/image%2F0553642%2F20170724%2Fob_8aeb1c_logo.jpg){kind=logo}
/image%2F0553642%2F20241008%2Fob_d78745_000-36jf3kn.jpg)
08/10/2024
Antaŭ jaro, la 7an de oktobro 2023, la plej murdita terorista atako en la historio de Israelo okazigis 1200 mortintojn. Ĉi tiun tagon, la homoj, kiuj mortis aŭ estis forkaptitaj estis plimulte civiluloj. Sabin Taasa, franca-israelanino spertis absolutan hororon. Ŝia plejaĝa filo kaj ŝia edzo estis murditaj de la Hamaso. « Zohar estas 16-jara, Koren 13-jara kaj Shai 9-jara. Jen la nomoj de la tri knaboj, kiuj mirakle pluvivis kun ilia patrino la tagon de la atako de la Hamaso en Israelo, la 7an de oktobro 2023. La familio estas ruinigita. « Mi perdis mian edzon Gil Taasa, kaj mian filon Or Taasa, li estis 17-jara » diras Sabine Taasa mallaŭte. La familio Taasa vivis en Netiv HaAsara tute proksime de Gazao. La 7an de oktobro, Or kampadis apud sia hejmo, sur la plaĝo Zikim, kiam la taĉmentoj de la Hamaso alvenis per la maro.
« Or estis murdita je la 6a horo kaj 49 per ses kugloj en la kapon. Ĉio estis filmita kaj rekte elsendita de la teroristoj », diras la patrino per tremanta voĉo. Tuj poste, la vilaĝo Netiv HaAsara estis sturmita de la Hamaso, tie kie la familio Taasa loĝis en du apudaj domoj.
Ellitigitaj de la sirenoj, de pafoj kaj eksplodoj, Sabin rapide enfermiĝis en sekura ĉambro kun unu al siaj filoj. La du aliaj knaboj estis en la alia domo. Ilia patro Gil kuris rifuĝi kun ili en la kontraŭ-raketa ŝirmejo de la ĝardeno.
« La membroj de la Hamaso sturmas al li kaj tuj ĵetas grenadon, priskribas Sabin Taasa. Ili scias, ke ene staras du knaboj. Ĉar ili aŭdas la knabojn, kiuj ploras, Gil prenas la grenadon kaj diras al Koren kaj Shai : mi amas vin. Li metas ĝin kontraŭ sia ventro kaj provas eliri kun ĝi kaj malembarasi sin de ĝi. Li eksplodas fronte al la knaboj. » Ambaŭ knaboj tiam estas vunditaj, iliaj korpoj kribritaj per splitaĵoj. Ĉio estis filmita de la kontrol-kameraoj de la domo.
« Mi rakontos la veron al la tuta mondo »
« Shai restis blinda je unu okulo. Li estas plena je cikatroj kaj traŭmatizita, konfesas la patrino. Se mi forestas du aŭ tri horoj, li panikas. Koren ne plu sukcesas rigardi la homojn en la okuloj. Li ne eltenas esti tuŝita. Li eĉ ne povas paroli kun sia psikologo. Kiam mi kondukas lin al lia psikologo, mi devas resti kun li en la kabineto ».
De jaro, Sabin Taasa ne sukcesas kompreni kiel tia tragedio povis okazi : « Bedaŭrinde, ĉi tiun tagon, ni ne estis protektitaj. Ĉeestis nek armeo, nek sukuroj ».
Hodiaŭ, ĉe la virino, korŝirita, dominas kolero, amareco, sed ankaŭ kuraĝo : « Mi ne restos en mia lito, dirante al mi, ke tio estas mia destino kaj nenio pli. Mi rakontos la veron al la tuta mondo ».
/image%2F0553642%2F20241008%2Fob_4bf5aa_118477459-israel-gaza-violence-2x640.png)
/image%2F0553642%2F20241008%2Fob_4a5b61_netanjahu.jpg)
19/06/2024
« Plimulte de la popolo de Israelo volas, ke tiu registaro foriru »: en Jerusalemo, miloj da personoj manifestacias kontraŭ Benjamin Netanjahu