Overblog Suivre ce blog
Administration Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton !

Ekde 03/01/2012

free counters
Free counters

Bonvenon

19 juin 2017 1 19 /06 /juin /2017 08:40

19/06/2017

La surlokaj loĝantoj bone scias: la karbigita skeleto de tiu dudek-kvar-etaĝa domturo plu entenas aliajn korpojn. Ili do serĉas la kulpintojn de tiu katastrofo, tute evitebla en tiel riĉa urbo, kiel la brita ĉefurbo.

«La homoj koleras post jaroj da malpliigo de kostoj, realigitaj de la konservativuloj, kiuj hodiaŭ rifuzas agnoski ian ajn respondecon», incitiĝis Sinead O’Hare, volontulino. «Iliaj interesoj estas forte ligitaj al tiuj, de la entreprenoj de la privata sektoro kaj de la privataj proprietuloj».

La komentoj de Sian Berry, prezidantino de la komitato, taskita pri la loĝado en la Londonaj aŭtoritatoj, kaj membro de la ekologiisma partio, samopinas:

«Nun la proprietuloj devas elmontri, ke enketo pri protektado kontraŭ fajro de iliaj loĝejoj ja okazis. Tiuj enketoj estas multe malpli rigorecaj, ol kiam la fajrobrigadistoj plenumis ilin. Tio starigas duoblan problemon: la loĝantoj de tiu domturo havis nur sian proprietulon kiel kunparolanton».     

Dramo el malegalecoj

La analizo de tiu dramo pliintensigas la koleron. Neniu dubo ekzistas, ke la paneloj metitaj pasintjare sur la fasadon post peto de la municipo, okazigis la katastrofon: ĉar ili ne estas el brulimuna materialo, ili ne haltigis la fajron, tute male ili ebligis ĝin vastiĝi en la tuta konstruaĵo.

Estas certe hodiaŭ, ke tiuj laboroj estis realigitaj en la celo, ne damaĝi la vidadon de tiuj riĉaj loĝejoj, situantaj proksime de la sociaj loĝejoj. Kensington kaj Chelsea fakte estas la plej malegalecaj kvartaloj de Londono.

Samkiel en la tuta ĉefurbo, la luksaj loĝejoj apudas la plej damaĝitajn sociajn loĝejojn. La Ĉefministrino Theresa May elektis ne renkonti la loĝantojn -  ŝi estis fotita kun la fajrobrigadistoj – dum Jeremy Corbyn, gvidanto de la Laborista Partio daŭre vizitis la viktimojn en la akceptejoj. Tio montras la malfacilaĵojn spertitajn de la konservativuloj.

neniammilitointerni - dans Monda Socibatalo
14 juin 2017 3 14 /06 /juin /2017 14:33

14/06/2017

Pli ol mil personoj estis arestitaj, lundon, en Moskvo kaj Sankt-Peterburgo marĝene de kontraŭ-koruptaj manifestacioj.

La moskvaj policistoj uzadis intensan perforton, lundon 12an de junio, dum kontraŭ-korupta manifestacio en Rusio. La kolektiĝo estis malpermesita ĉirkaŭ la placo Puŝkino en Moskvo. Pro tio, la policistoj ne hezitis uzadi perforton kaj plenumi multajn arestadojn. Pli ol mil personoj ŝajne estis arestitaj en la tuta lando.

La opoziciulo Alexej Navalni inter la arestitoj

Plejparte el la manifestaciantoj arestitaj estas junuloj, kiuj spertis nur Vladimir Putinon kiel prezidenton. La plej bonŝanculoj estis liberigitaj en la nokto de lundo ĝis mardo 13a de junio. Sed okaze de ribelo, kelkaj riskas plurajn monatojn da malliberejo.

La opoziciulo, Alexej Navalni, kiu en la reto, alvokis siajn defendantojn surstratiĝi, estis kaptita antaŭ lia hejmo. Li estis arestita kaj kondamnita je 30 tagoj da malliberejo, anoncis lia porparolanto dumvespere.

Por la dua fojo post la printempo, la rusia junularo mobiliziĝis kontraŭ la registaro, jaron antaŭ la prezidenteca baloto.

neniammilitointerni - dans Monda Socibatalo
30 mai 2017 2 30 /05 /mai /2017 09:13

30/05/2017

La represio de la registaro kontraŭ la manifestaciantoj okazigis centojn da mortintoj kaj milojn da arestadoj. Foto: Tiksa Negeri/Reuters. 

Yonatan Tesfaye, eks-porparolanto de la etiopia «blua partio», estis kondamnita la 25an de majo al ses jaroj kaj duono da malliberejo, fare de tribunalo de Adis-Abebo pro instigo al terorismo.

Yonatan Tesfaye, eks-porparolanto de la Samajaŭi (la »blua partio »), jam estis kulpigita pasintsemajne. Lia kondamno je ses jaroj kaj duono da malliberejo estis decidita ĉi-25an de majo.

Li estis arestita en decembro 2015, post kiam li akuzis la regantan koalicion, (la Demokrata Revolucia Partio de la Etiopia Popolo - DRPEP), ke «ĝi uzas perforton kontraŭ la popolo, anstataŭ pacan dialogon».

Laŭ la prezidanto de Samajaŭi, Jeŝiwas Asefa, Yonatan Tesfaye apelacios tiun kondamnon, elvokante sian rajton al esprimlibereco.

Kontraŭ-terorisma leĝo kaj urĝa stato

Yonatan Tesfaye riskis punon ĝis 20 jaroj da malliberejo, pro kontraŭ-terorisma leĝo, denuncita fare de la asocioj pri defendo de la homaj rajtoj, kiel rimedo por silentigi ĉian disidentecon.

Liaj komentoj estis publikigitaj en Fejsbuko, malmulte da tempo antaŭ la komenco de la popularaj manifestacioj de junaj Oromoj, la plej multnombra etno de la lando, kiu protestas kontraŭ projekto de plivastiĝo de la ĉefurbo Adis-Abebo, kiu laŭ ili okazigos amasan eksproprietigon.(Vidu ĉi-sube pri Omo Valo)

Tiuj manifestacioj, kiuj kaŭzis preskaŭ 700 mortintojn, estis perforte subpremitaj de la reĝimo. Ili kondukis la registaron, dekreti urĝan staton en oktobro 2016, kaj plilongigis ĝin je kvar monatoj en marto.    

07/03/2012: Etiopio : Omo valo : "survival" konstatas gravajn malobservadojn pri la homaj rajtoj

http://neniammilitointerni.over-blog.com/article-etiopio-omo-valo-survival-konstatas-gravajn-malobservadojn-pri-homaj-rajtoj-101039143.html

neniammilitointerni - dans Monda Socibatalo
29 mai 2017 1 29 /05 /mai /2017 14:06

29/05/2017

Manifestaciantoj kontraŭstaras la policon en El Ĥasimo (Maroko) la 27an de 2017 (AFP/FADEL SENNA)

La polico denove intervenis dum la nokto de sabato ĝis dimanĉo en El Ĥasimo, en la Rif-regiono, por malhelpi novan manifestacion subtene al Nasser Zefazafi. Tiu gvidanto de la paca kontestado, kiu skuas de ĉirkaŭ ses monatoj la rif-montarojn, fuĝis. La protestado komenciĝis post la morto de Mouhcine Fikri, dispremita de baskulkamiono.

Sabaton, tuj post la vespera preĝo – unua tago de la ramadano – la manifestacioj komenciĝis, deirantaj de pluraj lokoj de la urbo. Laŭ la surlokaj aktivuloj, la kolektiĝoj estis disigitaj, kelkfoje perforte, per larmigaj gasoj, fare de la policistoj. En la sociaj retoj, pluraj manifestaciantoj elvokas «represion». La protestantoj intencis denunci la arestadojn, okazintajn plu frue en la tago, de dekduo da personoj akuzitaj de la justico pri atenco al la Ŝtatsekureco.

Ĉio komenciĝis dum la vendreda preĝo, kiam Nasser Zefazafi, gvidanto de tiu movado nomita "Hirak" – "movado" en la araba lingvo – interrompis la predikon de la imamo en la moskeo. Li denuncis la uzadon de la religio fare de la oficialuloj, por politikaj celoj. La religiulo asertis en sia prediko, ke la kontestada movado en la urbo similas al fitna, t.e divido de la islamanoj.      

La tumulto tiam okazigis plenan konfuzon kontraŭ la aktivulo, kaj arestmandato estis lanĉita kontraŭ la aktivulo. De tiam, Nasser Zefazafi fuĝas. Li faris plurajn paroladojn sur la tegmento de sia domo, instigante interalie la protestantojn, resti pacemaj.

Lastminute: Nasser Zefazafi, gvidanto de la kontestado en El Ĥasimo, estis arestita. La aktivulo estis persekutita, ĉar li interrompis la predikon de imamo, vendredon.

Foto MOHAMED EL-ASRIHI/AFP:  la maroka aktivulo, Nasser Zefazafi dum manifestacio, la 6an de majo, en El Ĥasimo.     

neniammilitointerni - dans Monda Socibatalo
25 mai 2017 4 25 /05 /mai /2017 11:44

25/05/2017

Miloj da personoj manifestaciis, merkredon, en Braziljo, postulante demision de la prezidento Michel Temer, celita de enketo pri koruptado. La registaro deplojadis la armeon por reakiri la kontrolon de la situacio.

Ŝtonĵetoj respondis al larmigaj gasoj, incendio okazis ĉe la ministrejo pri Agrikulturo, katedralo estis difektita… La forta mobilizado kontraŭ la brazila prezidento, Michel Temer, alpremita pro gravaj akuzoj de koruptado, semis kaoson, merkredon 24an de majo, en Braziljo. La registaro deplojadis la armeon por reakiri la kontrolon de la situacio en la brazila ĉefurbo.

«Nun, federalaj trupoj estas ĉi tie, en la palaco de Itamaraty, sidejo de la Ministrejo pri fremdaj aferoj, kaj aliaj trupoj alvenas por protekti ministrajn konstruaĵojn», anoncis la ministrejo pri Defendo, Raul Jungmann, dum gazetkunsido.

La kolizioj ekokazis, kiam la manifestaciantoj, kiuj postulas demision de la Ĉefŝtato, alfluadis al la centro de la brazila ĉefurbo, ĝis la prezidenta palaco Planalto: la polico ŝtopis la vojon uzante larmigajn gasojn, kelkaj kapuĉvestitaj manifestaciantoj rebatis per ŝtonĵetoj. Invadita de la protestantoj, kiuj «estigis incendion en salono», la ministrejo pri Agrikulturo estis evakuita dum la posttagmezo, laŭ ĝia gazetservo.

Dum tiu tago de manifestacioj, 49 personoj estis vunditaj, el kiuj unu per kuglo, sep personoj estis arestitaj, ok ministrejoj kaj la katedralo suferis pri difektaĵoj, laŭ la aŭtoritatoj.

«Malbona signo por demokratio»

Deplojadi la armeon en Braziljo «estas ekstrema aranĝo, kiu montras ke la registaro ne plu regas la situacion, tio estas malbona signo por nia demokratio», eksplikas Cesar, politika analizisto de la konsultkabineto Hold.

Tiu decido maltrankviligas eĉ la ĉefajn aliancanojn de la prezidento Temer, kiel Tasso Jereissati, prezidanto de la Partio soci-demokrata (PSDB). «La ĉeesto de trupoj ĉiam timigas nin», li memorigas, reference al la plumbaj jaroj de la milita diktaturo (1964-1985).

Celita de akuzoj pri koruptado, la prezidento provas kroĉiĝi al la potenco, evitante la forlason de siaj politikaj aliancanoj. La alvokoj al demisio multobliĝas de pasintsemajne, kiam sonregistraĵo estis publikigita, en kiu li ŝajne konsentas pri pago de subaĉetaĵoj. Forpuŝante firme tiun opcion, Michel Temer tamen estas minacita de ebla dispartigo de lia koalicio, dum enketo estis ordonita de la Ĉefkortumo, kaj ke pluraj mocioj estis deponitaj, en la celo akiri lian eksigon.        

neniammilitointerni - dans Monda Socibatalo
18 mai 2017 4 18 /05 /mai /2017 08:37

18/05/2017

Foto Ronaldo SCHEMIDT/AFP: la armeo sur la stratoj de Karakaso, la 26an de oktobro 2016, dum manifestacio kontraŭ la registaro.

La venezuela prezidento sendis 2600 soldatojn por igi ĉesigon de la rabadoj en la Ŝtato Táchira, proksime de la kolombia landlimo. Centoj da personoj, kiuj suferas pro manko de nutraĵoj kaj pro alta inflacio, la plej alta en la mondo, atakis ĝis hieraŭ superbazarojn.  

Sed laŭ la opozicio, tiuj trupoj havas kiel mision, subpremi la manifestaciojn kontraŭ la prezidento Maduro. De pli ol monato kaj duono, dekoj da miloj da personoj surstratiĝas postulante demision de la Ŝtatĉefo, tiel riskante siajn vivojn.

Tiu protesta ondo jam okazigis 43 mortintojn, el kiuj 15-jaran adoleskanton, kaj centojn da vunditoj. En Karakaso, vesperkolektiĝo okazis omaĝe al la viktimoj. Aliparte, 159 personoj estis arestitaj kaj malliberigitaj post decido de militaj tribunalojkvankam tiu proceduro estas malpermesita de la Konstitucio.

neniammilitointerni - dans Monda Socibatalo
17 mai 2017 3 17 /05 /mai /2017 13:16

17/05/2017

Bildo: Manifestacio en Ateno kontraŭ la novaj rigorecaj aranĝoj, postulataj de la kreditoroj de la lando, la 16an de majo 2017 (Foto LOUISA GOULIAMAKI/AFP)

Lernejoj fermitaj, malsanulejoj funkciantaj dank’ al deviga personaro, kaj komunaj transportoj ege malordigita: Grekio estas paralizita de ĝenerala striko, merkredon 17an de majo.

La sindikatoj de la publika kaj privata sektoroj protestas kontraŭ ioma rigoreca plano, kio estos alprenita ĵaŭdon en la Parlamento. Tiu plano estas trudita de la IMF kaj EU al la greka registaro, interŝanĝe kontraŭ pago de nova parto de internaciaj pruntoj. La lando bezonas ĝin por pagi sian ŝuldon en julio.      

Du trionoj el la grekaj pensiuloj ricevas malpli ol 600 eŭrojn

La akordo antaŭvidas redukton de la elspezoj de la lando, ekvivalentaj al 2% el la MEP inter 2019 ĝis 2020. La celo estas realigi ŝparadon je pli ol 4,9 miliardoj. Por atingi tion, la registaro antaŭvidas novajn impostaltigojn, kaj por la dektria fojo de post la komenciĝo de la krizo en 2010, novajn detranĉojn en la pensioj.        

En Grekio, du trionoj el la pensioj ne atingas 600 eŭrojn monate, kaj duono el la familioj vivtenas sin dank’ al la pensioj de la gepatroj aŭ geavoj. 

La greka ŝuldo atingas 180% el la MEP

Krome, tiu nova rigoreca plano antaŭvidas submeti al imposto, la malaltajn pensiojn ekde 360 eŭroj monate. La maldekstra radikala registaro certigas, ke neniu alia opcio ekzistas, por konvinki la kreditorojn, IMF kaj UE, ke ili malpezigu la grekan ŝuldon, kiu reprezentas 180% el la MEP. La ministroj pri Financoj de la eŭro-zono kunsidos la 22an de majo.

neniammilitointerni - dans Monda Socibatalo
9 mai 2017 2 09 /05 /mai /2017 14:22

09/05/2017

Foto AP/Czarek Sokolowski

En Pollando, granda marŝado de la opozicio kolektis, sabaton 6an de majo, pli ol 40 000 personojn sur la stratoj de Varsovio. La manifestaciantoj defiladis por «defendi la liberecon», minacatan laŭ ili, de serio de leĝoj, starigitaj de la ekzekutivo direktata de Jarosław Kaczyński, kiu tuŝas samtempe justicon, edukadon aŭ amaskomunikilojn.

«Hodiaŭ, Pollando estas ĉi tie!» «Libera Pollando estas eŭropa!». Per tiuj sloganoj, la poloj multnombre manifestis sian fidelecon al Eŭropo, kaj esprimis, ke ili ne plu eltenas la politikon de la konservativuloj, ĉe la potenco de antaŭ jaro kaj duono. Sukcesa demonstrado de forto por la Liberala partio Civitana Platformo, kiu organizis tiun marŝadon, nomitan "Marŝado por la libereco".

En tre kvieta etoso, Polaj familioj defiladis sur la stratoj de Varsovio. Kelkaj venis de malproksimaj regionoj de la lando, por kuniĝi kun la festo.

Inaŭgurante la marŝadon, la gvidanto de la "Civitana Platformo", Grzegorz Schetyna denuncis en sia parolado, la reformon de la justico, nun sub la rego de la konservativa partio, la reformon de edukado kaj la eksigon de la gimnazioj, la atakojn kontraŭ la gazetlibereco kaj la virinaj rajtoj.

Antaŭ jaro, simila manifestacio kolektis ĉirkaŭ 100 000 personojn, sen akiri politikan ŝanĝon de la konservativuloj. Sed hodiaŭ, la situacio ŝanĝiĝas. La subteno al la registaro malfortiĝas. Por la unua fojo, de post ĝia alveno ĉe la potenco en 2015, la partio Rajto kaj Justeco (PiS), laŭ aprila opinisondo, ŝajne perdos fronte al la "Civitana Platformo", de nun subtenata de 31% el la voĉdonantoj.

neniammilitointerni - dans Monda Socibatalo
3 mai 2017 3 03 /05 /mai /2017 11:55

Foto YASIN AKGUL/AFP: turkaj policistoj en Istanbulo, Turkio, la 1an de majo 2017.

La tradicia laborfesto okazis en vigla streĉiteco ĉi-lundon en Turkio, du semajnojn post la referendumo, kiu plivastigas la potencon de la prezidento, kontestata de la opozicio.

Pluraj manifestacioj estis perforte disigitaj, kiam ili provis atingi la placon Taksim, fama loko de kontestado en Istanbulo. Pli ol 200 manifestaciantoj estis arestitaj.

La polico uzis larmigajn gasojn, kaj kaŭĉukajn kuglojn, por forpeli almenaŭ du kolektiĝojn sur la eŭropa bordo de Bosforo. 30 000 policistoj estis mobilizitaj ĉi-lundon en la plej granda urbo de Turkio.

La placo Taksim malĝoje memorigas la tradician 1-an de majo. En 1977, 36 manifestaciantoj estis mortigitaj en kondiĉoj, kiuj ĝis hodiaŭ restas malklaraj.

La Alta Komisaro de la Unuiĝintaj Nacioj pri Homaj Rajtoj vigle kritikas Ankaro-n

La registaro intense pliakrigis sian sintenon, de post la fiaskita puĉo de la pasinta julio. La elpurigo kondukita de Ankaro estigis enkarcerigon de 40 000 personoj, ĉefe funkciuloj. Pluraj dekoj da miloj de aliaj estis maldungitaj.

«Mi scias, ke la personoj maldungitaj relaboros, ke finfine ni gajnos. Ni estas tie por ĉiuj, kiuj estis maljuste traktataj», diras tiu profesorino.

Ĉi-lundon, la "Alta Komisaro de la Unuiĝintaj Nacioj pri Homaj Rajtoj" juĝis «ege dubinda», ke la arestadoj kaj maldungoj, kiuj sekvis la fiaskitan puĉon, observas la leĝaron.

neniammilitointerni - dans Monda Socibatalo
21 avril 2017 5 21 /04 /avril /2017 13:42

21/04/2017

Foto IAN TIMBERLAKE/AFP: Dekduo da vjetnamaj policistoj ostaĝigitaj de koleraj terkultivistoj.  

En la vjetnama vilaĝo Đồng Tâm, situanta proksime de Hanojo, almenaŭ deko da policistoj estas ostaĝigitaj de ses tagoj, fare de koleraj terkultivistoj, kiuj protestas kontraŭ konfisko de siaj teroj fare de la armeo. Kvankam je la komenco la aŭtoritatoj petis trankvilon, kaj de la loĝantoj, ke ili intertraktadu, ili nun decidis uzadi forton.

En Vjetnamio, la vilaĝo Đồng Tâm, izolita kaj ĉirkaŭita, pretiĝas alfronti la policistojn. La 20an de aprilo, la streĉiteco altiĝis je unu grado, kiam la loĝantoj, kiuj ostaĝigis dekduon da policistoj, rifuzis renkonti la prezidanton de la popolkomitato de Hanojo, la ĉefurbo.

Tiu ĉi proponis diskuti pri solvo de la krizo, ne en la vilaĝo mem, sed en la kantona ĉefurbo, 17 kilometrojn for de ĝi. Pro timo de arestado fare de la polico, la loĝantoj do restadis hejme.

Laŭ la fotoj, kiuj cirkulas en la sociaj retoj, improvizitaj barikadoj estis starigitaj en pluraj strategiaj lokoj de la vilaĝo. La loĝantoj ŝajne ankaŭ ĵetis oleon, kaj minacis ekflamigi la konstruaĵon, en kiu la ostaĝoj estas detenitaj.

Disvastiĝo

Je origino de ilia kolero: la aranĝo decidita de la aŭtoritatoj pri akaparo de kelkaj terpecoj de la vilaĝo, profite al armeo.

En Vjetnamio, la tero estas proprieto de la Ŝtato, kiu ne hezitas eksproprietigi la terkultivistojn, kontraŭ monkompenso kelkfoje bagatela, dum la loĝantoj perdas siajn vivteniĝojn.

En lando, kiu severe kontrolas liberesprimon, la ribeloj estas maloftaj. Sed pro malespero, kelkaj loĝantoj ne hezitas defii la aŭtoritatojn. En 2012, en fama afero, fiŝkaptisto, kiu vundis sep policistojn, estis poste kondamnita je kvin jaroj da malliberejo.

La aŭtoritatoj deziras eviti, ke tiaj eventoj disvolviĝu. Ĉi-20an de aprilo, ankaŭ terkultivistoj de alia vilaĝo situanta apud Hanojo, en la provinco Bắc Ninh, ribelis. Centoj da kontraŭ-ribelaj policistoj estis tuj senditaj surloken.

neniammilitointerni - dans Monda Socibatalo
Créer un blog gratuit sur overblog.com - Contact - CGU -
.date span.text {display:none ; }