26/03/2025

Unu el la palestinaj reĝisoroj de la filmo « No Other Land » Oskaro 2025 de la plej kvalitaj filmdokumentoj, Hamdan Ballal, estis « vundita kaj sangokovrita » lundon post la atako de « grupo de kolonianoj » kontraŭ lia domo sude de okupaciata Cisjordanio, raportas Yuval Abraham, alia reĝisoro de la filmo. Hamdan Ballal, estis forkondukita fare de israelaj soldatoj – Tsahal ne ankoraŭ konfirmis.

Ĉu tio estas reprezalioj post la filmdokumento pri la koloniado en Cisjordanio ? La Palestina Hamdan Ballal, kunreĝisoro de « No Other Land », kiu ricevis ĉi-jare la Oskar-premion, estis arestita lundon 24an de marto fare de la israela armeo en okupaciata Cisjordanio, laŭ Yuval Abraham, unu el ambaŭ israelaj reĝisoroj de la filmo.

« Grupo de kolonianoj atakis la domon de Hamdan Ballal (...), dum li estis vundita kaj sangokovrita, soldatoj eniris en la ambulancon, kiun ili vokis kaj arestis lin », rakontas Yuval Abraham en sia X-konto.

La faktoj okazis en Susija, sude de Cisjordanio, okupaciata de Israelo de post 1967, laŭ la Center for Jewish Nonviolence, NeRegistara Organizaĵo, kiu kontraŭas la israelan okupacion. Ties membroj estis surloke kaj asertas, ke ili filmis la eventojn.

Pridemandita de la franca novaĵagentejo AFP, la isralea armeo kontrolos tiujn informojn.

Filmo engaĝita en « milita zono »

Filmita en Masafer Yatta, vilaĝo proksime de Susija, « No Other Land » rakontas la historion de juna Palestinano, kiu luktas kontraŭ tio, kion UN kvalifikas trudita delokigo.  

Masafer Yatta, de kie originas unu el ambaŭ palestinaj kunreĝisoroj, estis deklarita kiel milita zono fare de Israelo. Post longa juĝa batalo, la Ĉefkortumo pravigis en 2022 la israelan armeon per decido, kiu ebligis la elpeladon de loĝantoj de ok vilaĝoj instalitaj tie, kie la armeo deziras starigi pafkampon.      

La koloniado de Cisjordanio fare de Israelo estas regule denuncita de Unuiĝintaj Nacioj kiel kontraŭleĝa laŭ la internacia juro.

Hamdan Ballal estis liberigita mardon de la israela polico.

https://www.france24.com/fr/moyen-orient/20250325-hamdan-ballal-cor%C3%A9alisateur-de-no-other-land-arr%C3%AAt%C3%A9-par-l-arm%C3%A9e-isra%C3%A9lienne-cisjordanie-blessure-colons-yuval-abraham-oscars

https://www.youtube.com/watch?v=7AS6v3hC86Q

07/03/2025

En okupaciata Cisjordanio, regas timo de atakoj de kolonianoj kaj de israelaj militaj operacoj

http://neniammilitointerni.over-blog.com/2025/03/en-okupaciata-cisjordanio-regas-timo-de-atakoj-de-kolonianoj-kaj-de-israelaj-militaj-operacoj.html

07/03/2025

Bildo: Ĵauad Ghazal observas de fore siajn kampojn de olivarboj detruitaj de la israelaj kolonianoj.

En okupaciata Cisjordanio, la israela armeo daŭrigas la operacon lanĉitan du jarojn post la subskribo de la batalhaltigo en Gazao, kiu puŝis 40 000 homojn forlasi sian hejmon. Akompanas tion ankaŭ kreskigo de la atakoj de israelaj kolonianoj en la palestina teritorio.

Ĵauad Ghazal loĝas en Sebastia, antikva urbo ĉe flanko de monteto, kaŝita inter la olivarboj. Tiuj kampoj ne estas atingeblaj, nur povas esti rigarditaj de fore.

« Antaŭ kelkaj semajnoj, aŭto plena de kolonianoj proksimiĝis. Mi, kiel maljunulo en sia kampo, estis sola. Ili insultis min. ili diris al mi, ke tiuj teroj estas israelaj », li rakontas.

Li aldonas : « Poste ili frapis min ĉe la vizaĝo. Mi falis alteren kaj ili piedbatis min. Ili estis armitaj. Ili diris, ke ili revenos mortigi min se mi reiros, kaj ke ili prigardas min de la kolonio tie for. Nun, mi iras sur miaj teroj diskrete, kiel ŝtelisto. »

Tiuj perfortoj ne estas novaj. La patro de Ĵauad estis mortigita fare de kolonianoj, ĉe lia vido, antaŭ 20 jaroj. Sed post la 7a de oktobro 2023 kaj la atako de la Hamaso ĉio ŝanĝiĝis, opinias Ĵauad. La armeo kaj la kolonianoj senkaŝe antaŭiras kune, asertas la urbestro de Sebastia, Mohammad Azim:

« Vidu tion, tio estas ordono de la ĉefo de la armeo en la zono. Li diras al ni, ke li kaptos terojn, kiuj apartenas al la vilaĝo, por krei inter la ĉirkaŭaj kolonioj vojon, kiun nur la israelaj kolonianoj rajtos uzadi.»

Antaŭ la 7a de oktobro, ni provus manifestacii. Hodiaŭ, ni tro timas esti mortigitaj.

https://www.rfi.fr/fr/moyen-orient/20250304-en-cisjordanie-occup%C3%A9e-la-peur-des-attaques-de-colons-et-des-op%C3%A9rations-militaires-isra%C3%A9liennes

https://www.youtube.com/watch?v=YdFz9AH89CA

15/02/2025

Standing Together: Ni haltigu la planon Trump kaj Netanjahu

http://neniammilitointerni.over-blog.com/2025/02/standing-together-ni-haltigu-la-planon-trump-kaj-netanjahu.html

18/07/2024

Atenco de la 7-a de oktobro :  Human Rights Watch denuncas « centojn » da militkrimoj plenumintaj fare de palestinaj grupoj

http://neniammilitointerni.over-blog.com/2024/07/atenco-de-la-7-a-de-oktobro-human-rights-watch-denuncas-centojn-da-militkrimoj-plenumintaj-fare-de-palestinaj-grupoj.html

01/03/2025

Bildo: la advokatino Oleksandra Matvijĉuk, gvidantino de la NeRegistara Organizaĵo Centro por civilaj liberecoj, kaj Nobelpremio pri Paco en 2022.

Dum ege streĉita interparolo inter la prezidentoj usona kaj ukrainia en la Blanka Domo, kie ĉeestis kameraoj el la tuta londo, Donald Trump minacis « forlasi » Ukrainion fronte al Rusio, se Volodimir Zelenskij ne montras pli bonan volon por labori favore al tuja paco.

Post la perforta frontalfronto inter Donald Trump kaj Volodimir Zelenskij, vendredon 28an de februaro en la Blanka Domo, Oleksandra Matvijĉuk, advokatino kaj ukrainia aktivulino ricevinte la Nobelpremion pri Paco en 2022 opinias, ke Putin « estas la sola profitanto » de tiu spektakla diplomatia evento.

« Ni spektis historian eventon. La historio juĝos », opinias la gvidantino de la Centro por civilaj liberecoj. Ridinde estas, ke la sola hieraŭa profitanto, estas Putin. « Ankaŭ lia alianco kun Irano, Norda Koreio, Ĉinio », ŝi aldonas.

Tamen, Oleksandra Matvijĉuk ne sentas sin sole. « Mi scias, ke en Usono, multaj homoj subtenas Ukrainion. Ni batalas por valoroj. Ni batalas por libereco. Tio estas multe pli grava ol la diversaj ercoj. » La disputo inter ambaŭ viroj, malofte vidita je tia nivelo, bruske metis finon al iliaj interparoloj.

La gazetkonferenco kaj la planita subskribo por oficialigi interkonsenton koncerne aliron al la ercaj resursoj de Ukrainio inter ambaŭ landoj estis nuligitaj.  

« Ni volas daŭran pacon en kio ni certas, ke tuj poste Rusio ne atakos denove. Estas normale, ke ni parolu pri la sekuraj demandoj. Ni bezonas garantiojn. »

La subteno de multaj eŭropaj ĉefurboj al Volodimir Zelenskij tuj esprimiĝis. Sed la ukraina prezidento deklaris en "Fox News", ke sen la usona helpo, repuŝi Rusion malfacilos por Ukrainio. La brita Ĉefministro Keir Starmer invitis dekkvin eŭropajn estrojn al pintkunveno dimanĉon.

« Eŭropo devus havi rolon pli anticipan », pledis Oleksandra Matvijĉuk.   

https://www.francetvinfo.fr/monde/europe/manifestations-en-ukraine/trump-zelensky-poutine-est-le-seul-beneficiaire-estime-l-ukrainienne-oleksandra-matviitchouk-prix-nobel-de-la-paix_7104024.html

https://www.youtube.com/watch?v=E3len6Yk3Oc       

24/07/2023

Ukrainio:  la rusiaj bombadoj kontraŭ Odeso celas « terorigi » la loĝantaron, laŭ la generalo Jérôme Pellistrandi

http://neniammilitointerni.over-blog.com/2023/07/ukrainio-la-rusiaj-bombadoj-kontrau-odeso-celas-terorigi-la-logantaron-lau-la-generalo-jerome-pellistrandi.html

15/12/2022

Odeso: Zamenhofa tago 2022 en malvarmo, mallumo kaj sub la rusiaj bomboj

http://neniammilitointerni.over-blog.com/2022/12/odeso-zamenhofa-tago-2022-en-malvarmo-mallumo-kaj-sub-la-rusiaj-bomboj.html

13/05/2022

Milito en Ukrainio : « Mi havis la manojn konstante kunligitajn en la dorso », konfidas Ukraino deportita en Rusion

http://neniammilitointerni.over-blog.com/2022/05/milito-en-ukrainio-mi-havis-la-manojn-konstante-kunligitajn-en-la-dorso-konfidas-ukraino-deportita-en-rusion.html

15/02/2025

Kuniĝu kun ni, judaj kaj palestinaj civitanoj, por haltigi la abomenan planon de Trump kaj Netanjahu ebligante la kontrolon de Gazao fare de Usono, kaj la truditan translokigon de la palestinanoj el Gaza-sektoro.

La trudita translokigo de 2 milionoj da Palestinanoj ne okazos. Ĉiuj, kiuj rekomendas tion kondamnas ĉiujn en Israelo-Palestino vivi en senfina milito kaj ĉagreno. Ebla vojo ekzistas en la intereso de ĉiuj, Israelanoj kaj Palestinanoj. Tio nomiĝas paco.

Hodiaŭ Netanjahu ĝojas. Smotrich festenas. Ben-Gvir rapidas jubilee al la registaro. Jen la vera sukceso de la deklaro de Trump pri la trudita translokigo kaj la usona ekkontrolo de Gaza-sektoro. Por nia ekstremdekstra registaro, la revo fariĝas realo anstataŭ pluigi la duan etapon de la interkonsento pri batalhaltigo kaj liberigo de ĉiuj ostaĝoj. Ili havas pretekston por relanĉi la militon, eĉ pli detruadi Gazaon, eviti la kulpigon de tiu terura katastrofo kaj konservi la potencon. Same, ili ankaŭ anoncas formalan anekson de Cisjordanio, kies nura rezulto estos kreskigo de la nombro de funebraj familioj. Pro tio, ili ĝojas pri la jam verŝita sango kaj ankaŭ verŝota. Ni ne falu en ilian kaptilon. Ni ne lasu ilin kunporti nin al alia katastrofo, plenumi aliajn militkrimojn kaj transformi nin en militemulojn kiel ili.           

Alia vojo ekzistas. Kaj male al la Kahanisma vizio pri translokigo kaj etna elpurigo, ĝi estas ebla, reala kaj bona por ni ĉiuj. Tiu vojo nomiĝas israela-palestina paco. Kelkaj ne deziras tion. Kelkaj opinias, ke ili povas detruadi tutan popolon, puŝi ilin al la maro, kaj malaperigi ĝin. Tio ne okazos. Du popoloj loĝas sur tiu tero, kaj ambaŭ nomas ĝin sia patrio. Tio ĉiam ekzistis kaj plu ekzistos. Inter ambaŭ popoloj, ekzistas ekstremistoj, kiuj deziras pli da mortintoj kaj detruadon por konservi sian potencon – sed la plimulto komprenas, ke ni ĉiuj estas ĉi tien por restadi, kaj ke paco povas esti nur bonŝanco. Estas tempo fari de tiu alternativo realon kaj nin savi el estonto de senfina milito.

Tio eblas. Ni havas partnerojn por la paco. Ekzistas palestinaj partneroj, kaj ekzistas israelaj partneroj. Anstataŭ lasi nian militeman registaron transformi nin en socion mesiisman kaj malaman, ni luktu por la paco. En la venontaj tagoj kaj semajnoj, ni estos surterene, en la tuta lando, por postuli tion, kio estas bona por ni ĉiuj : daŭrigo de la interkonsento pri batalhaltigo, fino de la okupacio kaj vere justa paco, kio donos sendependecon al ambaŭ popoloj. Tio estas la tasko de ĉiu el ni.

Estas infanoj en Gazao. Estas infanoj en Israelo. Estas infanoj en Cisjordanio. Ĉiuj ĉi infanoj kreskos ĉi tie, sur tiu tero, kiu estas hejmo por ĉiuj. Hieraŭ, Trump kaj Netanjahu promesas estonton, en kio ĉiuj interbatalos, mortigos kaj mortos kontraŭ siaj interesoj pro la decidoj adoptitaj de tiuj politikuloj. Ni promesu la vivon.

Subskribu kaj dividu tiun peticion : kuniĝu kun ni por kontraŭbatali tiun katastrofan planon kaj aŭdigi niajn voĉojn.

https://www.standing-together.org/petition-en/dearcongress

https://www.standing-together.org/en

https://www.youtube.com/watch?v=wZ33jBy9QDs

05/10/2023

En Jerusalemo, miloj da Israelaninoj kaj Palestinaninoj manenmane por la paco

http://neniammilitointerni.over-blog.com/2023/10/en-jerusalemo-miloj-da-israelaninoj-kaj-palestinaninoj-manenmane-por-la-paco.html

10/10/2023

HALTIGU LA BARBARECON !

http://neniammilitointerni.over-blog.com/2023/10/haltigu-la-barbarecon.html

27/01/2025

Okaze de la 80a datreveno de la malkovro de la koncentrejo fare de la Ruĝa Armeo, la 27an de januaro 1945, Memorigaĵo de la Ŝoaho proponas relegadon de la albumo de Aŭŝvico. Tiuj fotoj, fotitaj de la nazioj por atesti pri ilia « bona laboro », malkaŝas ankaŭ indicojn koncerne la vivon kaj la rezistadon de la viktimoj ene de la koncentrejo.

Ĝenerale, ni malfacile scipovas legi la bildojn. Tion ĉiaokaze asertas Tal Bruttmann, historiisto kaj komisaro de la ekspozicio « Kiel la nazioj fotis la krimojn: Aŭŝvico 1944 », malkovrinda ĉe la Memorigaĵo de la Ŝoaho ekde la 23a de januaro 2025. Li eksplikas :  

En niaj socioj, oni opinias, ke sufiĉas montri bildon, por ke ĉiuj komprenu.  Tio estas tute falsa. Bildo kelkfoje konsistas el miriadoj da informoj, kiujn oni ne povas mastri rigardante ĝin nur kelkajn sekundojn.

La historiisto laboris kvin jarojn pri la analizo de la « albumo de Aŭŝvico », korpuso da fotoj fotitaj de la SS (Schutzstaffel) en 1944 en administra celo. Malkovritaj en 1945 dum la liberigo de la koncentrejo fare de juda deportitino, « tiu albumo, komanditita de Rudolf Höss, respondeculo de la koncentrejo Aŭŝvico, utilis por dokumenti la deportadon de la hungaraj judoj.»   

« Temas pri la plej vasta operaco iam organizita kadre de la Ŝoaho. La tuta intenco de tiuj bildoj estas montri la supozitan kapablecon de la naziaj altranguloj al lia hierarkio », detaligas Tal Bruttmann.

La enscenigo estas do postulata, celante ekzemple forgumi la neceson uzadi devigon dum la operacoj, kiuj sekvas la alvenon de la vagonaro. Kelkaj elementoj videblaj en la bildoj estas tamen signifaj kondiĉe, ke oni « sciipovu » rigardi transe de tio, kion la nazioj deziris montri.

Relegado de la albumo de Aŭŝvico

La bildoj entenitaj en tiu korpuso figuras inter la plej emblemaj de la Ŝoaho kaj estas konataj ekde la komenciĝo de la 1950aj jaroj. Sed tiu ekspozicio proponas novan legadon de la albumo, instigante la vizitantojn ekvidi en la eksponitaj bildoj tion, kion la naziaj deziris kaŝi.

« Kiam oni rigardas iun bildon, oni ofte estas kaptitaj de la ago, kiu disvolviĝas ĉe la unua plano. Ĉiuj aliaj informoj, kiuj figuras ĉe la dua plano de la bildo estas do neglektataj. Sed se oni atentas, oni ekvidas riĉan trezoron da informoj. »

Se fotilo ne povas kapti la bruojn kaj la odorojn, la bildoj de la viktimoj rivelas indicojn pri la realo de la koncentrejoj. « La bildoj informas nin pri la aŭd- kaj flarkapablo. Kiam centoj aŭ miloj da personoj ĉeestas sur bildo, estas bruoj, paroloj, flustroj, ploroj, krioj. Homoj surhavas naztukojn sur la nazo, kio nutras la atestojn de la viktimoj, de homoj, kiuj loĝis en la ĉirkaŭajoj kaj eĉ de SS, laŭ kiuj la lokoj laŭlitere stinkis la morton. »

Pruvoj pri la rezistado de la viktimoj

Kelkaj prezentitaj bildoj rivelas ankaŭ formojn de rezistado fare de virinoj, viroj kaj eĉ infanoj ĉeestantaj en la koncentrejo. « Virinoj kaj infanoj montris sian langon. Eble tiu defia gesto ŝajnas ridinda, sed tio estas la sola rimedo, kiun ili havis por defii la armitan fotiston SS , kaj provi « fuŝi la bildon », detaligas la historiisto.

Ĉe la viroj, la malfido estas observebla alimaniere. « La korpa lingvo malsimilas tiun de la virinoj. Oni povas observi ludon kun la rigardo, teniĝojn, neordinaran sintenon, listigas Tal Bruttmann. Sur bildo, oni povas vidi ankaŭ viron, kiu videble antaŭe armeaniĝis, ĉar li estas ekipita sammaniere, kiel li prepariĝus al milito, dum aliuloj estas tute konfuzitaj. Ĉiu reagas laŭ sia propra maniero. »

80 jarojn post la malkovro de la koncentrejo, la albumo eksponita atestas pri la funkciado de Aŭŝvico-Birkenau je ĝia kulmino. Ironio de la sorto, ĝi utilos kiel pruvo dum la procesoj de kelkaj el la respondeculoj de la projekto pri ekstermo de la Judoj de Eŭropo dum la Dua Mondmilito.

« Kiel la nazioj fotis siajn krimojn: Aŭŝvico 1944 »: tiu ekspozicio estas malkovrinda senpage ekde la 23a de januaro 2025 ĉe la Memorigaĵo de la Ŝoaho, en Parizo. 

https://www.geo.fr/histoire/lalbum-dauschwitz-quand-les-photos-des-bourreaux-temoignent-aussi-de-la-resistance-des-victimes-224322   

02/08/2024

Antaŭ 80 jaroj, 3 000 Romaoj estis murditaj de la nazioj en Aŭŝvico

http://neniammilitointerni.over-blog.com/2024/08/antau-80-jaroj-3-000-romaoj-estis-murditaj-de-la-nazioj-en-ausvico.html

28/01/2020

75-a datreveno de la liberigo de Aŭŝvico: «La vero pri la Holokaŭsto ne forpasu»

http://neniammilitointerni.over-blog.com/2020/01/75-a-datreveno-de-la-liberigo-de-ausvico-la-vero-pri-la-holokausto-ne-forpasu.html