/image%2F0553642%2F20170724%2Fob_8aeb1c_logo.jpg){kind=logo}
29/10/2012
Video en la franca : https://www.youtube.com/watch?v=WurSWrJq-WA
En Barato, la 50.000 kamparanoj, terkultivistoj kaj tribanoj kiuj efektivigis « longan marŝadon » al Nov-Delhio dum pli ol unu semajno interrompis ties movadon, ĵaŭdon 11an de oktobro. Iliaj reprezentantoj fakte subskribis interkonsenton kun la barata registaro, en kiu tiu-ĉi promesas politikon de agrara reformo.
Subskribante tiun dokumenton, la ministro pri Kampara disvolviĝo devontigis sin pri kvar ĉefaj punktoj : Unue, Nov-Delhio devos konvinki ĉiun Federiĝintan ŝtaton ke ĝi apliku la agraran reformon, kio mankas en multaj okazoj. Tiam la centra registaro devos mem prezenti antaŭ la fino de la venontaj 6 monatoj direktivon kiu koncedas pli bonan rajton al loĝejo kaj aliro al la tero por milionoj da terkultivistoj.
Fine, ĝi promesis starigon de specialaj tribunaloj por solvi la senfinajn konfliktojn pri la proprieto de teroj – kaj kiu ofte kontraŭas kamparanojn al grandaj kompanioj kiuj provas ekspluati tiujn terojn por grandaj projektoj.
La etoso estis gaja ĉi-ĵaŭdon ĉe tiuj 50.000 kamparanoj, post batalo plenumita de preskaŭ kvin jaroj pri tiuj temoj. Sed la respondeculoj de tiu movado plu vigle atentas, kaj ili tiel sukcesis partopreni ekspertan komitaton, kiu sekvos serioze la plenumadon de tiuj promesoj.
http://www.rfi.fr/asie-pacifique/20121011-inde-reforme-agraire-est-marche