21/11/2023

La 21an de novembro 2013, centoj da ukrainaj manifestaciantoj kolektiĝis sur la placo Majdano, centre de la ĉefurbo Kijivo, por kontesti la kontraŭ-eŭropan politikon de la prezidento Viktor Janukoviĉ. Dek jarojn poste, la spirito de la revolucio plu vivas en la ukrainaj spiritoj.   

To okazis precize antaŭ dek jaroj. La unuaj manifestacioj, kiuj okazis sur la placo Majdano, kore de Kijivo kondukis al la fino de la por-rusia potenco. Mardon 21an de novembro, tiu datreveno estis salutita de la prezidento Volodimir Zelenskij kiel « unua venko » en la milito kontraŭ la rusia invadanto. Sed pro la milito, la militleĝo, la malpermeso de kolektiĝo por ne oferti celon al la malamiko, la Ukrainoj ne amasiĝis por celebri la dekjaran datrevenon de sia revolucio.

Tiu revolucio tamen vivas sen ili. Saŝa estas 30-jara. Kiam li repensas pri la bildoj, la ĝojo, la espero, li ridetas : « Mi estis tie ekde la unuaj tagoj de la Majdana revolucio. Ni venis kun miaj amikoj, multaj junuloj ĉeestis. Ni ne plu toleris esti regata de por-rusia potenco, la koruptado… Ni deziris proksimiĝi de Eŭropa Unio kaj de ĝia vivmaniero. » Ĉiutage, li manifestacias. Liaj gepatroj provizas nutraĵojn, varmajn vestaĵojn. Li siaflanke ĵetas ŝtonojn al la polico, sub la pafoj de tiraljoroj. Monaton post monato, la revolucio ampleksiĝas: « Mi komprenis, ke ni ne plu povis retroiri, ke okaze de retroiro, ni malvenkos. »

« Ni havis la saman celon »

En februaro, la por-rusia prezidento Janukoviĉ fuĝas: « Mi memoras, ni kriis "Huran, gloron al Ukrainio !" Oni ne pensis pri la estonteco, nia deziro nur estis, ke Janukoviĉ foriru. »

Saŝa vivas en Irpino, martira urbo, premita sub la bomboj ekde la komenco de la milito, ĝia ponto estis detruita por malhelpi la aliron al Kijivo. Super la pordo de lia apartamento, videblas la truo kaŭzita de obusaj splitaĵoj. Tra la rekonstruita fenestro, oni vidas la arbaron bruligitan, la malsupran konstruaĵon tute detruitan.

De tiuj tagoj Saŝa memoras, ke li helpis la homojn evakui veturile: « Tio ŝajnis filmo, mi rulis pordojn malfermitajn kriante: "Rapidu, enveturiĝu !" Mi rulis po 100 kilometrojn hore zigzagante por eviti la barikadojn. »

La Majdana spirito neniam forlasis Saŝa-n : « Sur tiu placo mi ekkonsciis, ke ni estas unuiĝintaj. Venintaj de oriente aŭ okcidente de Ukrainio, ni havis la saman celon: vivi en pli bona Ukrainio, konstruadi pli bonan kaj pli sekuran estontecon por niaj infanoj kaj la postaj generacioj. »

https://www.francetvinfo.fr/monde/europe/manifestations-en-ukraine/reportage-j-ai-appris-sur-cette-place-qu-on-etait-unis-en-ukraine-dix-ans-apres-la-revolution-l-esprit-de-maidan-est-toujours-la_6197859.html

https://www.youtube.com/watch?v=K6hsBASbX5Y

11/11/2023

Ukrainio : jaron post la liberigo de Ĥersono, la civiluloj plu suferas rusiajn bombadojn

http://neniammilitointerni.over-blog.com/2023/11/ukrainio-jaron-post-la-liberigo-de-hersono-la-civiluloj-plu-suferas-rusiajn-bombadojn.html

03/09/2015

Ukrainio: dua policisto mortis pro siaj vundoj, post kolizioj en Kievo

http://neniammilitointerni.over-blog.com/2015/09/ukrainio-dua-policisto-mortis-pro-siaj-vundoj-post-kolizioj-en-kievo.html

20/03/2015

Krimeo: Aleksandr Kolĉenko, forkaptita kaj malliberigita de la Rusia ŝtato

http://neniammilitointerni.over-blog.com/2015/03/krimeo-aleksandr-kolcenko-forkaptita-kaj-malliberigita-de-la-rusa-stato.html

05/05/2014

Ukrainio: abomeno denove stariĝas

http://neniammilitointerni.over-blog.com/2014/05/ukrainio-abomeno-denove-starigas.html

09/04/2014

Ukrainio:  sud-oriento en sieĝostato

http://neniammilitointerni.over-blog.com/2014/04/ukrainio-sud-oriento-en-siegostato.html

02/11/2023

Merkredon en Bangladeŝo post pluraj tagoj da manifestacioj, miloj da laboristoj starigis barikadojn en la vojoj de Dako, postulante salajrajn altigojn en la teksaĵaj uzinoj, kiuj provizas grandajn okcidentajn varmarkojn. Tiuj manifestacioj okazigis almenaŭ du mortintojn.

Laŭ la polico, almenaŭ 5 000 teksaĵlaboristoj starigis vojbarilojn en la kvartalo Mirpur en la ĉefurbo. Sed laŭ surloka gazetkorespondanto, la nombro de manifestaciantoj sendube estis pli alta.

Ĉirkaŭ 1 500 manifestaciantoj ankaŭ ĵetis ŝtonojn al pluraj uzinoj de la industria urbo Gazipur, deklaris la regiona ĉefo de la industria polico, Sarwar Alam. « Ni pafis larmigajn gasojn kaj surdigajn grenadojn por disigi la manifestaciantojn », li eksplikis.

La laboristoj postulas minimuman monatan salajron de 23 000 takoj (190 eŭroj), nome preskaŭ trioble pli ol la nunaj 8 300 takoj (70 eŭroj).

« Kiel ni povus vivi monate kun apenaŭ 8 300 takoj, dum ni devas jam pagi de 5 000 ĝis 6 000 takoj nur por la lupreno de unuĉambra domo ? », demandas Sabina Begum, kudristino 22-jara.

Laŭ la sindikatoj, la salajroj kaj laborkondiĉoj estas katastrofaj por plimulto de la kvar milionoj da laboristoj de la sektoro.  

Bangladeŝo estas unu el la plej gravaj eksportistoj de vestaĵoj en la mondo, kun teksaĵindustrio de ĉirkaŭ 3 500 uzinoj, kiuj provizas varmarkojn kiel Gap, H & M kaj Levi Strauss. Ĝi reprezentas 85% el a 55 miliardoj de dolaroj da jaraj eksportoj de tiu lando de Suda Azio.

https://www.charentelibre.fr/international/bangladesh-des-milliers-d-ouvriers-du-textile-se-rebiffent-pour-de-meilleurs-salaires-17301071.php

https://www.youtube.com/watch?v=UfBgOjZmgpg

28/02/2019

Bangladeŝo: teksaĵa uzino por la tuta mondo

http://neniammilitointerni.over-blog.com/2019/02/bangladeso-teksaja-uzino-por-la-tuta-mondo.html

15/01/2019

Bangladeŝo : la teksaĵlaboristoj daŭrigas sian strikon

http://neniammilitointerni.over-blog.com/2019/01/bangladeso-la-teksajlaboristoj-daurigas-sian-strikon.html

21/02/2017

Bangladeŝo: Labourstart kampanjo: Liberigu tuj la sindikatajn gvidantojn de la vestaĵindustrio!

http://neniammilitointerni.over-blog.com/2017/01/bangladeso-labourstart-kampanjo-liberigu-tuj-la-sindikatajn-gvidantojn-de-la-vestajindustrio.html

01/10/2023

La provinco de Suŭajda estas scenejo de pacaj manifestacioj, de post kiam la registaro interrompis meze de aŭgusto la subvenciojn pri karburaĵoj.

Ĉirkaŭ 2 000 personoj manifestaciis vendredon kontraŭ la registaro sude de Sirio, kie protestmovado daŭras de pli ol monato kun kreskanta rolo de la virinoj, laŭ atestanto kaj aktivuloj.

La manifestacio okazis en Suŭajda, urbo vaste restita malproksime de la konflikto en Sirio, kiu komenciĝis en 2011 post la represio de manifestacioj kontraŭ la potenco. Tiu konflikto okazigis duon-milionon da mortintoj.              

La provinco de Suŭajda estas scenejo de pacaj manifestacioj, de post kiam la registaro interrompis meze de aŭgusto la subvenciojn pri la karburaĵoj, tuŝante loĝantaron jam elprovitajn de pli ol dek du jaroj da milito.

Kiel ĉiutage, la manifestaciantoj kolektiĝis sur la placo al-Karama, skandante sloganojn malamikajn al la prezidento Baŝar al-Asad kaj svingante la multkoloran flagon de la druzoj, kies provinco Suŭajda estas la influloko.

Laŭ atestoj, la virinoj ludas kreskantan rolon en la manifestacioj. « Hodiaŭ la malsameco estas, ke la virinoj ne kontentiĝas manifestacii, ili nun planas kaj organizas la movadon », asertas Wajiha.

Tiu aktivulino, kiu ne sciigis sian familinomon pro sekuraj kialoj, paŝas ĉiutage de sia domo ĝis la placo de Suŭajda, portante protest-banderolojn.               

« La virinoj ludas iniciativan rolon », aldonas tiu virino. Ili decidas pri la agadvortoj, fabrikas la protest-banderolojn kaj kunordigas sian agadon kun la ĉirkaŭaj vilaĝoj. Ankaŭ tiuj ĉi organizas manifestaciojn en siaj lokoj.  

Pasintan vendredon, la manifestaciantoj en Suŭajda nombris inter 2000 kaj 2500 personoj, laŭ aktivulo kaj atestanto.  

https://www.i24news.tv/fr/actu/international/moyen-orient/1695998872-syrie-manifestations-dans-le-sud-les-femmes-en-premiere-ligne

https://www.youtube.com/watch?v=1YEcmpuD_oY

15/09/2023

Sirio: tri personoj estis vunditaj dum manifestacio kontraŭ la reĝimo sude de la lando

http://neniammilitointerni.over-blog.com/2023/09/sirio-tri-personoj-estis-vunditaj-dum-manifestacio-kontrau-la-regimo-sude-de-la-lando.html

28/08/2023

Sirio en « alarma stato », la reĝimo timas plivastigon de la kolero ĝis Damasko

http://neniammilitointerni.over-blog.com/2023/08/sirio-en-alarma-stato-la-regimo-timas-plivastigon-de-la-kolero-gis-damasko.html

20/08/2023

Sirio: manifestaciantoj protestas kontraŭ pligravigo de la ekonomia krizo

http://neniammilitointerni.over-blog.com/2023/08/sirio-manifestaciantoj-protestas-kontrau-pligravigo-de-la-ekonomia-krizo.html

26/09/2023

Mardon 12an de septembro 2023, la kongreso de la Trades Union Congress (TUC), kiu kunigas sindikatojn reprezentantajn pli ol kvin milionoj kvincent mil laboristojn en kvardek ok sindikatoj, adoptis per amasa plimulto politikon de solidareco kun Ukrainio.

La kongreso kondamnas senkondiĉe la kontraŭleĝan kaj agresan invadon de Ukrainio fare de Rusio.

La Kongreso notas:

1. La sisteman represion kontraŭ la liberaj sindikatoj sub la reĝimoj de Putin kaj Lukaŝenko, kaj ilian nuligon en la okupaciataj teritorioj de Ukrainio de post 2014.
2. La alvokojn de la ukrainaj sindikatoj por morala kaj fizika helpo, inkluzive de rimedoj pri memdefendo de Ukrainio.
3. Ke tiuj, kiuj plej suferas dum milittempo estas la gelaboristoj, kaj ke la sindikata movado faru sian eblon por eviti la konfliktojn, kio ne ĉiam eblas.
4. La fieran historion de solidareco de la TUC kun la viktimoj de agresoj faŝistaj kaj imperiismaj, inkluzive de ĝia armita subteno al la Hispana Respubliko. Kiel sindikatanoj, ni estas esence kontraŭ-imperiismaj, kaj nia tasko konsistas en batalo kontraŭ la imperiismo kaj tiranio en ĉiuj okazoj. Ni agnoskas, ke venko de Putin en Ukrainio estus sukceso por la aŭtoritataj kaj reakciaj politikoj en la tuta mondo.
5. La homan kaj median teruran koston de la ukraina konflikto. Milionoj da personoj estis truditaj forlasi siajn domojn kaj fuĝi, dum multaj aliaj mortis.
6. La rusian programon de etna purigado.
7. Ke la ukrainaj sindikatoj montris verajn solidarecon kaj subtenon, oferante loĝejojn kaj nutraĵojn al la rifuĝintoj. La sindikato ASLEF laboris en streta kunlaboro kun la ukrainaj fervojaj sindikatoj, kaj povis konstati la grandegan laboron plenumintan por subteni la laboristojn en tiu periodo de konflikto.

La Kongreso asertas:

1. Sian subtenon al la civilaj kaj laboraj rajtoj en Rusio kaj Belorusio, kaj al tuja liberigo de la sindikatanoj enkarcerigitaj.
2. Sian konvinkon, ke paco justa kaj daŭra ne eblas tiel longe kiel la rusia Ŝtato plu neas la suverenecon de Ukrainio.
3. Sian solidarecon kun la ukraina popolo, inkluzive de rifuĝintoj, kies azilo estis malfruigita aŭ rifuzita de la brita registaro.
4. Ke la rekonstruado de Ukrainio estu bazita sur la sindikataj valoroj kaj la laboro.

La Kongreso subtenas:

1. La tujan retroiron de la rusiaj fortoj de ĉiuj ukrainaj teritorioj okupaciataj de post 2014.
2. La alvokojn de la ukrainaj sindikatoj al financa kaj praktika helpo de Unuiĝinta Reĝlando al Ukrainio.
3. Pacan finon de la konflikto, kiu garantias la teritorian tutecon de Ukrainio kaj la memdecidon de la ukraina popolo.
4. La plenan restarigon de la laboraj rajtoj en Ukrainio kaj programon de rekonstruado kaj disvolviĝo, sociale justa, kiu respektas kolektivajn intertraktadojn, kaj forpuŝas malreglamentigon kaj privatigon.
5. La laboron de la TUC, kaj la engaĝiĝon de la aliĝintoj, kun la ĉefaj ukrainaj sindikataj centraloj (FPU/KVPU), kaj agnoskas la Kampanjon de solidareco kun Ukrainio.

La Kongreso do taskas la Ĝeneralan konsilion:

1. Sendi sian solidarecon al ĉiuj ukrainaj sindikatanoj, kiuj luktas tagon post tago por la rajtoj de la gelaboristoj kaj kontraŭ la imperiismo.
2. Engaĝiĝi kun la ukrainaj sindikatoj de ambaŭ sindikataj centraloj kaj larĝa gamo de membroj kaj sindikataj ideoj.
3. Stariĝi flanke de la ukrainoj en Unuiĝinta Reĝlando, kaj subteni ilin per ĉiuj disponeblaj rimedoj, ĝis kiam ili povos reveni hejmen en plena sekureco.           

https://ukrainesolidaritycampaign.org/2023/09/14/tuc-congress-a-victory-for-solidarity-with-ukraine-a-victory-for-truth/

02/09/2023

Milito en Ukrainio: Internacia Amnestio kondamnas la novan lernolibron pri Rusia Historio « plenplenan je propagandaj kliŝoj »

http://neniammilitointerni.over-blog.com/2023/09/milito-en-ukrainio-internacia-amnestio-kondamnas-la-novan-lernolibron-pri-rusia-historio-plenplenan-je-propagandaj-klisoj.html

15/09/2023

Almenaŭ tri personoj estis vunditaj per kugloj ĉi-merkrede en Suŭajda sude de Sirio. Unuafoje, la fortoj de Baŝar Al-Asad pafas al la kontraŭ-reĝimaj manifestaciantoj, kiuj denuncas de pli ol monato la vivkoston en tiu regiono plimulte druza, limnajbara de Jordanio.

La pafoj komenciĝis proksime de deĵorejo de la partio Baaz de la prezidento Baŝar Al-Asad. La gvardiistoj ekpafis ĉi-merkrede 13an de septembro kontraŭ manifestaciantoj, kiuj provis fermi la konstruaĵon, raportas Paul Khalifeh, korespondanto en Bejruto. Pafadoj kaj sloganoj malamikaj al la Siria potenco estis aŭdataj en videoj enretigitaj fare de aktivistoj de tiu provinco, kie okazas protestmovado de post la 19a de aŭgusto.

La provinco de Suŭajda estas scenejo de manifestacioj de kiam la registaro nuligis la subvenciojn pri karburaĵoj, suferigante loĝantaron jam malfortigitan de pli ol dek du jaroj da milito. De tiam, la protestmovado rapidege politikiĝis, postulante eksigon de la prezidento Baŝar Al-Asad.

« Baŝar Al-Asad serĉas rebaton »

Post la incidento, kolera homamaso kondukita de druzaj ŝejkoj konverĝis al la konstruaĵo de la Baaz kaj sur la centra placo de la urbo. Tiu ĉi sama deĵorejo, kaj aliaj sidejoj de la partio Baaz en pluraj lokoj jam estis fermitaj fare de la manifestaciantoj antaŭ kvindeko da tagoj.           

Laŭ la opoziciulo Firas Kontar, franco-siria leĝisto, aŭtoro de la verko « Sirio, la neebla Revolucio », tiu strategio de pafoj estas instrumentita de la Siria potenco por instigi provokon. « Per tiuj pafoj, Baŝar Al-Asad serĉas rebaton. Li scias, ke la loĝantoj de Suŭajda estas armitaj per malpezaj armiloj kaj deziras, ke la homoj reagu por poste regi la situacion pli severe el milita maniero. La rebato ebligos pravigi la fakton, ke ekzistas separatismaj bandoj en la regiono, laŭ la propagando de Asad », li mencias ĉe la mikrofono de Vincent Souriau, ĉe Internacia servo.

Laŭ li, la Siria prezidento esperas eskaladon. « Li sciis, ke remalfermante la partion Baaz, li provokos manifestaciantojn, kiuj venis por refermi ĝin. Ĉio estis antaŭpreparita. La reago maltrankviliĝas. Ĝi ĉefe dependas de la religiaj ĉefoj. Ili petas trankvilon kaj asertas, ke ili ne volas iri sur militan terenon, kaj reasertas: "Nia movado estas pacisma kaj restos tia" », li aldonas.

Tiujn lastajn semajnojn, la protestantoj kontestas ankaŭ aliajn simbolojn de la potenco, ekzemple ŝirante portretojn de la Siria eks-prezidento Hafez el-Assad, patro de la nuna prezidento. La siria armeo kaj la sekurecaj fortoj siaflanke reduktis sian ĉeeston en Suŭajda por eviti eksplodon en tiu provinco, kiu restis malproksime de la siria konflikto. Unu el la kialoj de la kolero, kiu minacas en tiu regiono estas la rifuzo de la Siria potenco ebligi al la rekrutoj servi en sia propra provinco.

https://www.rfi.fr/fr/moyen-orient/20230914-syrie-trois-personnes-bless%C3%A9es-lors-d-une-manifestation-contre-le-r%C3%A9gime-dans-le-sud-du-pays

https://www.youtube.com/watch?v=5ZRlhEhVBKc

28/08/2023

Sirio en « alarma stato », la reĝimo timas plivastigon de la kolero ĝis Damasko

http://neniammilitointerni.over-blog.com/2023/08/sirio-en-alarma-stato-la-regimo-timas-plivastigon-de-la-kolero-gis-damasko.html