Overblog Suivre ce blog
Administration Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton !

Ekde 03/01/2012

free counters
Free counters

Bonvenon

13 février 2017 1 13 /02 /février /2017 21:16

13/02/2017

Dimanĉon, dekoj da miloj da personoj denove manifestaciis en la lando, el kiuj 50 000 en Bukareŝto.

Fronte al la tumulto, la registaro abolis la leĝon, kiu mildigis la persekuton kontraŭ la koruptado. Abolo, kiun devas konfirmi la Parlamento.

«Ĉiuj atendas la voĉdonadon de la Parlamento, sed la loĝantaro ne plu fidas la plimultan deputitaron, eksplikas Dan, rumania manifestacianto. Ĝi estos devigata aboli la dekreton, kaj neniu scias kiamaniere ni reagos tiam

Defiante glaciajn temperaturojn por la 13a sinsekva tago, la manifestaciantoj postulas demision de la soci-demokrata registaro.  

«Ni sendas al ĝi mesaĝon. Ĝi ne povas decidi laŭ sia volo, ĝi devas aboli tiun specialan leĝon, kiu protektas la koruptitajn homojn», insistas Iordan.

«Mi deziras, ke venontsemajne pli da homoj manifestacios por daŭri tion, kion ni komencis. Kaj tio, ĝis kiam la registaro laboros favore al  la popolo, kaj ne kontraŭ ĝi.» aldonas la juna Theo.     

Malpli ol monaton post sia investituro, la reganta soci-demokrata partio (PSD) kaŭzis senprecedencan movadon de post la komunisma defalo, en 1989.

neniammilitointerni - dans Monda Socibatalo
13 février 2017 1 13 /02 /février /2017 12:03

13/02/2017

Pasintan dimanĉon, miloj da Meksikanoj surstratiĝis en multaj urboj de la lando, por manifestacii kontraŭ Donald Trump, kaj ties kontraŭ-meksika politiko. En Meksikurbo, ĉirkaŭ 20 000 manifestaciantoj ankaŭ kritikis la registaron de la prezidento Peña Nieto.

En Meksikurbo, la marŝado pace disvolviĝis. Plejparte el la manifestaciantoj ekskuis meksikajn flagojn. Ili ankaŭ svingis afiŝtabulojn, sur kiuj estis legeble «Trump eksteren» aŭ «Kontraŭ la muro».

Por multaj manifestaciantoj, kiel Cintia Lopez, tio estis ankaŭ okazo postuli de la usona prezidento, respekton kaj toleron: «Mi luktas kontraŭ ĉiuj insultoj kaj minacoj esprimitaj de Trump kontraŭ Meksiko. Mi postulas respekton por mia lando, kaj mi defendas nian nacian suverenecon.»

Partoprenante tiun marŝadon, kiu deziris kolekti plej diversajn personojn, la civila societo provis ankaŭ demonstri, ke la Meksikanoj kapablas unuiĝi fronte al eksterdevena danĝero, kiel substrekis Lourdes Ortega: «Ni ne kredas, ke Sinjoro Trump premos nin. La Meksikanoj estas fortikaj. Kaj pro tio, ni volas demonstri, ke liaj ofendoj ne limigos nin. Ĉi tie, ni estas unuiĝintaj, punkto fino.»             

Kaj por reaserti tiun nacian union, kaj tiun nacian senton, la manifestaciantoj finis tiun marŝadon, kantante la nacian himnon.

neniammilitointerni - dans Monda Socibatalo
9 février 2017 4 09 /02 /février /2017 09:22

09/02/2017

Foto Reuters: Manifestaciantoj krias sloganojn, dum kolektiĝo en Istanbulo, kontraŭ la arestado de tri famaj aktivuloj pri gazetlibereco.

La politika elpurigado daŭras en Turkio, kie pli ol 2500 dungitoj de la ministrejo pri Edukado, inter kiuj 300 universitatanoj, estis maldungitaj post nova dekreto. Tamen multaj havas neniujn rilatojn kun la movado de la predikisto Fethullah Gülen, akuzata pri instigo al Puĉo, la 15an de julio.

«La registaro estas komplico de krimo kontraŭ esprimlibereco, demokratio kaj ĉeesto de personoj, kiuj defendas pacon en la universitatoj, denuncas Gulseren Adaklid, maldungita profesoro el la universitato de Ankaro. Ni simple esprimas nian opozicion al la militkrimoj, al la kontraŭ-demokratiaj aranĝoj, kaj la persekutaj ekscesoj. Nur pro tio, ni estas en tiu situacio hodiaŭ».

«Ili senigas nin de niaj sociaj kaj akademiaj rajtoj, de niaj liberecoj, emfazas Dincer Demirken, maldungita instruisto. Tio ĉi senigas nin de niaj politikaj rajtoj, kaj kondukas al nia civita ekskludo. Ni vivas kun tiu maljusteco de post la starigo de la urĝa stato

Entute, de post la maltrafita puĉo, 100 000 funkciuloj estis maldungitaj, definitive aŭ provizore, en la sektoroj edukado, polico aŭ justico. Laŭ multaj observantoj, temas sendube pri deziro silentigi ĉian disidentan voĉon.

neniammilitointerni - dans Monda Socibatalo
8 février 2017 3 08 /02 /février /2017 20:26

08/02/2017

Foto DANIEL MIHAILESCU/AFP: En Bukareŝto (Rumanio), la 6an de februaro 2017, manifestacio postulas demision de la registaro.

Pli ol 200 000 personoj kolektiĝis en Bukareŝto, malgraŭ la abolicio de la kontestita dekreto pri koruptado.

La abolicio de la kontestita dekreto pri koruptado, ne sufiĉis por kvietigi la manifestaciantojn. Por la sesa sinsekva tago, homamasoj kolektiĝis ĉie en Rumanio por protesti kontraŭ la registaro, dimanĉon 5an de februaro 2017.

Laŭ la surlokaj komunikiloj, 500 000 personoj surstratiĝis en la tuta lando.

En Bukareŝto, sur la "placo de la Venko", pli ol 200 000 personoj ŝaltis samtempe sian poŝtelefonon, prilumante la lokojn, kiel montras la ĉi-suba video.

La registaro pli frue anoncis, ke ĝi nuligas sian dekreton, kiu mildigas la lukton kontraŭ la koruptado, origino de tiu kolera movado, la plej grava de post la defalo de la komunisma reĝimo. Sed nun sur la stratoj, la Rumanoj postulas foriron de la registaro.

neniammilitointerni - dans Monda Socibatalo
1 février 2017 3 01 /02 /février /2017 13:46

01/02/2017

Foto: AFP/GETTY IMAGES

"JUSTICO NE ESTAS KORUPTADO"

Dekoj da miloj da manifestaciantoj alfluadis sur la stratoj de Bukareŝto, post alpreno de urĝa dekreto pri malkriminaligo de koruptado. La asocioj de juĝistoj, la Ĝenerala prokuroraro, la Supera Konsilio, eĉ la Ŝtatĉefo, denuncis tiun reformon de la punkodo deziritan de la registaro. La ĉefo de la soci-demokrata partio, Liviu Dragnea, povus esti la unua profitanto de tiu dekreto. Akuzata interalie pri kreado de fikciaj laborpostenoj, lia proceso komenciĝis mardon.

« Tiu urĝa dekreto grave atencos, kaj igos neutila la lukton kontraŭ koruptado», laŭ Laura Codruta Kövesi, direktorino de la kontraŭ-korupta prokuroraro.

La dekreto malkriminaligas plurajn deliktojn, kaj kondamnas al malliberejo nur la damaĝon superan al 44 000 eŭroj. La damaĝo en la proceso de Liviu Dragnea estas taksita al 24 000 eŭroj. 

neniammilitointerni - dans Monda Socibatalo
9 janvier 2017 1 09 /01 /janvier /2017 10:34

09/01/2017

Foto:  KONTRAŬ LA ŜTAT-BUĜETO 2017

La vilaja Beĵaja (Bgajet en la kabila lingvo) komencis la jaron 2017 en etoso de popola ribelo.

La urbo Beĵaja estis scenejo de perfortaj ribeloj. Lundon 2an de januaro, ribeloj ekokazis ĉie en la urbo Beĵaja. La manifestaciantoj koliziis kun la policistoj, kiuj uzadis plorigajn gasojn por disigi la homamason.

Tiuj scenoj rememorigas la terurajn ribelojn de 2011. La manifestaciantoj blokadis la vojon kelkajn metrojn for de la sidejo de la guberniestro de Beĵaja, per flamigitaj pneŭoj. La nebulo estis densa kaj la atmosfero malluma. Buso estis incendiita en la ĉirkaŭaĵo de Ighil Uazug.

La manifestacio, kiu kolektis plurajn centojn da personoj estis organizita por protesti kontraŭ la Ŝtat-Buĝeto 2017 kaj la impostaj altigoj.

La komercistoj plenumis ĝeneralan strikon en la tuta gubernio. Oriente, la vojo restis barita en Borĵ-Mira, Aokas kaj Bakaro. La trafiko estis tiel paralizita. Okcidente, la vojo estis fermita en Ued Ghir kaj Sidi Ajŝ.

Jam pasintan decembron, la liceanoj de Beĵaja protestis kontraŭ mallongigo de la vintraj ferioj, kio trudis la registaron rezigni pri tiu reformo.

neniammilitointerni - dans Monda Socibatalo
5 janvier 2017 4 05 /01 /janvier /2017 10:16

05/01/2017

Foto: AHMED FARWAN / AFP   En Sauda Arabio, la konstruad-sektoro suferas pro malaltigo de la petrolprezoj.

En Sauda Arabio, la gazetaro de la reĝlando anoncas, ke pluraj dekoj da fremdaj laboristoj estis kondamnitaj al puno de skurĝado kaj malliberejo, pro perfortaj agoj. La faktoj okazis pasintan jaron, kiam pluraj entreprenoj ĉesigis pagi la salajrojn de la migrantaj laboristoj, estigante protestajn movadojn.

Post la malaltigo de la petrolprezoj, la financa situacio de pluraj produktistaj landoj difektiĝis tiujn pasintajn monatojn, interalie en la Reĝlandoj de la Golfo, konsekvence de kio, la konstruad-sektoro ankaŭ suferas.

En Sauda Arabio, pluraj konstruad-entreprenoj – kiel la grupoj "Ben Laden" kaj "Saudi Oger" – maldungis amase, kaj ĉesigis pagi la salajrojn de dekoj da miloj da laboristoj. Plejparte el tiuj ĉi, devenas de Barato, aŭ aliaj aziaj landoj, kiuj estas gravaj provizantoj de laboristaro en la araba duoninsulo.

49 personoj kondamnitaj

Eksuferantaj pro sociala malstabileco, kaj sen povo forlasi la landon, kelkaj el tiuj dungitoj manifestaciis pasintjare. Incitegaj, ili kelkfoje incendiis konstruaĵojn aŭ veturilojn, apartenantajn al konstruad-entreprenoj.

Laŭ la reĝlanda gazetaro, 49 personoj, kies nacieco ne estas konata, estis kondamnitaj post tiuj eventoj. La ĵurnalo al-Watan mencias punojn de 300 skurĝbatoj kaj 4 monatojn da malliberejo. Laŭ pluraj informfontoj, multaj laboristoj de la konstruad-sektoro plu atendas pagon de siaj salajroj en Sauda Arabio.

neniammilitointerni - dans Monda Socibatalo
28 décembre 2016 3 28 /12 /décembre /2016 16:27

28/12/2016

Naŭ loĝantoj de la ribela urbeto Wukan, sude de Ĉinio, ricevis punon je du ĝis dek jaroj da malliberejo pro publika tumulto. Pasintan septembron, subtena manifestacio al la urbestro de Wukan, unu el la maloftaj reprezentantoj demokratie elektitaj en Ĉinio, degeneris.

En Wukan, la loĝantoj rezistas al Pekino. Centoj da loĝantoj surstratiĝis pasintan septembron, post la enkarcerigo de la urbestro, Lin Zuluan, akuzita pri koruptado.

Alfrontiĝoj tiam okazis kun la policistoj. Tiuj ĉi rebatis al la ŝtonĵetoj per pafoj de kaŭĉukaj kugloj kaj plorigaj grenadoj, laŭ video tiam diskonigita en la sociaj retoj.

Inter la manifestaciantoj, naŭ el ili estis kondamnitaj mardon 27an de decembro, pro interalie, publika tumulto. En komunikaĵo, la populara tribunalo de Hajfeng elvokas « tiel gravajn eventojn, ke la industrioj kaj komercoj ne plu povis funkcii ».  

Tiu urbeto je 130000 loĝantoj jam distingiĝis. En 2013, la loĝantoj ribelis kontraŭ la lokaj ĉefoj de la Komunista partio. Laŭ ili, tiuj ĉi riĉiĝis malfavore al la surlokaj loĝantoj, vendante agrikulturajn terojn.

Post la morto de manifestacianto en malliberejo, la koleraj loĝantoj eĉ sukcesis forpeladi la policistojn kaj barikadi sin en la urbo dum tuta semajno. Por restarigi ordon, la ĈKP neatendite konsentis pri organizado de voĉdono tute libera, en la celo elekti novan komunuman komitaton. Lin Zulian, estis tiam elektita kiel urbestro.

neniammilitointerni - dans Monda Socibatalo
26 décembre 2016 1 26 /12 /décembre /2016 13:18

26/12/2016

Foto EPA: Laboristoj protestas kontraŭ la arestadoj de siaj sindikataj gvidantoj, kaj la lokaŭto de siaj uzinoj post tumultoj en Dako merkredon. Almenaŭ 278 laboristoj de du uzinoj estis maldungitaj, ĉar ili instigis sociajn movadojn en la industria ĉirkaŭurbo Aŝulio ĉi-semajne.

En Bangladeŝo, kvindeko da teksaĵaj uzinoj fermis de 2 semajnoj post protestada movado de la laboristoj, kiuj postulas salajrajn altigojn. La intertraktadoj stagnas, kaj ĵurnalisto de televido estis ĵus arestita ĉi-24an de decembro, akuzita pri « instigo al ribelo ».

Tiu sociala konflikto daŭras, kaj la Bangladeŝa registaro provas silentigi ĝin pere de diversaj rimedoj. De 2 semajnoj, la plej grava industria areo de la lando, en Aŝulio, ĉirkaŭurbo de la ĉefurbo Dako, estas kvazaŭ paralizita : 55 uzinojn, en kiuj vestaĵoj estas produktataj por la komercaj markoj Gap, Zara kaj H&M, lokaŭtis la industriaj mastroj, kiuj timas, laŭ ili, « vandalismajn agojn » dum manifestacioj de la laboristoj. Tiuj ĉi postulas triobligon de siaj salajroj.

La teksaĵa industrio reprezentas 30 miliardojn de la landa ekonomio, sed raportas nur po 67 dolarojn monate al siaj laboristoj. Ĝis nun la intertraktadoj inter industriistoj, la registaro kaj la 42 sindikataj organizaĵoj ne sukcesis. Kaj la situacio ŝajne implikiĝas.

La ministro pri la Laboro akuzis la protestantajn laboristojn, ke ili volas « detruadi la teksaĵan industrion de Bangladeŝo ». Sabaton, la polico arestis ĵurnaliston de la loka televido, Nazmul Huda, tiu sama kiu, antaŭ tri jaroj, alarmis pri la difektita stato de la Rana Plaza, ĵus antaŭ ties disfalo.

neniammilitointerni - dans Monda Socibatalo
20 décembre 2016 2 20 /12 /décembre /2016 14:21

20/12/2016

Foto : manifestaciantoj dankas la membrojn de la opozicio pro ilia agado. AFP© JANEK SKARZYNSKI

La politika krizo ampleksiĝas en Pollando.

Pluraj miloj da opoziciantoj al la konservativa registaro denove mobiliziĝis, pasintan sabaton, por denunci la politikon de la partio Rajto kaj Justeco (PiS).

Blokado de la Parlamento, amasa manifestacio

Vendredon vespere, ili blokadis la estrojn de la "PiS" kaj la Ĉefministrinon, interne de la Parlamento.

Laŭ ili, la parlamenta plimulto voĉdonas tekstojn, kiuj atencas liberecon pri gazetaro, rajton al manifestacio, aŭ arbitracio de la Konstitucia tribunalo.  

« Skandala » sinteno, laŭ la parlamenta plimulto

Beata Maria Szydło reagis ĉi-sabaton, opiniante ke « la agado de la opozicio, celanta instigi ekstremajn politikajn reagojn – kiujn ni konstatis vendredon vespere – havas nenian rilaton kun la nuna stato de la lando. Ĝi naskiĝis el malkapablo kaj frustriĝo de tiuj, kiuj malgajnis la potencon », deklaris la Ĉefministrino.  

Ŝi aldonis, ke la sinteno de la opozicio ruinigas « la publikan fidon kaj la solidarecon, la demokration kaj ties fundamentojn, kaj detruas nin, kiel nacion kaj komunumon ».

Donald Tusk subtenas la opozicion

Siaflanke, dum interveno en ceremonio en Vroklavo (Sud-okcidento), la prezidento de la Eŭropa konsilio, Donald Tusk, postulis de Varsovio, ke ĝi respektu « la loĝantaron, la principojn, kaj la konstituciajn valorojn ».

« Kiam la homoj estas senigitaj pri aliro al informo, kaj kiam unika vivmodelo estas trudita, la demokratio fariĝas same neeltenebla ol diktaturo », asertis Donald Tusk.

Estas celitaj la atencoj kontraŭ la gazetara libereco kaj la buĝeta voĉdono

Vendredon vespere, kelkaj opoziciaj deputitoj protestis en la parlamenta salono kontraŭ leĝprojekto, celanta restrikti la gazetaran liberecon: pli precize, ĝi planas reformi la aliron de la ĵurnalistoj al la deputitoj.  

Ilia movado estis subtenata, ekstere de la konstruaĵo, de miloj da manifestaciantoj, kiuj poste blokadis la elirejojn de la Parlamento, en la celo malhelpi la parlamentanojn eliri.

Dum la blokado, la parlamenta plimulto tamen voĉdonis la buĝeton por 2017, en salono apud la Parlamento. Konsekvence, tiu voĉdonado estis juĝita kiel kontraŭleĝa fare de la opozicio.

Ĝi havis kiel efikon intensigi la kontestadon kaj la streĉon ekster la Parlamento.     

neniammilitointerni - dans Monda Socibatalo
Créer un blog gratuit sur overblog.com - Contact - CGU -
.date span.text {display:none ; }