Overblog
Editer l'article Suivre ce blog Administration + Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton!

Ekde 03/01/2012

free counters
Free counters

Bonvenon

5 décembre 2021 7 05 /12 /décembre /2021 22:18
AFP FOTO

05/12/2021

Post la unuaj manifestacioj pasintsemajne, aliaj kolektiĝoj okazis sabaton la 4an de decembro en Serbio. Alvoke de ekologiistaj movadoj kaj organizaĵoj de la civitana socio, Serboj denove surstratiĝis por protesti kontraŭ projekto de ekspluatado de litio malkovrita okcidente de la lando.

Duan fojon, la alvoko al protestado estis lanĉita de vasta popola movado nomita « ekologia ribelo ».

Antaŭ dek tagoj, la trudita voĉdono de du leĝoj, kiuj favoras tre kontestitan projekton de litio-minejo kondukitan de la multnacia entrepreno Rio Tinto kaj la registaro, provokis la ribelon.

« Mi iris en la urbon. Vere, estis multaj homoj. Ni deziras, ke la prezidento ne promulgu la leĝdekreton pri eksproprietigo, kaj ne subskribu la leĝon pri referendumoj », rakontis Jelena, advokatino 22-jara.

Tre ĝenata de tiuj protestadoj, la registaro ĉi-foje lasis disvolviĝi la manifestacio. Neniu policisto estis videbla, dum incidentoj okazis  pasintan semajnfinon. La manifestaciantoj esperas, ke la protestado kondukos al ŝanĝiĝo, dum la ĝeneralaj balotoj estas antaŭviditaj venontjare. 

Tio estas la kazo de tiu patrino : « Ekologio estis nur la komenca ekkonscio. Mi estas ĉi tie por miaj gefiloj, ĉar venis la tempo agadi. Ni ĉiuj estis apatiaj, ni elreviĝis, sed nun ni ĉiuj stariĝas », ŝi atestas.

Miloj da protestantoj respondis al la alvoko de la kolektivo, kaj paralizis Serbion, blokante vojojn kaj pontojn dum du horoj en kvardek urboj. En Beogrado, la manifestacio aspektis kiel semajnfina promenado. La manifestaciantoj jam anoncis, ke ili daŭrigos sian movadon venontsemajne.    

29/11/2021

Serbio : pluraj manifestacioj okazis tiun semajnfinon. La temo de la kontestado koncernis precipe la medion

http://neniammilitointerni.over-blog.com/2021/11/serbio-pluraj-manifestacioj-okazis-tiun-semajnfinon.la-temo-de-la-kontestado-koncernis-precipe-la-medion.html

neniammilitointerni - dans medidefendo
Créer un blog gratuit sur overblog.com - Contact - CGU -
.date span.text {display:none ; }