Milito en Gazao: ĉiutagaj bombadoj en Rafah, la palestinaj rifuĝintoj estas lacegaj

AFP/Mohammed Abed

10/02/2024

Joe Biden juĝas ekscesa la israelan reprezalion en Gazao. La kritiko intervenas, dum la internacia komunumo timas gravegan ofensivon en Rafah, lasta rifuĝo de la delokitoj de la palestina enklavo.

En la plenplenaj stratoj de Rafah (Gazaa sektoro), paniko ekkaptas la loĝantojn. Merkredon 7an de februaro, la israela ĉefministro Benjamin Netanjahu deklaris, ke li volas ataki la urbon.

Ĉi tie la loĝantaro kvinobliĝis de post la komenco de la milito. La urbo estas bombita ĉiutage kaj plejparte de la palestinaj rifuĝintoj estas lacegaj pro tiu terura etoso. « Ili persekutos nin ĉien, ĝis kiam ?  Ni deziras sekurecon. Ni estas forlacegaj, ni ne plu havas forton. », konfidas virino.

« Ni mortos en Gazao »

Malgraŭ la malsatego kaj la katastrofaj kondiĉoj, en kiuj ili pluvivas, multaj rifuĝintoj asertas, ke ili preferas morti ol forlasi sian naskiĝteron.

« Se ili provas devigi nin migradi al Egiptio, ni ne tien iros. Ni reiros al Gazao kaj ni mortos en Gazao », certigas viro.

Egiptio, kiu havas landlimon kun Gazao, jam rifuzis akcepti amasan migradon de rifuĝintoj. La lando timas, ke Israelo ne permesos al ili reiri al Gazao.  

https://www.francetvinfo.fr/monde/palestine/gaza/guerre-a-gaza-bombardements-quotidiens-a-rafah-les-refugies-palestiniens-epuises_6357775.html

https://www.youtube.com/watch?v=wN1-qc2oPqk

04/02/2024

Palestino: La profanado de la tomboj en Gazao, alia vizaĝo de sennoma milito

http://neniammilitointerni.over-blog.com/2024/02/palestino-la-profanado-de-la-tomboj-en-gazao-alia-vizago-de-sennoma-milito.html