Alĝerio: Labourstart Kampanjo: Liberigu tuj la enkarcerigitan sindikatanon Ali Mammeri

13/03/1026

La alĝeria sindikatano Ali Mammeri, prezidento de la Nacia sindikato de la funkciuloj de kulturo kaj artoj (NSFK), estis kondamnitaj ĝis dek jaroj de malliberejo en afero rekte ligita al siaj sindikataj aktivecoj.

Arestita sen mandato en marto 2025, li estis sekrete detenita dum kvar tagoj kaj ŝajne estis batita kaj trudite malvestita por akiri konfesojn.

La specialaj raportistoj de Unuiĝintaj Nacioj esprimis sian maltrankviliĝon koncerne lian kazon, substrekante la fundamentajn malobservadojn kaj la trouzadon de la kontraŭterorista leĝaro kontraŭ la sindikataj rajtoj.

Lia kondamno enskribiĝas kadre de pli ampleksa represio, kun pli ol 200 politikaj malliberuloj nun detenitaj en Alĝerio.

Internacia solidareco urĝe necesas por postuli lian liberigon pere de prezidenta favoro kaj amnestio por ĉiuj politikaj malliberuloj.

Kampanjo en Esperanto:

https://www.labourstartcampaigns.net/show_campaign.cgi?c=5819

Retmesaĝo:

Sinjoro Prezidento,

Mi esprimas mian profundan maltrankviliĝon koncerne la punon ĝis dek jaroj da enkarcerigo juĝita kontraŭ la sindikatano Ali Mammeri.

Arestita sen mandato en marto 2025, li estis sekrete detenita dum kvar tagoj kaj ŝajne estis batita kaj trudite malvestita por akiri « konfesojn ». Ni opinias, ke li ne profitis justan proceson.

La specialaj raportistoj de Unuiĝintaj Nacioj esprimis sian maltrankviliĝon koncerne lian kazon, substrekante la fundamentajn malobservadojn kaj la trouzadon de la kontraŭterorista leĝaro kontraŭ la sindikataj rajtoj.

Mi respektplene petas de vi, ke vi adoptu la necesajn aranĝojn pere de prezidenta favoro kaj amnestio, por akiri la liberigon de Ali Mammeri kaj de ĉiuj opiniaj malliberuloj.   

Tia decido konsistigus potencan signon favore al la socia dialogo, interkompreniĝo kaj respekto de la fundamentaj rajtoj en Alĝerio.

Respekte kaj sincere,

Partnerece kun PSI

kaj la IUF.