En Kenjo de post la 14a de marto, la sanlaboristoj strikas pro la nerespekto de la kolektiva konvencio de 2017 kaj de la aranĝo, kiu akompanas ĝin, subskribita en 2021. La kenja registaro rifuzas respekti la antaŭajn interkonsentojn kaj intertraktadi sincere. Anstataŭ tio, ĝi postulas salajrajn detranĉojn kaj respondas al la petoj de la laboristoj per malcedemo kaj perforto.
La registaro minacis maldungi la strikantajn kuracistojn, arestis la gvidantojn de la KMPDU, ĉesigis pagon de la sindikataj kotizoj kaj redukti la personaron en tuteco de la publika sektoro. La Konsilio de la guberniestroj, kiu subskribis la nunan kolektivan konvencion en 2017 asertas, ke la kuracistoj sufiĉe perlaboras. La ministrejo pri sano siaflanke intencas redukti ĝis 90% la salajrojn de la junaj internaj kuracistoj. La interna programo estas necesa, por ke la kvalifikaj kuracistoj akiru sian profesian licencion.
Tiu striko komenciĝis nur semajnon, post kiam la Doktoro Davji Bhimji Attellah, ĝenerala sekretario de la KMPDU, estis vundita ĉe la kapo fare de larmiga bombo dum paca sindikata manifestacio en Najrobio.
La kamarado Davji estis grave vundita kaj lia vivo estis savita nur dank’al la rapida interveno de siaj sanlaboristaj kolegoj, kiuj manifestaciis siaflanke.
La aliĝintoj de la PSI sendis leterojn al kenjaj ambasadejoj de la tuta mondo por peti respondojn kaj alvoki la registaron aŭskulti la postulojn de la sanlaboristoj.
La sanlaboristoj de publika kaj privata sektoroj, estas decidigaj daŭrigi la strikon kaj organizas manifestaciojn ĉiumarde.
Kuniĝu kun la kenjaj sanlaboristoj por postuli de la registaro, ke ĝi respektu la kolektivajn konvenciojn, sincere intertraktadu kaj urĝe metu finon al la minacoj kaj perforto.
Ni subtenas la strikantajn sanlaboristojn en Kenjo. Minacoj kaj perfortoj ĉesigu tuj. La kolektiva intertraktado kaj la strikrajto estas Homaj rajtoj respektendaj.
Partnerece kun la sindikato de la kuracistoj, farmaciistoj kaj dentistoj de Kenjo (KMPDU) kaj la Internacio de la Publikaj servoj, internacia sindikata federacio, kiu grupigas pli ol 700 sindikatojn reprezentantajn 30 milionojn da laboristoj en 154 landoj.
De post la 22a de februaro 2022, la entrepreno El Mahala Teksaĵo, en Egiptio, suferas tumultojn. La agado komenciĝis, kiam ĉirkaŭ 3 700 virinoj kolektiĝis por protesti kontraŭ la malaltaj salajroj. Poste, ĉiuj laboristoj de la entrepreno anoncis strikon por postuli de la registaro la promesitan minimumon de 6 000 EGP (120 $). Il postulis salajrajn ĝustigojn kaj monkompenson por manĝaĵoj ĝis 900 EGP. Malgraŭ manifestacioj pacaj, la direkcio kaj la registaro rifuzis intertrakti. La ministro pri publika sektoro altigis la minimuman salajron ĝis 6 000 EGP, sed la aliaj petoj estis ignoritaj. La laboristoj ĉesigis sian strikon la 29an de februaro, sed estas objekto de minacoj kaj detenoj. Dek tri el ili estis arestitaj de la nacia sekureco kaj du estas plu detenitaj. Kelkaj eĉ estis minacitaj pri maldungo, dum ilia arestado. Tio emfazas la potencialajn kontraŭleĝajn agadojn de la entrepreno.
Mi subtenas la rajtojn de la laboristoj de El Mahala Teksaĵo, kiuj strikis pace kaj esprimis siajn petojn. Vere kolektiva intertraktado, libera el ĉiaj premoj estas ege necesa. Mi postulas liberigon de la enkarcerigitaj laboristoj, aparte Wael Mohamed Mahmud Abu Zueid kaj Mohamed Mahmud Tolba Hussein. La novaj detenoj kaj falsaj akuzoj ĉesigu. Estas necesege meti finon al ĉiuj agadoj kondukitaj kontraŭ la laboristoj de El-Mahala. Tiuj agadoj malobservas la laboristajn rajtojn kaj la konvencion n° 87 de la IOT, kiu antaŭvidas liberecon pri asociiĝo kaj protektadon de la sindikataj rajtoj. Gravas atenti, ke la laboristoj kaj dungitoj ĝuu tiujn rajtojn sen limigoj.
Partnerece kun la Center for Trade Unions and Workers Services (CTUWS), egipta NeRegistara Organizaĵo, kreita en marto 1990 fare de sindikataj gvidantoj kaj sindikatanoj, surbaze de ilia sperto ene de la egipta sindikata movado.
Tiuj ĉi t-ĉemizoj estas fabrikitaj fare de sindikatoj en Usono kaj estos venditaj nur dum la 7 venontaj tagoj. Poste, la t-ĉemizoj estos printitaj kaj senditaj, tiel ke ĉiuj ricevos la sian ĝustatempe por la 1-a de majo.
Tio estas bonega okazo montri vian subtenon al LabourtStart, ĉar ni ricevas parton de la vendo-prezo. La mono, kion ni kolektas helpas nin financi niajn retkampanojn, nian tutmondan informservon por la sindikatanoj, niajn novajn podkastojn kaj niajn konferencojn de tutmonda solidareco.
Gravas vendi kiel eble plej multnombraj da tiuj t-ĉemizoj, do mendu pli ol unu se vi povas. Vasta ebleco de mezuroj ekzistas.
Kiel vi povas vidi, unu el tiuj lingvoj estas Esperanto.
La Internacio de la laboristoj de la konstruado kaj ligno (BWI) kaj Labourstart urĝe alvokas vin kuniĝi kun ni por postuli de la panama registaro, ke ĝi respektu la asociiĝan liberecon kaj ĉesigu persekuton kontraŭ la sindikatanoj. Suntracs, la sola nacia sindikato de la konstruado kaj similaj industrioj de Panama kaj ties gvidantoj suferas persekutadon, represion kaj timigon fare de la panamaj aŭtoritatoj. Tion pro ĝia ĉefa rolo ludita en la manifestacioj, kiuj ebligis nuligon de la vendo de 40-jara minkoncesio al la transnacia firmao First Quantum Minerals. Ĝia ekstrakta politiko kaŭzus gravajn sociajn kaj mediajn damaĝojn. Pro tiuj manifestacioj, la sindikatanoj estas akuzataj pri terorismo. La gvidantoj de SUNTRACS, Saúl Méndez, ĝenerala sekretario, Jaime Caballero, sekretario pri fremdaj aferoj, la gvidanto de la comarca Toribio García kaj la instruisto Diógenes Sánchez estas persekutataj de la prokuroraro. Ili estas akuzataj pri krimoj kontraŭ la libereco kaj la ekonomia ordo malfavore al la panama societo.
Krome, la 13an de novembro, la Ŝtata Sparkaso fermis la bankkonton de SUNTRACS kadre de intenca agado, celante malhelpi la rajton manifestacii kaj asociiĝi. Tio kondukis al kontraŭleĝa entrudiĝo de la Ŝtato en la sindikata vivo surbaze de falsaj akuzoj pri terorismo. Sindikatismo ne estas krimo ! la sindikatoj ne estu malfavorigitaj pro ilia mobilizado por la sociaj kaj mediaj rajtoj !
Ni petas de la panama registaro, ke ĝi tuj ĉesigu persekutadon kontraŭ SUNTRACS kaj respektu asociiĝan liberecon.
Ni skribas al vi por esprimi nian forpuŝon de la persekuto, misfamigo, psikologia timigo kaj malfermo de leĝa proceduro kontraŭ gvidantoj kaj respondeculoj de la Sindikato de la laboristoj de konstruado kaj similaj sektoroj de Panamo (SUNTRACS). Ni forpuŝas ankaŭ la unuflankan decidon de la panama Ŝtatbanko « Caja de Ahorro » fermi la bankkontojn de la SUNTRACS kaj de kelkaj el ĝiaj gvidantoj. La gvidantoj kaj dungitoj de tiu organizaĵo suferas arestojn, turmentadon kaj senbazajn akuzojn.
Ni forpuŝas la foreston de asocia libereco, kiuj troviĝas en la kriminalaj akuzoj suferitaj de la gvidantoj de SUNTRACS: Saul Mendez, sekretario pri fremdaj aferoj ; Diógenes Sanchez kaj Toribio García, akuzataj de la prokuraro, ke ili plenumis deliktojn dum la manifestacioj kontraŭ la leĝo 406.
La asociiĝa libereco kaj la integriĝo de la sindikataj gvidantoj estas grave minacitaj en Panamo. Ni postulas tujan malfermon de la bankkontoj de SUNTRACS kaj ĉesigon de la kontraŭsindikataj aranĝoj, kiuj konsistigas malobservadojn de la konvencioj 87 kaj 88 de la IOL, kies Panamo estas subskribinto.
Partnerece kun la BWI (Internacio de la laboristoj de la konstruado kaj ligno), tutmonda sindikata federacio, kiu kunigas 361 liberajn kaj demokratiajn sindikatojn. Ili reprezentas sumon de 12 milionoj da membroj en la sektoroj de la konstruado, konstru-materialoj, ligno, forsto kaj koneksaj sektoroj en 115 landoj. La ĉefa misio de la BWI estas protekti kaj promocii la laboristajn rajtojn, plibonigante samtempe la labor- kaj viv-kondiĉojn, asertante ke la sindikataj rajtoj estas esence Homaj rajtoj enradikigitaj en la principoj de egaleco, solidareco kaj demokratio.
La Internacio de la laboristoj de konstruado kaj ligno (IBB) kaj LabourStart vigle petas de vi, ke vi kuniĝu kun ni por postuli, ke la Forest Stewardship Council (FSC) rezignu sian eraran kaj nekongruan decidon konfirmi la atestilon pri kontrolĉeno kaj respektigi la sistemojn de atestilo FSC en Birmo, lando regata de milita ĥunto.
Malgraŭ la aresto, fare de la milita reĝimo, de pli ol 26 000 disidentoj kaj la tragika murdo de ĉirkaŭ 400 sindikatanoj, inter kiuj sep membroj de la Federacio de la sindikato de Birmo (CTUM), la internacia konsilio de la FSC, kaj ĝia sekretariejo skandale elektis konfirmi la atestilon. Tiuj abomenindaj agoj kontraŭ la sendependa kaj demokratia sindikata movado en Birmo estis vaste dokumentitaj kaj konfirmitaj de la raporto de la Enketkomisiono de la Internacia Organizaĵo de Laboro (IOL). La decido de la FSC konfirmi la atestilon sciante pri tiuj kruelaĵoj, estas ne nur absurda sed ankaŭ nerespondeca.
Esprimu vian neŝanceligeblan solidarecon kun la laboristoj kaj sindikatoj de Birmo, kunigante vin al nia alvoko, ke FSC rezignu tuj sian sistemon de atestilo fronte al la opresa reĝimo de milita ĥunto. La rajtoj de la laboristoj ne estas por vendi, kaj estas decidige unuiĝi en tiu urĝa alvoko por justeco kaj justa traktado.
Ni vigle petas de la Forest Stewardship Council (FSC), ke ĝi nuligu kaj metu rapide finon al sia sistemo de atestiloj pri la kontrolĉeno en Birmo. La foresto de tuja ago kontribuas al daŭrigo de terora stato sankciita de la milita ĥunto kontraŭ la popolo kaj la birma nacio. Krome, tio implicas, ke la FSC subtenas la abomenindaĵon plenumintajn kontraŭ laboristoj kaj sindikatoj de la lando.
Partnerece kun la IBB (Internacio de la laboristoj de konstruado kaj ligno, tutmonda sindikata federacio, kiuj kolektas 361 liberajn kaj demokratiajn sindikatojn, kiu reprezentas sumon de 12 milionoj da membroj en la sektoroj de la konstruado, konstrumaterialoj, ligno, forstokulturo kaj koneksaj sektoroj en 115 landoj. La ĉefa misio de la IBB estas protektado kaj promociado de la laboristaj rajtoj plibonigante samtempe la labor- kaj viv-kondiĉojn, enradikita en la principo de egaleco, solidareco kaj demokratio.
La Internacio de Edukado, ĝiaj du aliĝintoj en Kebekio, la Centralo de la Sindikatoj de Kebekio (CSQ), kaj la Nacia Federacio de la Geinstruistoj de Kebekio (FNEEQ-CSN), La Internacio de Publikaj Servoj, la Interprofesia Federacio de Sano de Kebekio (FIQ), kaj ĉiuj sindikatoj de la publika sektoro bezonas vian solidarecon por peti de la registaro, ke ĝi komencu veran kolektivan intertraktadon.
Post jaro da intertraktado pri la renovigo de la kolektivaj konvencioj en la publika sektoro, kaj fronte al la necedemo de la registaro de Kebekio, ĝia rifuzo aŭskulti la postulojn de la gelaboristoj kaj ĝiaj nepravigitaj atakoj kontraŭ iliaj laborkondiĉoj, la Komuna fronto de la sindikatoj, kiuj reprezentas la gelaboristojn de la publika sektoro organizis strikmovadon de la 21a ĝis la 23a de novembro.
Ĉirkaŭ 420 000 laboristoj de la sektoroj de Edukado, Supera lernado, Sano kaj Socialaj servoj amase balotis favore al la striko (95 %), kaj kolektiĝis en unuiĝinta fronto sur la strikpostenoj por instigi la registaron intertraktadi.
La Komuna fronto kolektas la gelaboristojn de la publika sektoro - la Centralo de la Sindikatoj de Kebekio (CSQ), la Federacio de la Gelaboristoj de Kebekio (FTQ), la Konfederacio de la Naciaj Sindikatoj (CSN) kaj la Alianco de la Personaro Profesia kaj Teknika de Sano kaj Socialaj Servoj (APTS). La FIQ reprezentas pli ol 80 000 flegistinojn, help-flegistinojn spirterapeŭtojn kaj klinikajn perfuzistojn, kiuj laboras en la sanaj establaĵoj de Kebekio.
La registaro de Kebekio devas respekti la socialan dialogon kaj intertraktadi kun la sindikatoj de la funkciuloj de la provinco. La antaŭa oferto de la registaro ne estas akceptebla kaj estis amase forpuŝita de la funkciuloj. Bedaŭrinde, via registaro montras senkapablecon kompreni la malfacilaĵojn suferitajn en la publika sektoro, kaj la urĝan bezonon subteni kaj motivigi la personaron de la publikaj servoj.
Partnerece kun la Internacio de Edukado
kaj la Internacio de Publikaj Servoj. La Internacio de Edukado estas la voĉo de la instruistoj kaj laboristoj de edukado en la tuta mondo. Pere de siaj 383 membro-organizaĵoj, La IE reprezentas pli ol 32 milionojn da instruistoj kaj personaro de helpo al edukado en 178 landoj kaj teritorioj. La Internacio de Publikaj Servoj estas internacia sindikata federacio, kiuj grupigas pli ol 700 sindikatoj reprezentantaj 30 milionojn da laboristoj en 154 landoj.
La aktivuloj kaj membroj de la sindikato de la kajutpersonaro JSSSV de Air Serbia suferas senprecedencan premon pro siaj sindikataj aktivecoj kaj riskas gravajn malpromociojn. Ni opinias, ke tia timigo ne estas digno en ia ajn cirkonstancoj kaj aparte en entrepreno, kiu grandparte apartenas al la Ŝtato. Ni alvokas al internacia solidareco kun la kajutpersonaro JSSSV de Air Serbia.
Sindikatismo estas rajto, ne krimo. La direkcio de Air Serbia ĉesigu ĉian premon kaj timigon kontraŭ la membroj de la sindikato JSSSV kaj reenpostenigu la kolegojn, kiuj riskas malpromociojn. La asocia libereco kaj la rajto de la laboristoj organiziĝi kaj kolektive intertraktadi estas fundamentaj rajtoj enskribitaj en la ĉefaj internaciaj konvencioj kaj ĉartoj, kaj en la serba juro. Mi petas de Air Serbia, ke ĝi respektu la rajton al organizado kaj promociu la socialan dialogon. Mi alvokas la serban registaron garantii la socialajn rajtojn kaj respekti la rajtojn de la laboristoj ene de d'Air Serbia.
Partnerece kun la Eŭropa federacio de la transportlaboristoj (ETF), tuteŭropa sindikata organizaĵo, kiu grupigas la transportsindikatojn en Eŭropa Unio, Eŭropa Ekonomia Areo kaj landoj de centra kaj orienta Eŭropo. La ETF reprezentas pli ol 5 milionojn da transportlaboristoj de pli ol 200 transportsindikatoj en 38 eŭropaj landoj. Tiuj laboristoj ĉeestas en ĉiuj sektoroj de la transportindustrio, surtere, enmare kaj enaere.
Dum la kampanjo de la Sendependa sindikato de la laboristoj pri sano, farmacio kaj sociala medio de Kartvelio (HSMCTU) por altiĝo de salajroj de januaro ĝis majo 2023, 63 urĝistaj kuracistoj estis maldungitaj post sukcesaj protestoj.
La dunganto (la kunordiganta centro pri urĝaj situacioj kaj urĝaj asistoj de Kartvelio) submetis la kuracistojn al ekzameno de apriloĝis septembro 2023, kaj strange, nur tiuj, kiuj partoprenis la manifestaciojn, kvankam spertaj kuracistoj kun 10 ĝis 30 jaroj da profesia senriproĉa spertado, malsukcesis al la ekzamenoj.
Ni postulas reenpostenigon de ĉiuj dungitoj, maldungitaj pro sia partopreno al la manifestacioj de la urĝistaj kuracistoj. Haltigu la represion, komencu intertraktadojn, respektu la asocian rajton. Anstataŭigu la neklaran ekzamenon por la spertaj kuracistoj per kurso por plibonigo de la kvalifikoj, ekskludu la nekompetentajn personojn el la ekzamena komitato, kaj ebligu partoprenon de la sindikataj reprezentantoj en la procezo pri ellaboro de la programo de la kurso, cele al garantio de travidebleco kaj senpartieco en la procezo pri takso de konoj.
Respektu la pacajn rajtojn al kunsidoj, al pacaj protestoj, subtenu la rajton sindikataniĝi, ĉesigu tuj la represion kontraŭ la urĝecaj medicinaj laboristoj, kaj engaĝu dialogon kun la sindikato.
Partnerece kun EPSU – La Eŭropa Sindikato de la Publika Servo
Jaron post la movado « Virino, vivo, libereco », la represia aparato de la Islama Respubliko de Irano intensigis siajn klopodojn por nuligi ĉiajn disidentecojn, lanĉante ondon de agresaj agoj, kontraŭ la iranaj civitanoj, la edukistoj kaj sindikataj aktivuloj. Tiu represio, stimulita de la grava partopreno de la junuloj al la manifestacioj koncerne Jina Mahsa Amini, celas ĉefe la instruistojn kaj la instruajn establaĵojn.
La iranaj edukistoj konstante esprimas siajn petojn pri plibonigo de la laborkondiĉoj kaj agnosko de iliaj rajtoj kaj esencaj liberecoj. Tamen, de post la 1a de majo 2022, multaj estroj de la provincaj kaj departementaj asocioj (kiuj apartenas al la Nacia Konsilio de kunordigado de la profesiaj asocioj de la iranaj instruistoj, aliĝintoj al IE) estis obĵeto de malpravaj arestoj, enkarcerigoj eĉ torturoj, ĉio ĉi pro iliaj sindikataj aktivecoj pacaj kaj laŭleĝaj.
La gvidantoj de la sindikatoj de instruistoj enkarcerigitaj malobeis nenian nacian aŭ internacian leĝon. Ilia aresto, enkarcerigo, torturo aŭ ilia daŭra deteno konsistigas evidentan malobservadon pri la fundamentaj rajtoj de la laboristoj. Mi alvokas la iranajn aŭtoritatojn tuj liberigi ĉiujn sindikatajn instruistojn nun detenitajn, nur ĉar ili plenumis siajn legitimajn rajtojn kaj liberecojn. Krome, mi alvokas la Islaman Respublikon de Irano respekti la rajtojn kaj fundamentajn liberecojn de ĉiuj laboristoj, inkluzive de la rajtoj pri asociiĝo kaj esprimo, kaj ankaŭ la rajton partopreni al pacaj kolektiĝoj sen interveno de la Ŝtato.
Partnerece kun la Internacio de Edukado, la voĉo de la instruistoj kaj laboristoj pri edukado en la mondo. Danke al siaj 383 membro-organizaĵoj, la IE reprezentas pli ol 32 milionojn da instruistoj kaj personaro pri helpo al edukado en 178 landoj kaj teritorioj.
La 1-an de julio 2023, je la 7-a horo kaj duono, Víctor Licona Cervantes, ĝenerala sekretario de la kadroj en la Ŝtato Hidalgo « SUTSPEEH » estis arestita de policistoj, dum li iris al la ĝenerala kunsido de sia sindikato. Estis planite diskuti pri tri gravaj demandoj fronte al konstantaj provokoj kaj malrespekto de la sindikata libereco fare de la Ŝtataj aŭtoritatoj: intertraktatoj pri altiĝo de salajroj, plibonigoj de la monatribuoj, kiuj ne estis konsentitaj de la aŭtoritatoj de la registaro de la Ŝtato Hidalgo, redono de la burooj de la SUTSPEEH post perforta elpelado, kaj nuligo de la administraciaj punoj kontraŭ la laboristoj reprezalie al la defendo de la memstareco de la sindikato kaj la subteno dediĉita al Victor Licona.
Fronte al tiuj neatenditaj eventoj, la sindikata asembleo ne okazis kaj la sindikatanoj rapide organizis manifestaciojn kaj blokis vojojn. Nuntempe, tiuj sindikatanoj suferas timigojn fare de la lokaj aŭtoritatoj.
Ĝis nun, pluraj aŭdiencoj ĉe la tribunalo okazis sen decidi pri lia vere leĝa situacio, dum li estas senigita je siaj fundamentaj rajtoj, nome vizitoj al sia familio, amikoj kaj sindikataj kolegoj.
Kuniĝu kun la SUTSPEEH, kun la Internacio de la publikaj servoj kaj al la Konfederacio de la municipaj laboristoj de Amerikoj por postuli tujan kaj senkondiĉan liberigon de Victor, kaj finon de la represio kontraŭ aliaj sindikatanoj.
Ni petas de la juĝaj aŭtoritatoj kaj de la registaro de Hidalgo, ke ĝi garantiu la jurŝtaton kaj la laŭleĝajn garantiojn por nia kamarado Víctor Licona, kaj samtempe metu finon al la timigoj suferitaj de la membroj de la SUTSPEEH, kiuj postulas lian tujan liberigon el la Centro pri socia readaptiĝo, kie li estas maljuste enkarcerigita de post la 1a de julio 2023.
Partnerece kun la Sindikato de la ekzekutivo de la Ŝtato Hidalgo – SUTSPEEH, la Internacio de la publikaj servoj – ISP, internacia sindikata federacio, kiu grupigas pli ol 700 sindikatojn kaj reprezentas 30 milionojn da laboristoj en 154 landoj, kaj la Konfederacio de la municipaj laboristoj de Amerikoj – CONTRAM.
/image%2F0553642%2F20170724%2Fob_8aeb1c_logo.jpg){kind=logo}
/image%2F0553642%2F20240504%2Fob_14f216_screenshot-2024-04-18-at-18-31-46-feat.jpg)
/image%2F0553642%2F20240504%2Fob_43e670_ke-02.jpg)
/image%2F0553642%2F20240504%2Fob_171728_psi.jpg)
/image%2F0553642%2F20240315%2Fob_4bb583_4-1-textile-p-300x225.jpeg)
/image%2F0553642%2F20240315%2Fob_54e904_images.jpg)
/image%2F0553642%2F20240315%2Fob_987d43_ctuws.png)
/image%2F0553642%2F20240310%2Fob_7c0aff_po72212330-front.png)
/image%2F0553642%2F20240310%2Fob_ff2034_panamo.jpg)
/image%2F0553642%2F20240310%2Fob_8d781c_birmo.jpg)
/image%2F0553642%2F20240310%2Fob_643c98_serbio.png)
/image%2F0553642%2F20240310%2Fob_54f38a_kartvelio.png)
/image%2F0553642%2F20240109%2Fob_ad44f0_5376.jpg)
/image%2F0553642%2F20240109%2Fob_adfe8f_46f93b48337950a9913e238682ce8841.gif)
/image%2F0553642%2F20240109%2Fob_d9fa2b_bwi.png)
/image%2F0553642%2F20231223%2Fob_b2c271_5374.jpg)
/image%2F0553642%2F20231223%2Fob_7be06b_6961fd5d9b8389159cc026cf276b3a40.jpg)
/image%2F0553642%2F20231223%2Fob_1b2aaf_bwi.png)
/image%2F0553642%2F20231203%2Fob_1a3e4e_5361.jpg)
/image%2F0553642%2F20231203%2Fob_a8902e_images.jpg)
/image%2F0553642%2F20231203%2Fob_dbe6b8_ei2017.jpg)
/image%2F0553642%2F20231203%2Fob_1b4097_psi.jpg)
/image%2F0553642%2F20231107%2Fob_dafb42_5347.png)
/image%2F0553642%2F20231107%2Fob_953f4f_cdn-image.gif)
/image%2F0553642%2F20231107%2Fob_8bf906_etf2023.png)
/image%2F0553642%2F20231017%2Fob_ac746b_5331.png)
/image%2F0553642%2F20231017%2Fob_de446b_image-2019-02-17-2.jpg)
/image%2F0553642%2F20231017%2Fob_cca9a2_epsu.png)
/image%2F0553642%2F20230918%2Fob_5e565c_5317.jpg)
/image%2F0553642%2F20230918%2Fob_3de725_iran-map.png)
/image%2F0553642%2F20230918%2Fob_89a706_telechargement.png)
/image%2F0553642%2F20230805%2Fob_a10c10_marcha-780x470.jpg)
/image%2F0553642%2F20230805%2Fob_3617a7_hidalgo.jpg)
/image%2F0553642%2F20230805%2Fob_164157_psi.jpg)