Overblog
Suivre ce blog Administration + Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton!

Ekde 03/01/2012

free counters
Free counters

Bonvenon

14 mars 2021 7 14 /03 /mars /2021 22:20

14/03/2021

La etnologoj, kiel Claude Lévi-Strauss, asertis tion de longe : homaj rasoj ne ekzistas. En 2000, skipo de usonaj genetikistoj liveris de tio definitivan pruvon. 

32%  Nord-Eŭropa, 28% Sud-Eŭropa, 21% sub-sahara kaj 14% Sud-Okcidentazia… Tiaj povas esti la genetikaj originoj de individuo. En junio 2000, kiam li unuafoje sekvencis la homan genomon, Craig Venter, usona esploristo, metis finan punkton al la koncepto pri raso, kiu perdis ĉiujn sciencajn bazojn.

La genetika esploro establis du neneigeblajn faktojn. La unua: ĉiuj homoj estas tre proksimaj. Eĉ pli proksimaj inter si ol estas la ĉimpanzoj, kvankam la homoj estas multe pli nombraj.  

Ĉiu el ni disponas pri la sama genaro. Tamen, kelkaj posedas ankaŭ versiojn iomete malsamajn koncerne kelkajn genojn (krom la veraj ĝemeloj). La studado de tiu genetika diverseco ebligis al la sciencistoj rekonsistigi ian genealogian arbon de la homaj populacioj.

Kaj tiam la dua nekontestebla fakto trudiĝis: ĉiuj nunaj homoj, proprasence, estas Afrikanoj. Nia specio, Homo sapiens sapiens, aperis en Afriko. Ni ne scias precize kie kaj kiam, sed la fosilioj, trovitaj en Maroko sugestas, ke la anatomiaj trajtoj de la modernaj homoj naskiĝis 300 000 jarojn antaŭe.

Ni restadis en Afriko dum ĉirkaŭ 200 000 jaroj, sed grupoj jam moviĝis al diversaj lokoj de la kontinento, malproksimiĝante kaj izoliĝante unuj de la aliaj. Alidirite, tiuj grupoj formis novajn populaciojn, kiuj iom-post-iom koloniis la tutan planedon.

De tiam, la genetika miksiĝo estas konstanta. Ekzemple en Usono, malpli ol infano el du estos Blankhaŭta post du jaroj.       

29/10/2019

Bocvano: la unua «patrio» de la Moderna Homo estas lokalizita norde de tiu lando

http://neniammilitointerni.over-blog.com/2019/10/bocvano-la-unua-patrio-de-la-moderna-homo-estas-lokalizita-norde-de-tiu-lando.html

neniammilitointerni - dans scienco
29 octobre 2019 2 29 /10 /octobre /2019 16:50

29/10/2019

Ni ja ĉiuj estas Modernaj Homoj, posteuloj de afrikaj prauloj, kiuj migradis por kolonii la planedon en certa momento de la historio. Sed kie vivis tiuj prauloj antaŭ ol foriri? Skipo da esploristoj trovis la respondon: en Bocvano. Ilia studaĵo estas publikigita en la prestiĝa revuo Nature.

Ĉu Bocvano estas la patrio de la Moderna Homo? Verŝajne jes laŭ tiu skipo da esploristoj. Por aserti tion, ili retroiris en la pratempon, danke al genetiko. La DNA fakte povas konservi la spurojn de la migradoj de niaj prauloj.     

La esploristoj fokusis siajn testojn en populacioj, kiuj vivas nun en Namibio kaj Sud-Afriko. Tio ne estas hazardo: tiu regiono de Afriko estas de longe konsiderata kiel lulilo de la Moderna Homo.  

Tiuj testoj malkaŝis ĉeestadon, en tiuj personoj, de tiel antaŭaj DNA-sekvaĵoj, ke temas fakte pri spuroj de la praaj Homoj, kiuj datiĝas de antaŭ 200 000 jaroj.    

Profundiĝante en sian studadon, la esploristoj sukcesis poste eltrovi, kiu estis nia komuna praulo: temas pri antaŭa Kojsano, kiu apartenas al popolo de ĉasistoj kaj plukistoj, kaj kiu plu vivas hodiaŭ.      

Antaŭ 200 000 jaroj, ili vivis en granda regiono sude de la riverego Zambezo, kiu kovras grandan parton de moderna Bocvano. Ili restadis tie dum 70 000 jaroj, sed la klimato komencis transformi tiun regionon tiam humidan kaj fruktodonan en dezerton – kiu nomiĝas hodiaŭ Kalaharo - devigante niajn praulojn ekmigradi. Tiu migrado, de kiu ni ĉiuj estas, en la tuta mondo, la idoj.

neniammilitointerni - dans scienco
29 août 2019 4 29 /08 /août /2019 21:23
Handout via AFP

29/08/2019

Jen la tri-dimensia rekonstruado de la vizaĝo (video), kiu apartenis al kranio de Aŭstralopiteko aĝa je 3,8 milionoj da jaroj, malkovrita en Etiopio. Tiu grava malkovro ebligos klarigi iom pli niajn sciojn pri prahistorio. Ĝi estas eksterordinara pro la «rimarkinde kompleta» stato de la kranio. Ĝi eĉ estas unu el la plej kompletaj fosilioj de homedoj ĝis nun malkovritaj, aĝaj je pli ol 3 milionoj da jaroj.

Laŭ kelkaj specialistoj, ĝi povus fariĝi tiel fama kiel tiuj de Tumaj Lucy. La kranio estis malkovrita en tiu loko en Afriko. Malaltstatura, ĝi ŝajne estis tiu de adolto, sendube maskla.  

«Mia unua ideo estis, ke tiuj du pecoj perfekte alĝustiĝos ; mi prenis la superan makzelon kaj la kranion kaj «klik», jen perfekta kranio», eksplikas Yohannes Haile-Selassie, kiu laboras ĉe la Muzeo de Natura Historio de Klevlando, Usono.  

Plian fojon, tiu grava malkovro perturbas nian vizion pri evoluado. La kranio estis trovita 55 kilometrojn for de tie, kie estis malkovrita Lucy, la famega aŭstralopiteko aĝa je 3,2 milionoj da jaroj. Tio signifas, ke ambaŭ specioj kunvivadis en tiu regiono de Afriko. Ĉu Lucy kaj la nova fosilio, nomita MRD, konkurencis por manĝaĵo aŭ spaco? La studado nur komenciĝas.       

20/05/2019

Etiopio : malkovro de aŭstralopiteko simila al la famkonata Lucy

http://neniammilitointerni.over-blog.com/2015/05/etiopio-malkovro-de-australopiteko-simila-al-la-famkonata-lucy.html

05/03/2015

Etiopio : la malkovro de fosilio retroigas la homan originon ĝis 400.000 jaroj

http://neniammilitointerni.over-blog.com/2015/03/etiopio-la-malkovro-de-fosilio-retroigas-la-homan-originon-gis-400-000-jaroj.html

neniammilitointerni - dans scienco
2 mai 2019 4 02 /05 /mai /2019 21:48
Foto: Institut Max Planck

02/05/2019

Esploristoj de la revuo "Nature" anoncis merkredon 1an de majo, ke la Denisova hominido vivis sur la Tibeta altebenaĵo antaŭ almenaŭ 160 000 jaroj. Pruvo estis establita danke al la esploro de peco de mandiblo, malkovrita en groto, fare de tibeta monaĥo.

Ĝis nun, neniu pruvo ekzistis pri la ekzistado de la Denisova hominido, krom en tiu Siberia groto, kie la hominido, samtempulo de nia kuzo Neandertala homo, estis malkovrita. Tiu makzelo estas do granda surprizo kaj granda malkovro, kaj ĝi atestas tion:  la Denisova hominido vivis ne nur en Siberio, kaj verŝajne migris en la tuta azia kontinento.

Ni jam scias, ke la denisova DNA postvivas, en formo de spuroj, en la nunaj aziaj populacioj, kaj interalie en Tibeto, sed temas pri materiala pruvo, kiu eksigas dubon.

La esploro de tiu makzelo komenciĝis antaŭ naŭ jaroj, en Ĉinio. La fosilio mem estis malkovrita en la jaroj 1980, kaj de tiam atendis tiun malkovron. La denisova adoleskanto, al kiu apartenis tiu makzelo vivis sur la tibeta altebenaĵo, antaŭ 160 000 jaroj. Ĝi estas la plej maljuna pruvo de homa ĉeesto en Tibeto.

Laŭ la sciencistoj, tio ĉefe pruvas, ke antaŭ la alveno de la «homo sapiens», Denisova evoluis por elteni samtempe la altitudon, 3 300 metrojn, kie estis trovita la mandiblo, kaj la manko de oksigeno. Li aliparte dividas kun la nuntempaj tibetanoj, genon, kiu ebligas al la sango ne densiĝi en reduktita atmosfero.

Laŭ la sciencistoj, multaj aliaj malkovroj atendas ilin, koncerne la misterian Denisovan hominidon, kiuj plu kuŝas en la tirkestoj de la muzeoj.  

neniammilitointerni - dans scienco
13 avril 2019 6 13 /04 /avril /2019 14:51

13/04/2019

La homaro plezure anoncas al vi «naskiĝon» de nova specio en sia granda familio: bonvolu noti ĝian nomon: Homo luzonensis. Ĝi ĵus estis malkovrita sur la insulo Luzono, la plej granda en Filipinoj, kie vivis iliaj membroj antaŭ pli ol 50 000 jaroj, laŭ la sciencistoj.

Tiu gravega malkovro, kiu estis ĵus oficiale anoncita, okazis precize en la groto de Kalao. La esploristoj trovis tie 13 fosiliĝintajn restaĵojn, interalie dentojn, falangojn de piedoj kaj manoj, fragmentojn de femuro… tiuj fosilioj apartenis al almenaŭ tri individuoj, inter kiuj infano.         

La plej malnovaj homaj restaĵoj de Filipinoj 

Du el la fragmentoj jam estis analizitaj kaj datumitaj. La unua datiĝas de antaŭ 50 000 jaroj , kaj la dua 67 000 jaroj. Alidirite, ili estas la plej malnovaj homaj restaĵoj jam malkovritaj sur la filipina arkipelago ;  ĝis nun, la plej malnovaj datiĝis de 30 000 ĝis 40 000 jaroj. Ili estis trovitaj sur la insulo Palavano.  

La dentoj de la Homo luzonensis, posedas kiel karakterizaĵon, ke ĝi havas du aŭ tri radikojn, dum tiu de la Homo sapiens ĝenerale havis nur unu .        

Laŭ Florent Détroit, paleoantropologo ĉe la musée de l'Homme en Parizo, kiu publikigis studaĵon pri tiu malkovro en la tre prestiĝa brita revuo "Nature", Homo luzonensis estas kiel «mozaiko». Li ja uzis tiun vorton. Ĝi prezentas «elementojn aŭ karakterizaĵojn tre primitivajn, kiuj similas tiujn de la Aŭstralopitekoj, li eksplikas, kaj aliajn, pli modernajn, proksime de la Homo sapiens». La sciencisto opinias, ke tiuj homoj verŝajne estis malaltstaturaj, laŭ la dimensioj de la dentoj trovitaj en la groto.

neniammilitointerni - dans scienco
26 janvier 2018 5 26 /01 /janvier /2018 15:37

26/01/2018

Bildo: La groto de Misilja en Monto Karmel. En tiu elfosadejo estis malkovritaj la plej malnovaj homaj fosilioj. (Foto: Mina Weinstein-Evron, Universitato de Haïfa)

Fragmento de makzelo apartenanta al Homo sapiens estis malkovrita en israela groto. Temas pri la plej malnovaj restaĵoj hodiaŭ konataj de Homo sapiens ekster Afriko. Tiu fragmento de sepdenta makzelo, elfosita en israela kaverno, estas la plej malnovaj restaĵoj konataj de Homo sapiens ekster Afriko. Ĝi montras, ke nia specio migradis ekster tiu kontinento multe pli frue ol ni opinias, laŭ la magazino Scienco publikigita la 26an de januaro.

Esploristoj anoncis la malkovron de tiu fosilio, aĝa inter 177 000 kaj 194 000 jarojn, kaj deklaris, ke la dentoj surhavas karakterizajn signojn de Homo sapiens, kiuj ne ĉeestas en aliaj homedoj, inter kiuj la Neandertala homo.

 

La plej malnovaj fosilioj en Afriko datiĝas de antaŭ 300 000 jaroj 

La fosilio de maldekstra supra makzelo de juna plenaĝulo – kies sekso ne estis identigita – estis malkovrita en la groto de Misilja, sur la okcidenta flanko de Monto Karmel, 12 kilometrojn sude de Haïfa. Ankaŭ klingoj kaj aliaj ŝtoninstrumentoj, pluraj fajrejoj kaj karbonigitaj ostaĵoj de bestoj estis trovitaj surloke.

Homo sapiens aperis en Afriko, kie la plej malnovaj fosilioj de la specio datiĝas de antaŭ 300 000 jaroj. Ĝis nun, la plej malnovaj fosilioj trovitaj ekster Afriko devenis de du aliaj israelaj kavernoj (el kiuj unu situanta ankaŭ sur Monto Karmel), kaj kiuj datiĝas de antaŭ 90 000 ĝis 120 000 jaroj.

neniammilitointerni - dans scienco
3 novembre 2017 5 03 /11 /novembre /2017 16:10

03/11/2017

Tio estas grava kaj neatendita malkovro. Nova specio de orangutango estis malkovrita sur la insulo Sumatro en Indonezio. Tiu orangutango, kies haroj estas krispaj, nomita Tapanuli, vivas en la regiono Batang Toru. Temas pri la unua nova specio konfirmita de la scienco de post 1929.

Jam en 1997, aŭstraliaj sciencistoj malkovris iliajn spurojn. La unuaj studaĵoj en 2013 pri la skeleto de virseksulo elmontras unikajn trajtojn, kompare kun la aliaj orangutangoj. Entute, tri specioj da orangutango estas konataj en la mondo. La laboro de la sciencistoj estas publikigitaj en la usona revuo Current Biology.     

Sed tiu nova specio estas aparte vundebla, atentigas la sciencistoj. Ilia populacio estas taksita je nur 800 membroj hodiaŭ.

«Okaze, se ok el tiuj 800 restantaj animaloj estus mortigitaj aŭ eksigitaj el la grupo ĉiujare, la specio povus malaperi», opinias la sciencistoj. Konsekvence, tiu specio de homedoj estas la plej minacita je estingiĝo sur la planedo: «Plu ekzistas minacoj de novaj vojoj, eventoj kiuj fragmentos tiun populacion, kaj kondukos al ties estingiĝo. En tiu regiono, la danĝero estas grava, kiel tiu hidroelektra programo antaŭvidita en la valo de la rivero Batang Toru, kie troviĝas la plej grava denso da orangutangoj», substrekas Ian Singleton, direktoro de la programo pri konservado de orangutangoj de Sumatro.

La arbaraj loĝlokoj de la orangutangoj Tapanuli limiĝas hodiaŭ je nur mil kvadrataj kilometroj.

En Sumatro, la arbaraj areoj malkreskis je 60% inter 1985 kaj 2007. La kialoj estas forstoj, minaj koncesioj kaj agrikulturaj plantejoj. Tiuj homedoj estas ankaŭ viktimoj de la kontraŭleĝa ĉasado.

La orangutangoj altas averaĝe 1,10 ĝis 1,40 metron kaj pezas 40 ĝis 80 kilogramojn. Ili vivas 30 ĝis 40 jarojn kaj malfacile reproduktiĝas, kun pluraj jaroj inter ĉiuj naskoj. Sen rapidaj aranĝoj por protekti iliajn arbarajn loĝlokojn, tiuj orangutangoj povus malaperi post kelkaj jardekoj. 

neniammilitointerni - dans scienco
27 octobre 2017 5 27 /10 /octobre /2017 15:31

27/10/2017

Internacia skipo de paleontologoj malkaŝis grandajn fosiliiĝintajn premsignojn en la grundo, okcidente de Lesoto, sude de Afriko. Ili apartenas al nova specio de dupieda dinosaŭro, giganta karnovorulo nomata «Kajentapus ambrokholohali».

Granda kiel kvar leonoj, naŭ metrojn longa kaj tri metrojn alta nivele de la koksoj, ĝi ŝajne estas la plej granda teropodo malkovrita ĝis nun sur la kontinento, kie ĝi vivis antaŭ 200 milionoj da jaroj.

La malkovro estis farita okcidente de Lesoto, fare de esploristoj de la universitatoj de Kaburbo (Suda Afriko), Manĉestro (Unuiĝinta Reĝlando) kaj San-Paŭlo (Brazilo). Ili malkovris la plej grandajn premsignojn de tri piedfingra piedoj trovitaj ĝis nun sur la afrika kontinento: 57 centimetrojn longa kaj 50 larĝa. Ili deduktis de tiuj mezuroj, ke temas pri giganta dinosaŭro el la grupo de la «Gigantaj teropodoj», grupo kiu enkalkulas unu el la plej grandaj surteraj karnovoruloj ekzintintaj, la fama tiranosaŭro (T.Rex).

   

Giganto aĝa je 200 milionoj da jaroj 

Gravas, ankaŭ la loko de la malkovro, ĉar tiuj novaj spuroj de piedoj estis trovitaj sur geologia tavolo datiĝanta de la Ĵurasia komenciĝo, sendube areo de prahistoria rivero, kiel indikas la sekaj fendetoj de la grundo. La esploristoj deduktas de tio, ke la "Kajentapus ambrokholohali" vivis tie antaŭ preskaŭ 200 milionoj da jaroj.

Por la unua fojo, vivo de tiel granda dinosaŭro datiĝanta de tiu epoko, kaj en tiu areo, estas pruvitaj. Ĝis nun, la paleontologoj opiniis, ke nur dinosaŭroj je tri ĝis kvin metroj longa averaĝe, vivis tie. Tiuj ĉi estis multe pli malaltstaturaj ol la giganto, kiu postlasis siajn spurojn en tiu fluejo de sekiĝinta rivero.

    

Unika areo en Afriko 

Laŭ Lara Sciscio, esploristino en la universitato de Kaburbo, «tiuj grandaj piedsignoj estas tre maloftaj en la mondo. Nur unu alia konata areo ekzistas, datiĝanta je 200 milionoj da jaroj, kie similaj spuroj estis malkovritaj. Ĝi situiĝas en Pollando». 

Tiu malkovro markas do «la unuan ĉeeston de tre grandaj karnovoraj dinosaŭroj komence de ĵurasio sude de Gondvano, la prahistoria kontinento, kiu poste rompiĝis, formante Afrikon kaj la aliajn kontinentajn amasojn», eksplikas la paleontologo.  

Fakte, nur ekde la kretaceo, t.e 55 milionoj da jaroj poste (antaŭ do preskaŭ 145 milionoj da jaroj), la aliaj gigantaj teropodoj, kiel la tiranosaŭro, komencis aperi, laŭ la fosilioj kaj la spuroj ĝis nun trovitaj.   

neniammilitointerni - dans scienco
10 août 2017 4 10 /08 /août /2017 13:54
(AP Photo/Reed Saxon)

10/08/2017

Ĉi-merkredon okazis en Barato, Marŝado de la scienco. Tiu mobilizado jam okazis en aprilo en la tuta mondo, alvoke de usonaj universitatanoj, maltrankvilaj pro la dogmemaj tendencoj de la administrado Trump. Ĉi-foje, la movado komenciĝis en Barato, kie miloj da instruistoj kaj studentoj defiladis en dudeko da urboj de la lando. Ilia celo estis protestado kontraŭ kreskanta promocio, fare de la registaro, de religiaj hinduaj mitoj, por senkreditigi la historiajn aŭ sciencajn verojn. 

En kvazaŭ-funebra defilado, ĉirkaŭ 200 esploristoj defiladis en la centro de Nov-Delhio. Ĉiuj decuncis, per multkoloraj afiŝtabuloj, la forpason de la sciencisma spirito, fronte al la religiaj superstiĉoj.

Sumitro Banerjee estas profesoro en esplor-instituto de Kalkuto, kaj kun-organizanto de tiu marŝado de la scienco: «Antaŭ du jaroj, iu povis prezenti tezon ĉe la Barata Scienca kongreso, asertante ke 9 000 jarojn antaŭe, en Barato ekzistis aviadiloj, kiuj kapablas vojaĝi de planedo al planedo. Li prezentis neniun pruvon, nur opinion. Aliaj personoj asertas, ke la mitologio de Ramajano rakontas historiajn faktojn. Tio maltrankviligas nin, ĉar tiuj tezoj ricevas la subtenon de la registaro, dum ili ne havas sciencajn bazojn».                   

La Ĉefministro Narendra Modi mem, estas hindua fundamentismulo, kaj jam subtenis tiun specion de tezoj. Publika mono ekzemple estas nun dediĉita al esploroj pri bonefiko de la fekaĵo de la sankta bovino.

Sed la studentoj pri bioteknologia tezo, kiel Asim Chaprakar, mankas je rimedoj: «La financoj malkreskas, niaj instrumentoj ne estas regule riparitaj. La laboro, kiu postulis de ni semajnon, postulas nun du aŭ tri monatojn. Tio damaĝas la esploradon de ĉiuj».   

neniammilitointerni - dans scienco
12 juin 2017 1 12 /06 /juin /2017 10:26

12/06/2017

De tridek jaroj, la arkeologoj kaj historiistoj interkonsentas pri la fakto, ke la unua homo sapiens datiĝas de antaŭ ducent mil jaroj. Tamen, freŝdata malkovro malkonfirmas tiun teorion: la prahomoj fakte ekzistis de antaŭ tricent mil jaroj. Tion malkaŝis la prifosadoj plenumitaj en la areo de Jebel Irhoud en Maroko. Tiuj prahomoj ŝajne estis allogitaj per la dolĉa klimato de «verda Saharo».

La meriton de tiu malkovro, havas skipo de internaciaj esploristoj. Tiu ĉi estis gvidata de Jean-Jacques Hublin, invitita profesoro de la Internacia katedro de Prahomscienco ĉe la Kolegio de Francio. Dum tiu laboro, li estis helpata de Abdelouahed ben-Ncer, de la Nacia Instituto pri Arkeologio kaj Kultura Heredo (INSAP).

Pli frua fenomeno

«Nia ideo estas, ke la apero de la moderna homo estas eĉ pli frua, kaj ke temas pri tutafrika fenomeno», argumentis la esploristoj. «Verŝajne, la unuaj reprezentantoj de nia specio, havis tutafrikan disvastiĝon, kaj intervenis antaŭ malpli ol 500 000 jaroj», ili aldonis.

«La unua mapo malkaŝas ankaŭ ĉeeston, en pluraj afrikaj areoj datiĝantaj de 300 000 ĝis 130 000 jaroj, de ŝtoniloj de la «Middle Stone Age» (Meza Ŝtonepoko) aŭ «levallois»», raportis profesoro Jean-Jacques Hublin. Temas ĉefe pri iloj «malgrandaj, pintaj kaj prilaboritaj por ĉasado, interalie de gazeloj», laŭ la arkeologo Shannon McPherron, de la Instituto Max-Planck. 

Ni plu evoluadas

«Ni do povas imagi rilatojn inter homgrupoj, kiuj interŝanĝis genojn per rasmiksado, kaj kulturajn elementojn», daŭrigis la gvidisto de la prifosadoj. Aliparte, la esploristoj substrekis, ke tiu malkovro implicas kompleksan evoluadon de la homaro, kiu koncernas la tutan afrikan kontinenton.  

Krome, la volumeno de la kranio de tiuj prahomoj, ŝajne estis simila al tiu de la nuna homo. «Ilia vizaĝo ne estis malsama ol iu ajn, kiun ni renkontas en la metroo», notis la direktoro de la skipo, antaŭ ol konkludi ke, «la evoluado ne ĉesas, ni plu evoluadas».

neniammilitointerni - dans scienco
Créer un blog gratuit sur overblog.com - Contact - CGU -
.date span.text {display:none ; }