fugi-sian-hejmon-pro-la-armitaj-konfliktoj.html

25/05/2024

Almenaŭ dek kvar personoj estis mortigitaj kaj 40 vunditaj dum rusia bombado kontraŭ superbazaro pri hejmlaboreto en Ĥarkivo, dua urbo de Ukrainio. « Antaŭ ni, ĉio brulis », atestas dungito de la magazeno.

La bildoj montras flamiĝintan konstruaĵon, super ĝi verda ŝildo, el kio nigra fumo ellasiĝas. Aliaj montras ĝin poste tute kalcinita. Almenaŭ ses personoj estis mortigitaj kaj 40 vunditaj, sabaton 25an de majo, en rusia bombado kontraŭ tiu superbazaro pri hejmlaboreto kaj elektro-hejmilaro en Ĥarkivo, laŭ la regiona guberniestro, Oleg Sinegubov.

Tiu ĉi mencias, ke tiu rusia atako estis efektivigita per du gvidataj aerbomboj. « Du el la mortintoj laboris en la supermerkato » li precizigis.

« Ĉio fariĝis nigra »

Laŭ la fajrobrigadistoj, la incendio bruligis 10 000 kvadratajn metrojn. « Tio abrupte okazis. Komence ni ne komprenis, ĉio fariĝis nigra kaj komencis fali sur niajn kapojn », atestis mastrumistino de la superbazaro. Feliĉe, mia telefono eklumigis danke al ĝia torĉo, mi konsciiĝis kie mi estas, sed antaŭ ni ĉio jam brulis.

« Rusio metis brutalan frapon kontraŭ nia urbo Ĥarkivo – superbazaro pri hejmlaboreto – sabaton meze de la tago », denuncis la prezidento Volodimir Zelenskij en la apo Telegram, kondamnante atakon meze de tago kontraŭ « klare civila celo ». « Nur frenezuloj kiel Putin kapablas mortigi kaj terorigi la homojn per maniero tiel abomena », li aldonis.

Rusa ofensivo en la regiono

La rusia ŝtata novaĵagentejo citis rusian sekurecan informfonton asertante, ke misilfrapo detruis « militan stokejon, kaj komandpostenon » en la konstruaĵo.     

La regiona guberniestro menciis, ke « kontakto kun kelkaj membroj de la personaro ne ekzistas » kaj ke « vizitantoj plu troviĝas en la konstruaĵo ».

La urbo Ĥarkivo, kiu enkalkulis 1,5 milionon da loĝantoj antaŭ la milito troviĝas apud la rusia landlimo nord-oriente de Ukrainio. La fortoj de Moskvo lanĉis la 10an de majo terofensivon en la regiono, kio ebligis al ili konkeri plurajn lokojn kaj devigi Kijivon sendi helptrupojn en la sektoron. Ukrainio tamen asertis vendredon, ke tiu sturmo estis « haltigita ».

https://www.ouest-france.fr/europe/ukraine/frappe-russe-sur-un-hypermarche-en-ukraine-au-moins-quatre-tues-selon-kiev-b73fddec-1ac9-11ef-9f93-21d487e07ff3

https://www.youtube.com/watch?v=-OjjceGpTks

https://www.youtube.com/watch?v=dUCAQCY5FVo

21/05/2024

En la regiono Ĥarkivo, la evakuoj intensiĝas

http://neniammilitointerni.over-blog.com/2024/05/en-la-regiono-harkivo-la-evakuoj-intensigas.html

24/02/2023

La obskura flanko de la neŭtraleco - SLAVOJ ŽIŽEK

http://neniammilitointerni.over-blog.com/2023/02/la-obskura-flanko-de-la-neutraleco.html