Overblog
Suivre ce blog Administration + Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton!

Ekde 03/01/2012

free counters
Free counters

Bonvenon

19 novembre 2014 3 19 /11 /novembre /2014 16:55
Eŭropo :  bredado en kaĝo de 332 milionoj da kunikloj

19/11/2014

Malsanaj kunikloj, trudnutritaj per antibiotikoj, vicigitaj laŭ centoj da metroj, amasigitaj en kaĝoj diskovritaj per kadavroj kaj ĉirkaŭitaj de bestaj fekaĵoj. Tiuj ŝokaj bildoj aperas en video filmita de CIWF(Compassion in World Farming), NRO kreita de bredistoj kiuj instigas al bredadaj praktikoj respektemaj al bonstato de la farmbestoj.

CIWF enketis en dek ses kuniklaj bredejoj en kaĝaro, dispartigita en kvin landoj de Oriento kaj sudo de Eŭropa Unio. 322 milionoj da kunikloj estas breditaj en kaĝo sur la eŭropa teritorio, inter kiuj 37 milionoj en Francio.

« Oni ne multe parolas pri la kunikla bredado, dum la kuniklo estas la dua besto plej bredata pro ties viando en Eŭropo ». Ili estas 99% bredataj en kaĝo », precizigas Aurélia Greff, respondeculo pri komunikado kaj kampanjo ĉe CIWF. Laŭ tiu NRO, tio estas « ege verŝajna ke la bredadaj kondiĉoj estas la samaj por ĉiuj kunikloj bredataj en kaĝo en tuta Eŭropo ».

Tiu industria bredado estas finance subtenita de Bruselo. « Ni financas, ne sciante, sistemon kiu atencas la bonstaton de la bredadaj kunikloj ».

Neniu leĝaro ekzistas koncerne la bonstaton de la kunikloj. CIWF pledas, kune kun la Ligo pri protektado de birdoj, favore al malpermeso de ĉiuj bredadaj kaĝoj kaj lanĉas eŭropan petskribon.

CIWF memorigas ke la tradiciaj kaĝoj estas jam malpermesitaj en Aŭstrio kaj baldaŭ en Nederlando ekde 2016. En Belgio, sub premo de la publika opinio, la kaĝoj estas malpermesitaj por ĉiu nova bredejo ekde la 1a de januaro 2013. CIWF sin apogas sur Germanio kiu disvolvas bredadon en parkoj. Rimedo, indikas la NRO, por doni al la bredadaj bestoj la « eblecon esprimi ties naturajn kondutojn.

http://www.bastamag.net/Elevage-industriel-les-conditions

https://www.youtube.com/watch?v=xyNDLgv6B1I#t=72

neniammilitointerni - dans Bestaj Rajtoj
7 novembre 2014 5 07 /11 /novembre /2014 16:04
Francio : Agrokulturaj ekspluatantoj koleras kontraŭ kojpoj

07/11/2014

La 5an de novembro, agrikulturistoj kolektiĝis antaŭ la prefektejo de Loire-Atlantique en Nantes por manifestacii. Tiuj ĉi deziris esprimi sian incitiĝon pro la ekologiaj kaj administraj devigoj ».

Dum tiu kolektiĝo kiu kunigis ĉirkaŭ 300 personojn, kojpoj konsiderataj kiel « nocaj » de la agrokulturistoj, estis amasigitaj en ĉaretoj, frapitaj kaj ŝprucigitaj per farbo. Aliaj ŝajne estis dispremitaj.

Tiu mobilizado estis subtenita de la Nacia Federacio de sindikatoj de agrokulturaj ekspluatantoj (NFSAE), kiu reprezentas plimulton de bredistoj en Francio.

NFSAE antaŭe jam kontraŭis la malpermeson de GMO, kaj antaŭnelonge mokis la konsciiĝo pri besta kondiĉo.

Notinde ke kojpo estas protektata besto kaj ke estas malpermesite ĉasi ĝin sur la franca teritorio.

http://mrmondialisation.org/quand-les-agriculteurs-deversent-leur-colere-sur-des-ragondins/

Video : La bildoj estas ŝokaj. Kolektiĝintaj antaŭ la prefektejo de Loire-Atlantique pluraj agrokultivistoj maltraktis kojpojn, kovrante ilin per rozkolora farbo antaŭ ol dispremi ilin sub la radoj de iliaj traktoroj.

https://www.youtube.com/watch?v=3Rodt53AsM0

neniammilitointerni - dans Bestaj Rajtoj
3 juin 2014 2 03 /06 /juin /2014 08:03
Barato : malpermeso de la bataloj de kokoj, hundoj, toreado kaj virbovaj vetkuroj

03/06/2014

Dum en Francio la bataloj de kokoj plu estas permesataj, la barata Ĉefkortumo ĵus malpermesis la batalojn de kokoj kaj hundoj, krom malpermeso de virbovoj en ĉiaj konkuroj, jen en la virbovaj vetkuroj jen en toreadoj, inkluzive dum la fama jarfestivalo Jallikattu kie miloj da viroj ĉasas virbovojn.

Tamen kontraŭleĝaj, bataloj de kokoj plu okazas en Andra-Pradeŝo, Karnatako, Keralao, Maharaŝtro, en Panĝabio kaj Tamilnado, kaj bataloj de hundoj plu okazas en Harjano aŭ en Panĝabio. La bestaj bataloj, jen hundoj jen kokoj, aŭ ia ajn aliaj bestoj, estas kruelaj kaj sangaj agadoj. Uzadi bestojn por interbatali, ofte ĝis morto, ne plu estas eltenebla en nia mondo.

http://www.vegactu.com/actualite/linde-interdit-le-combat-de-coqs-de-chiens-les-corridas-et-les-courses-de-taureaux-15916/

neniammilitointerni - dans Bestaj Rajtoj
12 mai 2014 1 12 /05 /mai /2014 13:33
Tanzanio : La elefantoj estas minacitaj je estingiĝo post 7 jaroj

12/05/2014

La ŝtelĉasado de elefantoj atingis tiel alarmajn nivelojn en Tanzanio ke ili povus malaperi el la lando post nur sep jaroj, avertis vendredon NRO pri bestodefendo en Daresalamo

Tiu dutaga konferenco, sub egido de UN, celas studi la rimedon por ĉesigi la masakron de elefantoj en Tanzanio, turisma lando kiu sin deklaras decidema en protekto de sia escepta faŭno, sed penas por fronti tre organizitajn krimajn bandojn kiuj uzadas pli kaj pli kompleksajn metodojn.

En Tanzanio, « po ĉirkaŭ 30 elefantoj estas mortigitaj ĉiutage. Se tiu ritmo daŭras, la elefanta populacio estos ekstermita antaŭ la fino de 2020 », asertas la Protekta Societo de Elefantoj en Tanzanio (PSET).

Malfermante la konferencon, la tanzania vic-prezidento Mohamed Gharib petis internacian helpon en la lukto kontraŭ la ŝtelĉasaj retoj ». « Ŝtelĉasaj retoj kompleksaj kaj bone organizitaj, ene kaj ekster la lando, subtenas tiun kontraŭleĝan komercon kaj tio malhelpas Tanzanion venki solan en tiu lukto », li pledis, priskribante la malesperan nunan situacion.

La tanzaniaj aŭtoritatoj lanĉis pasintjare disputitan kampanjon kontraŭ ŝtelĉasado, permesante al la gardistoj de la naciaj parkoj « pafi por mortigi » la ŝtelĉasistojn.

La nombro da mortigitaj bestoj tiam malkreskis, laŭ la registaro, je mirinda maniero, sed la operacio estis interrompita, ĉar markitaj de akuzoj pri gravaj ekscesoj fare de la gardistoj kontraŭ la surloka loĝantaro, el kiuj ŝteloj, seksperfortoj kaj murdoj.

Hodiaŭ, la direktoro de PSET alvokis armeon interveni por lukti kontraŭ la ŝtelĉasistoj kiuj rekomencis siajn aktivaĵojn. La militistoj « devas ĉeesti tie kaj protekti niajn elefantojn », pledis S° Kikoti, « ili ne devas veni tien, nur por operacio kaj foriri ».

La ŝtelĉasistoj agadas en organizitaj bandoj, havas grandan konon de la tereno, posedas aŭtomatajn pafilojn kaj modernan ekipaĵon kiel noktovidilojn.

La ŝtelĉasado de elefantoj aŭ rinoceroj ege kreskadis en tiuj lastaj jaroj en Afriko, nutrita de forta mendado pri eburo kaj korno en Azio kaj Mez-Oriento.

En 2013, laŭ PSET, la ekosistemo de Nacia Parko Mikumi en Tanzanio, kiu akceptas unu el la plej grandaj populacioj da elefantoj en la mondo, akceptas nur 13.000 pakidermojn kontraŭ ĉirkaŭ 70.000 en 2006.

Turismo, plejparte bazita sur observado de flaŭro kaj faŭno, reprezentas 17% el la Tanzania MEP kaj dungas pli ol 300.000 personojn, laŭ la oficialaj statistikoj.

http://www.jeuneafrique.com/Article/DEPAFP20140510110928/

neniammilitointerni - dans Bestaj Rajtoj
9 mai 2014 5 09 /05 /mai /2014 14:28
Islando liveras 2.000 tunojn da balenviando al Japanio

09/05/2014

Islanda ŝipo transportanta 2.000 tunojn da frostigita balenviando alvenis merkredon en la japanan havenon Osako-n (okcidento), provokante la koleron de ekologiistaj asocioj.

« La kargboato Alma alvenis la 7an de majo kaj ni eksciis ke ĝi transportas balenviandon por malŝarĝi en Osako », konfirmis vendredon respondeculo de la haveno.

Devenante de Islando, la kargo estis malŝarĝita ĵaŭdon, indikis Junichi Sato, membro de Greenpeace-Japanio.

Laŭ mediistaj grupoj kaj gazetinformoj, la kargo de Alma ekvivalentas al la tuta balenviando importita de Islando dum la ses adiciitaj lastaj jaroj.

« Ni ne komprenas kial oni importis tielan kvanton », sin demandas Junichi Sato.

Islando kaj Norvegio estas la solaj landoj kiuj malkaŝe ne respektas moratorion de 1986 pri surmerkatigo de balenoj.

Islando konsumas malmulte da balenviando sed nutradas la japanan merkaton, kiu mem malprosperas de jaroj.

Pasintan 31an de marto, la plej alta juĝdistrikto de Unuiĝintaj Nacioj ordonis al Japanio ĉesigi balenĉasadon en Arkto. La Internacia kortumo pri justico opiniis ke Japanio maskas komercan aktivadon sub scienca esploro, tiel deturnante moratorion pri komerca balenĉasado starigita en 1956 de la Internacia balenkomisiono (IBK).

Tokio anoncis sian intencon respekti tiun verdikton. Ĝi nuligis la kampanjon 2014-2015 planitan en Arkto sed tamen precizigis la 18an de aprilo ke ĝi intencas revizii sian programon de « scienca » ĉasado por submeti ĝin al IBK ĉi-aŭtune.

http://www.7sur7.be/7s7/fr/2668/Especes-Menacees/article/detail/1881357/2014/05/09/L-Islande-livre-2-000-tonnes-de-viande-de-baleine-au-Japon.dhtml

neniammilitointerni - dans Bestaj Rajtoj
2 novembre 2013 6 02 /11 /novembre /2013 09:56
Kostariko : la lando fermas siajn bestoĝardenojn : la bestoj liberigitaj

02/11/2013

La kostarika registaro ĵus anoncis surprizan novaĵon. La respondeculoj de la eta tropika lando decidis fermi la bestoĝardenojn de la lando kaj resendi la 400 bestojn – inter kiuj simioj, krokodiloj , lionoj kaj tapiroj – loĝatajn en la zoo Simon Bolivar kaj la Centro de konservado Santa Ana en ilian naturmedion.

Laŭ Consoglobe, la plena ĉesigo de kostarikaj zooj estas antaŭvidita por marto 2014 t.e kiam la kontrakto kiu ligas la Aŭtoritatojn kun la ekspluatantaj firmaoj de la bestoĝardenoj atingos findaton. La eks-zooj estos transformitaj al publikaj parkoj en kiuj la bestoj povos moviĝi plenlibere.

« Ni malembarasiĝos de la kaĝoj kun la volo interagi kun biodiverseco en la botanikaj parkoj el naturmaniero », konfidis René Castro, kostarika ministro pri Medio dum gazetarkunveno pasintan aŭguston.

« Ni ne volas bestojn en kaptiteco aŭ enfermitaj el ia ajn maniero. Krom en la maloftaj okazoj kiam estos necese savi speciojn ».

La bestoj por kiuj la adaptiĝo riskas estis malfacila estos konfiditaj al bestaj rifuĝejoj.

Laŭ la ekspluatantoj de tiuj bestoĝardenoj, temas pri danĝera dispono por la koncernataj bestoj. « Ni neniam iris en la arbaro por kapti tiujn bestojn. Se ni liberigas ilin, ili mortos pro malsato ĉar ili ne plu scipovas ĉasi. Tiuj bestoj kutimas vivi en kaptiteco », indikas Yolanda Matamoros, direktorino de la zoo Simon Bolivar. La asocioj pri defendo de bestoj, iliaflanke, ĝojas pri tiu decido.

Kostariko ne estas la sola lando kiu agas tiel. Ankaŭ Barato faris grandan paŝon al protektado de bestoj malpermesante ekspluatadon de delfenoj kaj agnoskante por ili la statuson de « nehumana persono ».

Ankaŭ Usono baldaŭ leĝigos pri deteno en kaptiteco de ĉimpanzoj, specio kiu estos enskribita en la listo de endanĝerigitaj bestoj.

neniammilitointerni - dans Bestaj Rajtoj
21 octobre 2013 1 21 /10 /octobre /2013 16:03
Brazilo : manifestacio por defendo de bestaj rajtoj degeneras

21/10/2013

Manifestacio kontraŭ uzado de hundoj por farmaciaj testoj degeneris, sabaton 19an de oktobro en la Ŝtato São Paulo en Brazilo, kaj finis per kolizioj inter anarkiistaj manifestaciantoj kaj policistoj. Almenaŭ kvar personoj estis vunditaj.

Laŭ la polico, 700 personoj manifestaciis apud la laboratorio Reĝa Instituto, en la urbo São Roque, invadita tagon antaŭe de grupo de aktivuloj kiuj liberigis 200 hundojn uzitajn kiel kobajoj. Plejparte el la protestantoj portis afiŝojn kontraŭ uzado de bestoj en la sciencaj esploroj.

Sed alvenante apud la polica baraĵo kiu blokis la aliron al la laboratorio, grupo da kapuĉvestitaj manifestaciantoj, armitaj per ferstangoj, alvenis neatendite kaj detruis policveturilon antaŭ ol flamigi ĝin, kaj ankaŭ gazetara veturilo, laŭ la informa retpaĝo G1 el la kanalo Globo.

Diskuto okazis inter la anarkiistaj aktivuloj nigra bloko (Black Bloc ou Schwarzer Block - nedaŭra grupo de maskitaj individuoj dum manifestacio por krei anoniman homamason ne identigitan de la polico) kaj manifestaciantoj, kiuj provis reteni la rompantojn.

« Kiam la maskitaj manifestaciantoj alvenas, la situacio turnas al konfuzo kaj tumulto. Ni estis intertraktantaj pacan eniron en la laboratorion sed ĉio estis fuŝita », bedaŭris aktivulo, citita de G1.

« Beglo sen okuloj »

Vendredon, la aktivuloj kiuj liberigis la hundojn, ĉiuj je raso beglo, trovis unu el ili frostigita en likva nitrogeno kaj pluraj aliaj kripligitaj.

« Tio, kio plej impresis la grupon, estis beglo sen okuloj », deklaris al la ĵurnalo O Estado de S. Paulo, Giulana Stefanini, unu el la aktivuloj kiuj partoprenis la okupadon de la laboratorio. Ankaŭ pluraj fetoj de musoj estis trovitaj.

La aktivuloj provis, sensukcese, plendi ĉe la loka policejo kontraŭ la malbonaj traktadoj truditaj al la hundoj. Sed la prokuroraro malfermis enketon kontraŭ la Reĝa Instituto pri la supozitaj malbonaj traktadoj.

Unu parto el la instalaĵo de la laboratorio estis detruita. La Reĝa Instituto, kiu nuligis ĉe la lasta momento kunvenon kun la defendantoj de la bestaj rajtoj, kvalifikis la invadon de « terorisma agado » kaj certigis ke siaj aktivecoj estos kontrolitaj de la Nacia agentejo pri sanitara sekureco. La uzado de hundoj por scienca esploro estas permesata en Brazilo, kadre de internaciaj reguloj.

http://www.lemonde.fr/ameriques/article/2013/10/20/bresil-une-manifestation-pour-la-defense-de-la-cause-animale-degenere_3499678_3222.html

neniammilitointerni - dans Bestaj Rajtoj
6 octobre 2013 7 06 /10 /octobre /2013 15:40
Aŭstralio : koalo povus malaperi, viktimo de tutmonda varmiĝo

06/10/2013

Laŭ nova aŭstralia studaĵo, la aŭstralia koalo povus baldaŭ malaperi, viktimo de tutmonda varmiĝo.

La aŭtoroj de la studaĵo petas rapidan reagon por planti arbojn protektantajn ĝin de la varmego kaj eŭkaliptojn por ĝia nutrado.

Dum tri jaroj, Mathew Crowther, el la universitato de Sidnejo, observis 40 koalojn per satelito. Li tiel studis detale iliajn kutimojn, loĝadon kaj nutradon. Zorgema sed necesa laboro. Bezonatas diri ke 25% el la aŭstraliaj koaloj mortis sekve al la varmego de 2009, kriza cifero por la sciencistoj « konsiderante la kreskantan oftecon de la ekstremaj klimataj eventoj ».

Aliparte, ĉi-jare en Aŭstralio, septembro superis varmajn rekordojn kompare kun la aliaj jaroj kun temperaturoj superaj je 2,75% super averaĝo.

Estis do grava scii pli pri la kutimoj de tiuj bestoj, emblemoj de Aŭstralio, en la celo protekti ilin.

Arboj kiel protektado

Dank’al lia studaĵo, Mathew Crowther povis konstati ke dumtage, la aŭstralia koalo rifuĝas en grandaj arboj kies foliaro protektas ĝin de la suno kaj de veprejaj fajroj.

« Nia esploro konfirmas ke la koaloj sin ŝirmas dumtage en malsimilaj tipoj da arboj, antaŭ ol sin nutri dumnokte en la eŭkaliptoj », eksplikas la scienculo.

« Ili nutras sin ĉefe per folioj de eŭkaliptoj, ili do bezonas tiajn arbojn, sed ankaŭ arboj el la familio de belahbrakiŝitonoj », li aldonis.

« Ni ankaŭ montris ke ju pli varmas dumtage, des pli la koaloj emas serĉi arbojn provizitajn per densa foliaro por eskapi la altajn temperaturojn », li aldonas.

Nu, pro la klimatŝanĝo kaj aliaj minacoj, ankaŭ la arboj tendencas maloftiĝi, ofertante eĉ malpli da protektado al koaloj jam malfortigitaj. Pro tio, la sciencistoj kaj naturprotektantoj alvokas reagon.

Specio ne sufiĉe protektata.

En junio 2012, koala estis agnoskita kiel specio protektenda de la aŭstralia registaro sed nur en kelkaj regionoj de la lando.

Plie la Internacia Unio por la Konservo de Naturo plu konsideras ĝin kiel negrava zorgo malgraŭ la minacoj kiuj pezas sur la specio.

Laŭ la lastaj taksadoj, malpli ol 100.000 individuoj plu vivas en sovaĝa stato, kontraŭ 10 milionoj antaŭ la alveno de la britaj kolonianoj en 1788.

Nun, koalo estas, ne nur minacata de la tutmonda varmiĝo, sed ankaŭ de la urba disvolvado, veturila trafiko, hejmhundoj kaj malsanoj.

neniammilitointerni - dans Bestaj Rajtoj
14 août 2013 3 14 /08 /août /2013 11:05
Arkto : glacirompilo de Greenpeace defias ŝipon de Rosneft

14/08/2013

Glacirompilo de Greenpeace proksimigis mardon la rusan gigantan petrolŝipon en Arkto por protesti kontraŭ la produktado de petrolo en Barenca maro, malutila al medio laŭ la ekologiistoj.

La glacirompilo Arktic Sunrise frontis la ŝipon pri sisma esploro Akademik Lazarev postulante de la kapitano « ke li ĉesigu sian aktivecon danĝeran por la naturo », laŭ komunikaĵo de Greenpeace.

Aktivuloj poste proksimigis la ŝipon, luprenitan de Rosneft, en pneŭmatikaj boatoj, kaj troviĝis cent metrojn for de la Akademik Lazarev.

La aktivuloj tiam elmontris « protestajn tabulojn » kaj « notis la aktivecojn » de la ŝipo, deklaris al AFP Aaron Gray-Block, porparolanto de Greenpeace.

Laŭ la organizaĵo, la sismaj testoj estas danĝeraj por la mamuloj de Arkto, tial ke la signala frekvenco interferas kun la sonoj emisiitaj de la bestoj.

Se baleno troviĝas 500 metrojn for de la ĉefa sonfonto, ĝi perdas aŭdpovon, kaj 150 metrojn for, ĝis riskas morton, indikis Greenpeace.

« La kapitano de la ŝipo rifuzis paroli pri tio kaj ĉesigis la radio-konversacion, precizigis al AFP la aktivulo Christy Ferguson.

Laŭ Greenpeace, la protest-agadoj daŭros dum la venontaj tagoj.

La esplorado de vastaj rezervoj de Arkto fariĝis strategia prioritato de Rosneft kiu subskribis kunlaborajn akordojn kun BP, ExxonMobil kaj Statoil.

Pridemandita de AFP, Rosneft forpuŝis la akuzojn de la ekologiistoj.

« Rosneft kondukas siajn esplor-programojn konforme kun la rusaj mediaj normoj kaj respektas la rajtigilojn », indikis la firmgrupo.

« Dum sismaj testoj, programo de ekologia prigardado kaj sekurecaj kontroloj pri la operacioj estis starigitaj », laŭ la sama informfonto.

Greenpeace akuzas siaflanke la okcidentajn firmaojn ke ili deziras labori en Rusio por profiti la mediajn normojn pli malrigorismajn ol en siaj propraj landoj.

http://www.20minutes.fr/planete/1209915-20130813-brise-glace-greenpeace-defie-navire-rosneft

neniammilitointerni - dans Bestaj Rajtoj
9 janvier 2013 3 09 /01 /janvier /2013 18:06

09/01/2013 

Se la masakro de maraj bestoj estas ofte propraĵo de aziaj landoj (balenĉasado, masakro de delfenoj en Japanio, sud-Koreio, ktp.), tiuj praktikoj ankaŭ ekzistas proksime de Eŭropo. Krom balenĉasado en Islando, iu lando sin fordonas ĉiujare al sanga praktiko : la grindadráp, t.e alpelado kaj masakro de tutaj familioj de globicefaloj en Ferooj (Danio)

 

Grindadráp : antikva praktiko

Oni povas aserti kun certeco ke la Grindadráp ekzistas de post la 16a jarcento, eĉ se ĝi verŝajne datiĝas de post la 9a jarcento. Tia ĉasado estas ankaŭ okazo por la junaj ĉasistoj, kiuj iniciĝas al ĝi por laŭdire pruvi sian virilecon.

De 1709 ĝis hodiaŭ la ĉasaĵoj estis ĉiuj enregistritaj kaj ajna kaptita cetaco enestas : ĉiujare, inter pluraj centoj ĝis pli ol milo da balenoj kaj delfenoj estas kaptitaj kaj mortigitaj. Hodiaŭ, la muzeo pri Natura Historio de Ferooj, en Tórshavn, konservas tiun faman registron.

La Feroaj loĝantoj estas la lasta popolo el Nordo kiu plu fordonas sin al tia balenĉasado, dum tiu praktiko estis antaŭe ege disvastigita en Norda-Atlantiko kaj eĉ pli malproksime. Origine, la Grindadráp postulis grandan kunordigadon de la ĉasistoj enŝipiĝintaj, kiuj devis ĉirkaŭi grupon da balenoj aŭ delfenoj kaj alkonduki ilin en golfeton kie la cetacoj estis blokitaj en neprofundaj akvoj. La ĉasistoj restintaj sur marbordo antaŭeniris en akvon kaj trenis la balenojn  ĝis la bordo per ŝnuroj kaj hokoj, poste ponardis kaj gorĝtranĉis ilin per grandaj tranĉiloj samtempe rompante al ili la spinon.

Post la Grindadráp, la partoprenantoj kalkulas la nombron de ĉasaĵoj kaj taksas la kaptadon. La lokaj aŭtoritatoj juste kaj senpage disdonas la karnon kaj grason al la loĝantoj, kiuj alportas ilin hejmen por prepari la viandon. Grindadráp bone organizitaj povas nutri la tutan vilaĝon dum monatoj.

 

Kultura tradicio profunde enradikiĝinta

Antaŭe bezonata por nutri la Feroan loĝantaron, la masakroj de globicefaloj ne plu havas sencon hodiaŭ, dum Ferooj ĝuas unu el la plej altaj vivniveloj en Eŭropo. Plie, oni scias hodiaŭ ke la karno kaj graso de tiuj bestoj entenas poluaĵojn kaj toksikajn substancojn, kaŭzitaj de la pezaj industriaj aktivecoj de aliaj landoj, kiuj akumuliĝis en la histoj de la bestoj pere de bioakumulada procezo.

Pro altaj niveloj de hidrargo kaj PKB en siaj histoj, la karno de la biocefaloj ne plu estas konsiderata kiel manĝebla laŭ la Feroa kuracistaro mem.

La tokseca procento ege superas la limojn truditajn de la eŭropa leĝaro. Multaj loĝantoj reduktis sian konsumadon de balena viando kaj graso, sekve al publikaĵoj de la feroa malsanuleja sistemo, sed tiu konsumado ne malaperis tute : ĝi restas kultura tradicio.  

La Grindadráp do pludaŭras kaj estas hodiaŭ la plej granda masakro de maraj mambestoj en Eŭropo. La « tradicio » vaste moderniĝis : la Feroaj loĝantoj uzadas nun motorŝipojn, radarojn, poŝtelefonojn…

Ni estas for de la ŝipoj kaj fumsignaloj de la pasintaj tempoj. 

La globicefaloj, minacata specio 

globicefalo.jpg

La danĝeroj kiujn devas alfronti la globicefaloj estas multaj : troĉasado, nutraĵa malofteco, poluado, acidigo de la oceanoj, neintencaj kaptadoj, bruadaj ĝenaĵoj pro la militistaj agadoj, sismaj testoj… al tio, aldoniĝas la tradiciaj masakroj aparte ŝokaj.

En la Feroa regiono, la biocefala popolo estas taksita ĝis 31.000, sed informo pri la monda tendenco ne ekzistas kaj tiu ĉasado ŝajne ne riskas la postvivadon de la specio.

En Feroaj insuloj, kelkaj aranĝoj estis alprenitaj por limigi la kaptaĵojn : nur 23 plaĝoj permesas tian kaptadojn. Forkonduki la cetacojn sur alian plaĝon estas kontraŭleĝa. Krome, la registaro donis al la civilaj aŭtoritatoj la potencon malpermesi la Grindadráp-n se la nutraĵo ne estas necesa. Aliloke en Eŭropo, la specio estas serioze protektita kaj disponoj estas alprenitaj por malhelpi neintencajn kaptadojn, aparte pere de drivretoj malpermesitaj de post 2002 en Eŭropa Unio. 

http://www.notre-planete.info/actualites/actu_3600_massacre_dauphins_iles_feroe_Danemark.php

neniammilitointerni - dans Bestaj Rajtoj
Créer un blog gratuit sur overblog.com - Contact - CGU -
.date span.text {display:none ; }