15/06/2021

Ĉiuj scias, ke la respondo de la brazila registaro al la krizo de Kovim-19 estis unu el la plej mistrafa en la mondo. Mortiga miksaĵo de neado, publika malobservado de la interpersona distanciĝo rekomenditaj de la Monda Organizaĵo pri Sano, kaj aktiva sabotado pri akirado de vakcinoj.

La sanitaraj aŭtoritatoj de la Ŝtato San-Paŭlo ne preparis la sansistemon kvankam ili sciis, ke la Kovim-19 disvastiĝas.

En marto 2020, la sindikato de la sanlaboristoj Sindsaúde-SP devis iri al la tribunalo, por ke la Ŝtatsekretario pri sano konsentu pri kunsido por priparoli la aranĝojn kontraŭ la pandemio, interalie pri la manko de materialoj pri individua protektado (MIP), kaj la testoj pri Kovim-19 por la laboristoj de la sansektoro.

Pluraj plendoj koncerne la mankon de MIP kaj la terurajn laborkondiĉojn estis publikigitaj en la amaskomunikiloj. La sindikataj gvidantoj Edson Fedelino kaj Marilurdes Silva de Faria estis intervjuitaj kaj menciitaj. Anstataŭ diskuti kun la laboristoj kaj ties sindikato por solvi tiujn problemojn, ilia dunganto decidis interrompi ilian laboron dum 30 tagoj sen salajro.

Bonvolu subteni tiujn sindikatajn gvidantojn, postulante tujan nuligon de la provizora eksigo de Edson kaj Marilurdes el ilia laborposteno.      

Kampanjo en Esperanto :

https://www.labourstartcampaigns.net/show_campaign.cgi?c=4890

Retmesaĝo : 

Ni postulas tujan nuligon de la maljusta provizora eksigo de Edson Fedelino kaj de Marilurdes Silva de Faria el la malsanulejo das Clínicas de Ribeirão Preto.

La rajto de tiuj ambaŭ sanlaboristoj alparoli la amaskomunikilojn estas protektata de la brazila laborjuro, la brazila konstitucio kaj la Konvencio 98 de la Internacia Organizaĵo de Laboro koncerne la rajton al organizado kaj kolektiva intertraktado, ratifita de Brazilo la 18an de novembro 1952, kaj la Konvencio 151 pri la interrilatoj en laboro (publika servo), ratifita de Brazilo la 15an de junio 2010.

Exigimos a reversão imediata das injustas suspensões de Edson Fedelino e Marilurdes Silva de Faria do Hospital das Clínicas de Ribeirão Preto. 

O direito destes dois trabalhadores da saúde de falar aos meios de comunicação é protegido pela legislação trabalhista brasileira, pela Constituição Brasileira e pela Convenção 98 da Organização Internacional do Trabalho sobre o direito de sindicalização e negociação coletiva, ratificada pelo Brasil em 18 de novembro de 1952 e Convenção 151 Convenção Relativa à Proteção do Direito de Organização e aos Processos de Fixação das Condições de Trabalho na Função Pública, ratificada pelo Brasil em 15 de junho, 2010.

Partnerece kun la Internacio de la Publikaj Servoj, tutmonda federacio, kiu grupigas pli ol 700 sindikatojn kaj reprezentas 30 milionojn da laboristoj en 154 landoj kaj Sindsaúde-SP, la sindikato de la sanlaboristoj, kiu reprezentas 25 000 laboristojn en San-Paŭlo.

02/06/2021

De post la 28-a de aprilo 2021, la kolombia popolo plenumas ĝeneralan strikon. Tiu striko komenciĝis reage al imposta reformo, kiu celis kreskigi enspezojn, plialtigante la akcizojn de la bazaj nutraĵoj kaj de la esencaj servoj kiel akvo, elektro, gaso kaj sanigo.     

La striko komenciĝis postulante intertraktadon koncerne la urĝan planon prezentitan al la registaro fare de la Nacia komitato de striko. Vastaj sektoroj de la loĝantaro, inkluzive de la sindikato ISP de Kolombio, kaj aparte la junularo, partoprenis amase al la manifestacioj sur la stratoj de la lando.   

La registaro de Ivan Duque respondis per represio kaj drastaj perfortoj. La Nacia komitato de striko denuncis almenaŭ 2 387 kazojn da policaj perfortoj, 50 mortintojn, 578 vunditojn (inter kiuj 40 viktimojn ĉe la okuloj), 524 malaperintojn, 1 200 arbitrajn enkarcerigojn, 21 kazojn da seksperfortoj kontraŭ virinoj kaj 87 kazojn da genraj perfortoj de post la komenciĝo de la mobilizado, kio konsistigas humanitaran krizon je grandamplekso.         

Sed la kolombianoj plu surstratiĝas kaj estas venkantaj. La imposta reformo estis forlasita, la ministro pri financoj eksiĝis kaj la kontestita leĝprojekto celanta privatigi la sansektoron estis forlasita.

La rajto pace manifestacii estas fundamento de la demokratio.

Kuniĝu kun la kolombia popolo por postuli de la registaro, ke ĝi ĉesigu la ŝtatan perforton, komencu tuj intertraktadojn kun la Nacia komitato de striko kaj respondu favore al la petoj de la Interamerika komisiono pri Homaj rajtoj (IKHR) kaj de la Alta Komisaro de la Unuiĝintaj Nacioj pri Homaj Rajtoj pri laborvizitoj en Kolombio.

Kampanjo en Esperanto :

https://www.labourstartcampaigns.net/show_campaign.cgi?c=4863

Retmesaĝo :

Exijo al gobierno colombiano que ponga fin inmediatamente a la violencia contra los manifestantes y que inicie negociaciones con el Comité Nacional de Paro. El derecho a la protesta pacífica es fundamental para la democracia.

La oferta de la Comisión Interamericana de Derechos Humanos (CIDH) de visitar Colombia debe ser aceptada sin más demora.

Mi postulas de la kolombia registaro, ke ĝi tuj ĉesigu la perforton kontraŭ la manifestaciantoj kaj komencu intertraktadojn kun la Nacia komitato de striko. La rajto pace manifestacii estas fundamento de la demokratio.

La peto de la Interamerika komisiono pri Homaj rajtoj (IKHR) iri al Kolombio estu senprokraste akceptita.    

Partnerece kun Internacio de la Publikaj Servoj, internacia sindikata federacio, kiu grupigas pli ol 700 sindikatojn, kaj reprezentas 30 milionojn da laboristoj en 154 landoj, kaj la kolombiaj aliĝintoj de la ISP.  

08/05/2021

Mourad Ghedia, prezidanto de la SNAPAP / CGATA, sindikato de la laboristoj en la justica sektoro, estis arestita kaj provizore enkarcerigita en la malliberejo El-Harrach. Partoprenu al la kampanjo de LabourStart, postulante lian tujan liberigon.

S° Ghedia profesie aktisto, jam estis maldungita en 2012 dum preskaŭ tri jaroj kun 57 aliaj personoj pro striko, sen proceduro nek pravigaj dokumentoj.      

La libereco pri striko estas fundamenta civila rajto kaj esenca aldono al la asociiĝa libereco. La enkarcerigo de sindikataj gvidantoj pro kialoj ligitaj al legitimaj postuloj konsistigas gravan obstaklon al la plenumado de iliaj rajtoj kaj malobservas la asociiĝan liberecon.

Ni denuncas la arbitran arestadon kaj la enkarcerigon de Mourad Ghedia kaj alvokas la alĝerian registaron liberigi lin tuj, forlasi ĉiujn punajn akuzojn kontraŭ li kaj respekti la internaciajn konvenciojn regule ratifikitajn de Alĝerio. 

Kampanjo en Esperanto :

https://www.labourstartcampaigns.net/show_campaign.cgi?c=4831

Retmesaĝo : 

Mi petas de la alĝeria registaro, ke ĝi tuj liberigu Mourad Ghedia kaj forlasu ĉiujn punajn akuzojn kontraŭ li post arbitra arestado, ĉar li uzis siajn fundamentajn rajtojn.   

Mi ankaŭ postulas de la registaro, ke ĝi respektu la internaciajn konvenciojn regule ratifikitajn de via lando. La libereco pri striko estas fundamenta civila rajto kaj esenca aldono al la asociiĝa libereco.

Partnerece kun la Internacio de la Publikaj Servoj (IPS) , tutmonda federacio, kiu grupigas 700 sindikatajn organizaĵojn, reprezentantajn 30 milionojn da laboristoj en 154 landoj,

inter kiuj la SNAPAP en Alĝerio.

27/03/2021

UNI-Komerco invitas la sindikatojn, la laboristojn kaj aktivulojn pri Homaj rajtoj kaj pri Laboro el la tuta mondo, postuli tuj de Metro A.G., ke ĝi reenpostenigu Tahir Mehmood, ĝenerala sekretario de la sindikato de la dungitoj de Metro Habib en Pakistano. Metro A.G estas germana multnacia entrepreno pri pogranda komerco de nutraĵaj varoj en 26 landoj en la mondo, sub la ŝildoj METRO kaj MAKRO, inkluzive de Pakistano, kie la laboristoj de Metro luktas de antaŭ sep jaroj por akiri kolektivan konvencion. La estraro de Metro-Pakistano kondukis kampanjon de kontraŭ-sindikata subpremado, timigante kaj persekutante la sindikatajn gvidantojn per avertoj, avizoj, ŝanĝoj de laborloko, profesia statuso, kaj maldungoj. Dum tiuj lastaj jaroj, pluraj sindikataj gvidantoj estis maldungitaj fare de Metro-Pakistan, inkluzive de ĉiu ĝenerala sindikato elektita de la sindikato de 2013. Pli frue, Metro maldungis Tahir Mehmood (la ĝeneralan surlokan sindikatan sekretarion) en februaro 2021 pro malasidueco okazinta en 2017. Tahir estas dungito de Metro-Pakistano de antaŭ 10 jaroj. Vi povas subteni Tahir kaj la pakistanajn laboristojn, sendante mesaĝon al la CHRO kaj la loka estraro de Metro ; kaj postulante reenpostenigon de Tahir, ke ĝi ĉesigu la kontraŭ-sindikatan subpremadon, kaj intertraktadu kun la sindikato por akiri kolektivan konvencion. 

Kampanjo en Esperanto:

https://www.labourstartcampaigns.net/show_campaign.cgi?c=4822

Retmesaĝo : 

Sinjorino Andrea Euenheim, Direktorino de homaj resursoj de Metro AG

Mi eksciis, ke Tahir Mehmood, ĝenerala sekretario de la sindikato de la dungitoj de Metro Habib estis antaŭnelonge maldungita. Mi bedaŭrinde konstatas, ke Metro-Pakistano rifuzas de antaŭ 7 jaroj respondi al la peto de la laboristoj akiri kolektivan konvencion kaj maldungas multajn sindikatajn aktivulojn anstataŭ konsenti pri iliaj justaj postuloj. Mi petas de vi, tuj adopti la necesajn aranĝojn kaj agadi tiel, ke Metro-Pakistano respektu la sindikatajn rajtojn, komencu verajn intertraktadojn kun la sindikato kaj reenpostenigu la sindikatajn gvidantojn maldungitajn, interalie Tahir Mehmood.

Partenerece kun UNI-Komerco, UNI Global Union estas internacia sindikata federacio, kiu reprezentas pli ol 20 milionojn da laboristoj en pli ol 150 landoj, ĉefe dungitaj en la sektoro de servoj. UNI-Komerco estas unu el la sektoroj de UNI Global Union, kiu reprezentas pli ol 160 sindikatojn kaj pli ol 4 milionojn da laboristoj dungitajn en podetala kaj pogranda komerco.

07/03/2021

Komuniko de Labourstart :

Fine de novembro pasintjare, Labourstart petis de vi subteni la laboristojn de Kirgizio, kiuj luktas por malhelpi adopton de nova leĝo, koncerne la sindikatojn de ilia lando.

Tiu nova leĝo senigus la laboristojn je rajtoj pri libereco de asociiĝo, trudus la internan strukturon de la sindikatoj kaj metus la sindikaton sub la kontrolo de la Ŝtataj organoj.

Kiam la sindikatoj protestis kontraŭ la nova leĝo, la aŭtoritatoj punpersekutis la sindikatajn gvidantojn. La gvidantoj kaj sindikataj aktivuloj fariĝas celo de arestadoj, konstantaj pridemandadoj, provokoj kaj premoj. La oficejoj de la sindikatoj kaj la hejmoj de la sindikataj gvidantoj estis detruitaj  kaj la kontoj de la sindikatoj konfiskitaj.

Kadre de la tutmonda sindikata rebato, kampanjo estis lanĉita en LabourStart. Ĝi estis publikigita en 20 lingvoj kaj 6 216 inter vi subtenis ĝin.

Kaj nun, ni havas bonajn novaĵojn :

La adopto de la nova leĝo pri la sindikatoj estis senlime prokrastita.

Nia kampanjo kaj la protestoj de la tutmondaj sindikatoj helpis.

En mesaĝo ricevita de niaj fratoj kaj fratinoj de Kirgizio, estas legeble «Ni esprimas nian profundan dankemon al ĉiuj, kiuj aktive partoprenis al la kampanoj, kaj sendis solidarecajn mesaĝojn».

Ni ankaŭ estis informitaj, ke la «Misio pri kontrolo de la laborrajtoj en Centra Azio plu prigardos la efektivigon de la fundamentaj konvencioj de la Internacia Organizaĵo de Laboro (IOL) koncerne la laboron, ratifitaj de Kirgizio».

Tio estas bonega novaĵo por la laboristoj de Kirgizio - kaj ankaŭ por la internacia sindikata movado.

Tio demonstras unu plian fojon la potencon de la internacia solidareco.

Dankon subteni daŭre niajn kampanojn.

Labourstart

02/12/2020

Kirgizio: Labourstart Kampanjo: haltigu la premon kontraŭ la sindikatoj

http://neniammilitointerni.over-blog.com/2020/12/kirgizio-labourstart-kampanjo-haltigu-la-premon-kontrau-la-sindikatoj.html