Gazao: Dekoj da Palestinanoj mortis en israela bombado kontraŭ lernejo

11/08/2024

La aŭtoritatoj de la Hamaso raportas pri ĉirkaŭ cent mortintoj post atako sabaton matene kontraŭ lernejo. Israelo asertas, ke tie ĉeestis centro de komando de la palestina armita movado.

« Laŭ la sukurservoj de Gazao, pli ol 90 personoj estis mortigitaj en bombado kontraŭ lernejo de Gaza-urbo », raportas la israela ĵurnalo Ha’Aretz tiun 10an de aŭgusto. La israela armeo celis sabatmatene tiun lernejon, kie rifuĝis palestinaj delokitoj.

« La sanitaraj aŭtoritatoj en Gazao taksas tamen la bilancon ĝis 60 mortintoj », aldonas The Guardian.

La israela armeo certigas, ke tiu lernejo ŝirmis « centron de kontrolo kaj komando de la Hamaso ». Porparolanto de Tsahal, citita de la brita ĵurnalo asertas, ke dudeko da batalantoj de la Hamaso kaj de Islama ĝihado operacis tie. 

« Virinoj, infanoj kaj maljunuloj figuras inter la raportitaj viktimoj, kaj la bilanco ŝajne pligraviĝos, skribas Al-Jazeera. La atako okazis dum la homoj matenpreĝis. Ĝi estigis incendion, kiu detruis la konstruaĵon ».

Ripetiĝantaj atakoj

« La atakoj kontraŭ la lernejoj uzitaj kiel ŝirmiloj ripetiĝas fare de la israelaj fortoj. Ili asertas, ke tiuj lokoj estas uzitaj kiel komando de la Hamaso », aldonas la kataria televidkanalo.

Laŭ la ministrejo pri Sano (sub la aŭtoritato de la Hamaso), preskaŭ 40 0000 personoj mortis en Gaza-sektoro de post la komenco de la milito kaj preskaŭ 100 000 estis vunditaj.

Tiu nova bombado intervenas dum Israelo konsentis rekomenci ekde la 15a de aŭgusto intertraktadojn pri militpaŭzo en la konflikto, kiu daŭras de post la pasinta 7a de oktobro. Usono, Egiptio kaj Kataro instigas al batalhaltigo, en kunteksto de granda regiona krizo post la murdo de la ĉefoj de la Hamaso kaj de la Hizbulaho.            

En komunikaĵo, la egipta ministrejo pri Fremdaj aferoj deklaris, ke « mortigante la Palestinanojn intence », Israelo montras sian mankon de politika volo meti finon al la milito en Gazao.

https://www.courrierinternational.com/article/guerre-des-dizaines-de-palestiniens-seraient-morts-dans-une-frappe-israelienne-sur-une-ecole-de-gaza_221093

https://www.youtube.com/watch?v=lGdCuW6y6rQ

10/07/2024

Milito en Gazao: nova israela frapo okazigas 29 mortintojn en lernejo

http://neniammilitointerni.over-blog.com/2024/07/milito-en-gazao-nova-israela-frapo-okazigas-29-mortintojn-en-lernejo.html