Overblog Suivre ce blog
Administration Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton !

Ekde 03/01/2012

free counters
Free counters

Bonvenon

30 octobre 2016 7 30 /10 /octobre /2016 14:48

30/10/2016

Foto: Ekologiistoj manifestacias kontraŭ la naftokondukilo en Norda Dakoto, la 24an de oktobro 2016 en Beverly Hills, Kalifornio. Photo DAVID MCNEW. AFP

http://www.liberation.fr/societe/2016/10/28/etats-unis-117-arrestations-pres-du-chantier-d-un-oleoduc_1524843

Cent dek sep personoj estis arestitaj, ĵaŭdon 27an de oktobro, de la polico en Norda Dakoto, apud la konstruejo de la naftokondukilo "Dakota Access Pipeline" (DAP), denuncita interalie de la Indianoj de la grandaj prerioj norde de Usono. 

Dum interpuŝiĝadoj, pafoj vundis personon ĉe la mano « trude evakuitan el la vojo fare de manifestaciantoj ». Dumnokte, pluraj brulboteloj estis ĵetitaj al la policistoj kaj pluraj fajroj estis flamigitaj, dum la incidentoj daŭris inter manifestaciantoj kaj policistoj.

La manifestaciantoj blokadis du vojojn, kaj jam de pasinta semajnfino instaliĝis sur privataj terenoj, rakontis porparolanto de la siua tribo de "Standing Rock". « La policistoj rebatis per neproporciaj rimedoj », laŭ la prezidento de la tribo, Dave Archambault, en komunikaĵoj ĵaŭdon vespere.

La indiana tribo konsideras, ke la naftokondukilo minacas siajn fontojn de trinkebla akvo kaj plurajn areojn, kie iliaj prauloj estas enterigitaj. Ili  petis de la prezidento Barack Obama, ke li intervenu por ĉesigi tiun konstruejon, kaj lanĉu enketon pri la « ekscesoj de la policistoj en la areo », laŭ la diroj de unu el iliaj porparolantoj, Sue Evans.

La naftokondukilo de la "kompanio Energy Transfer Partners" devas trapasi kvar Usonajn Ŝtatojn, kaj alkonduki la nafton ekstraktitan en Norda Dakoto, ĉe la kanada landlimo, ĝis Ilinojso, pli sude. Ĝi estigis tiujn pasintajn monatojn, kreskantan movadon de kontestado, fare de la indianaj triboj, de ekologiistoj kaj defendantoj de la indianaj rajtoj. 

Antaŭ du semajnoj, la usona registaro petis provizoran ĉesigon de tiu konstruejo, en trankviliga celo, kaj tio malgraŭ la antaŭa decido de juĝisto permesanta daŭrigon de la konstruado.

La konstruejo tamen rekomenciĝis la 11an de oktobro.             

neniammilitointerni - dans medidefendo
6 octobre 2016 4 06 /10 /octobre /2016 08:06
Motorciklo ŝarĝita per bananoj kolektitaj surloke, parkumita apud plantejo en la urbo Mundemba kaj la vilaĝo Fabe, en Kameruno, la 8an de junio 2012.
Motorciklo ŝarĝita per bananoj kolektitaj surloke, parkumita apud plantejo en la urbo Mundemba kaj la vilaĝo Fabe, en Kameruno, la 8an de junio 2012.

06/10/2016

Sumo de 244 farmistoj, plendis en Kameruno kontraŭ usona entrepreno, kiu volas planti 20 000 hektarojn da oleopalmoj sud-okcidente de la lando, indikas mardon komunikaĵo de Greenpeace.

La terkultivistoj en konflikto kun la "SG Sustainable Oils Cameroon" (SGSOC), filio de la usona entrepreno Herakles Farm, plendis antaŭ la tribunalo de la komunumo Bangem pro malobservado de la proprieta rajto. La unua aŭdienco okazos la 9an de novembro, indikas "Greenpeace" en sia komunikaĵo.

Sumo de 231 terkultivistoj en la vilaĝo Nguti opinias, ke la SGSOC ne respektas la 5-kilometran neŭtran areon, kies celo estas la protektado de iliaj propraj bienoj.

Akaparado de teroj

« En la vilaĝo Babensi II, ankaŭ dek tri farmistoj plendis antaŭ justico post konfiskado de iliaj teroj fare de la SGSOC, sen konsultado kaj antaŭ-akordoj », asertas "Greenpeace".

"Greenpeace" lanĉas kun aliaj asocioj, peticion por eviti la pluigon en novembro de la provizora bienkontrakto, akordita en novembro 2013 fare de la kameruna registaro al la SGSOC.

La arbara areo koncernata entenas esceptan biodiversecon, nome gravan populacion de ĉimpanzoj kaj arbaraj elefantoj.

neniammilitointerni - dans medidefendo
27 août 2016 6 27 /08 /août /2016 11:25
Centoj da Siuoj manifestaciis, postulante de la aŭtoritatoj, ke ili haltigu la konstruadon de naftokondukilo apud ilia rezervejo "Standing Rock".
Centoj da Siuoj manifestaciis, postulante de la aŭtoritatoj, ke ili haltigu la konstruadon de naftokondukilo apud ilia rezervejo "Standing Rock".

27/08/2016

La Indianoj de Standing Rock, en Norda Dakoto (Usono), pretas al batalo por protekti sian rezervejon. Ili luktas kontraŭ la konstruado de naftokondukilo de 3,8 miliardoj da dolaroj, kiu trapasas ilian teritorion. « Tio alportos malutilon al mia popolo, sed ankaŭ poluados la akvon de la rivero Misuro, kiu estas unu el la plej puraj kaj sekuraj en Usono », eksplikas la prezidento de tiu siua rezervejo, David Archambault II, citita de The Huffington Post (en la angla).

Krome, la kondukilo trapasas sakralajn lokojn por la Indianoj.

La kontestado kreskas de kelkaj tagoj, kaj kolektis centojn da manifestaciantoj. La loĝantoj de tiu rezervejo postulas de la aŭtoritatoj, ke ili haltigu la konstruadon de tiu kondukilo. Tiu ĉi planas alkonduki po 500 000 barelojn tage de Norda Dakoto ĝis Ilionojso.

neniammilitointerni - dans medidefendo
10 août 2016 3 10 /08 /août /2016 12:23
© D.R.
© D.R.

10/08/2016

La manifestacioj okazintaj ĉi-semajnfine en Lianjungango trudis la aŭtoritatojn de la urbo, interrompi sian partoprenon al la projekto de konstruado de uzino pri traktado de nukleaj bruligaĵoj, al kio devas partopreni Areva.

La manifestacioj tiujn lastajn tagojn, ŝancelis la municipon Lianjungangon, oriente de Ĉinio. Ĉi-semajnfine, miloj da personoj surstratiĝis, svingante flagrubandojn, kaj kriante sloganojn antaŭ la publikaj konstruaĵoj. Ili maltrankviliĝas pro la eblaj nocaj efikoj kontraŭ naturmedio de estonta ĉina-franca uzino pri traktado de uzitaj nukleaj bruligaĵoj.

En ties oficiala konto de mikroblogoj, la municipo de 700 000 loĝantoj tuj poste anoncis, ke ĝi « portempe interrompos » sian partoprenon al la procezo pri elekto de loko, por tiu estonta nuklea areo, al kiu devas partopreni Areva.

Decidiga projekto por Areva

Kadre de projekto de disvolviĝo, la franca societo subskribis en 2015 protokolon de akordo kun la ĉina giganto CNNC, pri uzino de traktado-recikligo de la uzitaj bruligaĵoj en Ĉinio – sed neniu loko estis malkaŝita. Tiu projekto estas juĝita kiel decidiga por la franca grupo, kiu turniĝas al la mastrumado de ciklo de bruligaĵoj.

Xu Dazhe, prezidanto de la "Ĉina agentejo pri Atomenergio", konfirmis pasintan marton, ke la intertraktado kun Areva daŭras, sed ke « multo restas por fari antaŭ subskribi la intertraktadon, samtempe teknike kaj negoce ».

Kreskanta ekologia konscienco

Tamen, la loĝantoj de Lianjungango, havenurbo de la provinco Ĝjangsuo, timas, ke ilia urbo estos finfine elektita por instali tiun uzinon de traktado, ĉar nova ampleksa atomcentralo estas nun konstruata tutproksime, fare de CNNC. Siaflanke, Usono maltrankviliĝis en printempo, vidi kreskadon de radioaktivaj materialoj en Orienta Azio, aliparte pro la projektoj de urania traktado.

La manifestacioj kontraŭ industriaj areoj, kondukitaj fare de malkvietaj loĝantoj ne estas maloftaj en Ĉinio, kie la mezklaso pli zorgas pri medio, kaj kutime kondukas al forlaso de la projektoj. Pasintjare, ekzemple, oficialuloj de Interna Mongolio promesis fermi plurajn kemiajn uzinojn post manifestacioj, kontraŭ kiuj la polico ŝajne utiligis plorigajn gasojn.

neniammilitointerni - dans medidefendo
10 juillet 2016 7 10 /07 /juillet /2016 12:22
Manifestacio de la "NRO Copinh" okaze de la morto de Berta Cáceres. Ankaŭ Lesbia Janeth Urquia estis membro de tiu NRO. ORLANDO SIERRA / AFP
Manifestacio de la "NRO Copinh" okaze de la morto de Berta Cáceres. Ankaŭ Lesbia Janeth Urquia estis membro de tiu NRO. ORLANDO SIERRA / AFP

10/07/2016

Ŝia nomo aldoniĝas al la longa listo de ekologiistaj geaktivuloj murditaj en Honduro. Kvar monatojn post la morto de ŝia kolegino, Lesbia Yaneth Urquía Urquía estis mortigita per maĉeto merkredon 6an de julio. La aktivulino, 49-jaraĝa, aniĝis ankaŭ al la NRO Copinh, "civita konsilio de la popolaj kaj indianaj organizaĵoj de Honduro".

Lesbia Yaneth Urquía Urquía
Lesbia Yaneth Urquía Urquía

Ŝi kontraŭstaris projekton de hidroelektra baraĵo sur hundura rivero, apud kiu vivas indianaj popoloj.

Ĝis nun, neniu indico pri la identeco de la murdintoj ekzistas, sed ĉio indikas, ke Lesbia Yaneth Urquía Urquía estis murdita pro ŝia engaĝiĝo favore al defendado de naturmedio.

Antaŭ kvar monatoj, Berta Cáceres, alia aktivulino de la ekologia NRO Copinh estis mortigita. Ankaŭ ŝi, luktis kontraŭ la konstruado de baraĵo. Kvin suspektatoj estis poste arestitaj, ligitaj kun entrepreno, kiu minacis je morto Berta Cáceres.

Honduro : Lesbia Yaneth Urquía Urquía, plia murdo de ekologiista aktivulino

Tomas Gomez Membreño, direktoro de la "NRO Copinh", maltrankviliĝas. « Laŭ ni, tiu plia politika murdo signifas, ke la defendantoj pri homaj rajtoj spertas daŭran minacon, sed ankaŭ tiuj, kiuj pace luktas por teritorioj. Tio estas nia konjektita estonteco : ili murdos nin, kaj se ili povas, ili malliberigos nin. »

Laŭ Tomas Gomez Membreño, li ne ricevas subtenon de la aŭtoritatoj en la lukto kontraŭ ekscesoj de la multnaciaj entreprenoj. « De ĉirkaŭ dek kvin tagoj, la polico komencis pridemandi personojn en malgrandaj komercejoj, por scii kion ni faras. Ili parolas pri ni kiel deliktintoj. Ni spertas malamikecan periodon. »

Laŭ la raporto de la NRO Global Witness, 109 ekologiistaj geaktivuloj estis mortigitaj en Honduro, inter 2010 kaj 2015.

neniammilitointerni - dans medidefendo
5 juillet 2016 2 05 /07 /juillet /2016 11:51
En Ĉinio, la instalado de ege poluantaj uzinoj estigas koleron de la loĝantaro. REUTERS/Kim Kyung-Hoon
En Ĉinio, la instalado de ege poluantaj uzinoj estigas koleron de la loĝantaro. REUTERS/Kim Kyung-Hoon

05/07/2016

La Ĉinan sudon skuis perfortaj kolizioj ĉi-semajnfine. Loĝantoj manifestaciis kontraŭ projekto de cindrigilo, en la provinco Kantono. Konstruado suspektata pri poluado de la riverakvo, tute proksima. Tiuj incidentoj estas kromaj signoj de la kreskanta kolero en la lando. En la kamparo de tiu lando, 80% el la akvo-tavoloj ne estas trinkeblaj.

La oficiala versio pri la perfortaj kolizioj en Lubu estas jena : « aktivuloj instigis la homamason ataki la urbodomon ». Policistoj ŝajne estis vunditaj, kaj dudek manifestaciantoj arestitaj.

La cindrigilo, kiu estigas la koleron de tiu urbo je 70 000 loĝantoj, estos konstruata tute apud la rivero Xi. Laŭ loĝantino, citita de la novaĵagentejo AP, la poluado de aero kaj akvo kaŭzas maltrankviligon, ĉar la rivero estas fonto de la trinkebla akvo en la urbo.

La surloka registaro anoncis haltigon de la projekto, sed la loĝantoj ne fidas ĝin. Ĉi-lunde, ĉirkaŭ miloj inter ili denove surstratiĝis.

Zorgoplenaj pri ilia sano, kaj informitaj pri la multnombraj industriaj katastrofoj, pli kaj pli da Ĉinoj spitas malpermeson pri manifestacio, kelkafoje kun sukceso. Tiu sukceso okazis ekzemple en la havena urbo Sjamen, kie la aŭtoritatoj devis rezigni pri la konstruado de uzino da kemiaj produktaĵoj en 2007. Sama uzino, finfine realigita en Ĝanĝou, pli norde, diskoniĝis pasintjare, kiam grava incendio okazigis tie multajn vunditojn.

neniammilitointerni - dans medidefendo
27 mars 2016 7 27 /03 /mars /2016 10:43
Sud-Afriko : polemiko post la murdo de defendanto de naturmedio

27/03/2016

En Sud-Afriko, la murdo de defendanto de naturmedio en la provinco de Orienta Kablando estigas indignon. Sikhosiphi Radebe, famkonatulo de la loka komunumo, aktivegis kontraŭ projekto de sablo-ekstrakto laŭlonge de la sudafrika Sovaĝa marbordo. Tiu murdo sekvas jardekon da minacoj kaj perfortaj agoj kontraŭ la surloka komunumo, ege dispartigita fare de tiu projekto.

Sikhosiphi « Bazzoka » Radebe estis murdita sub la rigardo de ties virino kaj 15-jaraĝa filo. Viroj policvestitaj okfoje pafis al li antaŭ ol malaperi en la nokton.

Sikhosiphi Radebe prezidis la "Krizkomitato de Amadiba". Elektita de lia komunumo, li luktis kontraŭ la minprojektoj de la aŭstralia societo MRC, kiu planas ekspluatadi la plaĝojn kaj dunojn de la sudafrika sovaĝa marbordo, por ekstrakti titanon, zirkonon kaj rutilon. Profitdona aktivaĵo, kiu utilas kiel « akcelilo por la socia evoluo de unu el la plej malriĉaj komunumoj en Sud-Afriko », laŭ MRC.

Sud-Afriko : polemiko post la murdo de defendanto de naturmedio

Misteraj murdoj

Tamen, la ambicioj de la aŭstralia societo fakte dispartigas profunde la surlokan loĝantaron inter opoziciuloj kaj defendantoj de tiu projekto, kiu riskas detruadi praajn terojn. De preskaŭ 10 jaroj, la nombro de viktimoj senĉese kreskas. Antaŭ Sikhosiphi Radebe, aliaj opoziciuloj al la projekto estis vunditaj aŭ minacitaj. Pluraj eĉ mistere mortis.

Hodiaŭ, pli ol 100 organizaĵoj el la sudafrika civila socio postulas interrompadon de la borado, ĝis kiam tiu afero estos klarigita.

La murdo de la prezidanto de la "krizkomitato de Amadiba" estis denuncita de la "Institucio pri Minoj en Sud-Afriko", kaj sindikatoj.

neniammilitointerni - dans medidefendo
10 mars 2016 4 10 /03 /mars /2016 13:55
Aktivuloj de Greenpeace tenas maizan spikon dum manifestacio kontraŭ la GMOj, la 29an de septembro 2015 en Meksikurbo. PHOTO ALFREDO ESTRELLA / AFP
Aktivuloj de Greenpeace tenas maizan spikon dum manifestacio kontraŭ la GMOj, la 29an de septembro 2015 en Meksikurbo. PHOTO ALFREDO ESTRELLA / AFP

10/03/2016

La usona multnacia firmao "Monsanto" intencas utiligi la agrokulturan reformon planitan de la registaro por enkonduki GMO-semojn en la meksikan agrikulturon. Perspektivo, kiu incitas multajn famulojn en la lando.

La giganto de la agro-industrio "Monsanto" plivastigas sian kampon por siaj transgenaj semoj : Meksiko, en kiu prepariĝas reformo de agrikulturo, unu el la promesoj de la prezidento Enrique Peña Nieto. « La nova leĝaro, se ĝi estus alprenita, povus ebligi eniron de la transgena maizo », notas la meksika revuo Siempre.

La reformo nun studata, proponas « privilegii la investojn de eksterlandaj privataj entreprenoj en la sektoro, en rilato kun la agrokulturaj ekspluatantaj terposedantoj », eksplikas la retpaĝaro CNN Expansión.

Unu el siaj aspektoj konsistas en « devigo al intertraktado » por ambaŭ partoj – industrioj kaj terposedantoj - por plivalorigi la grundojn », aldonas CNN Expansión.

Laŭ ties oponantoj, tiu projekto estas konsiderata kiel blanketo konsentita interalie al la transgenaj semoj.

Rezistado

Malpermesita en 2013, la kulturo de GMO-maizo estis denove permesita fare de justica decido la 19an de aŭgusto 2015, kaŭzante la koleron de gastronomiaj famuloj, kiuj alarmis la publikon pri la konsekvencoj de tiuj kulturoj pri sano kaj biodiverseco, malfavore al la surlokaj semoj, skribis tiam CNN Expansión.

De tiam, la loĝantaro senĉese kontraŭstaras la transgenajn semojn.

Tri kvaronoj el la meksikanoj konsideras, ke ofta konsumado de nutraĵoj genetike modifitaj estas danĝera al sano, laŭ opinisondo de la "Nacia instituto de statistiko" menciita de la hispana ĵurnalo El País.

Post tri jaroj da batalo, la indiĝenoj majaoj en Jukatanio kaj Kampeĉo (sud-oriente de la lando) akiris en septembro 2015 interrompon de la projekto de "Monsanto" pri la produktado de GMO-sojoj, eksplikas Siempre.

Sed la multnacia firmao persistas, konstatas El País. « Ĝi kalkulas nun pri la agrikultura reformo por disvastiĝi en Meksiko » kaj lanĉas allogan kampanjon, eksplikante al la amaskomunikiloj kaj famuloj, ke « tridek landoj uzadas sen problemo tiujn teknikojn (GMO) », kaj ke tiuj ĉi estas « necesaĵo » por la lando, prefere al importado de « 10 milionoj da tunoj da grajnoj ĉiujare el Usono ».

neniammilitointerni - dans medidefendo
30 janvier 2016 6 30 /01 /janvier /2016 13:33
Nuklea centralo de Tihange, Belgio
Nuklea centralo de Tihange, Belgio

30/01/2016

Laŭ ekspertoj, Eŭropo povus sperti la plej gravan nuklean riskon de post Ĉernobilo, pro la refunkciigo fare de Belgio, de du malnovaj centraloj plenplenaj de fendetoj.

Incendio kaj eksplodo difektis unu el la maljuniĝantaj reaktoroj antaŭ kelkaj semajnoj, kaj eĉ la belga direktoro pri nuklea sekureco postulis kontrolojn, post malkovro de 16.000 fendetoj! Ĉiuj najbaroj de Belgio, estus rekte tuŝataj de tia katastrofo. Proksime de la landlimoj, la germanaj kaj nederlandaj civitanoj surstratiĝas por manifestacii. Belgio deziras oficialigi sian decidon, ne kalkulante pri la opinio de la najbaraj landoj. Sed se ni estas sufiĉe multnombraj, kiuj alarmas en la 72 venontaj horoj, ni povas halti tiun frenezaĵon kaj akiri de Eŭropa Unio tion, kion la Belgoj provas eviti : sendependan taksadon pri la riskoj.

En la venontaj 72 horoj, ni bruege distrumpetu kaj ni devigu la estrojn de EU taksi la sekurecon de la centraloj, aŭ tutsimple fermi ilin. Subskribu nun por eviti venontan Ĉernobilon, kaj ni faru de tiu ago novan etapon en la batalo por energioj propraj kaj sekuraj por ĉiuj.

Belgio : pli ol  436.000 subskriboj por « eviti novan Ĉernobilon »

Al la membroj de la Parlamento, al la belga, franca, kaj ĉiuj registaroj koncernataj en Eŭropa Unio.

Kiel civitanoj koncernataj ĉie en Eŭropo, ni petas de vi, ke vi procedu tuj al nova taksado pri media translima efiko, konforme al la aranĝoj de la instrukcio EIE de EU kaj de la Konvencio Espoo de UN. Tiu etapo estas decidiga por haltigo de la belgaj reaktoroj de Doel et Tihange, pro la maltrankvilo kaŭzita de multaj likadoj, fendetoj, eĉ provoj de sabotado en tiuj centraloj. Publika sekureco estas prioritato.

neniammilitointerni - dans medidefendo
6 décembre 2015 7 06 /12 /décembre /2015 15:23
Rodion Suljandziga, reprezentanto de la Udiga popolo aktivadas favore al la defendo de la siberia arbaro, kaj rajto de la loĝantoj Norde kaj Oriente de la lando.
Rodion Suljandziga, reprezentanto de la Udiga popolo aktivadas favore al la defendo de la siberia arbaro, kaj rajto de la loĝantoj Norde kaj Oriente de la lando.

06/12/2015

Rodion Suljandziga, 49-jaraĝa estas Udego, tribo vivanta oriente de Siberio, Rusio, en praarbara teritorio de 4500 kvadrataj kilometroj, ege enviata de la ligno-ekspluatantoj. Li eksplikas, kial la vojaĝis al Parizo, kun aliaj membroj de la "Internacia Forumo de la Indiĝenaj Popoloj pri klimata ŝanĝiĝo", kiu grupigas loĝantojn de Azio, Afriko, Arkto, Amerikoj, Pacifiko kaj Rusio.

« Udego signifas « popolo de la arbaro ». Kiel la aliaj indiĝenaj popoloj de Rusio, ni estas ĉe la unua linio fronte al la klimata ŝanĝiĝo, ĉar ni vivas meze de la naturo. La 44 indiĝenaj popoloj de Rusio reprezentas ĉirkaŭ 300.000 personojn – ni estas nur 160 Udegoj. Ni batalas kontraŭ ekspluatado de la arbaro, por niaj rajtoj, nia lingvo, kun la ekologiistaj NROj ».

« Ni jam observas la efikojn de la klimata ŝanĝiĝo kontraŭ nia medio. La vetero ne estas prognozebla, pli kaj pli da arbaraj fajroj kaj inundoj okazas. Ĝenerale, la indiĝenaj popoloj estas malbone informitaj pri la minaco, kaj eĉ en la regiona registaro, ekkonscio ne okazas. Koncerne Moskvon, tio estas alia mondo, situanta okhoran aviadilvojaĝon for, kaj kun 7 horoj da hordiferenco. Grandega diferenco ekzistas inter la deklaracioj de Kremlo kaj la ĉiutaga vivo en Siberio.».

Rusio : Rodion Suljandziga, voĉo de la indiĝenoj

« Politike, kelkaj opinias, ke plivarmiĝo estas taŭga evento por la ekonomio, ke tio ebligos pli da komerca navigebleco, pli da agrikulturo, pli da alireblecoj al krudmaterialaj resursoj. Grandaj komercaj projektoj estas lanĉitaj sen zorgo pri la mediaj konsekvencoj, dum prudento estus necesa. Ni havas neniujn infrastrukturojn por anticipi aŭ interveni en katastrofon, ŝippereon aŭ naftoellasiĝon, kiel tio okazis en la Meksika golfo. Svedio volas haltigi la disvolviĝon de fosiliaj energioj, tio estas kuraĝega. Rusio devus fari la samon

« Ni ĉiuj atendas tutmondan altrudan akordon. Ni scias, ke la intertraktadoj estas malfacilegaj, sed tio estas historia okazo

« Ni estas ŝokitaj vidi ke la mencio pri respekto de la « homaj rajtoj por ĉiuj, inkluzive de la indiĝenoj », ĉeestanta en la artikolo 2 de la teksto, estas minacita malaperi sub premo de kelkaj intertraktantoj. Aliparte, ni deziras aperi kiel « popoloj » kies rajtoj estas agnoskitaj de UN, kaj ne kiel « indiĝenoj ».

http://www.liberation.fr/planete/2015/12/05/rodion-sulyandziga-la-voix-des-indigenes-de-russie_1418311

https://www.youtube.com/watch?v=cxJxdERb_QI

neniammilitointerni - dans medidefendo
Créer un blog gratuit sur overblog.com - Contact - CGU -
.date span.text {display:none ; }