Overblog
Suivre ce blog Administration + Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton!

Ekde 03/01/2012

free counters
Free counters

Bonvenon

21 mai 2022 6 21 /05 /mai /2022 21:21
TÉLAM

21/05/2022

Post « proceso por la vero », la tribunalo de Resistencia ordonis ĵaŭdon aranĝojn pri reparacioj, kiuj estas historiaj. La 19an de julio 1924, pli ol 400 personoj estis mortigitaj en rezervejo de Ĉako, norde de la lando.

Ĵaŭdon, la argentina justico formale agnoskis la « kulpecon » de la Ŝtato en la masakro de pli ol 400 indiĝenoj dum senprecedenca « proceso por la vero », kiu rekomendis aranĝojn pri reparacioj. Tio okazis antaŭ pli ol jarcento en la rezervejo de Ĉako (nordo),

La tribunal starigis, ke « matene de sabato 19an de julio 1924, cento da policistoj, ĝendarmoj kaj kelkaj armitaj civiluloj, helpataj de aviadilo, alvenis en la areo de la rezervejo, kie mil personoj, familioj Qom kaj Mocoit, kaj agrikulturaj laboristoj strikis ». Ili protestis kontraŭ aĉaj laborkondiĉoj en la kotonkampoj. Tiu armita taĉmento pafis dum pli ol horo, kaj « inter 400 kaj 500 membroj de la etnaj grupoj Qom kaj Mocoit mortis (…), la vunditoj, kiuj ne sukcesis fuĝi estis mortigitaj per kiel eble plej kruela maniero », kun mutiladoj, enterigoj en komunaj fosaĵoj.   

Pri tiu evento konata kiel « masakro de Napalpi », kies memoraĵo reaperis de antaŭ ĉirkaŭ dek kvin jaroj post longa periodo de nevidebleco, la juĝistino Zunilda Niremperger, kiu prezidis la tribunalon, ordonis « historiajn aranĝojn de reparacioj ». Inter tiuj aranĝoj figuras publikigo de la verdikto en la Oficiala ĵurnalo, inkluzivigon de la masakro en la lernejajn programojn, diskonigon de la proceso ĉe la publika televido, daŭrigon de la jurmedicinaj esploroj por elfosi restaĵojn de la viktimoj. Memorigaĵo jam estis starigita en 2020.

 

Senprecedenca proceso en Argentino

Dum la debatoj, la temo pri ekonomia reparacio estis nek defio nek peto, kvankam la juĝo povis teorie malfermi vojon al civilaj demarŝoj.

La proceso de Napalpi, kiuj entenas grandan simbolan valoron sen vera « akuzato », estas tamen senprecedenca proceso en la lando, kaj markilo de kreskanta videbleco de la krimoj plenumintaj kontraŭ la indiĝenaj popoloj dum la konstruado de Argentino kiel nacio, laŭlonge de la 19a jarcento kaj poste.

La province de Ĉako (kiu ne ekzistis en la epoko de la faktoj), la registara sekretario pri Homaj rajtoj kaj la Instituto de la Aborigeno chaqueño estis kunplendantoj en la proceduro.

La juĝisto Niremperger tuj avertis, ke la proceso « ne celis puni respondeculon, sed koni la veron, por rehonorigi la memoron de la popoloj, pansi la vundojn, reparacii kaj ankaŭ aktivigi la memoron kaj konsciiĝon de tiuj malobservadoj de Homaj rajtoj.»  

neniammilitointerni - dans Homaj Rajtoj Historio
25 mars 2022 5 25 /03 /mars /2022 21:59

25/03/2022

En Orienta Eŭropo, en la urbo Iași, Rumanio, okazis unu el la plej teruraj masakroj de judoj dum la Dua Mondmilito.

Arestitaj, martirigitaj, pafmortigitaj pro la nura motivo, ke ili estas judoj, dekono el la loĝantaro de la urbo mortis dum tiu pogromo.

En Iași, ekstremdekstro kaj neadismo progresas el impresa maniero. Jen raportaĵo de Nadia Blétry kaj Thierry Trelluyer.     

Ses milionoj da judoj estis ekstermitaj en tuta Eŭropo. Jen la terura bilanco de la Ŝoaho. Multaj masakroj okazis en Orienta Eŭropo: Pollando, Ukrainio, Hungario, kaj... Rumanio.

Estas taksite, ke en Rumanio ĝis 380 000 judoj estis tie mortigitaj, plejparte de la polico, sub la ordonoj de la diktatoro Ion Antonescu, sed kelkfoje kun la helpo de la surloka loĝantaro, kiel dum la pogromo de Iași, unu el la plej perfortaj epizodoj de tiuj masakroj.

Somero 1942: Rumanio, aliancano de la 3a Regno, ĵus sendis sian armeon al apuda Moldavio, okupaciata de la sovetiaj trupoj.

Reprezalie, la urbo Iași, tute proksime de la landlimo, estis bombadita de la Ruĝa armeo.

La faŝismaj kaj antisemitaj movadoj estis tie potencaj kaj la juda loĝantaro estas tuj celita, akuzata pri spionado profite al la sovetianoj.   

La polico kaj la armeo ekatakis, helpataj de kelkaj loĝantoj. Multaj judoj estis pafmortigitaj sur la stratoj aŭ ĉe la urba policejo.

Aliaj estas amasigitaj en morto-trajnoj, en abomenindaj kondiĉoj. Multaj mortos tie pro malsato, soifo, aŭ sufoko.

Pli ol 13 000 personoj estis tiel masakritaj en daŭro de kelkaj tagoj. Tio reprezentas dekonon el la loĝantaro de Iași.

Sed krom historiistoj, tiuj faktoj estas vaste nekonataj hodiaŭ de la rumana loĝantaro.

Leĝo pri instruado de la Ŝoaho en la lernejoj ĵus estis balotitaj, sed ne ankoraŭ estas aplikataj.

Samtempe, ekstremdekstro kreskas en la lando.

10/04/2017

Internacia tago de la Romaoj: Rumanio devas agnoski la rajtojn de la deportitoj, viktimoj de la tiama por-nazia reĝimo

http://neniammilitointerni.over-blog.com/2017/04/internacia-tago-de-la-romaoj-rumanio-devas-agnoski-la-rajtojn-de-la-deportitoj-viktimoj-de-la-tiama-por-nazia-regimo.html

neniammilitointerni - dans Historio
17 mars 2022 4 17 /03 /mars /2022 14:16

17/03/2022

Bildo : postvivanto de la masakro de Ĥalabĝo meze de la tomboj de ĉirkaŭ 5 000 viktimoj.  

Antaŭ precize 34 jaroj, la armeo de Saddam Hussein forĵetis kemiajn gasojn al la urbo Ĥalabĝo, kiuj masakris milojn da Kurdoj.

Post la atako per kemia gaso sur la kurda urbo Ĥalabĝo 34 jarojn antaŭe, la reĝimo Baas en Irako postlasis nigran makulon en la Historio.

La atako kaŭzis la morton de pli ol 5 000 personoj kaj vundis definitive milojn da aliaj. Ĝi ankaŭ instigis al amasa migrado.

La bombado estis zorge planita por mortigi la plej grandan nombron de personoj. Tiucele, la aŭtoroj de la masakro selektis koktelon de kemiaj produktaĵoj, kiu kapablas havi maksimuman efikon.        

Laŭ la postvivantoj, unu el la gasoj tre forte odoris, simile al odoro de pomo. Alia kemia agento de la aranĝo havis kiel efikon paralizi la viktimojn. 

En daŭro de kelkaj minutoj, la venena gaso infiltriĝis ĉien : en la domojn, tra la fenestrojn, en la subteretaĝojn, kie rifuĝis la homoj. Ĉirkaŭ 5 000 personoj mortis ĉi-tage, miloj da aliaj estis vunditaj kaj multaj konservas porĉiamajn damaĝojn.

Abdurrahman Reşit Emin, postvivanto de la masakro plu estas turmentita de la memoraĵoj, kiujn li konservis de tiu terura tago. La maljunulo, kies atesto estis kolektita de la novaĵagentejo Firat News (ANF) indikis, ke lia patrino, fratoj kaj fratinoj mortis dum la masakro, kiun li priskribas kiel « senfina hororo ». Li rakontis, ke la aero estis ŝarĝita per odoro de pomo : « Ni estis konsternitaj. La ĉielo de Halabja estis skuita de la bruo de militaviadiloj. Ili nombris 10 aŭ 15. Mi ne memoras la precizan nombron. Ĉio rapidegis. Miloj da personoj mortis post dek minutoj. Ĉie, kadavroj kuŝis sur la grundo. La postvivantoj ekmigradis. Ankaŭ tiuj, kiuj restis en malriĉeco kaj malsanoj estis tiel multnombraj kiel la mortintoj. La mizero ĉion detruadis. Kelkaj freneziĝis, aliaj blindiĝis.»           

neniammilitointerni - dans Historio
16 février 2022 3 16 /02 /février /2022 22:21

16/02/2022

62 jarojn antaŭe, Francio efektivigis la unuan el siaj atmosferaj nukleaj testoj. « Blua gerbilo », la nomo de la testo, okazis en Reggane, meze de la alĝeria Saharo. Jardekojn poste, la loĝantoj de la regiono plu kunvivas kun la efikoj de la refalaĵoj de tiuj nukleaj testoj.

Hodiaŭ, Fatma Zohra Benbrahan, alĝeria advokatino kaj aktivulino pri Homaj rajtoj plendas kontraŭ la francaj aŭtoritatoj kaj la prezidentoj, de Valéry Giscard-d'Estaing ĝis Emmanuel Macron, ĉe la Internacia punkortumo en Hago.

Laŭ ŝi, la testoj havis vastajn konsekvencojn ĝis 700 kilometroj diametre : « En tiu zono troviĝis la viktimoj de tiuj nukleaj eksplodoj, eksplikas la advokatino. Tio meritas mencion, ĉar ĝis nun, Francio ne volas agnoski la diametron, en kio okazis tiuj eksplodoj. La listo de malsanoj radio-devenaj, kiuj sumas 42 malsanojn estas agnoskita koncerne nur 12 el tiuj kazoj. Necesas mencii kvar aliajn. Ni do tute ne akiris plenan agnoskon de la sanitaraj efikoj suferitaj de la civitanoj. »

 

Hodiaŭ plu ekzistas viktimoj

La lokejo Reggane plu enkalkulas gravan procenton de kanceruloj, de personoj, kiuj suferas hipertension, kaj sennombreblaj kazoj de misformaĵoj kaj aliaj patologioj ligitaj al tiuj testoj de la kolonia Francio.

Blinda maljuna viro rakontas sian 13an de februaro 1960 :

« Post tiu tago, ĉiuj francoj forlasis la regionon per aviadilo al Francio, dum ni restis ĉi tie. Mi blindiĝis ĉi tiun tagon. »

 

Testoj en Alĝerio, antaŭ Franca Polinezio

Por konduki sian lukton, la advokatino Fatma Zohra Benbraham baziĝas sur oficiala dokumento, en kio la franca registaro agnoskis la 200 nukleajn testojn efektivigitajn en franca Polinezio inter 1966 kaj 1996.

La nukleaj testoj en la alĝeria dezerto daŭris ses jarojn, ĝis 1966.

La serio de testoj en Reggane konsistis en 4 atmosferaj nukleaj testoj de Bombo A kondukitaj de Francio inter februaro 1960 kaj aprilo 1961, fine de la Alĝeria milito por sendependeco.

La bomboj eksplodis en la sahara Milita Eksperimenta Centro apud Reggane. Unuan fojon Francio eksplodigis nukleajn armiloj.

Serio de 13 subteraj nukleaj testoj kaj kvin atmosferaj nukleaj testoj estis poste kondukitaj en la montaro de Ahaggar , apud In-Ekker, inter novembro 1961 kaj februaro 1966.           

18/07/2021

Nukleaj testoj en Franca Polinezio : pli ol 2 000 personoj kolektiĝis pasintan sabaton

http://neniammilitointerni.over-blog.com/2021/07/nukleaj-testoj-en-franca-polinezio-pli-ol-2-000-personoj-kolektigis-pasintan-sabaton.html

neniammilitointerni - dans Homaj Rajtoj Historio
29 janvier 2022 6 29 /01 /janvier /2022 22:27

29/01/2022

Kvindek jarojn post la murdo de dek kvar katolikaj nord-irlandaj manifestaciantoj en Derry, surloka gazeto primemoras la heroecon de Paddy Walsh, elirinta sub la britaj kugloj, provante savi unu el la viktimoj de la Sanga Dimanĉo (Bloody Sunday), Patrick Doherty.

La intensa kaj okulfrapa bildo okupas la tutan frontpaĝon de la "Derry Journal", vendredon 28an de januaro, du tagojn antaŭ la kvindeka datreveno de la masakro plenuminta de la brita armeo en la dua plej granda urbo de Nord-Irlando.

Ĉi-dimanĉon 30an de januaro 1972, la paraŝutistoj pafas al pacema homamaso de katolikaj civiluloj. La ĉefa postulo de la manifestaciantoj estas ĉesigo de la administra senprocesa enkarcerigo de ĉiuj suspektitoj – interalie aparteno al la Irlanda Respublikana Armeo (IRA).

La aktivuloj por la civitanaj rajtoj luktas samtempe por akiri samajn rajtojn ol la protestantaj Nord-Irlandanoj, plimultaj ene de tiu teritorio, kunligita al la brita monarkio.              

Sume, dudek ses personoj estas trafitaj de la pafoj. « Multaj el ili fuĝis kaj ricevi kuglojn en la dorson ». Dek tri personoj, inter kiuj Patrick Doherty mortis. « Kelkajn tempojn poste, dek kvar personoj mortis pro siaj vundoj », precizigas la ĵurnalo de Derry, katolika kaj porreuniga influloko de la insulo, situanta proksime de la irlanda landlimo.

 

Unu el la plej teruraj tagoj de la Tumultoj

En la « memora » eldono dediĉita al la datreveno de la masakro, la duonsemajna gazeto emfazas la atestojn de la elsaviĝintoj kaj proksimuloj de la viktimoj, kaj la marŝadon antaŭviditan venontan dimanĉon por marki la eventon.

« La familioj atendis plurajn jardekojn, antaŭ ol la britaj aŭtoritatoj sin ekskuzu », memorigas la "Derry Journal".

Kelkajn monatojn post la faktoj, tre kontestita enketo certigis, ke la soldatoj rebatis al pafoj venintaj de la homamaso.

Tiuj konkludoj estis definitive dementitaj de nova esplorado, fermita en 2010.

« La enketo konfirmis tion sciatan de ĉiuj : la militistoj pafis la unuaj al nearmitaj civiluloj. »

Poste, la ĉefministro David Cameron elvokis agojn « nepravigitajn kaj ne pravigeblajn », kiam li prezentis ekskuzojn nome de la brita registaro.

Tiu « Sanga Dimanĉo » konsistigas « Unu el la plej teruraj tagoj de la Tumultoj » dum la nord-irlanda konflikto de 1968-1998, asertas la "Derry Journal".

Kaj ĝi petas de siaj legantoj, sub la foto de Paddy Walsh kaj Patrick Doherty, « neniam forgesi ».

neniammilitointerni - dans Historio
27 août 2021 5 27 /08 /août /2021 21:29

27/08/2021

En Ukrainio, ĵus apud Odeso, historiistoj malkovris tion, kio eble estas unu el la plej vastaj komunaj fosaĵoj iam identigitaj en la lando. Ĝi datiĝas de la stalina periodo, fine de la 30aj jaroj. Tiu malkovro ŝajne relanĉos la memorlaboron pri la krimoj plenumintaj en Ukrainio kaj aliloke, dum la soveta periodo.

Okaze de serĉfosadoj, antaŭaj al laboraĵoj en la zono de la flughaveno de Odeso, 29 komunaj fosaĵoj estis malkovritaj fare de arkeologiistoj kaj historiistoj ; areo 5-hektara, kiu ŝajne enhavas inter 5 000 kaj 8 000 kadavrojn.

Tre verŝajne, temas pri personoj ekzekutitaj inter 1937 kaj 1939 fare de la soveta sekreta polico. Fine de la 1930-aj jaroj, la Popola Komisariato pri internaj aferoj (NKVD) procedis al tio, kio estas nomata "Granda Purigo". Miloj da civitanoj tra Soveta Unio estis murditaj per kugloj en la nukon.

 

Eble eĉ pli da kadavroj

Nur en Odeso, 8 600 personoj estis mortokondamnitaj inter 1938 kaj 1941, sed la tiamaj registroj troviĝas en Moskvo, kaj la ukrainiaj aŭtoritatoj havas neniun bonŝancon aliri al ili.

Laŭ la Ukrainia Instituto pri nacia memoro, kiu komencis aliajn serĉfosadojn, la nombro de kadavroj povus esti eĉ pli alta.        

Tiuj malkovroj sendube relanĉos la debaton pri la memoro de la krimoj dum la soveta periodo, kiam en Ukrainio, en la 1930-aj jaroj, la kamparanaro estis amasmortigita fare de malsatego ŝajne organizita de Moskvo, la Holodomoro, kaj ke la intelektularo estis eliminita per amasaj ekzekutoj.

neniammilitointerni - dans Historio Homaj Rajtoj
11 juillet 2021 7 11 /07 /juillet /2021 21:24

11/07/2021

Hodiaŭ estas memortago en Bosnio kaj Hercegovino : antaŭ 26 jaroj, la 11an de julio 1995, komenciĝis la masakro de Srebrenico, la plej terura de post la Dua Mondmilito.

Antaŭ 26 jaroj, la 11an de julio 1995, la enklavo de Srebrenico estis konkerita de la serbaj fortoj de Bosnio.

Tiam komenciĝis la plej granda masakro de civiluloj de post la Dua Mondmilito : 8 000 viroj kaj adoleskantoj bosnaj, islamaj, estis arestitaj kaj ekzekutitaj antaŭ ol esti enterigitaj en komunaj fosaĵoj.  

Hodiaŭ, plu daŭras la longa laboro pri identigo de la viktimoj. 

Temas pri atribuo de nomoj al la kadavroj kaj enterigi ilin digne en la dediĉita memorigejo en Potocari, apud Srebrenico.

Halilovic Rahima enterigas ĉi-dimanĉon la restaĵojn de sia nevo.

« Kiam Srebrenico falis, ŝi rakontas, mia nevo provis fuĝi kun sia frato kaj mia edzo. – ili neniam revenis. Ni retrovis la kadavron de mia edzo. Nun, tiu de mia nevo. Sed ni ne ankoraŭ retrovis lian fraton ».

 

« Mi silentis dum 26 jaroj »

En julio 1995, Devla Ajsic estis 21-jara. La serbaj fortoj de Bosnio arestis ŝin, kondukis ŝin al tio, kio estis tiam la kazerno de la trupoj de Unuiĝintaj Nacioj. Kaj ŝi estis plurfoje seksperfortita.

Aliaj virinoj suferis la saman sorton.

« Mi silentis dum 26 jaroj, rakontas Devla. Dum tiu tuta tempo, mi suferis silente. Mi konis neniun por konfidi, neniun por dividi mian doloron. – Tre dolorigas min reveni ĉi tien, sed mi devis eksterigi tion, kio staras en mi. Mi ne plu povis konservi ĉion ĉi en mia korpo ».

 

La sorto de la genocidintoj

La generalo Ratko Mladic, kiu komandis la serbajn fortojn de Serbio, estis kondamnita je porĉiama malliberejo.

Radovan Karadzic, politika ĉefo de la Serboj de Bosnio, ricevis saman punon.

La internacia justico kulpigis ilin pri genocido en Srebrenico.       

neniammilitointerni - dans Homaj Rajtoj Historio
11 juillet 2020 6 11 /07 /juillet /2020 15:18
ELVIS BARUKCIC / AFP

11/07/2020

La 11an de julio 1995 en Srebrenico okazis la plej terura masakro en Bosnio de post la dua mondmilito. Antaŭ 25 jaroj, la serbaj armeanoj forpereigis en kelkaj tagoj 8 000 virojn kaj adoleskantojn, kiuj provis fuĝi siajn genocidantojn. La postvivantoj, iliaj gefiloj, nun georfoj, rakontas sian historion. La plejparte de la rifuĝintaj infanoj, kiuj naskiĝis en 1995 posedas de sia patro, nur foton.    

«Mia nomo estas Dzenana Salihovic, mi naskiĝis la 7an de junio 1995. Kiam mi devis fuĝi mian hejmon kun mia familio, mi aĝis unu monaton. Kun mia patrino kaj fratinoj, mi estis trude translokitaj al Kladanj, dum mia patro kuris rifuĝi en la arbaron. Bedaŭrinde, li ne sukcesis».

La viroj kaŝiĝis kelkfoje en la arboj por eskapi la hundojn, kiuj flaris ilian ĉeeston.

«Mia nomo estas Avdo Mehmedovic, mi naskiĝis en Gradac, en la municipo Lukavac. Mi naskiĝis dum la periodo de ekzilo kaj rifuĝintoj, de la deportado de la popolo de Srebrenico, kaj post la genocido de Srebrenico.

Mi naskiĝis en la sub-grundo de domo, tre humida kaj mi havas anekdoton: kiam mi naskiĝis, mi tute ne spiris. Mia patrino kaj avino provis revivigi min kaj proksimigis min de la hejtilo, tiam mi komencis spiri. Ili nomis min same kiel mia avo, kiu estis mortigita dum la genocido, Avdo Mehmedovic».

Preskaŭ 60 000 Bosnianoj kolektiĝis en tiu enklavo de Srebrenico, kiu laŭdire estis protektita de la bluaj kaskoj de UN. La fortoj de Ratko Mladic deportis virinojn kaj infanojn, ili mortigis la virojn de 16 ĝis 60 jaroj, ĵetante ilin en komunajn fosaĵojn. 25 jarojn poste, multaj familioj plu esperas trovi restaĵojn de iliaj proksimuloj en la arbaro.   

neniammilitointerni - dans Homaj Rajtoj Historio
4 mars 2020 3 04 /03 /mars /2020 16:18
REUTERS

04/03/2020

Pasintan mardon, la centro Simon Wiesenthal de lukto kontraŭ antisemitismo kaj rasismo malkaŝis la nomon de multaj nazioj.

Tiu listo, kiu entenas la nomojn de 12 000 nazioj instalitaj en Argentino dum la 1930aj jaroj, estis malkaŝita mardon fare de la centro Simon Wiesenthal de lukto kontraŭ antisemitismo kaj rasismo. Multaj el ili «nutradis unu aŭ plurajn bankkontojn en la Schweizerische Kreditanstalt, kiu fariĝis poste Banko Credit Suisse (Svisa kredito), kies sidejo estas en Zuriko», raportis la centro, kiu persekutas la naziajn krimulojn de la dua mondmilito.      

 

Por-nazia reĝimo 

«Laŭ ni, tiuj bankkontoj longtempe neaktivaj posedas monon ŝtelitan de la judaj viktimoj» de naziismo, opinias la centro Simon Wiesenthal, en komunikaĵo. «Dum la 1930aj jaroj, la militisma por-nazia reĝimo de la prezidento José Félix Uriburu, kromnomita «Von Pepe» pro lia germanofilio, kaj ties posteulo Agustin Pedro Justo, akceptis kreskantan nazian ĉeeston en Argentino», eksplikas la centro Wiesenthal.

En 1938, la NSDAP/AO, internacia branĉo de la nazia partio, enkalkulis tiel 1 400 membrojn en Argentino, kaj havis oficialan agnoskon.   

Aliparte, argentina sindikato proksime de naziismo, la Germana Unuiĝo de la Sindikatoj, enkalkulis 12 000 membrojn, kaj 8 000 personoj aliĝis al diversaj organizaĵoj, kiuj helpis la naziojn, laŭ la centro.    

 

Provo forviŝi la pruvojn 

Ili apartenis al «germanaj entreprenoj kiel IG Farben (provizanto de la gaso Zyklon-B, uzata por mortigi la Judojn kaj aliajn viktimojn – Noto de la Tradukanto: Politikajn opoziciantojn, sindikatanojn, Romaojn, Polojn, samseksemulojn, atestantojn de Jehovo, mensmalsanulojn, ktp. - de naziismo en la ekstermejoj) aŭ financaj organismoj kiel la Germana Transatlantika Banko kaj la Germana Banko de Sud-Ameriko», laŭ la centro.

«Ŝajne, tiuj du bankoj estis utiligitaj por efektivigi ĝirojn de la nazioj al Svislando, asertis Ŝimon Samuels, unu el la direktoroj de la organismo. «Multaj personoj menciitaj en la listo havis rilatojn kun por-naziaj entreprenoj, kiuj figuras en la nigra listo de Usono kaj Unuiĝinta Reĝlando dum la dua mondmilito», mencias la centro Wiesenthal.

     

Bruligitaj arkivoj  

Argentinaj por-naziaj grupoj provis forviŝi la pruvojn de tiuj aktivecoj, bruligante la arkivojn. Sed la argentina enketisto Pedro Filipuzzi, laborante en la eks-sidejo de la nazioj en Bonaero, malkovris tie hazarde originan kopion de la listo de tiuj 12 000 nomoj kaj komunikis ĝin al la centro Wiesenthal. Pluraj dekoj da naziaj estroj, kulpaj pri Holokaŭsto, inter kiuj la doktoro Josef Mengele kaj la SS Adolf Eichmann, kulpa pri alkonduko de la Judoj ĝis la mortokampoj, rifuĝis en Argentino post la milito, plimulte sub falsaj identecoj por trompi la enketistojn. 

21/02/2020

Germanio: pafadoj en Hanau: ekstremdekstro «banaligis malamegan diskurson kontraŭ malplimultoj etnaj kaj konfesiaj»

http://neniammilitointerni.over-blog.com/2020/02/germanio-pafadoj-en-hanau-ekstremdekstro-banaligis-malamegan-diskurson-kontrau-malplimultoj-etnaj-kaj-konfesiaj.html

28/01/2020

75-a datreveno de la liberigo de Aŭŝvico: «La vero pri la Holokaŭsto ne forpasu»

http://neniammilitointerni.over-blog.com/2020/01/75-a-datreveno-de-la-liberigo-de-ausvico-la-vero-pri-la-holokausto-ne-forpasu.html

neniammilitointerni - dans Historio
9 novembre 2019 6 09 /11 /novembre /2019 17:16
Bildo: Judaj malliberuloj paŝas sur la stratoj de Baden-Baden - Jad Vaŝem - Fotoj Arkivoj.

09/11/2019

La origino

De post la alveno de Adolf Hitler ĉe la potenco en 1933, la Judoj suferas antisemitisman politikon, kio kondukas ekzemple al ilia ekskludo de la publika administracio. En 1935, la nazia kanceliero adoptigas du leĝojn, kiuj ebligas protektadon de la germana sango kaj germana honoro. Krome, tio starigas juran kadron, kiu ebligos la sisteman persekuton de la Judoj en Germanio. Tiuj leĝoj estas konataj sub la nomo «leĝoj de Nurenbergo», kaj starigas la  bazojn de la estontaj antisemitismaj aranĝoj, estigante juran diferencon inter la civitanoj el germana sango kaj la Judoj. Dum tiuj ĉi Judoj estas senigitaj de la germana civitaneco, la edziĝoj kaj la seksaj rilatoj inter la Judoj kaj la personoj el germana sango estas malpermesataj.         

 

La disvolviĝo de la Kristala nokto 

La Kristala nokto estis prezentita de la nazia partio, kiel reago al la murdo de Ernst Von Rath, tria sekretario de la germana ambasadejo en Parizo. Li estis murdita de juna pola judo 17-jara, kiu ĵus eksciis, ke liaj gepatroj apartenis al la miloj da judoj forpelitaj de la germana teritorio.

Post tiu evento, kiu estis utiligita kiel preteksto, la Sturmsekcio (SA), la Gestapo kaj la hitlera junularo atakas la sinagogojn, detruadas la personajn havaĵojn kaj rompas la vitrojn de la judaj magazenoj. Tiuj rompitaj vitroj estas je la origino de la nomo «Kristala nokto». Sed tiuj perfortoj celas ne nur la havaĵojn: dum la taĉmentoj de la Waffen-SS, organizaĵo, kiu enkalkulas milionon da membroj, murdas judajn moŝtulojn, la Gestapo organizas arestadon de miloj da Judoj.

La hitlera junularo estas plejparte civilvestitaj por ŝajnigi perfortan kaj spontanan popolan ribelon, kies celo estus la loĝantoj de juda konfesio. La perfortoj disvolviĝas en Germanio kaj Aŭstrio. La urboj Berlino kaj Vieno estas la plej tuŝataj de la perforto, ĉar tie vivas la plej multnombraj judaj komunumoj.      

 

La konsekvencoj de la Kristala nokto 

Dum tiu giganta pogromo, ĉirkaŭ 100 Judoj estis murditaj dum la nokto de la 9a ĝis la 10a de novembro 1938, kaj 25 000 Judoj senditaj al koncentrejoj. Laŭ atestoj, 267 sinagogoj kaj 7 500 komercejoj estis incendiitaj aŭ detruitaj de la nazioj.    

Fronte al tiu perforto, kiu mortigas kaj ŝokegas, al la malsekureco, kiu instaliĝas, la ruiniĝo al kio ĝi kondukas por multaj komercistoj, centoj da Judoj sinmortigas kaj miloj da ili forlasas la germanan teritorion. Tamen, multegaj landoj rifuzas akcepti ilin.     

Historie, la Kristala nokto estas multe pli ol pogromo: ĝi markas novan intensigon de la antisemitisma furiozeco de la nazia reĝimo, dum novaj leĝoj estas promulgitaj, senigante la judojn de iliaj vivteniĝoj, ekskludante ilin de ĉia socia vivo aŭ malpermesante ilin aliri preskaŭ ĉiujn liberalajn profesiojn. Tiuj leĝoj celis izoli kaj instigi ilin forlasi Germanion, antaŭaĵo al la fina solvo, kaj al la morto-koncentrejoj. La Kristala nokto anoncas do la premisojn de la Holokaŭsto.

https://sos-racisme.org/retour-sur-la-nuit-de-cristal-dans-la-nuit-du-9-au-10-novembre-1938/

https://www.youtube.com/watch?v=_q_8sLOxJHM

neniammilitointerni - dans Historio
Créer un blog gratuit sur overblog.com - Contact - CGU -
.date span.text {display:none ; }