31/10/2023

Dum la milito skuas la landon, en Neve’ shalom en la hebrea, Wahat as-Salam en la araba, kio signifas Oazo de paco, vilaĝeto situanta mezvoje inter Tel-Avivo kaj Jerusalemo, civitanoj israelaj kaj palestinaj loĝas kunkune. Ili laboras por egaleco de rajtoj kaj harmonio inter ambaŭ popoloj. En malfacila etoso, li plu havas spacojn de dialogo por aŭskulti sin reciproke, interparoli, klerigi.

Volinte trovi modelon de interkompreno, Jair, Israelano venis vivi en tiu "oazo de paco" antaŭ pli ol du dek jarojn… 

« Ni faldis la israelajn flagojn por veni ĉi tien », li rakontas.   

Same por Samah, israela palestinanino. Laŭ ŝi, la modelo ofertita de tiu vilaĝo montras, ke paco eblas.

« Eĉ se ni estas blokitaj kunkune, mi preferas vivi kun miaj najbaroj pace, demokratie. Senti nin egalaj, kun la samaj rajtoj. Tio malfacilas dum la militoj. »

La atakoj de la 7a de oktobro anoncas malfacilan periodon laŭ Samah.

« Tiu milito estas elektroŝoko. Tio montras, ke paco kaj demokratio ne estas akiritaj por ĉiam. Ni laboru por konservi ilin. » 

Ĉiutaga laboro, dum kio neniu povas resti silente. Malgraŭ la tumultego de la estintaj semajnoj, Jair plu pensas, ke interkompreno eblas.

« La doloro estas grandega, sed ĝi estas grandega la tutan tempon ankaŭ por la infanoj de Gazao ; malamegi estas pli facile ol ami… »

Tio estas certeco por ĉiuj, paco eblos dank’al la popoloj, ne dank’al iliaj registaroj.

https://www.rfi.fr/fr/moyen-orient/20231029-isra%C3%ABl-nev%C3%A9-shalom-wahat-as-salam-oasis-pour-vivre-ensemble-reportage

https://www.youtube.com/watch?v=4FZW668fVnY

https://www.youtube.com/watch?v=2vvb1tC6a8g

https://eo.wikipedia.org/wiki/Neve%E2%80%99_shalom/Wahat_as-Salam

05/10/2023

En Jerusalemo, miloj da Israelaninoj kaj Palestinaninoj manenmane por la paco

http://neniammilitointerni.over-blog.com/2023/10/en-jerusalemo-miloj-da-israelaninoj-kaj-palestinaninoj-manenmane-por-la-paco.html

23/05/2021

Israelo : miloj da personoj kuniĝas kun la manifestacio en Tel-Avivo por komuna estonteco

http://neniammilitointerni.over-blog.com/2021/05/israelo-miloj-da-personoj-kunigas-kun-la-manifestacio-en-tel-avivo-por-komuna-estonteco.html

09/10/2017

Israelaninoj kaj Palestinaninoj marŝadas por paco

http://neniammilitointerni.over-blog.com/2017/10/israelanoj-kaj-palestinanoj-marsadas-por-paco.html

25/10/2015

Israelo : Tel-Avivo : manifestacio por solvo de la konflikto

http://neniammilitointerni.over-blog.com/2015/10/israelo-tel-avivo-manifestacio-por-solvo-de-la-konflikto.html

21/07/2014

Gazao : surtera ofensivo : la pacistoj plu aktivas

http://neniammilitointerni.over-blog.com/2014/07/gazao-surtera-ofensivo-la-pacistoj-plu-aktivas.html

18/07/2014

Israelo-Palestino : kontraŭ la milito, solidareco

http://neniammilitointerni.over-blog.com/2014/07/israelo-palestino-kontrau-la-milito-solidareco.html

27/10/2023

« La bazaj servoj kolapsas, medikamentoj, nutraĵoj kaj akvo elĉerpiĝas », maltrankviliĝas la direktoro de la Agentejo de la Unuiĝintaj Nacioj por la Palestinaj Rifuĝintoj (UNRWA)

« Multe pli da homoj baldaŭ pereos » pro la totala sieĝo trudita al Gaza-sektoro fare de Israelo, alarmis vendredon la direktoro de la Agentejo de la Unuiĝintaj Nacioj por la Palestinaj Rifuĝintoj (UNRWA). Li lanĉis alvokon por alkonduko de humanitara helpo « sufiĉa kaj daŭra ».

« Nuntempe, homoj en Gazao mortas ne nur pro la bomboj kaj frapoj. Multe pli mortos pro la konsekvencoj de la trudita sieĝo » de la malgranda teritorio okazinta de post la 7a de oktobro, deklaris Philippe Lazzarini dum gazetkunveno en Jerusalemo. « Medikamentoj, nutraĵoj kaj akvo elĉerpiĝas, la kloakoj komenciĝas troabundi sur la strato de Gazao », priskribas la humanitara respondeculo.

« La nuna sistemo estas kondamnita al malsukceso »

La helpaj konvojoj enirintaj en la palestinan teritorion de post la 21a de oktobro estas tute nesufiĉaj por respondi al la bezonoj de la loĝantaro, asertis la respondeculo. « La nuna sistemo estas kondamnita al malsukceso. Kion ni bezonas estas helpo sufiĉa kaj daŭra, ni bezonas humanitaran batalhaltigon, ke tiu helpo povu atingi tiujn, kiuj bezonas ilin », li postulis.

« Bakejoj, stacioj de akvo-purigado, spirasistaj aparatoj: karburaĵoj estas necesaj por funkciigi ĉion ĉi » daŭrigis Philippe Lazzarini. « Koncerne la UNRWA, ni havas karburaĵon por hodiaŭ » vendredon, li aldonis. La agentejo, kiu « draste limigis » sian konsumadon, bezonas po 160 000 litrojn tage por sia aktiveco.

Israelo kontraŭas la eniron de karburaĵo inter la humanitara helpo sendita a la teritorio, kaj atentigis pri la kapto fare de la Hamaso, kiu regas de post 2007 Gaza-sektoron. « Mi estos klara: ni havas fortikajn mekanismojn de kontrolo. La UNRWA ne lasas kaj ne lasos la Hamason deturni la humanitaran helpon », li insistis.       

La ministrejo pri Sano de la Hamaso anoncis vendredon, ke 7 326 personoj, inter kiuj pli ol 3 000 infanoj estis mortigitaj en Gaza-sektoro de post la komenco de la milito kun Israelo.

Pridemandita pri tiuj nombroj, Philippe Lazzarini respondis, ke dum la precedencaj militoj en Gazao, tiuj bilancoj provizitaj de la Hamaso, kiu regas en Gazao, « estis konsiderataj kredindaj, kaj neniu vere kontestis ilin ». Farante korelacion inter la plena bilanco kaj la nombro de mortigitaj dungitoj de la UN-agentejo, « ni trovas pli malpli la saman procenton ».

« La morto de almenaŭ 57 kolegoj estis konfirmita », « patrinoj, patroj, mirindaj homoj, kiuj dediĉis sian vivon al sia komunumo », kaj kiuj « se ili ne estus en Gazao, povus esti viaj najbaroj », li plu diris.

https://www.sudouest.fr/international/moyen-orient/israel/guerre-israel-hamas-beaucoup-de-gens-vont-mourir-a-gaza-en-raison-du-siege-impose-par-israel-alerte-l-onu-17233932.php

https://www.youtube.com/watch?v=UT4ynWa5YrQ

24/10/2023

KONTRAŬ LA TERORISMAJ KRIMOJ DE LA HAMASO - KONTRAŬ LA BLOKADO KAJ LA BOMBADOJ DE GAZAO

http://neniammilitointerni.over-blog.com/2023/10/kontrau-la-terorismaj-krimoj-de-la-hamaso-kontrau-la-blokado-kaj-la-bombadoj-de-gazao.html

23/10/2023

Unuiĝintaj Nacioj alarmas pri la situacio de la virinoj, unuaj viktimoj de la konflikto en Gazao

http://neniammilitointerni.over-blog.com/2023/10/unuigintaj-nacioj-alarmas-pri-la-situacio-de-la-virinoj-unuaj-viktimoj-de-la-konflikto-en-gazao.html

23/10/2023

Bildo: virinoj rifuĝas en lernejo administrata de UN en Ĥan Junis, sude de Gaza-sektoro.

Laŭ raporto publikigita de UN pasintan vendredon pri la efiko de la krizo en Gazao, preskaŭ 493 000 palestinaj virinoj kaj junulinoj estis delokitaj de post la atako de la Hamaso la 7an de oktobro kaj la israelaj bombadoj, kiuj sekvis. Tiu ĉi maltrankviliĝas, ke la kreskado de seksismaj perfortoj aldonitaj al nutraĵa malsekureco faras de la virinoj, la unuajn viktimojn de tiu konflikto.

Laŭ "UN-virinoj", la milito inter Israelo kaj la Hamaso jam kondukis al delokigo de preskaŭ 493 000 virinoj kaj junulinoj en la palestina enklavo de Gazao. La raporto publikigita la 20an de oktobro emfazas ankaŭ vastan altigon de la nombro de vidvinoj: ĉirkaŭ 900 virinoj fariĝis familiestroj en malpli ol dek kvin tagoj. Foreste de batalhaltigo, tiuj nombroj certe kreskos, alarmas la raporto.

UN alarmas pri la urĝaj bezonoj kaj pri la aparta vundebleco de la virinoj en Gazao, regiono kie la situacio jam estis juĝita katastrofa antaŭ la komenco de la konflikto. Tiuj vundeblecoj estas pligravigitaj pro la fakto, ke la palestinaj leĝoj metas ilin sub virseksa aŭtoritato. Sen financa sendependeco, foje sen dokumentoj, ili fakte pli estas submetitaj al seksismaj perfortoj kaj nutraĵa malsekureco. Ili ankaŭ riskas troviĝi en provizaj loĝejoj aŭ rifuĝejoj nesalubraj.

Ĉirkaŭ 50 000 gravedaj virinoj

Devigitaj vivi en troloĝataj rifuĝejoj, senigitaj je bazaj kaj intimaj provizoj, ilia protekto pli kaj pli estas minacitaj. Kio plej maltrankvilas estas la perfortoj, al kiuj la virinoj estas submetitaj: seksa ekspluatado, truditaj edziĝoj, kaj por la plej aĝaj, la risko de izoleco kaj forlaso.

Laŭ kalkulo, 50 000 gravedaj virinoj estas blokitaj en la palestina enklavo kun grandaj malfacilaĵoj aliri al flegado, aparte de post la eksplodo, kiu tuŝis la malsanulejon al-Alhi, antaŭ kelkaj tagoj.

Sarah Hendriks, ekzekutiva provizora kun-direktorino de "UN-virinoj" tiel alvokas al « tuja humanitara batalhaltigo ». Ŝi asertas, ke la UN-agentejo plu ĉeestos surloke por provizi sian subtenon kaj helpon.

https://www.rfi.fr/fr/moyen-orient/20231022-l-onu-alerte-sur-la-situation-des-femmes-premi%C3%A8res-victimes-du-conflit-%C3%A0-gaza

https://www.youtube.com/watch?v=4cXSAAJICK4

21/10/2023

En Gazao, la loĝantoj organiziĝas fronte al la manko de elektro

http://neniammilitointerni.over-blog.com/2023/10/en-gazao-la-logantoj-organizigas-fronte-al-la-manko-de-elektro.html

16/10/2023

Gazao: la deviga evakuado de malsanuloj povus esti « ekvivalento al mortopuno », alarmas la Monda Organizaĵo pri Sano

http://neniammilitointerni.over-blog.com/2023/10/gazao-la-deviga-evakuado-de-malsanuloj-povus-esti-ekvivalento-al-mortopuno-alarmas-la-monda-organizajo-pri-sano.html

12/10/2023

Gaza-sektoro: inter rebatoj kaj humanitaraj urĝecoj

http://neniammilitointerni.over-blog.com/2023/10/gaza-sektoro-inter-rebatoj-kaj-humanitaraj-urgecoj.html

13/10/2023

Bildo: Perfortaj bataloj okazas en Avdijkva, celo de grava rusia ofensivo.

Sektoroj de la okcidenta maldekstro disvolvas rakontojn, laŭ kio Rusio estis iompostiome ĉirkaŭita de NATO, kaj ke tio « provokis » Putin.

Post la 24an de februaro 2022, la ideo, ke Rusio tutsimple « sin defendas » estas malpli kaj malpli subtenebla. La fakto estas, ke la invado estis plene antaŭvidita.    

Necesas havi malsaman rakonton por kompreni, kio vere estas Rusio: agresema imperiisma potenco apud aliaj imperiismoj.

1994. Rusio, subtene de Usono, akiras la ukrainan nuklean arsenalon interŝanĝe kontraŭ respekto de la teritoria integreco de Ukrainio.

1997. Rusio akiras la ŝipbazon de Sebastopolo kaj la preskaŭan tutecon de la ŝipoj (precize 82%)… interŝanĝe kontraŭ la garantio de respekto de la teritoria integreco de Ukrainio !

2004. Rusio enmiksiĝas sensukcese en la ukrainajn prezidentajn balotojn, baraktante obstine por trudi fraŭdan kaj sendemokratian rezulton.          

Meze de la 2000aj jaroj. Por puni Ukrainion, ke ĝi elektis Juŝĉenko, Rusio uzas energian ĉantaĝon, ian ekonomian devigon, preskaŭ similan kun pruntoj kaj kondiĉoj de la IMF kaj de Monda Banko.    

2008. NATO rifuzas adopti planon por aliĝo de Ukrainio kaj prokrastas la decidon ĝis nedifinita dato. La sekureco de Ukrainio tute ne estas garantiata, dum Rusio jam montris sian emon uzadi truddevigon por submeti Ukainion al siaj postuloj.              

2009. La rusia prezidento Dmitrij Medvedev skribas al Juŝĉenko, ke « Rusio ne reprezentas kaj ne povas reprezenti ian minacon por Ukrainio.» Jes, kompreneble ! 

2014. Rusio, kiu « ne reprezentas kaj ne povas reprezenti minacon por Ukrainio » aneksas Krimeon. Kompreneble, aneksante Krimeon, Rusio ne nur faras de ĉiuj precedencaj deklaroj, laŭ kiuj « ĝi neniam konsistigos minacon por Ukrainio », ridindan mensogon, ĝi ankaŭ rompas kun la memorando de 1994 kaj la traktato de 1997 : « Ni estas Kremlo. Nia parolo valoras nenion ! »

La anekso de Krimeo estigas armitan separatismon en Donbaso, kunordigitan de Rusio per rektaj komando kaj milita kontrolo, poste tute subordigas la « aŭtoritatojn » de Donbaso, kiuj fakte okupacias la regionon.              

Ukrainio ne apartenas al NATO, ĝia sekureco ne estas garantiata, kaj la livero de usonaj armiloj komenciĝas nur en 2018. Ili estas reduktitaj al minimumo… pro timo provoki Rusion !

24 februaro 2022. Rusio invadas Ukrainion cele al kontrolo de 100% de la tuta lando, per ia ajn maniero.    

Nenia milita surterena disvolviĝo provokis la invadon. Por Rusio, temas pri milito intence elektita, tute simila al la invado de Irako en 2003, kiu estis milito intence elektita de Usono.   

Necesas aldoni la amasan enmiksiĝon de spionoj kaj rusiaj influhavaj agentoj en Ukranion, la monon pagitan al ukrainaj politikistoj koruptitaj, kaj la amasan akiron de ukrainaj aktivoj cele al devigo de ekonomia kaj politika dependeco.     

Tiuj faktoj estas konataj, sed multaj maldekstraj personoj rifuzas vidi ilin.

Tio estas historio de jardekoj da imperiisma agreso, kiu kulminas en milito, kiu kostis 150 000 vivojn nur en 2022.

Ĉiuj diskutoj pri maldekstra internaciismo komenciĝu per la agnosko de la realeco, pri kio estas Rusio, kaj kion ĝi faris.

Post-skribo de d’Oakland Socialist: necesas aldoni al tiu listo la detruadon de Grozno, la invadon de Kartvelio (2008), la helpon provizitan al la reĝimo de Baŝar Al-Asad en Sirio (2015), ne forgesante la anekson de parto el Moldavio kaj « Ĉednestrio » (1990).

https://www.syllepse.net/syllepse_images/soutien-a---lukraine-re--sistante--n-deg-24_compressed.pdf

https://www.youtube.com/watch?v=CrDnib5qi4g

28/06/2023

Falsaj novaĵoj anstataŭ ukraina realo: afekcia pesto (1/4) 

http://neniammilitointerni.over-blog.com/2023/06/falsaj-novajoj-anstatau-ukraina-realo-afekcia-pesto-1/4.html

07/03/2023

LA ORKESTRO DE LA BLINDULOJ, SURDULOJ, AMNEZIULOJ, ĈARLATANOJ KAJ LA KOMPLICOJ LUDAS SIAN PARTITURON

http://neniammilitointerni.over-blog.com/2023/03/la-orkestro-de-la-blinduloj-surduloj-amneziuloj-carlatanoj-kaj-la-komplicoj-ludas-sian-partituron.html

24/02/2023

La obskura flanko de la neŭtraleco

http://neniammilitointerni.over-blog.com/2023/02/la-obskura-flanko-de-la-neutraleco.html

11/02/2023

TENDARISMO (artikolo aperita en Sennaciulo n° 05-06 de majo/junio 2022)

http://neniammilitointerni.over-blog.com/2023/02/tendarismo-artikolo-aperita-en-sennaciulo-n-05-06-de-majo/junio-2022.html

05/11/2022

Kontraŭ la rusia imperiismo (artikolo aperita en Sennaciulo n° 03-04 de marto/aprilo 2022)

http://neniammilitointerni.over-blog.com/2022/11/kontrau-la-rusia-imperiismo-artikolo-aperita-en-sennaciulo-n-03-04-de-marto/aprilo-2022.html?fbclid=IwAR0j5g5ovHzlZvAyvwr0kxYdZRdQ6U8VyjC4c35I7kuRlcgKYgAvV0z95rA

10/10/2023

Bildo: Dum la Kovima pandemio, la flegistinoj de la malsanulejo Ramdam portas esencan mesaĝon:  « Ni rifuzas esti malamikoj ! Por paco justa kaj daŭra ! »

Denove la milito ekflamas en la Palestina/Israela regiono. Ĉi-foje la Hamaso prenis la iniciativon komenci la barbarecon. Ĝi ne estas sola en tiu atako, ankaŭ sturmantoj de la FPLP partoprenas la armitajn agojn. La bildoj estas neelteneblaj: civiluloj murditaj sur la stratoj aŭ hejme, ostaĝigoj.

Kvankam la israela registaro kondukas politikon kvalifikitan apartismo, eĉ de la eks-direktoro de la israelaj spionservoj Tamir Prado, tio tute ne pravigas plenkonsciajn murdojn de civiluloj. Tio estas tiel kondamnindaj kiel mortigo de palestinaj civiluloj fare de la israela armeo !

Sendube, la milita respondo de la israela registaro estos same terura kaj blinda. Jam konstruaĵoj de Gazao estis bombaditaj kaj elektro estas interrompita en la tuta teritorio.        

Ni nur povas esprimi la plej grandajn timojn por la civilaj loĝantoj, palestinaj kaj israelaj, ostaĝigitaj de la iliaj respektivaj registaroj en tiu konflikto kaj tio, dum tiuj loĝantoj manifestaciis de monatoj kontraŭ siaj propraj registaroj kaj ties mortigaj politikoj: dum la lastaj semajnoj, kaj precipe la pasintan 30an de julio, miloj da Palestinanoj manifestaciis en Gazao kontraŭ la politiko de la Hamaso per la slogano « ni volas vivi ».

Samtempe en Israelo, dekoj da miloj da israelanoj multfoje surstratiĝis kontraŭ la politiko de la dekstra registaro, kiu ne plu kapablis kontroli la manifestaciojn kaj direktiĝis al kolapso.

La atako de la Hamaso do okazas, kiam – ambaŭflanke de la muro de la honto – la loĝantoj komencis memorganiziĝi kontraŭ siaj estroj.

La perforto senbridigita de tiu atako tute male unuigos la loĝantaron ĉirkaŭ tiuj koruptitaj estroj, plifortigante la naciismajn sentojn nutratajn per deziroj de reciproka venĝo.                     

En Gazao, la Hamaso alvokas la sakralan unuiĝon malantaŭ sia flago. Jam Netanjahu anoncas registaron de nacia unuiĝo ; la miloj da rezervistaj soldatoj, kiuj strikis de semajnoj anoncis interrompon de sia movado !

Tiu atako aliparte intervenas, dum la ĉefo de la Hamaso renkontis la ajatolon Ali Khamenej en Teherano pasintan junion, kaj ke Sauda Arabio  - reĝimo malamegata de Irano – interdiskutas kun Israelo por starigi oficialajn rilatojn. Jam la Hizbulaho, terorisma marioneto de Irano, anoncis, ke « la ofensivo de la Hamaso kontraŭ Israleo konsistigas mesaĝon al tiuj, kiuj provas normaligi siajn rilatojn kun Israelo por esprimi, ke la palestina lukto ne mortas ».

Post la israela loĝantaro, ja la loĝantaro de Gazao pagos la prezon de tiuj sangoplenaj ludoj inter Ŝtatoj por certigi sian potencon.

Unu plian fojon tiuj, kiuj decidas militojn ne estas tiuj, kiuj mortas en ĝi…

Unu plian fojon, la civiluloj suferos, de Sderoto ĝis Gazao. Ĉiuj ĉi ideologioj uzitaj de la potenco, nome naciismojn kaj religiojn, estas la pilieroj de tiu mortiga logiko, kiu instigas la homojn intermortigi sin por la plej granda profito de la estroj de tiu mondo. 

http://cnt-ait.info/2023/10/09/halte-a-la-barbarie/                   

05/10/2023

En Jerusalemo, miloj da Israelaninoj kaj Palestinaninoj manenmane por la paco

http://neniammilitointerni.over-blog.com/2023/10/en-jerusalemo-miloj-da-israelaninoj-kaj-palestinaninoj-manenmane-por-la-paco.html

28/03/2023

« Ni plu batalos », avertas la opoziciuloj kontraŭ la reformo pri justico

http://neniammilitointerni.over-blog.com/2023/03/manifestacioj-en-israelo-ni-plu-batalos-avertas-la-opoziciuloj-kontrau-la-reformo-pri-justico.html

18/03/2019

Gazao: la sekurecaj fortoj de Hamaso disigas sociajn manifestaciojn 

http://neniammilitointerni.over-blog.com/2019/03/gazao-la-sekurecaj-fortoj-de-hamaso-disigas-sociajn-manifestaciojn.html