20/04/2019

Kvin jarojn post la anekso de Krimeo fare de Rusio, la ekonomia forumo de Jalto logas la eŭropajn populistojn.

En la homamaso de la «amikoj de Rusio» en tiu sunplena posttagmezo borde de Krimeo, Frank Creyelman, afiŝas ĝojan kaj komplican rideton. Famulo de la "Vlaams Belang", belga ekstremdekstra partio ĉiam preta defendi Rusion, aktivas en la koridoroj de la internacia forumo en Jalto. De antaŭ kvin jaroj, kaj la anekso en 2014 de la duoninsulo fare de Rusio, ĝi estas tradicia rendevuo. 

Ties nomo, «Mondo, Rusio, Krimeo», resumas la celon de la organizantoj, en Moskvo kaj en Jalto: «Kunigi tiujn, kiuj havas malsimilan vizion de la mondo, malproksime de la libera tutmondiĝo, kaj pli proksime de la rusia geopolitiko», eksplikas Frank Creyelman, kiu venis kun kvar belgaj aferistoj pretaj investadi en Krimeon. La investoj nun estas malpermesitaj pro la eŭropaj embargoj. «Sed en Belgio, mi lobias kontraŭ tiuj embargoj. Tion scias la Rusoj… »

Kun ia memŝerco, Frank Creyelman agnoskas tion: «Ili invitis "la kutimajn suspektatojn" kiel mi!». En Jalto, de antaŭ du tagoj, pluraj dekoj da Eŭropanoj kiel li partoprenas tiun grandan rilatan ekzercon de la rusia «milda povo».

En la salonoj de debatgrupoj, sed ĉefe ĉirkaŭ la drinkejoj kaj bufedoj, laŭlonge de la balkonoj, kiuj superas mirindajn vidaĵojn al la Nigra maro, ili interŝanĝas kun siaj rusiaj gastigantoj amikajn parolojn, vizitkartojn, bierglasojn aŭ ĉampanpokalojn.

Putino kiel mentoro 

Inter la politikaj homoj, ankaŭ miksiĝas kelkaj aferistoj. «Ĝis nun, ni nenion povas fari pro la embargo, sed ni pretas!», certigas aŭstria aferisto, kiu preferas konservi anonimecon, ĉar li scias, ke kontakto por lokaj investoj povus ricevi punon de Bruselo. En Jalto, kelkaj restas diskretaj.

«Ni invitas ĉiujn, ne nur la ekstremdekstran partion. Ili venas. La aliaj ne rajtas…» ironias Maria Zakharova, la porparolanto de la rusia ministro pri eksteraj aferoj, kiu ĉeestas la forumon.

En sia akcepta mesaĝo, legita de unu el siaj ministroj, Vladimir Putin laŭdis la «iniciativojn, kiujn ni povas lanĉi kune». Sen pliaj detaloj. Oficiale, temas pri lanĉo de ekonomiaj projektoj, sed ne pri influado de la debatoj kaj balotoj en Eŭropo. «Sed, for de la investoj, la mesaĝo klaras… temas pri politiko», insistas usona politologo, renkontita ĉe la forumo.

Starigi reton de la dekstroj 

«Mi venas por riĉigi la reton de kontaktoj por mia lernejo pri politikaj sciencoj», sin defendas Marion Maréchal, eks-deputitino de la franca partio "Rassemblement national", unu el la prestiĝaj invititoj de la forumo. «La nomo, la marko Le Pen estas tre konata en Rusio. Ili memoras pri miaj engaĝiĝoj kontraŭ la embargoj, pri miaj malsimilaj opinioj en la franca debato. Ili invitas tiujn, kiujn ili perceptas kiel bona kunparolanto por ili». 

Apud ŝi, alia politika virino atentigas ĉiujn: la itala Irene Pivetti, eks-deputitino de la Norda Ligo. Ŝi forlasis la populisman partion, kaj kiel prezidentino de la partio "Italia Madre", proksime de Sylvio Berlusconi, ŝi kandidatas en la venontaj eŭropaj balotoj. «Mi venas serĉi ĉi tien nek elektantaron nek financadon», ŝi konfidas ĉe iu el la bufedoj. 

«Mi volas vidi per miaj propraj okuloj, kio estas Krimeo, kore de streĉiteco inter Eŭropo kaj Rusio. Sed mi ne estas naivulo: la Rusoj volas eliri el sia izoliteco kaj serĉas novajn aliancanojn en la eŭropa politiko», ŝi agnoskas antaŭ ol foriri por konduki rondan tablon. Ĉirkaŭ ŝi, en la grupo: Eŭropanoj, kaj ankaŭ afrikanoj kaj sud-amerikanoj. En Jalto, la rusia milda potenco havas larĝan vidon.

https://www.tdg.ch/monde/europe/a-Yalta-le-soft-power-russe-reunit-les-extremes-droites-europeennes/story/27917738

https://www.youtube.com/watch?v=lGgDX7ZlECI

13/11/2019

Rusio: ses Tataroj de Krimeo estas kondamnitaj pro «terorismo»

http://neniammilitointerni.over-blog.com/2019/11/rusio-ses-tataroj-de-krimeo-estas-kondamnitaj-pro-terorismo.html

20/07/2017

Ukrainio: La por-rusiaj separatismuloj volas anstataŭigi Ukrainion

http://neniammilitointerni.over-blog.com/2017/07/ukrainio-la-por-rusiaj-separatismuloj-volas-anstatauigi-ukrainion.html

05/05/2015

Krimeo : «la duoninsulo el timo»

http://neniammilitointerni.over-blog.com/2015/05/krimeo-la-duoninsulo-el-timo.html

25/08/2015

Rusio : severega puno kontraŭ la ukrainia reĝisoro Oleg Sencov kaj la ekologiisto kaj anarkiisto Aleksandro Kolĉenko

http://neniammilitointerni.over-blog.com/2015/08/rusio-severega-puno-kontrau-la-ukrainia-regisoro-oleg-sencov-kaj-la-ekologiisto-kaj-anarkiisto-aleksandro-kolcenko.html

27/03/2015

Rusio : la eŭropa ekstremdekstro kolektiĝis invite de por-kremla partio

http://neniammilitointerni.over-blog.com/2015/03/rusio-la-europa-ekstremdekstro-kolektigis-invite-de-por-kremla-partio.html

20/03/2015

Krimeo : Aleksandr Kolĉenko, forkaptita kaj malliberigita de la Rusia ŝtato

http://neniammilitointerni.over-blog.com/2015/03/krimeo-aleksandr-kolcenko-forkaptita-kaj-malliberigita-de-la-rusa-stato.html

03/03/2015

Ukrainio : pli ol 6.000 mortintoj de post la komenciĝo de la konflikto

http://neniammilitointerni.over-blog.com/2015/03/ukrainio-pli-ol-6-000-mortintoj-de-post-la-komenco-de-la-konflikto.html

22/09/2014

Rusio: grava manifestacio en Moskvo kontraŭ la kremla politiko en Ukrainio

http://neniammilitointerni.over-blog.com/2014/09/rusio-grava-manifestacio-en-moskvo-kontrau-la-kremla-politiko-en-ukrainio.html

06/08/2014

Ukrainio : la rumana malplimulto rifuzas militi en Donbaso

http://neniammilitointerni.over-blog.com/2014/08/ukrainio-la-rumana-malplimulto-rifuzas-militi-en-donbaso.html

09/04/2014

Ukrainio:  sud-oriento en sieĝostato

http://neniammilitointerni.over-blog.com/2014/04/ukrainio-sud-oriento-en-siegostato.html

23/11/2014

Krimeo: la tataroj estas persekutataj, raportas Human Rights Watch

http://neniammilitointerni.over-blog.com/2014/11/krimeo-la-tataroj-estas-persekutataj-raportas-human-rights-watch.html

23/03/2014

Ukrainio timas rusian atakon

http://neniammilitointerni.over-blog.com/2014/03/ukrainio-timas-rusan-atakon.html

20/03/2014

Ĉednestrio: Tiraspolo petas sian aneksadon al Rusio

http://neniammilitointerni.over-blog.com/2014/03/cednestrio-tiraspolo-petas-sian-aneksadon-al-rusio.html

18/03/2014

Krime-tataroj : Zaur Smirnov : «Tiu referendumo ne estas laŭleĝa»

http://neniammilitointerni.over-blog.com/2014/03/krime-tataroj-zaour-smirnov-tiu-referendumo-ne-estas-laulega.html

16/03/2014

Rusio: Manifestacio en Moskvo kontraŭ « okupacio » de Krimeo

http://neniammilitointerni.over-blog.com/2014/03/rusio-manifestacio-en-moskvo-kontrau-okupado-de-krimeo.html

04/03/2014

Krimeaj virinoj kontraŭ la milito

http://neniammilitointerni.over-blog.com/2014/03/krimeaj-virinoj-kontrau-la-milito.html

02/03/2014

Ukrainio : paŝado al milito ?

http://neniammilitointerni.over-blog.com/2014/03/ukrainio-pa%C5%9Dado-al-milito.html

01/03/2014

Ukrainio: 6.000 rusaj soldatoj en Ukrainio, laŭ Kievo

http://neniammilitointerni.over-blog.com/2014/03/ukrainio-6.000-rusaj-soldatoj-en-ukrainio-la%C5%AD-kievo.html

28/02/2014

Krimeo: peticio favore al aneksado de Krimeo al Rusio

http://neniammilitointerni.over-blog.com/2014/02/krimeo-peticio-favore-al-aneksado-de-krimeo-al-rusio.html

23/03/2019

Semajnon post la plej grava naturkatastrofo el la antaŭnelonga historio de la lando, la bilanco plu graviĝas. 

La  bilanco de la ciklono, kiu balais Mozambikon pasintsemajne, atingas nun pli ol 400 mortitojn, anoncis sabaton 23an de marto la ministro pri medio, Celso Correia. «Nun, ni konstatas 417 mortintojn kaj 1 528 vunditojn, li deklaris al la amasinformiloj en la urbo Beira, dua plej granda urbo de la lando, kiu estis parte detruita de la ciklono "Idai"». La antaŭa bilanco en Mozambiko menciis 293 mortintojn.

La mozambika ministro pri medio taksas aliparte, ke la areo tuŝita de la katastrofo vastiĝas laŭ surfaco je 3 000 kvadrataj kilometroj. «Tio estas naturkatastrofo senprecedenca. Tiu detruado, ekvivalentas al gravegaj katastrofoj, opiniis Celso Correia. Bedaŭrinde, neniu povis aŭguri tiel ampleksan katastrofon, nek en la regiono nek en la mondo».  Laŭ la Internacia Federacio Ruĝa Kruco kaj Ruĝa Krescento, «temas pri la plej grava humanitara krizo en la antaŭnelonga historio en Mozambiko».   

«Ni plu havas nenion, la homoj mortas kiel kaprinoj aŭ kokinoj. Ni havas nenian helpon. Ni mortas pro malsato», plendegas loĝanto de la distrikto Buzi, unu el la plej tuŝita en Mozambiko. «Mi plu vivas, sed mi ĉion perdis», atestas Maria Maposa, evakuita el tiu areo per boato.

Sabaton matene, cent elsavintoj de Buzi alvenis en la haveno de Beira, kie ili ricevis supon kaj vestaĵojn, konstatis ĵurnalisto de AFP. Multaj el ili bezonas kuracadon, ĉar ili estis vunditaj de ferladoj levitaj de ventopuŝoj, kiuj atingis po preskaŭ 200 kilometrojn hore.

En Zimbabvo, 259 personoj estis mortigitaj kaj preskaŭ 200, inter kiuj 30 infanoj, malaperis. Sed la fina bilanco estos «multe pli alta», ĉar «multaj regionoj plu estas neatingeblaj», avertis sabaton la ĝenerala direktorino de la UNICEF, Henrietta Fore.

«La humanitaraj agentejoj apenaŭ komencas konsciiĝi pri la amplekso de la damaĝoj. Tutaj vilaĝoj estis inunditaj, konstruaĵoj, lernejoj kaj sancentroj detruitaj», ŝi aldonis.

La sukuraj operacoj, kaj alkondukado de la helpo, kun helikopteroj, ŝipoj militaj, pneŭmatikaj, aŭ pri fiŝkaptado, daŭris sabaton en malfacilaj kondiĉoj, kalkulante pri la disfalo de multaj vojoj kaj pontoj.

Sume, "Idai", kiu estigis katastrofajn inundojn kaj terdisfalojn en Mozambiko kaj apuda Zimbabvo, okazigis 676 mortintojn en ambaŭ landoj.

https://www.lemonde.fr/planete/article/2019/03/23/au-mozambique-le-bilan-depasse-les-400-morts-apres-le-passage-du-cyclone-idai_5440279_3244.html

https://www.youtube.com/watch?time_continue=27&v=6IVMVJuk-kQ

26/11/2018

Vendredon, ĉirkaŭ 200 kubaj kuracistoj jam komencis forlasi la landon por reiri al sia insulo. En la Ŝtato San-Paŭlo, la urbo Mauá perdos 33 kuracistojn antaŭ la fino de la partopreno de Kubo al la programo «Mais médicos» (Pli da kuracistoj). Tiu nombro reprezentas trionon el la profesiuloj pri sano, kiu plenumas bazan servon en tiu urbo.

Tiu hasta foriro maltankviligas Arlenilda Santana, patrino de du infanoj. «Kiel ni elturniĝos nun, sen kuracistoj? Ĉi tie, estas multaj familioj, kaj se la kubaj kuracistoj foriras, neniu plu restos. Antaŭe, ni venis ĉi tien por urĝa afero, kaj ili okupiĝis pri nia sanproblemo. Nun, kien ni iros?».        

La programo, malfermita en 2013 sub la mandato de Dilma Rousseff, ebligis malkreskadon de la infana kaj patrina morteco, interalie en la plej izolitaj areoj de la lando, en Amazonio kaj en la indiĝenaj komunumoj.

Tamen, urboj je mezaj dimensioj, kiel Mauá estas fronte kaj perforte tuŝataj. «Ni havas multajn timojn, eksplikas Luís Carlos Casarin, kun-sekretario pri sano en la urbo. Ni estis forte tuŝataj de tiu abrupta decido, kaj la urboj nun bezonas tempon por organiziĝi, kaj trovi anstataŭantojn por tiuj postenoj, kiuj estos vakaj».

En kvin jaroj, en la lando, granda parto el la 8 300 kubaj kuracistoj komencis novan vivon en Brazilo, kun familio, amikoj...

Neniu el ili konsentis respondi niajn demandojn, jen ĉar ili deklaras sin tro afliktitaj de la decido, jen ĉar ili timas reprezaliojn de la kuba registaro, kiu ŝajne malinstigis ilin alparoli la ĵurnalistojn.

http://www.rfi.fr/ameriques/20181124-bresiliens-inquiets-depart-medecins-cubains-programme-mais-medicos

https://www.youtube.com/watch?v=glwb8_Mj1dA

24/01/2018

Pluraj miloj da personoj manifestaciis ankaŭ en Zuriko kaj Berno, Svislando.   

Davoso, «paradizo de la banditoj», estis legeble sur tiuj flagrubandoj. Lundon vespere, alimondismaj manifestaciantoj provis, pli-malpli facile, defiladi en la svislanda skistacio, antaŭ ol esti arestitaj de la polico.

«Tio ne estas vera manifestacio, ĉar ni ne havas la eblecon manifestacii, kiel diris la aŭtoritatoj, pro la neĝo. Do ni nur paŝadas kaj kantadas kun niaj malgrandaj flagrubandoj, kaj ni ankaŭ promenados noktomeze», rakontis aktivisto.

Specife celata de la manifestaciantoj, unu el la partoprenantoj ĉe la Ekonomia forumo: Donald Trump. La usona prezidento, konata pro siaj kritikoj de la libera komerco, estas atendata en Davoso ekde ĵaŭdo. Sed liaj opoziciuloj kiel ĉi tie en Zuriko, kritikas ĉefe lian politikon pri naturmedio.

http://fr.euronews.com/2018/01/23/a-davos-des-militants-manifestent-contre-le-forum-economique-et-la-venue-de-trump

https://www.youtube.com/watch?v=rea9POePVCc

22/01/2018

Oxfam alarmas pri la kreskado de la neegalecoj en la mondo

http://neniammilitointerni.over-blog.com/2018/01/oxfam-alarmas-pri-la-kreskado-de-la-neegalecoj-en-la-mondo.html

12/11/2017

Sabaton, la manifestaciantoj skandis sloganojn instige al perforto kaj ksenofobio, kiel «Pura Pollando, blanka Pollando».  

Pollando pridubis dimanĉon 12an de novembro, tagon post la festeno pri sendependeco, kiu okazis en grava streĉiteco sur la varsoviaj stratoj. Sabaton, ĉirkaŭ 60 000 personoj partoprenis naciisman marŝadon, alvoke de ekstremdekstro.

La kolektiĝo okazis kun la oficiala agadvorto «Ni volas Dion!», esprimo, kiu memorigas katolikan kanton komprenata hodiaŭ kiel forpuŝo de islamo. En julio, la usona prezidento Donald Trump referencis al ĝi dum vizito en Varsovio. La usona prezidento tiam gratulis Pollandon pri ties defendo de la «okcidenta civilizo». Sabaton, unuvoĉe la manifestaciantoj skandis sloganojn instige al perforto kaj ksenofobio, kiel «Pura Pollando, blanka Pollando».   

Tiu «Marsz Niepodległości», inaŭgurita en 2009, kaj konata kiel la plej grava faŝisma kaj naciisma evento en Eŭropo, kolektis partoprenantojn venintajn el pluraj eŭropaj landoj. Tiu partopreno estis salutata de kelkaj oratoroj, kiuj iniciatis la kolektiĝon. Ili gurdis, ke «la kristana kulturo superas la islaman kulturon».   

Neniu kondamno 

Du kontraŭ-manifestacioj, organizitaj de kontraŭ-faŝismaj grupoj kaj la opoziciaj partioj, okazis samtempe aliflanke de la urbo, por protesti kontraŭ la sinteno pli kaj pli aŭtoritata de la nuna registaro.

Tiu ĉi aliparte ne kondamnis la ekstremdekstran kolektiĝon. «La plej grava estas fideleco al nia patrio, al nia popolo. Tio devus stariĝi super ĉio: super niaj ideologiaj dividoj, niaj malsamaj politikaj opinioj», deklaris la pola prezidento, sen kondamni la dirojn aŭdeblajn dum tiu forta elmontro de la ekstremistoj.   

La sola limigo trudita de la pola registaro koncernis la paroladon de Richard Spencer, la usona ĉefo de la blank-supereca movado. Lia interveno estis malpermesita, ĉar tiu viro ne devas aperi publike.

Dum la pasintaj eventoj, interpuŝiĝadoj inter grupoj da manifestaciantoj kaj la polico okazis marĝene de tiu ĉiujara marŝado, organizata la 11an de novembro, dato de reveno al sendependeco, en 1918. Pollando estis dividita dum cent dudek tri jaroj inter tri apudaj potencoj: Rusio, Prusio kaj Aŭstrio.

http://www.lemonde.fr/europe/article/2017/11/12/en-pologne-60-000-personnes-defilent-a-l-appel-de-l-extreme-droite_5213847_3214.html 

https://www.youtube.com/watch?v=zgPNYcEKE-U