Japanio : eksplodo de kazoj de Kovim-19, la Olimpikoj sub urĝa stato

31 juillet 2021 6 31 /07 /juillet /2021 19:53

Japanio : eksplodo de kazoj de Kovim-19, la Olimpikoj sub urĝa stato

31/07/2021

Tokio ne vere interesiĝas pri la Olimpikoj. Tiujn lastajn tagojn, Japanio spertis maltrankvilegan nombron de infektado per la Kovim-19. Nur vendrede, pli ol 3 300 personoj estis testitaj pozitive en la ĉefurbo, 10 000 landnivele tagon antaŭe. Tiuj niveloj neniam estis antaŭe atingitaj. La urĝa stato estas plidaŭrigita kaj plivastigita al la granda ĉirkaŭaĵo de la gastiganta urbo.

« La homoj volas ĉesigon de tiuj Olimpikoj, ĉar ĉiuj ĉi urĝaj statoj ŝajnas plenaj je maltaŭgeco kaj maljusteco. Ili fundamente kontraŭas la akcepton de la Olimpikoj. Ŝajnas al ili, ke tio okazas malprofite al la popolo », eksplikas Ĉing Li Tor surloka ĵurnalisto, kiu raportas pri la Olimpikoj.

Siaflanke, la Internacia Olimpika Komitato (IOK) sin defendas, ke ĝi kontribuis al plivastiĝo de la viruso. Laŭ la organizantoj, la sanitara protektado ĉirkaŭ la ludoj estas efika. Malgraŭ ĉio, kelkaj japanaj fervoruloj, forpuŝitaj ekster la stadionoj, plu entuziasmiĝas.

« Kvankam ni spertas urĝan staton, esti la gastiga urbo de la Olimpikoj estas evento, kiu okazas nur unu fojon en la vivo, do ni volas travivi tion », atestas viro.

Tiu evento finfine estos multekosta por la japanoj. Tokio 2020 estas ekde nun la plej multekostaj Olimpikoj el la historio : 15,5 miliardoj da dolaroj. Koncerne la atenditan enspezon, ĝi estos ege malpli alte ol antaŭvidite, pro la konsekvencoj de la foresto de publiko.