/image%2F0553642%2F20170724%2Fob_8aeb1c_logo.jpg){kind=logo}
/image%2F0553642%2F20211203%2Fob_beea0f_2019-07-18t170538z-1265202151-rc14c80e.jpg)
03/12/2021
Pasintan ĵaŭdon, la ikono de la sudana muziko Abdel Karim al-Kabli mortis 89-jara en Usono post « longa malsano », laŭ sia filo.
Kantisto kaj legenda udludisto, li akompanis la historion kaj la revoluciojn en Sudano, tiu de 1964 kaj tiu de 2019, kantante favore al la virinaj rajtoj interalie.
Ĉiuj sudanaj revolucioj disvolviĝis akompanataj de muziko kaj Al-Kabli, kiel li estis amike nomata fare de la Sudananoj, estis de ili la trobadoro. La Ĉefministro Abdallah Hamdok mem prezentis siajn kondolencojn al lia familio, sed ankaŭ « al la sudana nacio kaj ĉiuj ŝatantoj de muziko, beleco kaj vivo ».
Flutludisto
Tiu ridetanta viro, kun klara vizaĝkoloro kaj larĝaj okulvitroj, devenis de Sudanhavenurbo. Naskiĝinta en 1932, en tiu urbo premegita per suno borde de la Ruĝa maro, li komencis muziki ludante fluton, kaj ripetante laŭmemore la kanzonojn de la stratmuzikistoj.
Foririnta al Kartumo 16-jara por perfektigi sian konon pri la klasika araba poezio, li eklernis udludon kaj la tambureton "shetern". Rapide, liaj kanzonoj trakuris la landon.
La unua el ili, « Ya Zahiya » fariĝis klasikaĵo, kaj ankaŭ « Asia wa Africa », kiu celebris meze de la sendependiĝoj, la renaskiĝon de Azio kaj Afriko, du kontinentoj luktantaj kontraŭ la koloniado.
Por justico kaj libereco
Amo, la revolucio de 1964, Kartumo, la popoloj de Sudano… Jen kion li kantis dum duonjarcento.
Li ankaŭ senlace pledis por egaleco, por la virinaj rajtoj, ilia libereco kaj digneco, sed ankaŭ por la justico en sia lando, en Sud-Sudano kaj Darfuro. Li muzike esprimiĝis en pluraj lingvoj, en la klasika araba kaj en dialektoj de nacio, kiu fine faris de li sian idolon.
/image%2F0553642%2F20211203%2Fob_f2f168_sudan-map.png)
/image%2F0553642%2F20211203%2Fob_d91c51_ob-879885-zzzzzblua.jpg)
15/06/2019
Sudano: la sociaj retoj sin ornamas per blua koloro, subtene al la manifestaciantoj subpremitaj de la armeo
