Overblog
Suivre ce blog Administration + Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton!

Ekde 03/01/2012

free counters
Free counters

Bonvenon

12 novembre 2021 5 12 /11 /novembre /2021 19:06

12/11/2021

La indiĝenino Txai Suruí 24-jara logis la tutan mondon, kiam ŝi esprimiĝis dum la malfermado de la COP 26, tiu pintkunveno de Unuiĝintaj Nacioj pri la klimato.

Ŝia parolado estigis kritikojn de la prezidento Jair Bolsonaro, kiu menciis ŝin sen eldiri ŝian nomon kaj deklaris, ke ŝi partoprenis al la COP por « ataki Brazilon ».

La prezidento ne iris al la konferenco, kiu okazis en Glasgovo.

« Post mia parolado, la prezidento Jair Bolsonaro atakis min, ĉu ne ? dirante, ke mi venis ĉi tien por ataki Brazilon », deklaris Txai Surui al la ĵurnalistino Nathalia Passarinho, kiu raportis de Skotlando.

« Sed fakte, mi venis por raporti pri la realeco de la indiĝenaj popoloj ».

« Post mia parolado, mi ricevis multajn rasismajn, mizoginajn, malamegajn mesaĝojn en la sociaj retoj. Falsaj informoj deziris miskredigi miajn dirojn, mian personon. Tiu lukto tamen ne nur estas mia », ŝi aldonis.

Txai apartenas al la etno Paiter-Suruí. Ŝia patro, Almir Surui, estas unu el la plej konataj indiĝenaj gvidantoj en la lando, kaj li severe kritikas la registaron de Jair Bolsonaro. Ankaŭ ŝia patrino, Ivaneide, estas aktivulino.

La junulino estas la unua en sia popolo, kiu studas jurosciencon, kaj ŝi estas en la lasta duonjaro de sia kursaro.

Ŝi kreis la Movado de la Indiĝena Junularo de Rondonio komence de la jaro 2021. La organizaĵo enkalkulas jam ĉirkaŭ 1 700 membrojn.

 

Plendo kontraŭ la brazila Ŝtato

Ĉi-jare, la juna aktivulino intense agadis. En aprilo, kun kvin aliaj junuloj, ŝi plendis kontraŭ la brazila Ŝtato ĉe la tribunalo de San-Paŭlo pro ne-respekto de ĝiaj klimataj engaĝiĝoj. Pli precize, la plendo havas kiel celon nuligi tekston, ekvaliditan pasintan decembron, kiu ebligas al Brazilo emisii pli da forcejefikaj gasoj ol promesitaj por 2030.

02/11/2021

« Ni ne povas manĝi karbon » : jen la devizo de la aktivulino Vanessa Nakate

http://neniammilitointerni.over-blog.com/2021/11/ni-ne-povas-mangi-karbon-jen-la-devizo-de-la-aktivulino-vanessa-nakate.html

neniammilitointerni - dans medidefendo
7 novembre 2021 7 07 /11 /novembre /2021 19:15
JONAS GRATZER/LIGHTROCKET VIA GETTY IMAGES

07/11/2021

Inter la konsekvencoj de la klimata varmiĝo figuras unue tiuj 200 000 personoj, kiuj povus esti kondukitaj forlasi siajn regionojn de nun ĝis la jaro 2050.

En Barato, la klimataj rifuĝintoj estas pli kaj pli multnombraj.

Oriente de Barato, du insuloj el kvindek jam estas subakvigitaj pro la leviĝo de la akvo kaj la ciklonoj en la Ganga Delto. Pluraj klimataj rifuĝintoj jam migras de tero al alia, laŭ la naturkatastrofoj.

« Kiam ciklono alvenas, mi kunprenas miajn infanojn kaj mi forkuras. Mi fermas la domon sed mi ne scias kien iri por esti en sekureco (...) neniu loko ŝajnas sekura », atestas Tuki Rani, unu el la loĝantinoj.

 

250 milionoj da klimataj rifuĝintoj de nun ĝis 2050 laŭ UN

Ses monatojn post la pasado de ciklono, multaj el tiuj loĝangoj vivas en kabanoj aŭ en lokoj, kie resursoj kruele mankas.

« Ĉi tie ni ne trovas freŝajn nutraĵojn, neniu povas kultivi aŭ rikolti. Kio maltrankviligas min estas kiel mi sukcesos nutri mian familion », deklaras rizkultivisto.

Barato estas la tria lando, kiu plej emisias forcejefikan gason monskale. UN opinias, ke 250 milionoj da personoj estos devigataj formigri pro la klimataj incidentoj de nun ĝis la jaro 2050.

Klimato : mobilizadoj en la mondo postulas decidojn kontraŭ la plivarmiĝo

Dekoj da miloj da personoj paŝadis sur la stratoj de Glasgovo por postuli agojn fronte al la klimata perturbo.

En momento, kiam okazas la COP26, la manifestaciantoj postulas interalie decidojn por la malriĉaj landoj de Sudo, kiuj jam suferas pri la varmiĝo.

Kolektiĝoj okazis pasintan sabaton en la tuta mondo.

En Londono, almenaŭ mil aktivistoj kolektiĝis antaŭ la Angla Banko, por krii, ke « dua planedo ne ekzistas ».

Laŭ Sue Hampton, 64-jara, manifestaciantino de Hertfordshire : « La nura forto, kiu ŝajne progresigas la aferon, jen en la publika opinio, jen en la registaroj, estas la popolo, la potenco de la popolo ». 

« Se Greta Thunberg, Extinction Rebellion kaj ĉiuj ĉi manifestacioj ne ekzistus, la politikistoj ne moviĝus. Ni devas konservi tiun elanon ».    

En Bruselo, la polico arestis grupon de aktivistoj de la movado Extention Rebellion, kiuj kuŝis sur la ŝoseo.   

La aktivistoj planis tiri ŝipon ĝis la Parlamento kiel simbolo de plivarmiĝo.

En Turkio, kiu suferas pri ripetita sekeco, la klimataj aktivistoj surstratiĝis en komerca kvartalo de Istanbulo, por postuli urĝajn decidojn.

Laŭ Baris Gencer Baykal, docento ĉe la Universitato Yeditepe : « La COP26 formulis celojn por la jaro 2050, sed ni volas, ke la eliro el karbo estu plifruigita. Oni ne plu povas prokrasti, la klimata ŝanĝiĝo pli kaj pli sentiĝas ».

Laŭ la lastaj taksadoj de Unuiĝintaj Nacioj, la mondo direktiĝas nun al « katastrofa » plivarmiĝo je plus 2,7 gradoj kompare kun la antaŭ-industria periodo.         

neniammilitointerni - dans Medidetruado medidefendo
6 novembre 2021 6 06 /11 /novembre /2021 15:06
Foto : Handout

06/11/2021

Malgraŭ la morto-minacoj, la kolombia juna aktivulo Francisco Vera ne rezignas. Nur 12-jara, li faris de la ekologia lukto sian vivmotivon kaj iris al Glasgovo por la COP26, kiun li dokumentas en la sociaj retoj.

Same kiel la sveda Greta Thunberg, ĉie en la mondo, la junularo pli kaj pli mobiliziĝas por batali por la medio. Tio estas la kazo de Francisco Vera. Malgraŭ sia aĝo, tiu medidefendanto sentas sin koncernata de la temo de antaŭ pluraj jaroj.

« Mi kreskis en la montoj kun anasoj, kokinoj, kaproj kaj birdoj, li konfidis al la BBC. Tio instigis min defendi la bestajn rajtojn kaj poste fariĝi ekologiista aktivulo ».

En video diskonigita de la hispana ĵurnalo El País, Francisco Vera filmas en la COP26 kaj ŝajnas kontentega partopreni la pintkunvenon. Surloke, li aliparte renkontis Greta Thunberg kaj interparolis kun ŝi.

Ŝi gratulis lin kaj deklaris : « Vi estas inspira fonto por multaj junuloj en la mondo, kaj ĉefe por mi ».

En Kolombio, la etoso estas danĝera por la medidefendantoj, substrekas El País :

« De antaŭ du jaroj, Kolombio estas lando, kiu afiŝas rekordon pri la nombro de murdoj de ekologiistaj aktivuloj, 65 personoj estis mortigitaj en 2020, laŭ la NRO Global Witness. »     

Pro tio, la morto-minacoj lanĉitaj kontraŭ Francisco Vera estis serioze konsiderataj fare de Iván Duque, prezidento de Kolombio.

Laŭ la kolombia magazino Semana, li deklaris : « Ni persekutos la huliganojn, kiuj minacas tiun infanon, tio estas netolerebla. Tiuj, kiuj faris tion aperos ĉe tribunalo ».  

La knabo estis celita per minacoj post publikigo en Tvitero de unu el liaj videoj, en kiu li petas de la kolombia registaro, ke ĝi provizu konvenan konekton al Interreto.

La celo estis ebligi al ĉiuj lernejanoj sekvi la kursojn organizitajn distance pro la pandemio.

Sed la minacoj ne malkuraĝigis Francisco Vera, tute male. De Glasgovo, li daŭrigas sian lukton por pli bona mondo.    

Camille Dalicieux

En la video, Francisco Vera deklaras :

« Tiu temo pri la klimato kaj klimata ŝanĝiĝo, estas ankaŭ ligita al la perdo de biodiverseco kaj kompreneble de ĉiuj ekosistemoj damaĝitaj de la industria keskado kaj progreso. Pro tio, mi invitas ĉiujn amerikajn popolojn esprimiĝi kaj atentigi la registarojn de la tuta mondo pri ĉiuj ĉi temoj ».

https://www.facebook.com/franciscoactivistaoficial

https://twitter.com/franciscoactiv2?fbclid=IwAR3fTpp0U48NHwA7BTtMBqP2vpbZ3LJhzm2brnkkxJXrLAzx6Phvc3peybo

neniammilitointerni - dans medidefendo
4 novembre 2021 4 04 /11 /novembre /2021 22:03
ROMY ARROYO FERNANDEZ / NURPHOTO / AFP

04/11/2021

Protekto de la arbaroj, karbon-neŭtraleco de la entreprenoj… ritme de la tamburoj, pluraj centoj da medidefendantoj denuncis merkredon sur la stratoj de Glasgovo tion, kio okazas dum la COP26, kaj kion ili konsideras « ekomaskerado ».

Laŭ tiuj manifestaciantoj, simbole verdvestitaj aŭ provizitaj per kuiriloj, la grandaj anoncoj menciitaj ĝis nun dum la UN-konferenco pri klimato, kiu daŭros ĝis la 12an de novembro en tiu skota urbo, ofte resumiĝas je « ekrano de verda fumo ».  

Respondante al la alvoko de la movado Extinction Rebellion, ili elmontris afiŝtabulojn petantajn « agojn » kaj « finon de la fosiliaj energioj ».

« Ni denuncu tiujn entreprenojn kaj tiujn registarojn, kiuj pretendas fari ion – nome verdan programon – sed kiuj (...) faras la tutan malon kaj detruas la planedon », financante senarbarigon aŭ ekstratadon de fosiliaj energioj, denuncis Richard Baxter, instruisto 60-jara.   

Prefere ol ĉasi la fantomojn per la ekipaĵoj de « Ghostbusters » kion li surhavis, li ĉasas tiujn, kiuj praktikas « ekomaskeradon », li eksplikis, ĉar necesas « veraj engaĝiĝoj sekvataj de agoj (...), ne post dek aŭ dudek jaroj, sed nun ».

« La estroj devas konsideri la klimatan ŝanĝiĝon tiel serioze kiel ili faris koncerne la Kovim : ili agadu rapide, ĉar malmulte da tempo restas al ni por procedi al la necesaj ŝanĝoj » -  Mei Moore - Londana hejmpatrino 45-jara

Kun prognozo pri varmiĝo de la planedo limigita je +1,5°C, la landoj estas instigitaj fari pli por bremsi la klimatan ŝanĝiĝon kaj protekti la loĝantojn el la jam kurantaj katastrofoj. La COP26 estas pro tio konsiderata kiel decidiga.

Post du tagoj da pintkunveno de la Ŝtatestroj kaj registarestroj kaj anoncoj pri lukto kontraŭ senarbarigo kaj redukto de metangaso en la atmosfero, la privata sektoro ankaŭ mobiliziĝis. Pluraj centoj da financaj aktoroj nun engaĝiĝis por atingi karbo-neŭtralecon.

Laŭ la aktivulino Lou Romain, 27-jara, la solvo necesigas kriminaligon de « ekocido », nome « amasa detruado de la ekosistemoj ».

« Engaĝiĝoj okazas de dudek jaroj », ŝi eksplikas. « Vera admono estus necesa ».        

28/10/2021

Internacia Amnestio postulas urĝan helpon al Madagaskaro, kiu  alfrontas sekecon

http://neniammilitointerni.over-blog.com/2021/10/internacia-amnestio-postulas-urgan-helpon-al-madagaskaro-kiu-alfrontas-sekecon.html

neniammilitointerni - dans medidefendo
2 novembre 2021 2 02 /11 /novembre /2021 19:23
Miguel Medina, AFP

02/11/2021

Bildo : « Nun, mi pli bone  komprenas la difinon de la vorto rasismo » : la ekologiista aktivulino Vanessa Nakate estis eltranĉita de foto en Davoso.

Supre: foto originala

Sube: foto publikigita

« Ni ne povas manĝi karbon ». Tiu devizo fariĝis la mantro de la juna uganda aktivulino Vanessa Nakate, kiu gurdas sian mesaĝon en la tuta mondo por provizi voĉon al la komunumoj plej vundeblaj fronte al la klimata ŝanĝiĝo. 

En la aleoj de la konferenco-centro de Milano, kie ŝi estis aplaŭdita fare de 400 junuloj el la tuta mondo, por ellabori sian vizion pri la klimata agado, la junulino 24-jara eĉ surhavas sur sia ŝvitĉemizo tiun devizon kiel standardon folkigitan per dikaj verdaj leteroj, kaj fabrikita de ŝia fratino : en la angla « WE CANNOT EAT COAL » (« Ni ne povas manĝi karbon »).

« Estas multe por fari sed mi opinias, ke la unua afero por trakti estus meti finon al la investoj en la projektoj pri fosiliaj energioj ». « Ĉar ni ne povas manĝi karbon, trinki petrolon, kaj spiri gason ».

Laŭ ŝi, plu konstrui karbo-centralojn, naftoduktojn kaj gasoduktojn estas la pruvo, ke la estroj de la planedo ne vere engaĝiĝas por la klimato.

« Se iu vere prizorgus la vivon de la komunumoj kaj de la loĝantoj submetitaj al la plej gravaj efikoj de la klimata krizo, tiam vera estreco estus haltigi la investojn » en tiuj projektoj, ŝi opinias.

Tiu lukto kontraŭ la fosilaj energioj kaj ties emisioj de forcejefika gaso estus utila al la planedo ĝenerale, sed ĉefe al « tiuj, kiuj estas ĉe la unua fronto en tiu krizo, kaj kiuj ne kulpas », ŝi pledas, tamen kontenta ĉar ŝi povas « amplifiki » la voĉon de tiuj plej malriĉaj loĝantoj.

 

« La espero kuraĝigas min »

Por helpi sian komunumon, la diplomita pri administrado de la entreprenoj lanĉis en sia lando, kun sia organizaĵo Rise Up Movement, la projekton « Vash Green Schools », kiu ebligas instali en la kamparaj lernejoj sunpanelojn kaj ekologiajn fornojn, kiuj anstataŭigas la ligno-kuiradon.   

Sed laŭ ŝi, helpi la evolulandojn redukti siajn emisiojn kaj eĉ adaptiĝi al la detruaj efikoj de la klimata ŝanĝiĝo ne sufiĉas. Ŝi volas, ke la riĉaj landoj mobilizu monon por kompensi la suferitajn damaĝojn. Tiu postulo estas vaste dividita en la Sudaj landoj.  

« La perdoj kaj damaĝoj jam estas nun. La estroj devas agnoski tion kaj komenci pagon por tiuj perdoj kaj damaĝoj », gurdis la junulino, kiu sin prezentas kiel aktivulino pri « klimata justico ».

« Koncerne kelkajn aferojn, ni ne povas adaptiĝi ».

« Ni ne povas adaptiĝi je malsato, estingiĝo, al la tradicioj aŭ Historio perditaj », ŝi insistas, reference interalie al la komunumoj, kiuj estos forpelitaj el siaj teroj aŭ devos ŝanĝi sian vivmanieron.

Koncerne sian personan estontecon, ŝi deklaras sin « emociega » de la aplaŭdoj, kiujn ŝi ricevas dum siaj vizitoj en la tuta mondo. Ĝis nun, ŝi vidas sian estontecon prefere « trankvila » en Ugando, kie ŝi estas « nekonata », kaj  kie ŝi deziras fari novajn studojn pri medio. 

Ĉio ĉi sen forlasi sian lukton. « La espero kuraĝigas min postuli daŭre klimatan justicon. »

« Kun vizio kaj imago pri la estonteco, kiun ni meritas, mi esperas, ke mi povos daŭre paroli laŭte, kaj ke la aferoj bone turniĝos. »   

neniammilitointerni - dans medidefendo
31 octobre 2021 7 31 /10 /octobre /2021 19:19

31/10/2021

Pluraj centoj da personoj kolektiĝis sabaton en Glasgovo por premi la estrojn de la tuta mondo agadi favore al la klimato, tagon antaŭ la COP26, decidiga por la estonteco de la planedo.

Multaj el ili atingis Glasgovon post marŝado de pluraj dekoj eĉ miloj da kilometroj, kio markis la komenciĝon de manifestacioj organizitaj paralele kun la UN-konferenco pri la klimato, antaŭvidata ĝis la 12a de novembro en la skota ĉefurbo.

 

« Agojn nun ! » « Agojn, ne nur vortojn »

Venintaj de Hispanio, Belgio aŭ Skotlando mem la manifestaciantoj paŝadis en la urbo-centro, svingante sloganojn kiel « Agojn nun ! » « agojn, ne nur vortojn » aŭ « Stop la fosiliajn energiojn », alvoke interalie de la grupo Extinction Rebellion.

« Ni atendas pli ambiciajn disponojn, ke niaj politikaj estroj estu konsciaj pri la urĝeco de la situacio, ĉar niaj gefiloj, genepoj riskas vivi en mondo multe pli komplika, kiu suferos gravajn klimatajn perturbojn », konfidis Dirk Van Esbroeck, belga pensiulo 68-jara. 

Kun dudek aliaj membroj de la grupo « Geavoj por la klimato », li atingis Edinburgon per trajno venante de Belgio antaŭ ol iri ĝis Glasgovo perpiede.

« Inter la deklaroj kaj la agoj, granda paŝo restas por fari », aldonis la sesdekjaraĝulo, kiu havas kvin gefilojn kaj 12 genepojn. 

Pli ol ĉirkaŭ cent estroj, inter kiuj la usonano Joe Biden, la franco Emmanuel Macron aŭ la baratano Narendra Modi estas atenditaj dum la pintkunveno juĝita decidiga en la lukto kontraŭ la klimata ŝanĝiĝo. 

Aktivuloj por la klimato de la tuta mondo ankaŭ venos ĉi tien. Laŭ la organizantoj, ili estos ĝis 100 000 dum granda manifestacio antaŭvidita vendredon.

« Ni estas ĉi tie por postuli la klimatan justicon » favore al la sudaj landoj, eksplikis Becky Stockes, tradukistino 31-jara, kiu venis de Hispanio. La COP26 konsistigas « lastan bonŝancon », ŝi opiniis esperante, « ke konkretaj disponoj estos deciditaj ». 

Laŭ Maciej Walczuk, « 25 COP jam okazis, kaj la klimata situacio neniam estas tiel malbona ». Tiu studento 19-jara esperas ĉi-foje konferencon « malsaman », kiu « engaĝiĝas por savi vivojn ».  

09/08/2021

Klimato : la spertuloj de la Interregistara Spertularo pri Klimata Ŝanĝiĝo (ISKŜ) antaŭvidas « senprecedencan » kreskon de la ekstremaj meteologiaj eventoj

http://neniammilitointerni.over-blog.com/2021/08/klimato-la-spertuloj-de-la-interregistara-spertularo-pri-klimata-sangigo-isks-antauvidas-senprecedencan-kreskon-de-la-ekstremaj-mete

neniammilitointerni - dans medidefendo
26 octobre 2021 2 26 /10 /octobre /2021 22:14

26/10/2021

Kelkajn tagojn antaŭ la COP-26, raporto de la Monda Organizaĵo pri Meteologio (MOM) montras, ke malgraŭ la avertoj de la spertuloj, la prognozoj plu estas katastrofaj koncerne la klimatan varmiĝon. Malgraŭ la pandemio, kaj malgraŭ la promesoj de la Ŝtatoj, kiuj malfruiĝas konkretiĝi, la emisioj de forcejefikaj gasoj atingis novan rekordon pasintjare.

La Kovim-19 kaj la ekonomia malkreskado, kiu akompanis ĝin, havis neniun konkretan efikon koncerne la emisiojn de forcejefika gaso ellasitaj en la atmosfero. Ĝi apenaŭ malrapidigis la ritmon de novaj emisioj.

Pli grave, la koncentriĝoj plialtiĝis eĉ pli rapide ol la averaĝo konstatita dum la dek lastaj jaroj.

Pro tiu ritmo, la altiĝo de temperaturoj fine de la jarcento ja estos supera al la 1,5 ĝis 2 gradoj antaŭviditaj de la Pariza akordo, memorigas la Doktoro Oksana Tarasova de la MOM : « Ni ne havas elekton. Ni devu malaltigi la emisiojn kiel eble plej rapide. Kiam la Ŝtatoj engaĝiĝas fariĝi karbon-neŭtraj, tiuj engaĝiĝoj devas materialiĝi en io observebla en la atmosfero. Se ni ne vidas, minimume, malkreskadon de la altiĝo de la forcejefika gaso, tiam ni ne povas paroli pri ia sukceso  en la lukto kontraŭ varmiĝo ».

                 

La amazonia arbaro ne plu estas la pulmo de la tero

Alia maltrankvila temo : la naturaj karbonputoj, la oceanoj kaj la arbaroj. En kelkaj kazoj, ili ne plu sukcesas ludi plene sian rolon. Tio estas evidenta en Amazonio, kies parto reemisias pli da CO2 ol ĝi sorbas. La fenomeno plu estas malkonata. Sed okaze de ĝia ampleksiĝo, la celoj de la Pariza akordo ne estus atingeblaj.  

La MOM postulas de la Ŝtatoj tute rekonsideri sian vivmanieron : industrio, energia sektoro kaj transportoj. La necesaj transformoj estas ekonomie kaj teknike realigeblaj, deklaris la agentejo. La CO2, ĉefa kulpinto pri la klimata varmiĝo, devenas ĉefe de la brulado de fosiliaj materialoj kaj la produktado de cemento. Ankaŭ metano, kies ĉirkaŭ 60% el la atmosferaj ellasiĝoj estas homdevenaj (bredado de bovinoj, rizkulturo, rubejoj…), kaj la ridgaso atingis kulminojn da koncentriĝoj en 2020.

         

La katastrofo jam komenciĝis

UN do esperas, ke la mondaj estroj adoptos dum la COP26 en Glasgovo konkretajn aranĝojn, ĉar tiel longe kiel la emisioj de forcejefika gaso daŭros, la monda temperaturo plu kreskos.

Sciante, ke la CO2 plu restas en la atmosfero dum jarcentoj, kaj eĉ pli longe en la oceanoj, la plivarmiĝo jam observata persistos dum pluraj jardekoj, eĉ se la netaj emisioj reatingas nulon, avertas la MOM.         

neniammilitointerni - dans medidefendo
24 septembre 2021 5 24 /09 /septembre /2021 15:54

24/09/2021

En Germanio, almenaŭ 12 000 partoprenantoj defilas ĉi-vendrede en la centro de Fribourg-en-Brisgau, alvoke de la ekologiista movado Fridays for Future. 

La organizantoj esperis tion, kaj tion atendis la aŭtoritatoj. En  Germanio, homa maro defilas de la 13a horo en la centro de Fribourg-en-Brisgau alvoke de la ekologiista movado Fridays for Future.

La partoprenantoj nombras ĝis 12 000 laŭ la polico, pli ol 15 000 laŭ porparolanto de la movado.

 

La sloganoj estas tre politikigitaj

Ĉiuj generacioj estas reprezentitaj en la marŝado, en kiu la sloganoj estas tre politigikitaj. Ĉiuj manifestaciantoj parolas pri « Klimawahl », nome elektoj por la klimato, reference al la federalaj elektoj, kiuj okazos ĉi-dimanĉe en Germanio.

La aktivuloj por la klimato postulas plirapidan eliron de la karbona erao, plej frue ol 2 030 kontraŭ 2038 antaŭvidita de Berlino. Ili ankaŭ postulas plirapidan disvolviĝon de renovigeblaj energioj, suna kaj venta.        

09/08/2021

Klimato : la spertuloj de la Interregistara Spertularo pri Klimata Ŝanĝiĝo (ISKŜ) antaŭvidas « senprecedencan » kreskon de la ekstremaj meteologiaj eventoj

http://neniammilitointerni.over-blog.com/2021/08/klimato-la-spertuloj-de-la-interregistara-spertularo-pri-klimata-sangigo-isks-antauvidas-senprecedencan-kreskon-de-la-ekstremaj-mete

neniammilitointerni - dans medidefendo
20 septembre 2021 1 20 /09 /septembre /2021 16:54

20/09/2021

Sude de Benino, la ĉefa rezervejo de biosfero de Unesko, naskiĝinta de la volo de Neregistaraj Organizaĵoj naskis en la delto de Mono, antaŭ preskaŭ jaro. Por akiri tiun klasadon fare de Unesko, la NROj laboris kun la surlokaj loĝantoj kaj proponis planon de komunuma administrado. Tiu specifa areo estas nun minacita.

La Monda kongreso pri naturo de la "Internacia Unio por la Konservado de Naturo" (UICN) okazis ĝis la 11a de septembro en Marsejlo, sude de Francio. Kiel konsilisto de Unesko, la UICN partoprenas al la disvolviĝo de la rezervejoj de biosferoj en la tuta mondo, inter kiuj tiu de la malalta valo de la Vémé (francigita Ouémé), en Benino, kiu festos baldaŭ sian unuan jaron da ekzistado.

Tiu rezervejo de biosfero fariĝis vivesenca por la regiono : « La specifeco ĉi tie estas, ke tiu rezervejo nutradas grandan parton de Benino, ĉar tiu rezervejo entenas la riveregon Ouémé, la lagon Nokoué kaj la riveron SO ». « Granda parto de la produktado nutradas ne nur Beninon, sed ankaŭ apudan Niĝerion », komentas unu el la aganto de tiu kreado, Maximin Djondo, direktoro de la NRO BEES, por edukado kaj medio en Benino.

 

Areo nun minacita

Sed hodiaŭ, la areo estas minacita, interalie ĉar ĝi situas en translima zono tre loĝata : « La mendo kreskas, do la produktado kreskas. Kaj ankaŭ la loĝantaro, kiu okupas tiun areon kreskas ».

« Do, la premo sur la naturaj resursoj fariĝas pli kaj pli forta, dum ĝi estas Ramsar-loko je internacia graveco » aldonas S° Djondo. Plie, kore de la galeriaj arbaroj , loĝas endemia specio, la simio je ruĝa ventro, ankaŭ minacita de la troekspluatado de ligno.

Same kiel ili klopodis por akiri la klasadon fare de Unesko, la NROj do laboras kun la surlokaj loĝantoj por protekti tiun medion : « Ni difinu novajn regulojn de administrado tiamaniere, ke la premo estu haltigita aŭ malaltigita, kaj ke la resursoj ne estu tute elĉerpitaj por la estontaj generacioj ».

Le venonta etapo estas strikta realigo de la plano pri administrado : « ĉio, kion ni antaŭvidis por plibonigi la diversecon de tiu grava ekosistemo estu konsiderata kaj povu profiti al la surlokaj populacioj ».

 

https://www.rfi.fr/fr/environnement/20210907-b%C3%A9nin-la-basse-vall%C3%A9e-de-l-ou%C3%A9m%C3%A9-une-r%C3%A9serve-de-biosph%C3%A8re-vitale-mais-menac%C3%A9e

https://www.youtube.com/watch?v=7v3YvnAmYiE

neniammilitointerni - dans medidefendo
14 septembre 2021 2 14 /09 /septembre /2021 21:34
MARIA TAN / AFP

14/09/2021

70% el la 227 viktimoj laboris por meti finon al la senarbarigo kaj ĉiuj, krom unu, vivis en evolulandoj. 

Tio estas rekorda nombro. Almenaŭ 227 medidefendantoj estis murditaj en la mondo en 2020, plejparte en Latin-Ameriko, denuncis la NeRegistara Organizaĵo Global Witness (en la angla) en nova raporto publikigita lundon 13an de septembro. Duan sinsekvan jaron, Kolombio staras ĉekape de tiu terura nombrado, kun 65 aktivuloj kaj komunumaj gvidantoj mortigitaj pro sia engaĝiĝo favore al defendo de la naturo.

Krom Kolombio, la krimoj koncentriĝas en Meksiko (30), en Filipinoj (29), en Brazilo (20), en Honduro (17) kaj en ĉirkaŭ dudek aliaj landoj.

Preskaŭ « tri atakoj el kvar » okazas en Centra Ameriko aŭ sud-Ameriko, aldonas Global Witness. La viktimoj havas plurajn similaĵojn : 70% inter ili laboris por meti finon al la senarbarigo kaj ĉiuj, krom unu, vivis en evolulandoj.

Triono apartenis ankaŭ al indiĝenaj popoloj.

Global Witness realigas statistikojn de post la jaro 2012. En tiu lasta raporto, ĝi konstatas tiujn tri lastajn jarojn daŭran kreskadon de tiuj krimoj (167 en 2018 kaj 212 en 2019). La NRO volis ĉi-jare atentigi pri « la industrioj, kiuj estas je origino de la klimata krizo kaj kulpas pri la atakoj kontraŭ la medidefendantoj ».

Plimulto de tiuj murdoj estas precipe ligitaj al la sektoroj pri ligno-ekspluatado, konstruado de baraĵoj, agroindustrio kaj minekspluatado.

02/08/2019

En 2018, pli ol 160 personoj estis murditaj, ĉar ili defendis la naturmedion

http://neniammilitointerni.over-blog.com/2019/08/en-2018-pli-ol-160-personoj-estis-murditaj-car-ili-defendis-la-naturmedion.html

24/07/2018

Almenaŭ 207 defendantoj de la naturmedio estis mortigitaj en 2017, laŭ la NeRegistara Organizaĵo Global Witness

http://neniammilitointerni.over-blog.com/2018/07/almenau-207-defendantoj-de-la-naturmedio-estis-mortigitaj-en-2017-lau-la-neregistara-organizajo-global-witness.html

neniammilitointerni - dans medidefendo
Créer un blog gratuit sur overblog.com - Contact - CGU -
.date span.text {display:none ; }