19/04/2024

La intensa kaj mortiga varmo, kiu frapis Sahelon komence de aprilo estas ligita al la « homdevena » klimata ŝanĝiĝo, asertas la sciencistoj de la reto World Weather Attribution (WWA) en studaĵo publikigita ĉi-ĵaŭde.

Malio kaj Burkino spertis, de la 1a ĝis la 5a de aprilo esceptan varman ondon, tiel per sia daŭro kiel per sia intenseco, kun temperaturoj superaj al 45°C, kaj kaŭzo de multaj mortoj en tiuj landoj.

La observadoj de la sciencistoj kaj la komparoj de temperaturaj modeloj « montras, ke la ampleksaj varmaj ondoj estus neeblaj » sen tutmonda « homdevena » varmiĝo de +1,2°C.

La raporto precizigas, ke tiu epizodo, kiu tuŝis Sahelon dum kvin sinsekvaj tagoj en aprilo okazas principe nur « ĉiujn 200 jarojn ».

« Pro la estonta varmiĝo, tiuj tendencoj plu daŭros »

En tiu periodo de la jaro, la varmaj ondoj estas oftaj en Sahelo, sed tiu de aprilo « estus pli malvarma ĝis -1,4°C (…), se la homoj ne estigis planedan varmiĝon, brulante fosiliajn energiojn », certigas la aŭtoroj de la raporto.

« Pro la estonta varmiĝo, tiuj tendencoj plu daŭros », ili aldonas.

Laŭ WWA, la daŭro kaj la graveco de tiu varma ondo provokis en tiuj landoj registritan kreskon de la nombro de mortoj kaj hospitaligojn, kaj tio kvankam la maliaj kaj burkinaj loĝantoj « jam alklimatiĝis je altaj temperaturoj ».      

Kvankam kalkuli precize la nombron de viktimoj « neeblas » pro manko de disponeblaj datumoj en la koncernataj landoj, « probable centoj, eĉ miloj da homoj mortis pro la varmo », mencias la WWA.    

De post la 1970-aj jaroj, la landoj de Sahelo frontas sekecon, kaj epizodojn de intensaj pluvoj ekde la 1990-aj jaroj.

La malofteco de akvolokoj kaj paŝtejojn, pligravigita pro la disvolviĝo de agrikulturaj teroj malordigis la ekzistadon de la paŝtistaj populacioj kaj favoris ekaperon de armitaj grupoj, kiuj plivastigas sian influon laŭ granda parto de teritorio en Malio, Burkino kaj Niĝero.     

https://www.letelegramme.fr/environnement/le-changement-climatique-dorigine-humaine-derriere-la-vague-de-chaleur-meurtriere-au-sahel-6567453.php

https://www.youtube.com/watch?v=4oxk5XaI1wM

26/02/2024

Malsatego, sekeco: studaĵo emfazas la soci-ekonomian efikon de la klimata ŝanĝiĝo

http://neniammilitointerni.over-blog.com/2024/02/malsatego-sekeco-studajo-emfazas-la-soci-ekonomian-efikon-de-la-klimata-sangigo.html

27/01/2024

Por la dua sinsekva jaro, Mongolio estas perforte tuŝita de la dzudo, meteologia fenomeno, dum kio daŭra somera sekeco estas sekvata de vintraj drastaj kondiĉoj. La konsekvencoj estas katastrofaj, interalie por la nomadaj bredistoj kaj iliaj infanoj.

Antaŭ ol la efikoj de la klimata ŝanĝiĝo fariĝu pli kaj pli konkretaj, Mongolio estis tuŝita ĉiu jardeko de grava dzudo. Sed pro la akcelo de la planeda varmiĝo, ilia frekvenco kreskas el alarma maniero.

La temperaturo atingas nun 25 gradojn sub nulo en Mongolio kaj plejparte de la lando estas kovrita per dika neĝtavolo. Tiuj ekstremaj kondiĉoj estigas gravajn malfacilaĵojn por la gregoj de la nomadaj bredistoj. La brutaro ne povis fari sufiĉe da rezervo de graso dum la somero, kiam drasta sekeco kaj temperaturoj escepte altaj, tute bruligis la paŝtejojn, malhelpante samokaze la bredistojn prepari furaĝon por la vintraj monatoj.

« De post la komenciĝo de decembro, 60 000 bestoj mortis pro malvarmo kaj malsato », raportas Bayan-Altai Luvsandorj, direktoro de la NeRegistara Organizaĵo "Save The Children en Mongolio". « Tamen preskaŭ triono el la loĝantaro de Mongolio (3,5 milionoj da loĝantoj) dependas de la bredado. La nuna situacio do havas konsiderajn konsekvencojn por la ĉiutaga vivtenado ».

La brutaro, fonto de mongajnoj kaj ŝparaĵoj por tiuj nomadoj.

Por la nomadoj de Mongolio, la brutaro reprezentas samtempe ŝparadon kaj ĉefan fonton de mongajnoj. Fronte al la eksteraj meteologiaj kondiĉoj de la dzudo, la prioritato de la bredistoj do estas protekti la gregojn. « Ĉiuj disponeblaj financaj resursoj estas utiligitaj por savi la bestojn », konstatas Bayan-Altai Luvsandorj. « Konsekvence, la familioj, kaj interalie la infanoj, suferas misnutradon. Blokitaj de la neĝo, ankaŭ la aliro de la virinoj kaj de iliaj infanoj al flegado aŭ eĉ al medikamentoj estas limigita, eĉ neebla.»               

Kelkaj nomadaj familioj provas neeblan solvon: konduki siajn gregojn ĝis centoj da kilometroj for de sia hejmo, serĉe de vegetaĵoj por nutradi ilin. « Ĉiokaze, la infanoj interalie tiuj, kiuj atingis aĝon por frekventi lernejon, estas loĝigataj en dormejaj lernejoj. Tiel la infanoj estas kvazaŭ flankenigitaj. Ili ne plu vidas siajn gepatrojn dum pluraj semajnoj, kio kreas ĉe ili profundan emocian angoron. Sen protektado, kelkaj estas viktimoj de seksaj agresoj », eksplikas la reprezentanto de "Save the Children en Mongolio".

100 000 infanoj

Laŭ la NRO, 100 000 gefiloj de nomadaj bredistoj nun suferas pro la dzudo. Por helpi ilin, "Save the Children" kaj aliaj internaciaj organizaĵoj financas « antaŭ ĉio la nutraĵon por la brutaroj de iliaj familioj, sed ankaŭ malsanulejojn kaj medicinajn centrojn, kiuj moviĝas al la vintraj izolitaj lokoj de la nomadaj komunumoj, aŭ rektajn financajn helpojn favore al iliaj familioj », detaligas Bayan-Altai Luvsandorj.

La frekvenco kaj la graveco de la dzudo kreskas el drasta maniero. De du sinsekvaj jaroj, tiu meteologia ekstrema fenomeno frapas Mongolion. Tiu ĉi estas la kvina en dek jaroj. La registaro de la lando deklaris urĝan staton kaj lanĉis alvokon al la internacia komunumo, ke ĝi subtenu la vundeblajn loĝantojn. Estontece, la nomadaj bredistoj de Mongolio devos diversigi sian resursajn fontojn, se ili volas vivteni sin fronte al la klimata ŝanĝiĝo.           

https://www.rfi.fr/fr/asie-pacifique/20240123-r%C3%A9chauffement-climatique-les-%C3%A9leveurs-nomades-de-mongolie-premi%C3%A8res-victimes-du-dzud

https://www.youtube.com/watch?v=B-xiPu73W8U

16/03/2019

Mongolio: fronte al la klimata ŝanĝiĝo, la nomadoj forlasas la stepojn

http://neniammilitointerni.over-blog.com/2019/03/mongolio-fronte-al-la-klimata-sangigo-la-nomadoj-forlasas-la-stepojn.html

13/06/2017

Dek lokoj, kie la konsekvencoj de la klimata ŝanĝiĝo jam estas katastrofaj (10)

http://neniammilitointerni.over-blog.com/2017/06/dek-lokoj-kie-la-konsekvencoj-de-la-klimata-sangigo-jam-estas-katastrofaj-10.html

25/10/2023

Tiu procezo ne povas esti inversigita kaj kontribuos al la altiĝo de la nivelo de la oceano, eĉ limigante la klimatan varmiĝon, alarmas nova studaĵo.

La platformoj (aŭ bariloj) de glacioj ludas esencan stabiligan rolon kaj malrapidigas la fandiĝon de la glaĉeroj en la oceano. Ilia fandiĝo en la okcidenta Antarkto neeviteble daŭros, kaj tio en ĉiuj scenaroj de redukto de la forcejefikaj gasoj.

Alidirite, limigi la varmiĝon ĝis +1 ,5°C fine de la jarcento kompare kun la antaŭindustria erao, kiel antaŭvidas la Pariza interkonsento, ne sufiĉos inversigi la tendencon. Al tiu maltrankviliga konkludo alvenis la esploristoj de la British antarctic survey (la brita esploroperatoro en Arkto) en tiu studaĵo aperita en la revuo Nature climate pasintan lundon.

« Ni konstatas, ke rapida varmiĝo de la oceanoj ĉirkaŭ trioble pli rapida ol la historia procento, estas supozita okazi dum la 21a jarcento », skribas la sciencistoj, kiuj modeligis la maron de Amundsen por konduki la ĝis nun plej kompletan analizon de la varmiĝo en la regiono.                     

La daŭra fandiĝo de la glaciaj bariloj en okcidenta Antarkto povus kaŭzi neinversigeblan kolapson de la glaĉeroj, kaj povos plialtigi la nivelon de la oceano ĝis kvin metroj, procezo kun potencialaj katastrofaj efikoj por la planedo.     

« Nia studaĵo ne estas bona novaĵo: eble ni perdis la kontrolon de la fandiĝo de la glacia platformo de la okcidenta Antarkto dum la 21a jarcento » deklaris al la Guardian Kaitlin Naughten, kiu direktis la studaĵon.  

« Temas pri unu el la efikoj de la klimata ŝanĝiĝo, al kiu ni verŝajne devas adaptiĝi. Tio certe signifas, ke kelkaj marbordaj komunumoj devos jen konstrui defendajn konstruaĵojn, jen esti forlasitaj », daŭras la esploristino de la British antarctic survey.

Hodiaŭ, ĉirkaŭ du trionoj el la monda loĝantaro vivas malpli ol cent kilometrojn for de marbordo. Multaj mondaj urbegoj, kiel Nov-Jorko, Ŝanhajo, Tokio aŭ Mumbajo situiĝas proksime de marbordo kaj estas aparte vundeblaj je la altiĝo de la marnivelo.       

https://vert.eco/articles/la-fonte-de-lantarctique-est-desormais-inevitable-et-irreversible

https://www.youtube.com/watch?v=4aFPvJqhMQE

08/09/2022

La glaĉero de l’Apokalipso  « pendas nur sur fadeno », la alarmo de la esploristoj pri la baldaŭa estonta katastrofo

http://neniammilitointerni.over-blog.com/2022/09/la-glacero-de-l-apokalipso-pendas-nur-sur-fadeno-la-alarmo-de-la-esploristoj-pri-la-baldaua-estonta-katastrofo.html

03/10/2023

La asocioj Darwin Climax Coalitions, Sea Shepherd Francio, Wild Legal kaj Stop Eacop-Stop Total denuncas « faktojn, kiuj similas krimon kontraŭ la klimato  », laŭ ili.

Ili denuncas « faktojn, kiuj similas krimon kontraŭ la klimato  ». Kvar asocioj pri medidefendo plendis kontraŭ la grupo TotalEnergies kaj ties petrola projekto AECOP en Tanzanio kaj Ugando, anoncis iliaj advokatoj lundon 2an de oktobro.          

Darwin Climax Coalitions, Sea Shepherd France, Wild Legal kaj Stop EACOP-Stop Total en Ouganda deponis tiun plendon la 22an de septembro.

Tiu plendo estas laŭ ili « senprecedenca », ĉar ĝi asignas la societon TotalEnergies « ĉe la kriminala juĝisto pro faktoj, kiuj similas krimon kontraŭ la klimato, kaj kiu ĝis nun havis lokon nur ĉe la civilaj jurisdikcioj ». La plendo koncernas plurajn deliktojn: neagado fronte al damaĝoj, nevolaj atencoj kontraŭ tuteco de personoj, detruado, damaĝoj aŭ difektado de havaĵoj apartenantaj al aliulo, kio kreas danĝeron por la personoj, kaj nevola hommortigo.

TotalEnergies « ne havas konon pri tiu plendo »

TotalEnergies « ne havas konon pri tiu plendo kaj ne scias, kion ĝi celas », reagis la entrepreno, pridemandita de la Franca informagentejo. La societo « kondukas operacojn konformajn kun siaj normaj operacoj, kaj kun la leĝoj kaj reglamentoj », ĝi aldonis.

Pasintjare TotalEnergies anoncis akordon pri investado de 10 miliardoj da dolaroj kun Ugando, Tanzanio kaj la ĉina kompanio CNOOC, inkludante interalie la konstruadon de varmiga oleodukto (EACOP) de 1 443 kilometroj interrilatigante la petrolkampon de la lago Alberto, okcidente de Ugando, al la tanzania marbordo sur la Hinda oceano.

https://www.francetvinfo.fr/meteo/climat/climat-totalenergies-vise-par-une-plainte-au-penal-pour-des-projets-petroliers-en-tanzanie-et-ouganda_6096627.html

https://www.youtube.com/watch?v=blpS33oBFjc

08/07/2023

« La klimata ŝanĝiĝo estas eksterkontrolo », alarmas Unuiĝintaj Nacioj post tre tre varma semajno

http://neniammilitointerni.over-blog.com/2023/07/la-klimata-sangigo-estas-eksterkontrolo-alarmas-unuigintaj-nacioj-post-tre-tre-varma-semajno.html

12/07/2023

Ugando:  laŭ Human Rights Watch, la petrolprojekto de Total Energies estas « katastrofo »

http://neniammilitointerni.over-blog.com/2023/07/ugando-lau-human-rights-watch-la-petrolprojekto-de-total-energies-estas-katastrofo.html

29/11/2022

Ugando: kore de la kontestita giganta petrolprojekto de Total

http://neniammilitointerni.over-blog.com/2022/11/ugando-kore-de-la-kontestita-giganta-petrolprojekto-de-total.html

16/06/2020

Mozambiko: NeRegistara Organizaĵo akuzas Francion, ke ĝi kontribuas al la klimata krizo de la planedo per giganta gasprojekto

http://neniammilitointerni.over-blog.com/2020/06/mozambiko-neregistara-organizajo-akuzas-francion-ke-gi-kontribuas-al-la-klimata-krizo-de-la-planedo-per-giganta-gasprojekto.html

13/09/2023

La tempesto Daniel jam agadis antaŭ kelkaj tagoj, kiam diluvaj pluvoj frapis Grekion, Turkion kaj Bulgarion. Hodiaŭ, Libio estas tuŝata. La bilanco estas katastrofa.

La tempesto Daniel damaĝis Grekion, Turkion kaj Bulgarion. La damaĝoj estas teruraj. Ĝi okazigis almenaŭ 27 mortintojn en tiuj tri landoj. Tia meteologia fenomeno estas la rezulto de depresio blokita de la fluktuoj de la ŝprucfluo, en aranĝo kiun la meteologiistoj nomas « en omego ».

Ekstrema meteologia evento, kiu iĝos – kaj jam iĝas – pli kaj pli oftaj kaj intensaj pro la klimata varmiĝo.

Ekstrema meteologia evento, kies risko de apero kreskas kune kun la reduktoj de niaj emisioj de forcejefikaj gasoj, kiujn ni daŭre maltrafas.

La tempesto Daniel disvastiĝas al Libio

La tempesto Daniel tute ne finis sian antaŭeniron. Ĝi ĵus estigis novajn gigantajn inundojn. En Libio, ĉi-foje. La urbo Derno, kie vivas ĉirkaŭ 100 000 loĝantoj estis ĉi-dimanĉe deklarita « mortinta urbo ».       

La torentaj pluvoj, kiuj rezultis de ĝi estigis interalie rompon de du baraĵoj.   

Tutaj kvartaloj estis kunportitaj de la akvo. Humanitara agentejo raportis hieraŭ, ke la sukurskipoj trovis centojn da senvivaj korpoj en la inundita urbo. « Oficiala informfonto » elvokis siaflanke « almenaŭ 150 mortintojn ». Kaj la aŭtoritatoj de oriente de la lando jam anoncis 2 000 mortintojn. Laŭ ili, 5 000 personoj ŝajne malaperis. Nombroj, kiuj ĝis nun ne estis ankoraŭ konfirmitaj. Kvankam la Ruĝa-Kruco ŝajne taksas la nombron de mortintoj ĝis 10 000…

Katastrofaj inundoj en Libio

La bildoj publikigitaj en la sociaj retoj estas teruraj. Urĝa stato estis deklarita kaj internacia helpalvoko estis lanĉita.

La sciencistoj memorigas, ke la mediteranea regiono estos - kaj jam estas – draste tuŝata de la efikoj de la klimata ŝanĝiĝo.  

Laŭ la klimatologo Christophe Cassou, kiu esprimiĝas pri tiu temo en la apo X, « la regiono konsistigas veran ekzemplon de planeda zono, kiu perdas sian loĝeblecon por ĉiuj ».     

https://www.futura-sciences.com/planete/actualites/meteorologie-libye-devastee-pluies-diluviennes-bilan-victimes-annonce-catastrophique-107621/

At least 2,000 people were killed and thousands more were missing in eastern Libya after a massive flood tore through the city of Derna. Authorities from the interim government in Tripoli and in the east have both declared three days of mourning https://t.co/RRLhdZyS2r pic.twitter.com/SLLzOlsLKo

— Reuters (@Reuters) September 12, 2023

09/09/2023

Klimato. Almenaŭ 12 mortintoj en Turkio, Grekio kaj Bulgario post inundoj

« Mi timas, ke la senzorgaj someroj, tiaj ke ni ĝis nun konis, ĉesos ekzisti, kaj ke la estontaj someraj vivoj estos pli kaj pli malfacilaj. »

http://neniammilitointerni.over-blog.com/2023/09/klimato.almenau-12-mortintoj-en-turkio-grekio-kaj-bulgario-post-inundoj.html