27/05/2024

Laŭ la palestinaj aŭtoritatoj, la israela bombado kontraŭ la kampadejo de Rafaĥo ekstremsude de Gaza-sektoro okazigis almenaŭ 40 mortintojn.

« Tiu frapo ilustras plian fojon la plenan malestimon de la israela armeo por la civiluloj », denuncis lundon 27an de majo Guillemette Thomas, kuraca kunordigantino de la misio Palestino por Raportistoj Sen Landlimoj-Francio (RSL), dum la Hebrea Ŝtato bombadis kampadejon apud Rafaĥo, okazigante plurajn dekojn da mortintoj. La palestina prezidenteco elvokas « abomenindan masakron ».     

RSL prizorgas « centron de stabiligo » situantan apud la loko de la bombado: « Dekoj kaj dekoj da vunditoj, pli ol sumo de 180 alvenis en la centro de stabiligo, plejparte kun kompleksaj vundoj kaj vastaj brulvundoj. Dudek ok homoj tuj mortis. La bilanco estas terura » ŝi atestis.

« Ni ne povas toleri tian pravigon »

La israela armeo daŭrigas sian bombadon kontraŭ Rafaĥo en Gaza-sektoro, dum la Internacia Kortumo pri Justico ordonis al la Hebrea Ŝtato, ke ĝi metu tuj finon al sia ofensivo.

« Tiu bombado, kiu okazis meze de la nokto, kompreneble atingis civilulojn en nombro ekstreme alta. Plian fojon, virinoj, infanoj, civiluloj estas celitaj kaj trafitaj en tiu konflikto », bedaŭras Guillemette Thomas.       

La israela armeo certigas, ke ĝi « frapis komplekson de la Hamaso ». Laŭ Guillemette Thomas « tio estas absolute neaŭdinda ». Ŝi denuncas « rakonton de la israela armeo », kiu « ekde la komenco de tiu milito pravigas, ke oni povas mortigi dekojn kaj centojn da civiluloj, ĉar oni celas teroristojn. Tio estas neakceptebla. Tio ne plu estas aŭdinda. Oni ne plu povas toleri tian pravigon », ŝi aldonas.     

Internacia Amnestio petas de la Internacia PunKortumo, ke ĝi malfermu enketon pro militkrimoj pro tri aliaj israelaj similaj bombadoj en Gaza-sektoro kontraŭ kampadejoj en aprilo.

« Necesas, ke la juĝaj kompetentaj instancoj por juĝi tiujn ĉi krimojn estu pridemanditaj kaj permesitaj labori el sendependa maniero, por ke la justico povu fari sian laboron », ŝi asertas. Sed kiel humanitara organizaĵo, KSL postulas « aliron al la civiluloj, rimedon por labori kun medicina materialo » kaj « nutraĵojn ».   

https://www.francetvinfo.fr/monde/proche-orient/israel-palestine/bombardement-a-rafah-cette-frappe-illustre-encore-une-fois-le-mepris-total-de-l-armee-israelienne-pour-les-vies-civiles-denonce-msf_6568406.html

09/04/2024

« Ni ne rajtas esprimi niajn emociojn »: de post la 7a de oktobro, la voĉoj de la Palestinanoj de Israelo estas ignorataj de la aŭtoritatoj

http://neniammilitointerni.over-blog.com/2024/04/ni-ne-rajtas-esprimi-niajn-emociojn-de-post-la-7a-de-oktobro-la-vocoj-de-la-palestinanoj-de-israelo-estas-ignorataj-de-la-autoritatoj.html

21/05/2024

De pli ol semajno, Kijivo frontas rusian ofensivon norde de la lando. Dum la trupoj de la Kremlo havas Ĥarkivon kiel celon, "The Guardian" iris al Vovĉansk, nur kvin kilometrojn for de la landlimo kun Rusio. La urbo, kie loĝis preskaŭ 20 000 loĝantoj komence de la milito, estas nun preskaŭ tute forlasita.

« Evakui la lastajn loĝantojn de Vovĉansk, urbo centre de la antaŭnelonga rusia ofensivo en la regiono Ĥarkivo, tagon post tago fariĝas pli danĝera », mencias "the Guardian". Sendinte unu el siaj ĵurnalistoj en la sudon de tiu ukrainia urbo, la brita ĵurnalisto priskribas la « batalon », kiu okazas por protekti la civilulojn.

De semajno, Moskvo lanĉis ofensivon nord-oriente de Ukrainio kontraŭ la dua urbo de la lando, Ĥarkivo, kiel celo. Ĝiaj trupoj registris siajn plej gravajn teritoriajn avancojn de antaŭ du jaroj, atakante plurajn lokojn, inter kiuj Vovĉansk, kvin kilometrojn for de la landlimo.

"The Guardian" priskribas la operacojn de evakuado organizitajn de la policistoj, kun helpo de volontuloj. Nur kelkaj dekoj da ukrainoj plu estas surloke, dum la urbo enkalkulis 18 000 loĝantojn antaŭ la komenco de la konflikto.            

« Ni ne scias kiom da personoj plu estas tie, sed ni esperas, ke ili estas malpli ol 200 » diras Oleksij Kharkivskji, ĉefo de la surloka polico, pridemandita de la ĵurnalisto vendrede 17a de majo matene. Malgraŭ jarojn da spertado, la viro konfesas, ke li ne estis preparita al tia evento. La urbo plu estas sub la pafoj de la rusia artilerio kaj la frapoj de droneoj. Bruo de alarmiloj ne ĉesas.

« Kial do vi ne foriris pli frue ? »

Tiuj lastaj loĝantoj estas la plej rezistemaj al foriro, sed la intenseco de la bataloj esta tia, ke ili ne havas alian elekton. « Plejparte de ili estas maljunaj, malfortikaj aŭ profunde traŭmatizitaj. Ili montras sian dokumenton al la polico kaj atendas buseton, kiu kondukos ilin en rezidejon por delokitoj en Ĥarkivo. » « Kial do vi ne foriris pli frue ? », vigle demandas agento. « Ni ne volis foriri. Tio estas nia domo. Ni ne scias, kien iri », respondas Olha, kun ŝia kato en la brakoj. Ŝi kaj ŝia edzo Mikolo kolektis rapide kelkajn aferojn en plastajn sakojn.

« La regiono jam trapasis ok monatojn sub rusia okupacio komence de la milito. Se Vovĉansk estas denove submetita de la Rusoj, unuafoje Moskvo estos rekonkerinta urbon liberigitan fare de Ukrainio », notas la ĵurnalo. De nun, la civiluloj cedas sian lokon al la militistoj, kiuj provas reorganizi la defendojn: ili aktivas por fosi tranĉeojn kaj starigi fortikaĵojn.

« Sume, 9 907 personoj estis evakuitaj », en la regiono Ĥarkivo, deklaris Oleg Sinegubov, sabaton 18an de majo. En intervjuo kun la franca Novaĵagentejo kaj vaste citita en la internacia amaskomunikilaro, la ukraina prezidento Volodimir Zelenskij diris, ke li aŭguras rusian ofensivon pli vastan en la Nordo kaj Oriento. Ili lanĉis sian operacon, ĝi povas konsisti en pluraj ondoj. Kaj tio ĉi estas la unua ondo.                                  

https://www.courrierinternational.com/article/guerre-en-ukraine-dans-la-region-de-kharkiv-les-evacuations-s-accelerent

https://www.youtube.com/watch?v=00_-xFMxbXg

12/12/2023

Milito en Ukrainio: sur la militfronto, la soldatoj petas de la okcidentaj aliancanoj, ke ili ne interrompu la liverojn de armiloj

http://neniammilitointerni.over-blog.com/2023/12/milito-en-ukrainio-sur-la-militfronto-la-soldatoj-petas-de-la-okcidentaj-aliancanoj-ke-ili-ne-interrompu-la-liverojn-de-armiloj.html

02/02/2024

Milito en Ukrainio: post nokta rusia atako, 30 000 personoj estas senigitaj je elektro, ministoj estas blokitaj subtere

http://neniammilitointerni.over-blog.com/2024/02/milito-en-ukrainio-post-nokta-rusia-atako-30-000-personoj-estas-senigitaj-je-elektro-ministoj-estas-blokitaj-subtere.html

13/06/2022

Milito en Ukrainio : Internacia Amnestio akuzas Rusion pri militkrimoj en Ĥarkivo (Grapolbomboj)

http://neniammilitointerni.over-blog.com/2022/06/milito-en-ukrainio-internacia-amnestio-akuzas-rusion-pri-militkrimoj-en-harkivo.html

10/05/2024

Serio da atakoj kondukitaj de la sudanaj paramilitaj fortoj en la okcidenta regiono Darfuro « starigas eblon » de « genocido » plenuminta kontraŭ etnaj komunumoj nearabaj, asertas la NeRegistata Organizaĵo Human Rights Watch en raporto publikigita ĵaŭdon.

La paramilitistoj de Fortoj de Rapida Subteno (FSR) kaj la alianciĝaj milicoj estis akuzitaj pri etnaj purigadoj, krimoj kontraŭ la Homaro kaj militkrimoj en sia milito kontraŭ la regula armeo, kiu komenciĝis en 2023.

La milito mortigis milojn da personoj. Ekspertoj de UN malkovris ĝis 15 000 personoj en la urbo Genejna, Okcidenta Darfuro, kerno de tio, kion HRW nomas « kampanjo de etna purigado kontraŭ la etno Masalito kaj aliaj nearabaj populacioj de la regiono ».             

La raporto dokumentas kiamaniere, de fino de aprilo ĝis novembro 2023, la FSR kaj la alianciĝaj milicoj « sisteme kondukis kampanjon celantan elpeladi, eĉ mortigi la loĝantojn de la etno Masalito ».

La perfortoj, kiuj konsistas en amasaj torturoj, seksperfortoj kaj rabadoj, kulminis meze de julio, kiam miloj da personoj estis mortigitaj en kelkaj tagoj, kaj kreskis denove en novembro.

Satelitaj bildoj montras, ke de post junio, la kvartaloj de la urbo kie plimulte loĝas Masalitoj – kaj kie loĝis antaŭe ĉirkaŭ 540 000 personoj – estis sisteme detruitaj, multoj per buldozoj, malhelpante la fuĝantajn civilulojn rehejmeniĝi, menciis la raporto.   

https://www.rtbf.be/article/darfour-les-attaques-menees-par-l-armee-soudanaise-soulevent-la-possibilite-d-un-genocide-commis-contre-des-communautes-ethniques-non-arabes-11371288

https://www.youtube.com/watch?v=V2uydnp1HSg&t=3s

04/11/2023

Darfuro: Unuiĝintaj Nacioj alarmas pri forkaptado kaj sklavismo de virinoj kaj junulinoj

http://neniammilitointerni.over-blog.com/2023/11/darfuro-unuigintaj-nacioj-alarmas-pri-forkaptado-kaj-sklavismo-de-virinoj-kaj-junulinoj.html

09/04/2024

Malpermeso manifestacii aŭ protesti en la sociaj retoj: de ses monatoj, la Palestinanoj de Israelo estas malhelpataj esprimiĝi.

La voĉoj de du milionoj de Palestinanoj de Israelo iom post iom liberiĝas. De post la 7a de oktobro ili ne plu havas okazon esprimiĝi, kun malpermeso manifestacii aŭ esprimi en la sociaj retoj sian solidarecon kun Gazao kaj sian opozicion al la milito. Tamen de kelkaj semajnoj, la premo iom malstriktiĝas. Ili estas malpli kaj malpli konsiderataj kiel internaj malamikoj.

Nisrin Murkus estas aktivulino: « Mi sentas empation. Kial bebo devas morti, nur ĉar ĝi estas palestina ? »

Ŝi estas araba, kaj sin prezentas kiel Palestinanino, de israela nacieco. Ŝi gvidas feminisman movadon, kiu defendas egalecon kaj postulas finon de la bataloj en Gaza-sektoro: « Ŝajnas al ni, ke ni vivas en milita reĝimo. Ni ne rajtas esprimi niajn emociojn pri tio, kio okazas en Gazao. Kial ? ŝi demandas. Por multaj aktivuloj, la periodo estas malfacila. Por ĉiu peto de manifestacio, ni atendu longtempe antaŭ ol akiri permeson. En la sociaj retoj, ili kontrolas ĉion, kion ni skribas. »

« Ni neniam trovis la rimedon vivi kunkune »

« Dum jaroj, la israelaj aŭtoritatoj provis diri, ke ni ne estas Palestinanoj, sed Israelaj Araboj, daŭrigas Nisrine Murkus. Ili ĉion faris, interalie en la eduksistemo, por ke niaj infanoj forgesu, ke ili estas Palestinanoj. Kaj subite, post la 7a de oktobro, la israelaj aŭtoritatoj konsideris nin kiel Palestinanojn. »

« Ni vivas tie, ni laboras tie. Kial tagon post la 7a de oktobro, ni fariĝis kulpuloj ? - Nisrine Murkus           

Cathy Barah estas israela judino. Same kiel Nisrin Murkus, ŝi aktivas en maldekstraj asocioj: « Estas malfacile, ĉar multaj amikoj, mia familo, estis tuŝitaj de la masakro de la 7a de oktobro. »

Tamen, kun ŝia grupo de patrinoj kontraŭ perforto, ŝi helpas Israelajn Arabojn aŭ Palestinojn de Israelo organizi kolektiĝojn: « Ni ne donis al ili bonan vivon en Israleo. De 75 jaroj, oni konsideras, ke la Araboj kulpas pri io. Ni neniam trovis la rimedon por vivi kunkune. Nur ili trovis la rimedon vivi kun ni. »

La 7a de oktobro klare malfavoris kunekzistadon. Post la dramo, la ĉefo de la israela polico asertis, ke ĉiu homo, kiu esprimus sian solidarecon kun Gazao estus sendita per buso al la enklavo. 

https://www.francetvinfo.fr/monde/proche-orient/israel-palestine/temoignage-nous-n-avons-pas-le-droit-d-exprimer-nos-emotions-depuis-le-7-octobre-la-voix-des-palestiniens-d-israel-est-passee-sous-silence-par-les-autorites_6473942.html

https://www.youtube.com/watch?v=HNSJUc7YuW4     

23/03/2024

ISRAELO-PALESTINO

http://neniammilitointerni.over-blog.com/2024/03/israelo-palestino.html

03/03/2024

Sabaton en Jerusalemo, miloj da manifestaciantoj finis kvartagan marŝadon komencintan apud la landlimo kun Gazao, postulante liberigon de la ostaĝoj. Samtempe en Tel-Avivo novaj manifestacioj kontraŭ la registaro kolektis milojn da personoj.

« La registaro havas sangon sur la manoj », skandas la homamaso. Post nuligo de la reformo pri justico, la civita socio, kiu surstratiĝis pasintjare kontestas denove, sed ĉifoje por postuli anticipajn balotojn. Sabaton la 2an de marto vespere, la strato Kaplan en Tel-Avivo, epicentro de la movado kontraŭ Netanjahu estis homplena, kun abundo de israelaj flagoj kaj miloj da manifestaciantoj.    

Ilana, 54-jara, manifestacias de pli ol jaro kontraŭ la registaro Netanjahu. « Mi tute ne fidas tiun Ĉefministron, ŝi diras. Mi opinias, ke li ne decidas por la bono de la lando sed nur por siaj personaj interesoj ».

Sur ĉiuj afiŝtabuloj figuras la sama demando: anticipaj balotoj. Pro la bataloj, kiuj daŭras en Gazao, novaj balotoj ŝajnas des pli gravaj por tiuj manifestaciantoj. Ili opinias, ke la registaro ne kapablas okupiĝi pri tiu milito. « La nombro de mortintoj estas terura, la ostaĝoj plu estas detenitaj en Gazao, ili ne intertraktis akordon. Tro estas tro », vigle deklaras Eran.

Paco kaj estonto

130 israelaj ostaĝoj plu estas detenitaj en Gazao kaj la bilanco en la palestina enklavo senĉese pligraviĝas.

Male al la israela dekstro, kiu defendas daŭrigon de bataloj por atingi tion, kion ĝi nomas « plena venko », ĉi tie la alvokoj al intertraktadoj kaj batalhaltigo estas pli kaj pli insistemaj. « La infanoj en Israelo kaj Gazao kreskas en timo kaj angoro, kaj kun tiu sento, ke ili ne plu havas estonton, bedaŭras Romi. Ni bezonas en Israelo respondecan kaj fidindan registaron ».    

« Ni bezonas registaron, kiu strebas trovi longdaŭran solvon, kiu celas pacakordon por la tuta regiono, por oferti pli bonan estonton al la futuraj generacioj. » - Romi, israela manifestaciantino.

Grava polica aranĝo estis deplojita sabaton vespere. La homamaso tamen sukcesis bloki la ĉefajn vojojn de la urbo. Ĝi fine estis evakuita sed intencas ja reveni venontan sabaton.

« Ni estos tie tiel longe kiel necese, ĝis kiam li aŭskultas nin, asertas Ilana. Ĝis kiam estos kelkaj kuraĝaj personoj en la koalicio por renversi la registaron kaj decidu pri novaj datoj por la balotoj. »

La balotoj okazos fine de oktobro 2026. La movado, kromnomita « kontraŭ-Bibi » intencas daŭrigi la manifestaciojn ĝis akiro de anticipa baloto.

https://www.francetvinfo.fr/monde/israel/trop-c-est-trop-en-israel-des-milliers-de-manifestants-reclament-des-elections-anticipees_6401431.html

https://www.youtube.com/watch?v=2KPua4InKrk

29/02/2024

Gazaa sektoro : pli ol 100 palestinaj mortintoj kaj 700 vunditoj post israelaj pafoj dum disdono de humanitara helpo, laŭ la Gazaa ministrejo pri Sano

http://neniammilitointerni.over-blog.com/2024/02/gazaa-sektoro-pli-ol-100-palestinaj-mortintoj-kaj-700-vunditoj-post-israelaj-pafoj-dum-disdono-de-humanitara-helpo-lau-la-gazaa-ministrejo-pri-sano.html

28/03/2023

Manifestacioj en Israelo: « Ni plu batalos », avertas la opoziciuloj kontraŭ la reformo pri justico

http://neniammilitointerni.over-blog.com/2023/03/manifestacioj-en-israelo-ni-plu-batalos-avertas-la-opoziciuloj-kontrau-la-reformo-pri-justico.html