28/04/2024

Bildo: Dum interrompo de elektro en Bauta la 18an de marto 2024

En Kubo, punoj ĝis dek kvin jaroj da malliberejo estis deciditaj kontraŭ dek tri personoj, asertis vendredon 26an de aprilo la NeRegistara Organizaĵo de defendo de Homaj rajtoj Justicia 11J. Ili manifestaciis kontraŭ daŭraj interrompoj de elektro en 2022 en la insulo.

Ĉi-vendrede 26an de aprilo, dek viroj kaj tri virinoj, ĉiuj tri enkarcerigitaj, ricevis sciigon pri siaj kondamnoj, kiuj atingas de kvar ĝis dek kvin jaroj da malliberejo pro interalie ribelinstigo, malamika propagando kaj sabotado, laŭ listo provizita de Justicia 11J, bazita en Miamo en Usono. Ĉiuj ĉi personoj surstratiĝis la 18an kaj 19an de aŭgusto por postuli pli bonajn vivkondiĉojn kaj finon de la daŭraj interrompoj de elektro – ĝis 28 horoj – en Nuevitas (oriente), urbo situanta pli ol 600 kilometrojn for de Havano.

Apelacio plu ebla

Ili estis juĝitaj en januaro 2024 fare de tribunalo de Camagüey, en forta  militista kaj polica ĉeesto, raportis tiam la NRO Cubalex, bazita ankaŭ en Miamo. « Mia filo tre malbone fartas », deklaris per telefono la patrino de junulo 23-jara kondamnita ĝis dek jaroj de malliberejo, kaj kiu petis anonimecon. Tamen, laŭ Justicia 11J, la personoj kondamnitaj plu povas apelacii sian kondamnon.

Ĉiutagaj interrompoj de elektro en 2022

Pro la energia manko en Kubo, 2022 estis unu el la plej malfacilaj jaroj en 2022, kun ĉiutagaj interrompoj de elektro en la tuta insulo. La kontraŭregistaraj manifestacioj kiel tiuj, kiuj okazis en Nuevitas en 2022 estas pli kaj pli oftaj en Kubo, malgraŭ la risko de arestoj kaj la severaj punoj riskitaj de la manifestaciantoj.

Centoj da personoj estis arestitaj dum la historiaj manifestacioj de la 11a de julio 2021, kaj preskaŭ 500 estis kondamnitaj ĝis 25 jaroj da malliberejo, laŭ la lastaj oficialaj nombroj.   

https://www.rfi.fr/fr/am%C3%A9riques/20240427-cuba-jusqu-%C3%A0-quinze-ans-de-prison-pour-des-personnes-manifestant-contre-des-coupures-de-courant

31/01/2023

La jaro 2022 finiĝis per pli ol 1 000 politikaj malliberuloj en la kubaj karceroj

http://neniammilitointerni.over-blog.com/2023/02/la-jaro-2022-finigis-per-pli-ol-1-000-politikaj-malliberuloj-en-la-kubaj-karceroj.html

19/03/2022

Kubo : ĉirkaŭ cent manifestaciantoj de la 11-a de julio estas kondamnitaj de 6 ĝis 30 jaroj da malliberejo

http://neniammilitointerni.over-blog.com/2022/03/kubo-cirkau-cent-manifestaciantoj-de-la-11-a-de-julio-estas-kondamnitaj-de-6-gis-30-jaroj-da-malliberejo-2.html

17/04/2024

Mardon, la kartvelaj deputitoj komencis la unuan ekzamenon de la kontestita leĝo pri « eksterlandaj agentoj », kaŭzo de ampleksaj manifestacioj en 2023. Ĝiaj kritikantoj, kiuj alvokas al mobilizado, juĝas tiun tekston liberdetrua. La reganta partio « la Kartvela revo », kiu disponas plimulton ĉe la Parlamento, ŝajne povos akiri favorajn voĉojn por adopti la tekston, dum manifestacio de protestado okazis vespere en Tbiliso, ĉefurbo de tiu Kaŭkaza lando.

Tagon antaŭen, ĉirkaŭ 10 000 personoj jam manifestaciis kontraŭ tiu leĝprojekto inspirita de rusia leĝo uzata de la Kremlo de antaŭ jaroj por persekuti la disidentajn voĉojn de Rusio. La polico arestis 14 personojn dum tiu kolektiĝo. Lundon dum diskuta interŝanĝo pri la teksto, la deputitoj de la potenco kaj de opozicio kverelis, estigante ĝeneralan interbatiĝon en la Parlamento.

Okaze de adopto la teksto antaŭvidas, ke la organizaĵoj ricevantaj pli ol 20% de sia financado el eksterlando estu devigataj sin registri kiel « organizaĵo defendanta la interesojn de fremda potenco », riske de monpuno. La registaro certigas, ke tiu leĝo provizos pli da « travidebleco » en la financado de la organizaĵoj, sed ĝiaj kritikantoj timas, ke ĝi estu utiligataj kiel ilo de represio kontraŭ NeRegistaraj Organizaĵoj kaj sendependaj mediatoj.

Eŭropa Unio, kun kio Kartvelio deziras kuniĝi, petis forlason de la teksto opiniante, ke ĝi kontraŭas la programon de reformoj, kiun la lando devas entrepreni por progresi survoje al sia aniĝo.       

Unua prezentado de la leĝprojekto estis jam forlasita en marto 2023 post amasaj protestmanifestacioj, kiuj estis tiam disigitaj de la polico per larmigaj gasoj kaj akvokanonoj.   

https://www.lorientlejour.com/article/1410576/georgie-les-deputes-commencent-lexamen-dun-texte-controverse-sur-linfluence-etrangere.html

https://www.youtube.com/watch?v=8A8wDu5X3JY

08/03/2023

Kartvelio: miloj da manifestaciantoj kolektiĝas por kontesti leĝon, kiu celas amaskomunikilojn kaj NeRegistarajn Organizaĵojn

http://neniammilitointerni.over-blog.com/2023/03/kartvelio-miloj-da-manifestaciantoj-kolektigas-por-kontesti-legon-kiu-celaj-amaskomunikilojn-kaj-neregistarajn-organizajojn.html

11/04/2024

La usona prezidento deklaris, ke li ekzamenos la peton starigitan de Aŭstralio pri forlaso de la kulpoj.

Julian Assange estas persekutita de pli ol dek jaroj fare de la usona justico, ĉar li publikigis en Interreto sekretajn dokumentojn.

La fondinto de Wikileaks rifuĝis inter 2012 kaj 2019 en la ambasadejo de Ekvadoro en Londono, kaj estas nun enkarcerigita en Unuiĝinta Reĝlando.

La aŭstralia Ĉefministro faris de lia liberigo prioritaton kaj salutas la decidon de la usona prezidento. « Mi diris, ke ni emfazis, nome de S-ro Assange, la naciajn interesojn de Aŭstralio, ke tro estas tro, ke ni metu finon al tiu afero. Kaj ni defendis tiun pozicion ĉe ĉiuj niveloj de la registaro per ĉiuj eblaj rimedoj », eksplikis Anthony Albanese.

Pasintan marton, la Alta Kortumo de Londono provizore blokis la peton de ekstradicio de Usono. La britaj juĝistoj atendas la leĝan garantion de Usono, ke Assange ne estos mortokondamnita. Ili decidos en majo.             

https://fr.euronews.com/next/2024/04/11/julian-assange-bientot-libre

https://www.youtube.com/watch?v=C8Jh2Tbbfq0

20/02/2024

Julian Assange provas akiri de la brita justico lastan apelacion kontraŭ sia ekstradicio al Usono

http://neniammilitointerni.over-blog.com/2024/02/julian-assange-provas-akiri-de-la-brita-justico-lastan-apelacion-kontrau-sia-ekstradicio-al-usono.html

04/04/2024

Unuiĝintaj Nacioj denuncas « netolereblan » bilancon, pro la maniero per kio Israelo kondukas la militon en Gaza-sektoro.

Mardon, la Konsilio pri Sekureco de UN urĝe kolektiĝis por elvoki la israelan frapon de la 1a de aprilo 2024 kontraŭ la irana konsulato de Damasko, en Sirio, kiu okazigis almenaŭ 13 mortintojn laŭ la lasta bilanco de la iranaj aŭtoritatoj. Plejparte el la membroj de la Konsilo, escepte de la Okcidentanoj, kondamnis tiun operacon, kiu povas nur pligravigi la regionajn streĉojn.

Dum tiu renkontiĝo, la membro de la Konsilio elvokis ankaŭ la frapon, kiu mortigis sep membrojn de la organizaĵo World Central Kitchen, dum ili disdonis nutraĵon.

« La israelaj detruigaj aerbomboj, kiu mortigis la personaron de World Central Kitchen taksas ĝis 296 la nombron de homhelpaj laboristoj mortigitaj en tiu konflikto, inter kiuj 175 apartenas al nia propra personaro de Unuiĝintaj Nacioj. Tio estas netolerebla, sed estas la neevitebla resultato de la maniero per kio la milito estas kondukita », vigle denuncis la ĝenerala sekretario de Unuiĝintaj Nacioj, Antonio Guterres.

La israela armeo agnoskas « eraron » post « malbona identigo », en « komplika kunteksto ».     

La leŭtenanto-generalo Halevi, ĉefo de la stabo, anoncis malfermon de sendependa enketo, kies unuaj konkludoj estos publikigitaj ĉi-merkredon.     

Mardon en Jerusalemo, miloj da personoj triafoje kolektiĝis antaŭ la parlamento. Ili postulas demision de la Ĉefministro Benjamin Netanjahu, balotojn, kaj interkonsenton kun la Hamaso por liberigi la centon da plu kaptitaj israelaj ostaĝoj.

https://fr.euronews.com/2024/04/03/pres-de-200-humanitaires-tues-en-six-mois-a-gaza

https://www.youtube.com/watch?v=SZuCb-1GmDQ

01/04/2024

Israelo : en Jerusalemo, miloj da manifestaciantoj postulas demision de Benjamin Netanjahu

http://neniammilitointerni.over-blog.com/2024/04/israelo-en-jerusalemo-miloj-da-manifestaciantoj-postulas-demision-de-benjamin-netanjahu.html

24/10/2023

KONTRAŬ LA TERORISMAJ KRIMOJ DE LA HAMASO - KONTRAŬ LA BLOKADO KAJ LA BOMBADOJ DE GAZAO

http://neniammilitointerni.over-blog.com/2023/10/kontrau-la-terorismaj-krimoj-de-la-hamaso-kontrau-la-blokado-kaj-la-bombadoj-de-gazao.html

27/07/2014

Israelo : Tel-Avivo : miloj da israelaj manifestaciantoj kontraŭ la milito en Gazao

http://neniammilitointerni.over-blog.com/2014/07/israelo-tel-avivo-miloj-da-israelaj-manifestaciantoj-kontrau-la-milito-en-gazao.html

01/04/2024

Duafoje en du tagoj, miloj da personoj postulis liberigon de la ostaĝoj detenitaj en Gaza-sektoro kaj novajn balotojn.

Israelaj flagoj, fumgrenadoj kaj megafonoj: la kolero kontraŭ la Ĉefministro Benjamin Netanjahu, vigle kritikata pro sia administrado de la lando de post la atako plenuminta de la Hamaso la 7an de oktobro, transiras novan etapon. Ĉi-dimanĉe 31a de marto vespere, miloj da manifestaciantoj kolektiĝis antaŭ la israela parlamento en Jerusalemo por postuli lian demision.   

Tiu aparte impeta manifestacio, la dua en du tagoj, estis markita interalie per alfrontiĝoj kontraŭ policistoj. La manifestaciantoj flamigis plurajn fajrojn svingante fumgrenadojn flavajn, koloro en rilato kun la ostaĝoj detenitaj en Gaza-sektoro. « Balotoj ! » Netanjahu « foriru ! » kaj « Revenigu nun la ostaĝojn ! » ili kriis, portantaj fotojn de la ostaĝoj kaj mokbildojn de la Ĉefministro.

Liberigo de la ostaĝoj kaj forigo de la registaro

« La popolo postulas de la registaro, ke ĝi trovu solvon por liberigi la ostaĝojn, kiuj fakte estas mortiĝantaj ! », resumis Hagai Levin, kuracisto engaĝiĝinta helpe de familioj de la homoj kaptitaj en Gaza-sektoro. « Bibi Netanjahu ne kompetentas por tiu posteno, tiujn lastajn jarojn, li nur faras sensensaĵojn, li misfamigas la landon, li estu tuj anstataŭigita », aldonas alia manifestacianto, Rafael Malinovize.

La organizantoj de tiuj kolektiĝoj planis aliparte surstratiĝi en Jerusalemo ĉiuvespere dum la venontaj tagoj. 

Iom pli malproksime, en alia kvartalo de la urbo, ankaŭ rezervistoj kaj veteranoj manifestaciis, postulante siaflanke tujan rekrutigon de la ultra-ortodoksaj judoj. Tiu nesubmetiĝo al militservo estas pli kaj pli kritikita ene de la israela socio. La Ĉefkortumo, kiu ludas kontraŭ-potencan rolon fronte al la kriza registaro de Netanjahu, metis limdaton al la ekzekutivo. Ĝis lundo 1a de aprilo por prezenti la priteman projekton, kaj ĝis la 30a de junio por adopti ĝin. Dum la manifestacioj de dimanĉo, Benjamin Netanjahu partoprenis gazetkunsidon. « Balotoj nun, meze de milito, paralizus Israelon por daŭro de almenaŭ ses monatoj. Ili paralizus la intertraktadojn koncerne la liberigon de niaj ostaĝoj (...) la unua, kiu feliĉiĝus estus la Hamaso », li deklaris.

https://www.huffingtonpost.fr/international/video/israel-a-jerusalem-des-milliers-de-manifestants-demandent-la-demission-de-benjamin-netanyahu_232005.html

https://www.youtube.com/watch?v=8pwZEJVoUww

23/03/2024

ISRAELO-PALESTINO

http://neniammilitointerni.over-blog.com/2024/03/israelo-palestino.html

03/03/2024

« Tro estas tro » : en Israelo, miloj da manifestaciantoj postulas anticipan baloton

http://neniammilitointerni.over-blog.com/2024/03/tro-estas-tro-en-israelo-miloj-da-manifestaciantoj-postulas-anticipan-baloton.html