17/02/2022

La NeRegistara Organizaĵo publikigis sian raporton pri la mondaj neegalecoj. La riĉeco de la miliarduloj en la mondo kreskis pli en daŭro de 19 monatoj da pandemio ol dum la lasta jardeko.

De post la komenciĝo de la pandemio, la mondo enkalkulas novan miliardulon ĉiujn 26 horojn.

Tio estas unu el la informoj menciitaj de la lasta raporto pri mondaj neegalecoj publikigita de la organizaĵo "Oxfam", lundon 17an de januaro.

Ni ankaŭ ekscias, ke la riĉeco de la miliarduloj en la mondo kreskis pli en daŭro de  19 monatoj da pandemio ol dum la lasta jardeko.

« En Francio ekzemple, la miliarduloj kreskigis sian riĉecon ĝis 236 miliardoj da eŭroj dum la krizo, eksplikas Quentin Parinello, porparolanto de Oxfam-Francio. Estas klare, ke tio ne okazis danke al la ekonomia aktiveco de la entreprenoj, en kiuj ili havas parton, sed ja ĉar senprecedenca publika subteno okazis responde al la krizo, interalie per injektado de centoj da miliardoj da eŭroj en la financajn merkatojn ».

« La neegalecoj inter landoj detruas nian mondon »

Pli ĝenerale, la NRO emfazas « kreskadon de la neegalecoj ekonomiaj, genraj kaj rasaj. La neegalecoj inter landoj detruas nian mondon ». Ĉiuj ĉi datumoj kompilitaj en tiu raporto montras senprecedencan pliriĉiĝon de la plej riĉaj. Ĝi aldonas, ke « ni povas venki la ekstreman malriĉecon per progresiva imposto », kaj senpagaj publikaj sansistemoj por ĉiuj.

"Oxfam" rekomendas ankaŭ ne ĝeni la kreadon de sindikatoj, kaj aboli la intelektan propaĵon de la vakcinpatento.   

Laŭ "Oxfam", la neegalecoj kontribuas al la morto « de po almenaŭ 21 000 personoj ĉiutage », baziĝante sur la monda morteco kaŭzita de manko je aliro al la sanzorgoj, al perforto ligita al la genro, la malsato kaj la klimata krizo.

« Escepta imposto je 99% el la mongajnoj devenintaj de la pandemio de la dek plej riĉuloj ebligus produkti sufiĉe da vakcinoj por la tuta mondo, provizi socialan universalan protektadon, financi adaptiĝon al la klimato kaj redukti la perforton ligitan al la genro en 80 landoj », aldonas la NRO, kiel ekzemplo.

Ĝi precizigas, ke malgraŭ ĉio, tio lasus « plajn 8 miliardojn al tiuj riĉuloj, kompare kun la periodo antaŭ la pandemio ». 

https://www.francetvinfo.fr/sante/maladie/coronavirus/covid-19-la-fortune-des-dix-plus-riches-a-double-depuis-le-debut-de-l-epidemie-selon-oxfam_4919763.html

Greka : https://www.youtube.com/watch?v=-fSJj6JRYbo

Hungara : https://www.youtube.com/watch?v=RGY3mmTv_yk

Rusa : https://www.youtube.com/watch?v=ZEdxSHKTLi8

Germana : https://www.youtube.com/watch?v=dMjNQ19UU9g              

07/12/2021

La neegalecoj inter riĉuloj kaj malriĉuloj kreskis de post la pandemio, kaj estas la plej fortaj de post 110 jaroj

http://neniammilitointerni.over-blog.com/2021/12/la-neegalecoj-inter-riculoj-kaj-malriculoj-kreskis-de-post-la-pandemio-kaj-estas-la-plej-fortaj-de-post-110-jaroj.html

16/01/2017

Tutmondo: La NRO Oxfam alarmas pri la akcelado de la neegalecoj

http://neniammilitointerni.over-blog.com/2017/01/tutmondo-oxfam-alarmas-pri-la-akcelado-de-la-neegalecoj.html

02/12/2021

La Oficejo de Unuiĝintaj Nacioj por Kunordigo de Homaj Aferoj (OUNKHA) publikigis, ĵaŭdon la 2an de decembro, sian raporton pri la humanitaraj bezonoj en la mondo por 2022. Pro la humanitaraj krizoj en Afganio, Sirio, Jemeno aŭ Etiopio, inter aliaj, la organizaĵo taksas, ke ĝi bezonos almenaŭ 41 miliardojn da dolaroj por helpi 183 milionojn da personoj en 2022. Tio estas senprecedenca rekordo.  

Unu persono el 29 en la mondo bezonos urĝan nutradhelpon en 2022, taksas la OUNKHA. Tiuj bezonoj superas ĝis 17% tiujn de la pasinta jaro, kiu jam estis rekorda jaro.

Neniam la nombro de personoj, kiuj bezonas helpon « estis tiel alta », substrekis Martin Griffiths, la ĝenerala sub-sekretario de UN pri la humanitaraj aferoj, dum gazetkunsido en Ĝenevo. Laŭ li, provizi helpon al tiom da homoj « ne povas daŭri, kvankam tiu helpo estas absolute necesa ».      

La organizaĵo do kalkulas, ke ĝi bezonos almenaŭ 41 miliardojn da eŭroj por helpi la plej vundeblajn personojn en 63 landoj de la mondo.

Unuarange troviĝas Afganio : la lando kombinas teruran sekecon kun ruiniĝanta ekonomio de post la reveno de la talibanoj ĉe la potenco. Du trionoj el ĝia loĝantaro bezonas helpon.

Krom la konfliktoj, la pandemio de Kovim-19 kaj la klimata ŝanĝiĝo estas ambaŭ faktoroj, kiuj tuŝas la populaciojn ĉie en la mondo.

La pandemio puŝis 20 milionojn da pliaj personoj al ekstrema malriĉeco.

Plie, ĝi ankaŭ plonĝis multajn sansistemojn en kaoso kun noca efiko en la lukto kontraŭ aliaj malsanoj kiel aidoso, tuberkulozo aŭ paludismo. Ĉi-jare, 23 milionoj da infanoj ne povis ricevi la bazajn vakcinojn.

La klimata varmiĝo kaj ĉiaj naturaj katastrofoj delokis milionojn da personoj kaj reaperigis la minacon de malsato en la mondo. Pli ol 800 milionoj da viroj kaj virinoj jam estas misnutrataj.

La OUNKHA alarmas, ke « sen daŭra kaj tuja ago, 2022 povus esti katastrofa ».

Ankaŭ Jemeno kaj Sirio, kie la milito daŭras de antaŭ jaroj, bezonas helpon, sed la bezonoj de Etiopio estas aparte frapaj, de post la ofensivo lanĉita de Adisabebo kontraŭ la regiono Tigreo.     

Tiu brutala milito, kiu daŭras de pli ol jaro, okazigis delokigon de milionoj da personoj. Laŭ la raporto de la OUNKHA, 26 milionoj da personoj dependas de la humanitara helpo en tiu lando, situanta ĉe la Afrika korno, kaj 400 000 baldaŭ suferos pri malsato.

Laŭ Martin Griffiths, Etiopio eble prezentas « la plej maltrankviligan situacion », eĉ se li tuj aldonas, ke multaj aliaj gravegaj situacioj ekzistas en la mondo. 

https://www.rfi.fr/fr/asie-pacifique/20211202-pr%C3%A8s-de-183-millions-de-personnes-auront-besoin-de-l-aide-d-urgence-de-l-onu-en-2022-un-record

https://www.youtube.com/watch?v=Vx0rNTo5wr0

19/12/2016

Sudano: mono mankas por la sano, alarmas  la Monda Organizaĵo pri Sano

http://neniammilitointerni.over-blog.com/2016/12/sudano-mono-mankas-por-la-sano-alarmas-la-monda-organizajo-pri-sano.html

16/01/2017

Bildo : Manifestacianto de Occupy Wall Street, en Novjorko, 2013.

Mardon 17an de januaro, malfermiĝos en Davoso la 47a Monda Ekonomia Forumo. La malgranda vintrostacio de la Svisaj Alpoj akceptos almenaŭ 3000 partoprenantojn, gravajn dungantojn, politikulojn kaj famulojn de la civila socio por debati pri ĉefa demando: kiel konstrui gvidadon kompatan kaj respondecan ? En sia lasta raporto, la Forumo fakte opinias, ke la kreskado de la neegalecoj estas unu el la gravaj riskoj, kiujn frontos la mondo en la venonta jardeko. Tiu konstato eĥas la lastan raporton de Oxfam publikigitan ĉi-lundon matene. Kiel ĉiu-jare, la NRO atentigas pri la necesa lukto kontraŭ la diskriminacioj.   

Trans la ŝoko, kiun "Oxfam" provas estigi, komparante la mongajnojn de ok individuoj kun tiu de 3,6 miliardoj da personoj, la akcelado de la neegalecoj ja maltrankviligas la NeRegistaran Organizaĵon.      

Ĉi-jare, la raporto sin apogas sur novaj kaj pli precizaj datumoj, koncerne la dividon de riĉaĵoj en la mondo, aparte en Barato kaj Ĉinio, du landoj en kiuj, la nombro de miliarduloj kreskadas.

Kaj la konstato estas malĝojiga. Sep personoj en dek vivas en lando, kie la neegalecoj akceliĝis tiujn tridek pasintajn jarojn, dum paradokse la mondo neniam kreis tiom da riĉaĵoj.  

Tio ĉi, kaŭze de la ekskluziva ekonomia kreskado, laŭ "Oxfam" organizata fare de la plej riĉuloj, ĉefe la multnaciaj entreprenoj. Ĝia raporto denuncas la premon, kiu efikas kontraŭ la salajroj, ĉie en la mondo. Ankaŭ ĉi-teme, la nombroj estas ŝokaj. Direktoro de entrepreno kvotita en borso, gajnas same ol 10 000 laboristoj en la Bangladeŝa teksaĵindustrio.

Ankaŭ denuncita, la impostevitado de la entreprenoj, kiu senigas ĉiujare la malriĉajn landojn de ĉirkaŭ 100 miliardoj da dolaroj, kaj de rimedoj por lukti kontraŭ la malriĉeco.

http://www.rfi.fr/economie/20170115-oxfam-alerte-acceleration-accroissement-inegalites-monde-davos

https://www.youtube.com/watch?v=F2ASQ_MMKEA