/image%2F0553642%2F20170724%2Fob_8aeb1c_logo.jpg){kind=logo}
/image%2F0553642%2F20230706%2Fob_00fc0a_64a529f699dc3-maxnewsfrfive184840.jpg)
06/07/2023
La damaĝoj suferitaj de la medio, konsekvenco de la detruado de la baraĵo de Kakovko, sude de Ukrainio estas katastrofaj. Multobliĝo de verdaj algoj, kemiaj sterkoj balaitaj de la akvoj, tuta ekosistemo estas en danĝero.
« La plej media katastrofo en Eŭropo de post Ĉernobilo »: Per tiuj vortoj la ukrainaj aŭtoritatoj priskribas la konsekvencojn de la detruado, en Ukraino, de la hidroelektra baraĵo de Kakovko sur la riverego Dniepro, sude de la lando. Tiu katastrofo jam okazigis plurajn mortintojn. Hodiaŭ, la poluado eĉ atingis la Nigran maron.
Tiu poluado eksplikiĝas per la rekta proksimeco de la baraĵo kun ties rubaĵoj, uzitaj akvoj, kaj karburaĵoj. Tri regionoj estas koncernataj: Ĥersono, Zaporiĵio kaj Dnipro. Mioj da personoj estas senigitaj je drinkebla akvo. La loĝantoj ne havas permeson fiŝkapti kaj sin bani.
Alvale de la baraĵo, la plej grava poluado konstatita de la specialistoj koncernas la nitratojn. En tiu tre agrikultura regiono, la kemiaj sterkoj estis balaitaj de la akvoj ĝis la Nigra maro. « Ekde la 17a de junio, la poluitaj akvoj atingis la enfluejon de Danubo », eksplikas Pavlo Bulanoviĉ, direktoro de la fako medio en la regiono de Odeso.
« Hodiaŭ, 7 00 kvadrataj kilometroj de la nord-okcidenta parto de la Nigra maro estas poluitaj. »
La verdaj algoj detruas la ekosistemon
Multobliĝon de verdaj algoj favoras la volumenoj de sensala akvo pli vastaj ol kutime, kaj la altaj temperaturoj. « Tiuj algoj estas toksaj », detaligas Pavlo Bulanoviĉ. « Ili kaptas la tutan oksigenon de la akvo, kio povas konduki al detruado de la biologiaj resursoj kaj kompromitas la nutraĵan provizadon de la fiŝoj. »
La fiŝoj do moviĝas por garantii sian pluvivadon. Endemia specio de la baseno de Dniepro estas aliparte malaperiĝanta. Laŭ Natalia Gozak, aktivulino ĉe la ukraina NeRegistara Organizaĵo Eco-Action, tuta ekosistemo estas en danĝero, kaj povus atingi la rumanajn kaj bulgarajn marbordojn. « La nivelo de la baraĵo plu malaltiĝas kaj la kontrolo estas realigita nur sur la bordoj de la Nigra maro. Laŭ mia opinio, kiam ni povos plenumi pli precizajn analizojn, la rezultoj estos malsimilaj. »
La konsekvencoj en la Nigra maro plu estas nekonataj. Laŭ la ukraina hidrometeologia centro, monaton post ĝia detruado, la rezervejo de Kakovko estis malplenigita ĝis tri kvaronoj. Laŭ la aŭtoritatoj, la agrikulturo de la lando estos en danĝero dum jardekoj.
/image%2F0553642%2F20230706%2Fob_9f9b15_black-sea-map.png)
/image%2F0553642%2F20230706%2Fob_63b8db_4.jpg)
04/07/2023
Falsaj novaĵoj anstataŭ ukraina realo: afekcia pesto (4/4)