Brazilo superis la nombron de 700 000 mortintoj pro la Kovim-19

3 avril 2023 1 03 /04 /avril /2023 13:27

Brazilo superis la nombron de 700 000 mortintoj pro la Kovim-19

03/04/2023

Pasintan mardon, iom pli ol tri jarojn post la komenciĝo de la pandemio de Kovim-19, Brazilo superis la nombron de 700 000 mortintoj. Nur Usono registris pli gravan bilancon.

Brazilo superis la nombron de 700 000 mortintoj, tri jarojn post la unua mortinto pro la pandemio. Tio faras de la Latinamerika lando la sesan Ŝtaton plej funebrigitan en la mondo, anoncis la ministrejo pri Sano.

La unua mortintino en Brazilo, kvindekjaraĝulino de San-Paŭlo (sud-oriente) okazis la 12an de marto 2020. Tio estis la komenciĝo de longa sankrizo, kiu superŝutis multajn malsanulejojn, kadavrejojn kaj tombejojn en la lando.

Nur Usono registris pli gravan bilancon kun 1,1 miliono da mortintoj laŭ la Monda Organizaĵo pri Sano (MOS). La epidemio okazigis almenaŭ 6,8 milionojn da mortintoj en la tuta mondo.

La administrado de la Kovim-krizo en Brazilo estis markita de multegaj polemikoj inter la sciencaj medioj kaj la ekstremdekstra eks-prezidento Jair Bolsonaro.

« Gripeto »

Tiu ĉi longtempe asertis, ke la Kovim estas « gripeto ». Li rekomendis senefikajn kuracadojn kaj kontraŭis la vakcinon. Li rifuzis izoli la loĝantaron nome de la konservado de la unua latinamerika ekonomio, baniĝante samtempe en la homamaso, plej ofte sen masko.

Lia posteulo, Luiz Inacio Lula da Silva, kvalifikis Bolsonaro-n « genocidinto » kaj rekomendis uzadon de la vakcino, kies 5an dozon li ricevis mem antaŭ kameraoj pasintan februaron.

« La vakcino, kiu estas senpage disponebla en ĉiuj sancentroj, povintus ŝanĝi la vivon de la familioj, kiuj perdis karajn proksimulojn dum la pandemio », deklaris la ministrejo pri sano en komunikaĵo.