aktualaĵoj - Neniam milito inter ni

<< Page suivante Page précédente >>

16 février 2020 7 16 /02 /février /2020 20:42

Germanio: manifestacio okazis en Turingio por protesti kontraŭ ekstremdekstro

16/02/2020

La 15an de februaro en Germanio, preskaŭ 18 000 manifestaciantoj kolektiĝis en Erfurto, ĉefurbo de Turingio oriente de la lando. Estro de la regiono estis elektita danke al ekstremdekstro, kio provokis politikan tertremon la 5an de februaro 2020.

«Ni volas nenian akordon kun la faŝistoj: neniam kaj nenie» aŭ «la potencon, ni ne volas je ia ajn prezo» asertas la flagrubandoj en la stratoj de Erfurto.

La manifestacio estis kunvokita fare de larĝa koalicio de politikaj respondeculoj, NeRegistaraj Organizaĵoj, artistoj kaj sindikatanoj, unuiĝintaj sub la nomo #Unteilbar «nedividebla» en Esperanto, post la surpriza elekto de la liberalulo Thomas Kemmerich, danke al la voĉdonoj de la ekstremdekstro. Tio kreis politikan tertremon en la tuta lando.

Lundon, la ĉefaj politikaj organizaĵoj, krom AfD (Alternativo por Germanio), kunsidos en la ĉefurbo de Turingio por decidi kiamaniere eligi el la krizo. Ĉu eblas formi malplimultan koalicion? Ĉu novaj balotoj necesas?

Jamila Schäfer, kun-prezidentino de la verduloj (de la partio Allianco 90 - La Verduloj) en Germanio, venis de Berlino: «Ni subtenus malplimultan koalicion, kiu grupigus la elirantan maldekstran kandidaton Bodo Ramelow, la soci-demokratojn, kaj la verdulojn. Ni delonge pretas por tio».

Trovi politikan stabilecon sen la AfD

Laŭ la kun-prezidantino de la Verduloj, la prioritato estas trovi politikan stabilecon kun registaro, kiu ne laboras kun plimulto subtenata de la faŝistoj. «Tamen, ni konstatis pasintece, dum jam ekzistis protestadoj, ke la liberuloj kaj konservativuloj tute ne estas pretaj toleri maldekstran registaron. Novaj balotoj ebligus al la voĉdonantoj decidi mem pri la vojo, kiun ili volas sekvi».

Tiu mobilizado kontraŭ ekstremdekstro intervenas ankaŭ dum memorfestoj pri liberigo de la naziaj koncentrejoj kaj de la bombadoj de la urbo Dresdeno antaŭ sesdek kvin jaroj.

Aliparte, la ŝoka ondo daŭre disvastiĝas trans la landlimoj de la federacia ŝtato en tiu lando, kiu devos alfronti – plej malfrue en 2021 – la finon de la registaro Merkel, kiu regas de dek kvar jaroj.

http://www.rfi.fr/fr/europe/20200216-allemagne-manifestation-thuringe-protester-contre-extr%C3%AAme-droite

https://www.youtube.com/watch?v=nAEXFS3QeWk

07/02/2020

Germanio: la prezidento de Turingio, subtenata de ekstremdekstro, demisiis

http://neniammilitointerni.over-blog.com/2020/02/germanio-la-prezidento-de-turingio-subtenata-de-ekstremdekstro-demisiis.html

neniammilitointerni - dans Aktualaĵoj

7 février 2020 5 07 /02 /février /2020 09:40

Germanio: la prezidento de Turingio, subtenata de ekstremdekstro, demisiis

07/02/2020

Ĵaŭdon, Thomas Kemmerich, la germana kontestata estro de Turingio, demisiis de sia ofico, malfermante la vojon al nova regiona baloto. Lia hieraŭa elekto, kun la subteno de ekstremdekstro, kaŭzis politikan tertremon en Germanio.

Lia elekto, merkredon, estigis skandalon en Germanio. Thomas Kemmerich, ĵus elektita kiel prezidento de Toringio, anoncis ĵaŭdon 6an de februaro, ke li forlasas sian oficon. «La demisio estas neevitebla (...), ni decidis postuli malfondon de la parlamento de Toringio», li asertis dum gazetkunsido en Erfurto.

«Ni ankaŭ deziras provoki novajn balotojn por forigi la stigmaton ligitan al la subteno de la Alternativo por Germanio AfD», li daŭrigis. «La demokratoj bezonas demokratan plimulton, kiu kompreneble ne povas esti akirita en tiu parlamento».

La regiona prezidento estis elektita danke al koaliciitaj voĉoj de la ekstremdekstro de la movado AfD, de sia propra partio kaj de la lokaj elektitoj de la konservativa partio de la kancelierino, la Kristandemokrata Unio de Germanio (CDU).

«Kunlaboro kun AfD ne ekzistis, ne ekzistas kaj ne ekzistos», precizigis Thomas Kemmerich, eksplikante, ke li faris tiun elekton «sen premo». Li tamen ŝanĝis sian opinion post interparolo kun la nacia estro de la partio FDP, Christian Lindner veninte de Berlino, dum la antaŭa tago li firme rifuzis demisii, malgraŭ multaj petoj fari tion .

«Tio estas nepardonebla ago» laŭ Angela Merkel

Tiu decido de la liberalulo, nur 24 horojn post lia elekto, aperis kiel la sola realisma decido, tiom lia kontestita elekto indignis kaj ŝancelis la tutan germanan politikan medion.

Kutime diskreta, Angela Merkel, nun ĉeestanta en Pretorio, kvalifis «nepardonebla ago» tiun balotan aliancon, senprecedencan de post la milito. Ŝi klare anoncis, ke tiu elekto «estu nuligita», kio malfermas la vojon al novaj balotoj en tiu regiono, kie ekstremdekstro situis ĉe la dua pozicio, malantaŭ la radikala maldekstro, pasintan aŭtunon.

Ĝis nun, kaj male al lando kiel Aŭstrio, la modera dekstro ĉiam ekskludis ĉian ajn aliancon aŭ kooperadon kun la AfD, kiu krome faris de la germana kancelierino kaj de ties migrada politiko sian ĉefan celbatalon.

Tiu epizodo en Turingio revigligis en Germanio la memoron de la 1930-aj jaroj, kiam la partio de Adolf Hitler sukcesis, inkluzive pere de aliancoj kun la tradicia dekstro, iom post iom gajnis la potencon.

https://www.france24.com/fr/20200206-allemagne-le-pr%C3%A9sident-de-thuringe-d%C3%A9missionne-au-lendemain-de-son-%C3%A9lection https://www.youtube.com/watch?v=xl9AlSMM9Ko&t=1s

neniammilitointerni - dans Aktualaĵoj

29 janvier 2020 3 29 /01 /janvier /2020 16:59

Usona pacplano por Proksima Oriento: «skandala plano, kiu legitimas la koloniadon», juĝas palestina diplomato

29/01/2020

Muhannad Maswadi, taskita pri misio ĉe la "Misio-Palestino en Francio", denuncis en la radiostacio "franceinfo" «planon, kiu respektas neniun regulon de la internacia juro».

«Tio estas skandala plano, kiu legitimas la koloniadon», denuncis ĉi-merkredon Muhannad Maswadi, taskita pri misio ĉe la "Misio-Palestino en Francio", post la prezentado mardon de la plano pri paco por Proksima Oriento, fare de Donald Trump.

La usona prezidento prezentis «duŝtatan» solvon, en kiu li konsentas al Israelo multajn garantiojn, inter kiuj la suverenecon sur la Jordana valo. Li ankaŭ agnoskas Jerusalemon kiel «nedivideblan ĉefurbon» de la hebrea Ŝtato.

«Plano ellaborita foreste de la Palestinanoj»

«Ni estas absolute konsternitaj pro tiu deklaracio, kaj tiu farso estas malbonkvalita. Tiu plano respektas neniun regulon de la internacia juro, en perfekta malobservado de ĉiuj rezolucioj de Unuiĝintaj Nacioj», protestis Muhannad Maswadi. «Temas pri neniigo de la palestina demando».

«Mi ne aŭdis la reagon de Eŭropo kaj de la internacia komunumo pri tiu skandala plano. Ni forpuŝis ĝin ekde la komenco. Tiu plano estis ellaborita foreste de la Palestinanoj, kiuj ne estis invititaj dum la du jaroj da intertraktado inter Israelanoj kaj Usonanoj. Kiamaniere la Palestinanoj povus akcepti tiun planon, de kio ili estis tute ekskluditaj?», li precizigis.

«Ni defendis la pacon dum la 24 jaroj da rektaj intertraktadoj kun Israelo. Ni volis planon, kiu enkalkulas minimumon de la naciaj rajtoj de la Palestinanoj, kaj unuarange la rajton al memdetermino», li aldonis.

«Kio estas Palestino hodiaŭ, sciante ke ni perdos de 30% ĝis 40% el Cisjordanio, kaj Jordanan valon», kaj ke Jerusalemo ne estas agnoskita kiel ĉefurbo de Palestino?, sin demandis Muhannad Maswadi.

https://www.francetvinfo.fr/monde/usa/presidentielle/donald-trump/plan-de-paix-americain-pour-le-proche-orient-un-plan-scandaleux-qui-legitime-la-colonisation-juge-un-diplomate-palestinien_3803991.html

https://www.youtube.com/watch?v=hQXtLzrXwQk&feature=emb_logo

07/01/2020

Israelo aprobas la konstruadon de pli ol 1 900 loĝejoj en Cisjordanio

http://neniammilitointerni.over-blog.com/2020/01/israelo-aprobas-la-konstruadon-de-pli-ol-1-900-logejoj-en-cisjordanio.html

"Pacon nun", Israela NeRegistara Organizaĵo certigas, ke 1 150 projektoj estis aprobitaj por la unua fazo, kaj 786 por la fina validiga fazo, el kiuj 258 loĝejoj en Hareŝo, kolonio starigita sur la palestinaj «privataj teroj», kiuj estas objekto de jurkonflikto.

Konduki provizoran registaron ne malhelpas la ĉefministron Benjamin Netanjahu kampanji por la israelaj deputitaj balotoj, kiuj okazos venontan 2an de marto. La registaro aprobis la konstruadon de 1 936 novaj loĝejoj en la israelaj kolonioj de okupaciata palestina teritorio, anoncis la surloka NRO "Pacon nun", lundon la 6an de januaro.

Tiu israela organizaĵo certigas, ke 1 150 projektoj estis aprobitaj por la unua fazo, kaj 786 por la fina validiga fazo, inkluzive de 258 loĝejoj en Hareŝo, kolonio starigita sur la palestinaj «privataj teroj», kiuj estas objekto de jurkonflikto. «Kvankam ĝi ne havas klaran mandaton, tiu registaro agadas same kiel ĉio estus en ordo, kaj plu promocias malutilajn kaj nenecesajn konstruadojn en la okupaciataj teritorioj», substrekas "Pacon nun" en komunikaĵo, kiu kontraŭstaras la disvolviĝadon de la kolonioj.

La konstruadoj en la kolonioj preskaŭ duobliĝis

Ĉiuj kolonioj estas kontraŭleĝaj laŭ la internacia juro, sed la administracio Trump anoncis ĉi-aŭtune politikan ŝanĝon asertante, ke ili ne plu estas tiaj laŭ Vaŝingtono. Tiu decido estis kritikita de la palestinaj aŭtoritatoj, sed salutita de Benjamin Netanjahu, kiu deziris allogi la voĉdonantaron de la kolonioj por gajni la baloton de aprilo kaj septembro 2019. Sed tiu ĉi ne sukcesis elekti klaran venkinton. Pro tio, tria baloto en malpli ol jaro okazos la 2an de marto.

La koloniado de okupaciata Cisjordanio kaj Orienta-Jerusalemo fare de Israelo daŭris dum ĉiuj israelaj registaroj de post 1967. Pli ol 600 000 israelaj kolonianoj estas instalitaj sur tiuj teritorioj, kie vivas preskaŭ tri milionoj da Palestinanoj.

Tiu procezo plirapidiĝis tiujn lastajn jarojn sub la instigo de la ĉefministro Benjamin Netanjahu kaj ties aliancano en Vaŝingtono, la prezidento Donald Trump. Tiu ĉi ŝanĝis sian regionan politikon favore al Israelo, agnoskante Jerusalemon kiel ĉefurbon de la hebrea Ŝtato, kaj nuligante la monhelpon por la Palestinanoj. Laŭ la datumoj kompilitaj de "Pacon nun", la nombro de loĝejoj aprobitaj en la kolonioj de kiam la magnato de la konstru-sektoro estas prezidento de Usono preskaŭ duobliĝis (+90%)

https://www.lemonde.fr/international/article/2020/01/06/israel-approuve-la-construction-de-plus-de-1-900-logements-en-cisjordanie-d-apres-une-ong_6024977_3210.html

https://www.youtube.com/watch?v=00lo-jMwSSY

neniammilitointerni - dans Aktualaĵoj

3 janvier 2020 5 03 /01 /janvier /2020 20:32

Sauda Arabio deziras utiligi la Dakar-ralion, kiel montrofenestron por sia turismo

03/01/2020

Bildo: la administranto de la Dakar-ralio 2020 esploras la itineron, la 16an de oktobro 2019 en Sauda Arabio.

«La Dakar-ralio, kies eldono 2020 okazas por la unua fojo en Sauda Arabio, substrekos la turisman potencialon de tiu reĝlando, kies bildo estas makulita fare de la atencoj kontraŭ Homaj rajtoj», esperas la sauda respondeculo pri sportoj.

Laŭ la princo Abdulaziz bin Turki al-Faisal, kiu prezidas la saudan aŭtoritaton pri sportoj, tiu ralio estos okazo emfazi la turismajn riĉecojn de Sauda Arabio en momento, kiam tiu lando, dominata de konservativega islamo, elmontras sian volon allogi la fremdajn turistojn.

«La mondo malkovros la pitoreskan karakteron de nia lando, kaj ties mirindan dezerton», deklaris tiu estro al la gazetaro sur la areo Al-Kidijo, nova konstruata urbo apud Riado.

La organizantoj de tiu 12-taga ralio en la sauda dezerto agnoskis, ke la elekto de Sauda Arabio estas tre pridiskutita. La virinoj ekzemple, rajtas konduki veturilon de antaŭ nur jaro, sed laŭ David Castera, la direktoro de la ralio, la organizantoj kalkulas pri la volo de «malfermiĝo» de la saudaj aŭtoritatoj, .

La ekiro de la «Dakaro» okazos la 5an de januaro en Ĝido, kaj la ralio finos la 17an post 7 800 kilometroj en la dezerto, en Al-Kidijo.

En septembro, la sunaisma reĝimo komencis liveri turismajn vizojn, por la unua fojo el sia historio, cele al diversigo de siaj resursoj, kaj prepariĝo al senpetrola estonteco.

Sed tiu lando, kie alkoholo estas malpermesita, kaj kie dominas seks-segregacio, malfacile allogas la internacian turismon, escepte de la miloj da islamaj pilgrimantoj, kiuj iras ĉiujare ĝis la sanktaj lokoj de Mekko kaj Medino.

De kelkaj jaroj, la konservativega reĝimo kalkulas pri la sporto por plibonigi sian eksteran bildon. Ĝi jam akceptis la Italan Superpokalon en januaro, organizas de pasintjare veturadon de Elektra Formulo, kaj deziris do altiri tiun faman ralion.

https://www.le1.ma/larabie-saoudite-compte-faire-du-dakar-une-vitrine-pour-son-tourisme/

https://www.youtube.com/watch?v=1ckp1S_Z5nc

08/03/2019

Sauda Arabio: aktivulinoj por la virinrajtoj estas persekutataj

http://neniammilitointerni.over-blog.com/2019/03/sauda-arabio-aktivulinoj-por-la-virinrajtoj-estas-persekutataj.html

21/11/2018

Sauda Arabio: Internacia Amnestio denuncas la torturon kontraŭ aktivuloj pri Homaj rajtoj

http://neniammilitointerni.over-blog.com/2018/11/sauda-arabio-internacia-amestio-denuncas-la-torturon-kontrau-aktivuloj-pri-homaj-rajtoj.html

23/08/2018

Sauda Arabio: la publika prokuroraro postulas mortopunon por kvin geaktivuloj

http://neniammilitointerni.over-blog.com/2018/08/sauda-arabio-la-publika-prokuroraro-postulas-mortopunon-por-kvin-aktivuloj.html

neniammilitointerni - dans Aktualaĵoj

24 septembre 2019 2 24 /09 /septembre /2019 20:58

Araba mondo: Laŭ opinisondo, ateismo progresas ĉe la araba junularo

24/09/2019

Opinisondo mendita de la "Brita BBC" malkaŝas progreson de ateismo, preskaŭ ĝeneralan. Tiu evoluado tuŝas aparte Tunizion kaj aliajn landojn de Norda Afriko.

«Ĉu la araba junularo komencas forlasi la religion?» sin demandas la retejo de la araba BBC. «La araba mondo estas ĝenerale priskribita kiel religia, konservativa kaj homogena. Sed aŭskultante la loĝantojn, tute alia bildo aperas», daŭrigas la retejo.

Opinisondo, mendita de la BBC, kaj kondukita de la esplor-retejo Arab Barometer, sendependa organismo ĉe pli ol 25 000 loĝantoj en 10 landoj (Alĝerio, Egiptio, Irako, Jordanio, Libano, Libio, Maroko, Sudano, Tunizio, Jemeno) plus la palestinaj teritorioj, inter fine de la jaro 2018 kaj la printempo 2019, montras vastan gamon da opinioj pri diversaj temoj».

Inter la plej signifaj rezultoj, ĉefe rimarkeblas la progreso de la procento de personoj, kiuj sin deklaras «ne-religiaj». Tiu procento, kiu atingis 8% en 2013 atingas hodiaŭ 13%, eĉ 18% inter la junuloj malpli ol 30-jaraj.

La evoluo ĉefe okazas en Magrebo, Egiptio kaj Sudano. En Tunizio, la procento pasas de ĉirkaŭ 15% al pli ol triono el la tuta loĝantaro, en Libio iom malpli ol 10% ĝis ĉirkaŭ kvarono. Malgraŭ procento multe pli malalta en 2013, Maroko kaj Egiptio registras nun procenton nete superan al 10%. Nur Jemeno spertas retroiron de la proporcio de «ne-religiaj» personoj. Alia rimarkindega rezulto: triono el la loĝantoj de la araba mondo intencas elmigri. En Sudano, la proporcio atingas preskaŭ duonon. Tamen, Eŭropo iomete retroiras en la intencoj de elmigrado al 66%, dum 36% deziras elmigri al Nordameriko, kaj 12% al la Golfaj landoj.

Aliparte, laŭ plejparte el la personoj pridemanditaj, virino estus bone akceptita kiel prezidentino aŭ Ĉefministrino, kun nombroj, kiuj eĉ atingas tri kvaronojn en Libano.

https://www.courrierinternational.com/article/sondage-latheisme-progresse-parmi-la-jeunesse-arabe

https://www.bbc.com/arabic/magazine-48661721

neniammilitointerni - dans Aktualaĵoj

25 juin 2019 2 25 /06 /juin /2019 20:47

Turkio: komenco de la proceso ligita al la manifestacioj de la parko Gezi

25/06/2019

La proceso de pluraj figuroj de la turka civita socio, inter kiuj la filantropo Osman Kavala, komenciĝis lundon per la akuzo, juĝata falsema de iliaj defendantoj, ke li provis «renversi la registaron» de Recep Tayyip Erdoğan dum la vasta protest-movado en 2013.

La aŭdienco okazis sub alta sekureco en la malliberejo Silivri, rande de Istanbulo.

La 16 akuzitoj riskas porĉiaman malliberejon en tiu afero, kiu estigas maltrankvilon de la defendantoj pri Homaj rajtoj, kiuj denuncas «ĉasadon de sorĉistinoj», kaj subtenas, ke por pravigi la akuzon, eĉ komenciĝo de pruvo ne ekzistas. Inter la juĝataj personoj figuras la aferisto kaj filantropo Osmar Kavala, kies enkarcerigo de pli ol 600 tagoj faris de li la simbolon de la represio kontraŭ la civita socio, aparte post provo de puĉo en 2016.

S° Kavala kaj alia malliberulo aperas kiel enkarcerigitoj, ok aliaj en kondiĉa libereco, kaj ses aliaj, kiuj fuĝis la landon, pro kontumaco.

Lundon, kvin el ili, inter kiuj S° Kavala, atestis ĉe la tribunalo, dementante la akuzojn, kiuj pezas kontraŭ ili. La aliaj akuzitoj estos aŭditaj mardon.

S° Kavala, figuro konata kaj respektata en la intelektaj medioj, estas akuzata, ke li financis la gigantajn manifestaciojn kontraŭ S° Erdoğan en 2013, konata kiel «movado de Gezi».

Dum la aŭdienco, li forpuŝis «neraciajn asertojn sen pruvoj». «Neniam en mia vivo, mi subtenis ŝanĝon de registaro alimaniere ol per liberaj balotoj», li aldonis.

Movado naskiĝinta dum la somero 2013

La movado de Gezi komenciĝis per sid-manifestacio de ekologiismaj aktivuloj por defendi la parkon Gezi, unu el la maloftaj verdaj spacoj kore de Istanbulo. Post perforta represio, ĝi transformiĝis en pli vastan movadon kontraŭ S° Erdoğan, tiam Ĉefministro.

La represio kontraŭ la defendantoj de Gezi spertis reintensiĝon en aŭtuno 2018, t.e pli ol kvin jarojn post la manifestacioj, kun arestado de pluraj universitatanoj kaj figuroj de la civita socio proksimaj de S° Kavala.

Turkio estas regule akuzata de la organizaĵoj pri defendo de Homaj rajtoj, kiuj maltrankviliĝas pro la difektado de la jurŝtato dum tiuj lastaj jaroj. En ĝia akuza protokolo 657-paĝa, la prokuroro prezentas la movadon de Gezi kiel operacon gvidatan el eksterlande por malutili al Turkio.

https://fr.euronews.com/2019/06/24/turquie-ouverture-du-proces-lie-aux-manifestations-du-parc-gezi-en-2013

https://www.youtube.com/watch?v=AGmEaPlPW6Q

31/05/2013

Turkio: «Ni ne lasos detrui la lastajn verdajn spacojn de Istanbulo»

http://neniammilitointerni.over-blog.com/turkio-%C2%AB-ni-ne-lasos-detrui-la-lastajn-verdajn-spacojn-de-istanbulo-%C2%BB

01/06/2014

Turkio: perforta polica subpremo okaze de la unua datreveno de Gezi

http://neniammilitointerni.over-blog.com/2014/06/turkio-perforta-polica-subpremo-okaze-de-la-unua-datreveno-de-gezi.html

01/06/2016

Turkio : tri jarojn poste, la placo Taksim restas ribela simbolo

http://neniammilitointerni.over-blog.com/2016/06/turkio-tri-jarojn-poste-la-placo-taksim-restas-ribela-simbolo.html

neniammilitointerni - dans Aktualaĵoj

29 mai 2019 3 29 /05 /mai /2019 14:56

Belgio: kontraŭ faŝismo en Eŭropo, mobilizado en Bruselo

29/05/2019

Bildo: «SOLIDARECO SEN LANDLIMOJ»

Tambura frapado estis aŭdebla, ĝuste antaŭ la eŭropa parlamento, por rifuzi faŝismon en Belgio kaj Eŭropo. Ĉirkaŭ 5 000 personoj manifestaciis. Tio estis reago al la populisma kaj ekstremisma ekkresko, observata dum la eŭropa baloto, kaj aparte al la flandra ekstremdekstra partio Vlaams Belang...

«Ni mobiliziĝas kontraŭ ekstremdekstro, kaj en la parlamento, kaj en la registaro, sur la stratoj, en la laborlokoj, la lernejoj…. Kiam ekstremdekstro havas publikan rolon, en iu ajn loko, ni ĉeestas por rezisti» eksplikas Sixtine Van Outryve, aktivulino de STAND-UP, Koalicio kontraŭ ekstremdekstro kaj faŝismo.

La alvoko al manifestacio estis lanĉita en la sociaj retoj kelkajn horojn post la rezultoj de la eŭropa baloto, en kiu la Nacia kolektiĝo de Marine Le Pen kaj la Ligo de Matteo Salvini alvenis ĉe la unua rango en Francio kaj Italio. En Flandrio, la alveno ĉe la dua pozicio de la Vlaams Belang, kondukita de Tom Van Grieken ĵus malantaŭ la flandraj naciistoj, aparte ŝokis la belgajn organizaĵojn kontraŭ-faŝismajn :

«La rezultoj de tiuj balotoj, estas la rekta konsekvenco de jardekoj da politikoj de la registaro, de la novliberalaj, seksismaj, rasismaj politikoj kaj rasismaj konceptoj en la socio» eksplikis Sixtine Van Outryve, de STAND-UP.

Al la manifestacianto, partoprenis kompreneble Belgoj, Valonoj kaj flandroj, sed ankaŭ aliaj naciecoj, ĉiuj unuiĝintaj kontraŭ ekstremdekstro, kaj eŭropaj deputitoj kiel Marie Arena, soci-demokrata belga eŭrodeputitino.

La manifestaciantoj poste paŝadis al la sidejo de la Eŭropa komisiono, enkadrigita de gravaj sekurecaj fortoj. Tiu manifestacio estis pacema, nenia incidento okazis.

https://fr.euronews.com/2019/05/29/contre-le-fascisme-en-europe-mobilisation-a-bruxelles#

https://www.youtube.com/watch?v=V5oHfs3idGM

neniammilitointerni - dans Aktualaĵoj

26 mai 2019 7 26 /05 /mai /2019 16:08

Israelo: Miloj da personoj manifestaciis kontraŭ Benjamin Netanjahu en Tel-Avivo

26/05/2019

Pluraj dekoj da miloj da Israelanoj kolektiĝis en Tel-Avivo, por denunci «atencon kontraŭ la jura Ŝtato» kaj «danĝeron por la demokratio».

La manifestaciantoj protestas kontraŭ leĝprojekto, kiu celas protekti la Ĉefministron, Benjamin Netanjahu, kontraŭ juraj persekutoj, kaj limigi la potencon de la Ĉefkortumo.

«Mi venis por protesti kontraŭ la leĝoj, kiujn Benjamin Netanjahu volas balotigi, eksplikas Gay Ŝahar, manifestacianto. Ili transformos la demokratian Ŝtaton Israelon en diktaturon, kiel en Turkio aŭ Rusio, kie la oficialuloj kaj politikuloj superas la leĝojn».

«Ni ne lasos vin transformi demokratian Israelon en privatan kortegon de reĝa familio aŭ sultanejon», deklaris Benny Gantz, ĉefo de la alianco centra-dekstra Blua kaj Blanka, ĉefa opozicia partio.

Nova koalicio

Reelektita en aprilo por 5a mandato, Benjamin Netanjahu-n celas tri kulpaj proceduroj, pro «koruptado», « fraŭdo» kaj «konfidekspluato». Lia aŭdienco estas antaŭvidita en oktobro. La Ĉefministro tute neas la akuzojn, kaj denuncas «ĉasadon kontraŭ sorĉistinoj».

Netanjahu nun fondas novan koalicion kun la partioj dekstraj, ekstremdekstraj kaj religiaj, kiu ebligos al li kontroli 65 el la 120 seĝoj de la Kneset.

Plejparte el la partioj, kiuj kuniĝos kun tiu koalicio, favoras garantii imunecon al la Ĉefministro, kaj limigi la potencojn de la Ĉefkortumo, akuzata de la ultranaciismaj partioj, ke ĝi estas tro liberala kaj enmiksiĝa.

Netanjahu havas ĝis merkrede por prezenti novan registaron, sed ĝis nun, li kontraktis nenian akordon kun partio.

https://fr.euronews.com/2019/05/26/des-milliers-de-personnes-manifestent-contre-benjamin-netanyahu-a-tel-aviv?utm_term=Autofeed&utm_medium=Social&utm_source=Twitter

https://www.youtube.com/watch?v=WhYuiZn-qQc&t=4s

neniammilitointerni - dans Aktualaĵoj

20 mai 2019 1 20 /05 /mai /2019 14:34

Germanio: grandaj manifestacioj kontraŭ naciismo

20/05/2019

Dekoj da miloj da personoj manifestaciis ĉi-dimanĉon 19an de majo tra Eŭropo kontraŭ ekstremdekstro. Sed ja en Germanio, kie tiu iniciativo naskiĝis, la mobilizado estis la plej grava.

«Kontraŭ naciismo», estis la agadvorto de pluraj manifestacioj pasintan dimanĉon en la grandaj urboj de Germanio. En Berlino, Kolonjo, Munkeno aŭ Hamburgo, dekoj da miloj da personoj mobiliziĝis, semajnon antaŭ la eŭropa baloto, kontraŭ la laŭdirita «Eŭropo de la Nacioj»., kion deziras la eŭropaj ekstremdekstroj .

«La ludkartoj jam estas disdonitaj, deklaras tiu aktivulo. Ĉi-foje, ni mobiliziĝas kontraŭ la ekstremaj naciistoj kiel FPÖ kaj AFD, kiuj volas kunfondi grupon ĉe la eŭropa parlamento. Kaj tio, kune kun tiu rasisma Salvini. Sed la situacio ŝanĝiĝos»

En Kolonjo, laŭ la organizantoj, 45 000 personoj manifestaciis, multe pli ol la esperitaj 25 000. En Berlino, 20 000 personoj surstratiĝis.

«Estas alarme vidi, kiom da dekstraj partioj estas aktivaj ne nur en Germanio, diras virino, sed en tuta Eŭropo. Ni devas kalkuli pri la historiaj lecionoj. Nia respondeco do estas baloti kaj leviĝi kontraŭ la dekstro, kaj manifestacii».

Vasta kolektiĝo de la germanaj kaj eŭropaj maldekstroj manifestaciis. En la homamaso en Berlino, troviĝis pelmele Soci-demokratoj, Verduloj, la NROj Greenpeace, Attac, sume cento da civitaj organizaĵoj, asocioj kaj politikaj partioj.

https://fr.euronews.com/2019/05/19/allemagne-grandes-manifestations-contre-le-nationalisme

https://www.youtube.com/watch?time_continue=2&v=dYsqICHbKsk

neniammilitointerni - dans Aktualaĵoj

20 avril 2019 6 20 /04 /avril /2019 21:49

Krimeo: en Jalto, la rusia milda povo kunigas la eŭropajn ekstremdekstrojn (KRONOLOGIO EKDE 2014)

20/04/2019

Kvin jarojn post la anekso de Krimeo fare de Rusio, la ekonomia forumo de Jalto logas la eŭropajn populistojn.

En la homamaso de la «amikoj de Rusio» en tiu sunplena posttagmezo borde de Krimeo, Frank Creyelman, afiŝas ĝojan kaj komplican rideton. Famulo de la "Vlaams Belang", belga ekstremdekstra partio ĉiam preta defendi Rusion, aktivas en la koridoroj de la internacia forumo en Jalto. De antaŭ kvin jaroj, kaj la anekso en 2014 de la duoninsulo fare de Rusio, ĝi estas tradicia rendevuo.

Ties nomo, «Mondo, Rusio, Krimeo», resumas la celon de la organizantoj, en Moskvo kaj en Jalto: «Kunigi tiujn, kiuj havas malsimilan vizion de la mondo, malproksime de la libera tutmondiĝo, kaj pli proksime de la rusia geopolitiko», eksplikas Frank Creyelman, kiu venis kun kvar belgaj aferistoj pretaj investadi en Krimeon. La investoj nun estas malpermesitaj pro la eŭropaj embargoj. «Sed en Belgio, mi lobias kontraŭ tiuj embargoj. Tion scias la Rusoj… »

Kun ia memŝerco, Frank Creyelman agnoskas tion: «Ili invitis "la kutimajn suspektatojn" kiel mi!». En Jalto, de antaŭ du tagoj, pluraj dekoj da Eŭropanoj kiel li partoprenas tiun grandan rilatan ekzercon de la rusia «milda povo».

En la salonoj de debatgrupoj, sed ĉefe ĉirkaŭ la drinkejoj kaj bufedoj, laŭlonge de la balkonoj, kiuj superas mirindajn vidaĵojn al la Nigra maro, ili interŝanĝas kun siaj rusiaj gastigantoj amikajn parolojn, vizitkartojn, bierglasojn aŭ ĉampanpokalojn.

Putino kiel mentoro

Inter la politikaj homoj, ankaŭ miksiĝas kelkaj aferistoj. «Ĝis nun, ni nenion povas fari pro la embargo, sed ni pretas!», certigas aŭstria aferisto, kiu preferas konservi anonimecon, ĉar li scias, ke kontakto por lokaj investoj povus ricevi punon de Bruselo. En Jalto, kelkaj restas diskretaj.

«Ni invitas ĉiujn, ne nur la ekstremdekstran partion. Ili venas. La aliaj ne rajtas…» ironias Maria Zakharova, la porparolanto de la rusia ministro pri eksteraj aferoj, kiu ĉeestas la forumon.

En sia akcepta mesaĝo, legita de unu el siaj ministroj, Vladimir Putin laŭdis la «iniciativojn, kiujn ni povas lanĉi kune». Sen pliaj detaloj. Oficiale, temas pri lanĉo de ekonomiaj projektoj, sed ne pri influado de la debatoj kaj balotoj en Eŭropo. «Sed, for de la investoj, la mesaĝo klaras… temas pri politiko», insistas usona politologo, renkontita ĉe la forumo.

Starigi reton de la dekstroj

«Mi venas por riĉigi la reton de kontaktoj por mia lernejo pri politikaj sciencoj», sin defendas Marion Maréchal, eks-deputitino de la franca partio "Rassemblement national", unu el la prestiĝaj invititoj de la forumo. «La nomo, la marko Le Pen estas tre konata en Rusio. Ili memoras pri miaj engaĝiĝoj kontraŭ la embargoj, pri miaj malsimilaj opinioj en la franca debato. Ili invitas tiujn, kiujn ili perceptas kiel bona kunparolanto por ili».

Apud ŝi, alia politika virino atentigas ĉiujn: la itala Irene Pivetti, eks-deputitino de la Norda Ligo. Ŝi forlasis la populisman partion, kaj kiel prezidentino de la partio "Italia Madre", proksime de Sylvio Berlusconi, ŝi kandidatas en la venontaj eŭropaj balotoj. «Mi venas serĉi ĉi tien nek elektantaron nek financadon», ŝi konfidas ĉe iu el la bufedoj.

«Mi volas vidi per miaj propraj okuloj, kio estas Krimeo, kore de streĉiteco inter Eŭropo kaj Rusio. Sed mi ne estas naivulo: la Rusoj volas eliri el sia izoliteco kaj serĉas novajn aliancanojn en la eŭropa politiko», ŝi agnoskas antaŭ ol foriri por konduki rondan tablon. Ĉirkaŭ ŝi, en la grupo: Eŭropanoj, kaj ankaŭ afrikanoj kaj sud-amerikanoj. En Jalto, la rusia milda potenco havas larĝan vidon.