Overblog
Suivre ce blog Administration + Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton!

Ekde 03/01/2012

free counters
Free counters

Bonvenon

4 novembre 2020 3 04 /11 /novembre /2020 21:56
Foto: Abel Cárdenas / El Tiempo

04/11/2020

La 26-an de oktobro, morto-minacoj estis senditaj al la 25 membroj de la Ekzekutiva komitato de la FECODE, kolombia Federacio de la Laboristoj de edukado (Federación Colombiana de Educadores), al la prezidento de la sindikata konfederacio CUT kaj al la eks-instruisto kaj gvidanto de la FECODE. La minacoj esprimiĝis per morto-krono, surhavanta la vortojn «Pace ripozu». Ankaŭ dek ses kandeloj kaj dek ses nekrologiaj noticoj menciantaj la nomon de ĉiu sindikata gvidanto celita estis liveritaj ĉe la hejmo de Carlos Rivas, sekretario pri la juraj aferoj de la FECODE.

Tiuj minacoj sekvas la naciskalajn agojn kondukitajn de la sindikatoj por fronti la socian, sanitaran, edukatan kaj ekonomian krizon, kion spertas la lando. La FECODE kondukas ankaŭ iniciaton celantan promocii la lernejojn kiel pacan teritorion (territorios de paz) pere de komunumaj dialogoj.

La FECODE kaj la Escuela Nacional Sindical registris 6 119 malobservojn  pri rajto al vivo, fizika integriĝo, kaj libereco de la sindikataj instruistoj en Kolombio inter 1986 et 2016. Inter tiuj malobservoj, oni nombras 990 murdojn, 78 truditajn malaperojn kaj 49 atencojn, pli ol 3 000 minacojn kaj pli ol 1 500 truditajn delokojn.  

La aranĝoj deciditaj de la aŭtoritatoj por igi la laborhorojn flekseblaj, redukti la efikojn de la kolektivaj intertraktadoj kaj la rajton al striko, duobliĝis per sistema kampanjo de kalumniado kaj malamo en la sociaj retoj, celanta la FECODE por provi silentigi la instruistojn kaj ties sindikatojn.

Retmesaĝo

Preskaŭ 1 000 sindikataj instruistoj estis mortigitaj en Kolombio kaj la timigo-kulturo daŭras. La aŭtoritatoj respondecas pri la garantio de tujaj sekurecaj aranĝoj por la tuta direkcio de la FECODE, kaj ĉiuj sindikataj kaj sociaj gvidantoj kaj aktivuloj en Kolombio, kiuj plenumas siajn rajtojn esprimi siajn opiniojn, manifestacii kaj organiziĝi por defendi la publikan sistemon pri edukado.

https://www.youtube.com/watch?v=2jlM8YPKlIA

Partenerece kun la Internacio de Edukado, monda sindikata federacio de 396 asocioj kaj sindikatoj en 171 landoj kaj teritorioj, kiu reprezentas ĉirkaŭ 32,5 milionojn da edukistoj kaj help-profesiuloj.

neniammilitointerni - dans Labourstart Kampanjo
3 novembre 2020 2 03 /11 /novembre /2020 22:22

03/11/2020

Antaŭ dek tagoj, Labourstart lanĉis retkampanon por postuli liberigon de sindikataj gvidantoj enkarcerigitaj en Belorusio.

Tiuj enkarcerigoj sekvis strikon en la uzino de potaso-streko JSC Belaruskali. La laboristoj pace postulis liberecon, demokration kaj respekton. La aŭtoritatoj respondis per arestadoj de Siarhei Charkasau, kun-prezidento de la belorusia sendependa sindikato (BITU), kaj de tri aliaj personoj: Pavel Puchenia, Yury Korzun kaj Anatol Bokun.

Tiu kampanjo, lanĉita pete de la BITU kaj de la tutmonda sindikato IndustriALL, ebligis sendi 6 291 mesaĝojn, kiuj postulis la liberigon de niaj kvar kamaradoj.

Ni scias, ke la adresatoj de niaj mesaĝoj ne ĝojis ricevante ilin, ĉar ili provis bloki ilian elsendon. Sed ni havis aliajn opciojn. La sindikatanoj de Belorusio printis la liston de la partoprenoj al la kampanjo (en 15 lingvoj) sub formo de peticio.

Ili komunikis ilin en propraj manoj de Ivan Halavaty, Direktoro de Belaruskali.       

Pro la aranĝoj Covid-19, ili metis ilin en leterkeston.

Danke al iliaj klopodoj, la 6 291 mesaĝoj atingis sian celon.

Kaj la aŭtoritatoj estis devigataj aŭskulti.

Pasintan sabaton, Anatol Bokun, kun-prezidento de la strik-komitato de Belaruskali, estis liberigita post 55 tagoj de detenado.   

Kaj hieraŭ post-tagmeze, la tri aliaj estis finfine liberigitaj .

Kiel diris niaj amikoj de la BITU, la kampanjo estis sukceso, ĉar ĝi atentigis la internacian kaj surlokan komunumojn pri la kazoj de niaj malliberigitaj kamaradoj. Iliaj punoj je enkarcerigo ne estis plilongigitaj. Tio estas vera sukceso de la kampanjo.

Do, se vi volas scii, ĉu tiuj kampanoj funkcias, kaj ĉu via subteno efikas, memoru tiujn nomojn: Siarhei, Pavel, Yury kaj Anatol. 

Hodiaŭ, ili estas liberaj dank’al la forto de la internacia sindikata solidareco.

Koran dankon pro via agado. Bonvolu dividi tiun novaĵon kun viaj amikoj, familianoj kaj sindikataj kolegoj.

LABOURSTART

neniammilitointerni - dans Labourstart Kampanjo
25 octobre 2020 7 25 /10 /octobre /2020 21:53

25/10/2020

Post fraŭdaj balotoj, sekvataj de ekstrema perforto fare de la sekurecaj fortoj kontraŭ pacaj manifestaciantoj, Siarhei Charkasau kaj liaj kolegoj ekstrikis ĉe la entrepreno produktanto de potaso-sterko JSC Belaruskali. Ili pace postulas liberecon, demokration kaj respekton. Siarhei estas dungito de Belaruskali kaj kun-prezidanto de la belorusia sendependa sindikato (BITU), aliĝinta al IndustriALL Global Union.

Tiujn du lastajn monatojn, Siarhei estis trifoje kondamnita pro sia partopreno al nepermesata publika evento en Salihorsk, kie la ministoj de Belaruskali ekstrikis por protesti kontraŭ la fraŭdaj balotoj. De tiam, dekoj da aktivuloj kaj membroj de la strik-komitato de Belaruskali estis persekutitaj, minacitaj, kondamnitaj al monpunoj, kaj senigitaj je socialaj avantaĝoj pro siaj aktivecoj. Siarhei kaj tri el siaj kamaradoj, la membroj de BITU Pavel Puchenia, Yury Korzun kaj Anatol Bokun, estas nun enkarcerigitaj. Plia puno aldoniĝis, dum ili jam estis malliberigitaj.

Bonvolu subteni la peton de la BITU kaj IndustriALL por meti finon al la persekutado kontraŭ dungitoj de Belaruskali pro ilia partopreno al la striko kaj tiuj, kiuj daŭrigas sian strikon per « memvola trodiligenta laboro » en Belaruskali.         

Postulu liberigon de la gvidanto de la BITU, Siarhei Charkasau, kaj de la sindikataj aktivuloj Pavel Puchenia, Yury Korzun kaj Anatol Bokun, kun-prezidanto de la strik-komitato.  

Retmesaĝo:

Ni atente sekvas la eventojn en Belorusio, aparte en Soligorsk, kie la dungitoj de Belaruskali komencis politikan strikon kaj pace manifestaciis por defendi siajn rajtojn kaj liberecojn. Ni estas informitaj pri ĉiuj arestadoj kaj minacoj suferitaj de la membroj de la strik-komitato, de la sindikataj aktivuloj kaj de la gvidantoj de Belaruskali.

Ni postulas finon de la persekutoj kontraŭ la dungitoj de Belaruskali, kiuj partoprenis strikon, tiuj, kiuj strikas per «memvola trodiligenta laboro», kaj tujan liberigon de la kun-prezidanto de la belorusia sendependa sindikato Siarhei Charkasau, de la sindikataj aktivuloj Pavel Puchenia, Yury Korzun kaj Anatol Bokun.

https://www.youtube.com/watch?v=lFtXVRmRhHQ

Partnerece kun BITU

kaj IndustriALL Global Union.

23/08/2020

Belorusio: Labourstart Kampanjo: ĉesigu perforton – Ni defendu demokration kaj Homajn rajtojn

http://neniammilitointerni.over-blog.com/2020/08/belorusio-labourstart-kampanjo-cesigu-perforton-ni-defendu-demokration-kaj-homajn-rajtojn.html

neniammilitointerni - dans Labourstart Kampanjo
18 octobre 2020 7 18 /10 /octobre /2020 20:58

18/10/2020

Ĉar la sindikatoj de uzino VIP 1 kaj 2 postulis sekurecajn aranĝojn Covid-19 ene de la uzino, la direkcio maldungis ĉiujn membrojn de la sindikato en ambaŭ uzinoj kaj la prezidanto de la sindikato de la uzino VIP 2 estis ponardita fare de huliganoj komisiitaj de la entrepreno. Tiuj agoj enskribiĝas en senkontesta volo detruadi ĉian sindikatan aktivecon en tiuj uzinoj, kiuj fabrikas sporto-artiklojn por Mizuno, CCM, Evil Bikes kaj Pivot Cycles. Malgraŭ monatojn da rekta interesigo fare de la sindikatoj, tiuj varmarkoj rifuzis interveni je ia ajn maniero.         

Retmesaĝo

La laboristoj, kiuj fabrikas viajn varojn en la uzinoj VIP 1 kaj 2 en Birmo spertis malobservadon de iliaj rajtoj kaj humaneco. Estas netolereble maldungi laboristojn, ĉar ili postulis sekurecajn aranĝojn kontraŭ la viruso, dum regas pandemio. Mi komprenas, ke la laboristoj informis vin dum monatoj pri la nehumanaj traktadoj, al kiuj ili estis submetitaj, kaj ke vi ne reagis.

Ni postulas, ke vi ordonu tujan reenpostenigon de ĉiuj maldungitaj sindikatoj en la uzinoj VIP 1 kaj VIP 2 en Birmo.   

neniammilitointerni - dans Labourstart Kampanjo Kronviruso
27 août 2020 4 27 /08 /août /2020 14:28

27/08/2020

La Internacia Sindikata Konfederacio (CSI) petas vian subtenon por akiri la liberigon de Rong Chhun, prezidento de la Kamboĝa Konfederacio de la Sindikatoj (CCU), kaj Sor Saknika, prezidantino de la Kamboĝa Asocio de la Neformalaj Laboristoj (CILA). Rong Chhun estis arestita la 13-an de julio pro instigo al plenumo de krimo, ĉar li faris komentojn pri la perdo de agrikulturaj teroj kaj la neregulaĵoj ĉe la landlimo inter Kamboĝo kaj Vjetnamio. 

Antaŭnelonge, li partoprenis strikpostenojn dum la fermado de uzinoj de vestaĵoj kaj postulis de la registaro, ke ĝi plibonigu la situacion pri Homaj rajtoj. Sor Saknika kuniĝis kun la manifestacioj, postulante lian liberigon kaj estis arestita pro instigo la 7-an de aŭgusto. Ouk Chayavy, eks-prezidento de la Sendependa Asocio de la kamboĝaj instruistoj, estis agresita de nekonataj huliganoj sur la revenvojo post lia vizito al Rong Chhun en malliberejo la 10-an de aŭgusto.

La kamboĝa registaro subpremas la liberecon de asociiĝo kaj esprimo, por silentigi la laboristajn protestojn kontraŭ la ekonomia recesio kaj la represio.

Retmesaĝo:

Ni petas de la kamboĝa registaro, ke ĝi liberigu Rong Chhun, prezidento de la Kamboĝa Konfederacio de la Sindikatoj (CCU), arestita la 31-a de julio, ĉar li esprimiĝis pri la perdo de agrikulturaj teroj kaj neregulaĵoj koncerne demarkacion de la landlimo kun Vjetnamio, kaj Sor Saknika, prezidanto de la Kamboĝa Asocio de la Neformalaj Laboristoj (CILA), kiu kuniĝis kun la manifestacioj, postulante lian liberigon. Iliaj rajtoj al libereco de esprimo, opinio kaj pacaj kolektiĝoj estas kerne de la principo pri asociiĝa libereco.

Ni urĝe petas de la kamboĝa registaro, ke ĝi ĉesigu la subpremadon kontraŭ  sindikatanoj kaj respektu la liberecojn kaj fundamentajn rajtojn.       

https://www.youtube.com/watch?v=X35MRJ3BMMk

Partnerece kun la Internacia Sindikata Konfederacio, monda voĉo de la laboristoj de la tuta mondo, kiu reprezentas 200 milionojn da laboristoj en 163 landoj kaj kun 332 naciaj aliĝintoj.  

Kaj ankaŭ partnereco kun la Internacio pri Edukado, monda sindikata federacio, kiu grupigas 384 asociojn kaj sindikatojn en 178 landoj kaj teritorioj, kaj reprezentas ĉirkaŭ 32,5 milionojn da edukistoj kaj help-profesiuloj.

neniammilitointerni - dans Labourstart Kampanjo
23 août 2020 7 23 /08 /août /2020 14:16

23/08/2020

La 9-an de aŭgusto, prezidentaj balotoj okazis en Belorusio. Unufojon pli, ili estis evidente falsitaj favore al la delonga prezidento, Lukaŝenko. Tio provokis tempeston da popolaj protestadoj. La sekurecaj fortoj reagis per senprecedenca teroro: amasaj arestadoj, draŝadoj kaj torturo de la manifestaciantoj. Ondo da spontanaj strikoj disvastiĝis en la tutan landon.

La laboristoj komencis fondi strik-komitatojn por prepari naciskale ĝeneralan strikon favore al demokratia ŝanĝo. La postuloj de la strikantoj estas jenaj: agnosko, ke la rezultoj de la prezidentaj balotoj ne estas validaj, liberigo de ĉiuj politikaj malliberuloj kaj manifestaciantoj, ĉesigo de la persekutoj kontraŭ partoprenantoj al la striko, kaj nuligo de la sistemo de mallongaj laborkontraktoj. La administracio kaj la sekurecaj servoj efektivigas drastan premon kontraŭ la strikantoj, la membroj de la strik-komitatoj kaj iliaj familioj. Multaj el ili estas minacitaj je maldungo. Aktivuloj estas detenitaj de la sekurecaj servoj. Ni kontribuu haltigi tiun ondon da perforto.   

Retmesaĝo 

Mi subtenas la laboristojn de Belorusio, kiuj plenumas sian rajton pri sindikata agado cele al defendo de la demokratio kaj Homaj rajtoj. Mi kondamnas ĉian subpremon kontraŭ la laboristoj kaj iliaj familianoj. La ondo da perforto estu haltigita.   

 

Я поддерживаю трудящихся Беларуси, которые реализуют свое право на забастовку в защиту демократии и прав человека. Я осуждаю все формы репрессий против рабочих и членов их семей. Требуем остановить волну насилия.

neniammilitointerni - dans Labourstart Kampanjo
19 août 2020 3 19 /08 /août /2020 14:42

19/08/2020

La indonezia laboristaro kontraŭas la provojn de la indonezia registaro enkonduki la leĝprojekton omnibus pri kreado de laborpostenoj. Ĝi fakte intencas ekspluatadi la nunan krizon de Covid-19 por redukti la salajrojn, nuligi rajtojn kaj damaĝi la rajtojn de la laboristaro en Indonezio. La registaro de la prezidento Joko Widodo subtenas tiun leĝprojekton, kiu celas novan redaktadon de 79 leĝoj por kreskigi la rektajn fremdajn investojn, subteni la ekonomian kreskon kaj krei novajn eblecojn de laborpostenoj por la Indonezianoj. Sed la realo estas, ke tiu leĝprojekto omnibus estos malutila al la laboristoj kaj la medio. Ni ĉesigu ĝin.         

Retmesaĝo

La leĝprojekto omnibus pri kreado de laborpostenoj estas hontinda provo de la registaro de la prezidento Joko Widodo ekspluatadi la nunan krizon de Covid-19 por redukti la salajrojn, nuligi rajtojn kaj damaĝi la rajtojn de la laboristaro en Indonezio. Sed la realo estas, ke tiu leĝprojekto omnibus estos malutila al la laboristoj kaj la medio. Mi postulas de la Indonezia Ĉambro de la reprezentantoj, forpuŝi la proponon de «leĝprokjeto omnibus pri kreado de laborpostenoj». Tiu projekto kaŭzus gravajn damaĝojn kontraŭ la indonezia laboristaro kaj iliaj familioj.       

Partenerece kun tiuj sindikatoj - FPPI, SP JICT kaj FBTPI – kaj la nacia popola movado, kiuj grupiĝis sub la nomo Indonezia Movado de la laboristoj kaj de la popolo (GEBRAK).

   

https://www.youtube.com/watch?v=tOUMV8_dyIY

neniammilitointerni - dans Labourstart Kampanjo
13 août 2020 4 13 /08 /août /2020 13:21

13/08/2020

La Internacio de Edukado (IE) alvokas la laboristojn kaj la sindikatanojn postuli de la jordaniaj aŭtoritatoj, ke ili liberigu tuj la gvidantojn de la sindikato de edukado kaj nuligu la kontraŭleĝan interrompon de ĉiaj sindikataj aktivecoj de la Asocio de la Jordaniaj Instruistoj (JTA).

La jordaniaj sekurecaj fortoj arestis la ĉefajn membrojn de la sindikato la 25an de julio, entrudiĝis en la oficejojn de la sindikato, kaj fermis ilin por daŭro de 2 jaroj. La JTA kritikis la registaron pro ĝia malbona mastrumado de la covid-krizo. Samtage, la kontraŭ-ribela polico estis deplojita por ĉesigi la pacajn manifestaciojn organizitajn fare de la membroj de la JTA, kiuj denuncis la represion kontraŭ la sindikataj rajtoj.

La jordania registaro utiligas la urĝajn leĝojn promulgitajn pasintan marton por limigi la rajtojn, civitajn kaj politikajn.

Subskribu mesaĝon por subteni senkondiĉan liberigon de la sindikataj gvidantoj kaj garantii plenumadon de la fundamentaj rajtoj de la instruistoj kaj laboristoj de edukado en Jordanio.

Retmesaĝo: 

S.E. Dr Tayseer Al Noaimi

Ministro pri edukado

S.E. M. Nedal Faisal El-Batayneh

Ministro pri laboro 

Sinjoro Ministro,

Mi skribas al vi por denunci la arestadon de la gvidantoj de la Asocio de la jordaniaj instruistoj kaj la kontraŭleĝan interrompon de ĉiaj sindikataj aktivecoj, post la publikaj kritikoj de la sindikato koncerne la mastrumadon de la Covid-krizo en la sektoro pri edukado. 

Mi urĝe petas de via registaro, ke ĝi tuj kaj senkondiĉe liberigu la membrojn de la Asocio de la jordaniaj instruistoj, nuligu la interrompon de la sindikataj aktivecoj kaj garantiu la fundamentajn rajtojn kaj la demokratiajn liberecojn de la edukistoj kaj de ĉiuj laboristoj, inkluzive de iliaj liberecoj pri opinio, esprimo, kunsido kaj asociiĝo.

Partnerece kun la Internacio de Edukado, tutmonda sindikata federacio, kiu grupigas 396 asociojn kaj sindikatojn en 171 landoj kaj teritorioj, kaj kiu reprezentas ĉirkaŭ 32,5 milionojn da edukistoj kaj profesiuloj de la help-sektoro.

 

https://www.youtube.com/watch?v=Dp7TozK1o6w

neniammilitointerni - dans Labourstart Kampanjo
23 juillet 2020 4 23 /07 /juillet /2020 14:27

23/07/2020

Laboristaj rajtoj estas homaj rajtoj. Bonvolu esprimi vian solidarecon, subskribu tiujn retkampanjojn.

Dankon !

https://www.labourstart.org/news/index2019.php?langcode=eo

16/07/2020

Turkio: Labourstart kampanjo: laboristinoj estis maldungitaj, ĉar ili organizis sindikaton

https://www.labourstartcampaigns.net/show_campaign.cgi?c=4450

http://neniammilitointerni.over-blog.com/tag/labourstart%20kampanjo/

neniammilitointerni - dans Labourstart Kampanjo
16 juillet 2020 4 16 /07 /juillet /2020 13:56

16/07/2020

En 2019, la laboristoj de SF Trade (eks-SF Ledo), kiuj provizas mondajn varmarkojn de teksaĵo kaj ledo, lanĉis sindikatigan kampanjon. Ili postulis pagon por siaj kromaj laborhoroj, labori sen ekscesa premo kaj esti respektataj. Ili elektis la sindikaton Deriteks kiel reprezentanton. La 29an de oktobro 2019, la direkcio, kiu havas kutiman kontraŭ-sindikatan sintenon, maldungis du virinojn, kiuj kondukis sindikatigan kampanjon. La direkcio de SF maldungis du aliajn virinojn kaj plu minacas la laboristojn je maldungo. La entrepreno komencis juĝagadon por damaĝkompenso, akuzante la laboristojn, ke ili malutilas al ĝia konkurenckapablo.           

La direkcio atakas la rajton de la laboristoj organiziĝi, kaj kontraŭas ĉian sindikatigan kampanjon. La entrepreno praktikis similajn kontraŭ-sindikatajn taktikojn en 2015 kaj la sindikato venkis danke al la internacia solidareco. Vi povas subteni tiujn kuraĝajn virinojn en ilia lukto, sendante mesaĝon al la direkcio de la entrepreno SF Trade.

Kampanjo en Esperanto: alklaku ĉi-sube:

https://www.labourstartcampaigns.net/show_campaign.cgi?c=4450

Kara Frédéric William Carl Giraud, direktoro de SF Trade

Cc ĝenerala direktoro - Aylin Gözay

Mi eksciis, ke la direkcio de SF Trade maldungis 4 laboristinojn, kiuj volis plenumi siajn leĝajn rajtojn, organiziĝante en la sindikato Deriteks. La kontraŭ-sindikata sinteno de via entrepreno kaj la minacoj je maldungo estas neakcepteblaj. La respondo al tiu sindikatiga kampanjo devas respekti la rajton de la laboristoj organiziĝi kaj devas ebligi starigon de industriaj konstruivaj normoj kune kun la sindikato, prefere al malobservado de la fundamentaj internaciaj labor-normoj.

Mi petas de vi, ke vi urĝe adoptu la necesajn aranĝojn por garantii la respekton de la laboristaj rajtoj en via entrepreno, reenpostenigu la maldungitajn laboristojn kaj rezignu pri la juĝagado.

Partnerece kun Deriteks

kaj IndustriALL, kiuj reprezentas 50 milionojn da laboristoj en 140 landoj en mina, energia kaj manufaktura sektoroj, kaj kiu estas forto en tutmonda solidareco. Ĝi partoprenas la lukton por pli bonaj laborkondiĉoj kaj sindikataj rajtoj en la tuta mondo.

https://www.youtube.com/watch?v=CJdPlFj0Shw

 

23/07/2015

Turkio : Labourstart kampanjo : hontindaj kontraŭsindikataj praktikoj ĉe fabrikisto de mansakoj po 1000 Eŭroj

http://neniammilitointerni.over-blog.com/2015/07/turkio-labourstart-kampanjo-hontindaj-kontrausindikataj-praktikoj-ce-fabrikisto-de-mansakoj-po-1000-euroj.html

neniammilitointerni - dans Labourstart Kampanjo
Créer un blog gratuit sur overblog.com - Contact - CGU -
.date span.text {display:none ; }