Overblog
Editer l'article Suivre ce blog Administration + Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton!

Ekde 03/01/2012

free counters
Free counters

Bonvenon

7 août 2021 6 07 /08 /août /2021 21:06

07/08/2021

La 6-an de aŭgusto 1945, je la 8a horo 16 minutoj kaj 2 sekundoj, la urbo Hiroŝimo estis forstrekita el la surfaco de la planedo fare de nukleaj bomboj. La urbo Nagasako suferis la saman sorton tri tagojn poste. En la ĵurnalo Combat (Batalo), 76 jarojn antaŭe, Albert Camus publikigis majstran tekston kontraŭ la nehumaneco de la mekanika civilizacio.

« La mondo estas tia, kia ĝi estas, do preskaŭ nenio. De hieraŭ, ĉiu scias tion danke al la sensacia koncerto, kiun radio-elsendoj, ĵurnaloj kaj novaĵagentejoj ĵus estigis pri la atombombo.

Ni efektive ekscias, meze de amaso de entuziasmaj komentoj, ke iu ajn urbo je averaĝa amplekso povas esti tute detruita fare de bombo je dimensio de futbalpilko. Usonaj, anglaj kaj francaj ĵurnaloj elverŝiĝas en elegantaj disertaĵoj pri estonteco, estinteco, investistoj, kosto, paca misio kaj militaj kaj politikaj konsekvencoj kaj eĉ pri la sendependa karaktero de la atombombo.

Ni resumos per unu frazo : la mekanika civilizacio ĵus atingis sian lastan gradon de nehumaneco. Ni elektu, en pli malpli proksima estonteco, inter kolektiva memmortigo aŭ inteligenta uzado de la sciencaj atingoj.           

Ĝis tiam, estas permesite opinii, ke estas kelkaj maldecaĵoj tiel celebri elpensaĵon, kiu sin metas unuatempe je la servo de la plej terura furiozeco de detruado, kiun Homo manifestis de antaŭ jarcentoj. En mondo, kie regas ĉiuj doloroj de perfortoj, kiu ne kapablas je ia ajn kontrolo, indiferenta al justico kaj simpla feliĉo de la homoj, neniu sendube, krom obstinemaj idealismuloj, surpriziĝos pro tio, ke la scienco sin dediĉas al organizita murdo.

Jam, ni malfacile spiris en turmentita mondo. Nova angoro estas proponita al ni, kaj ĝi havas ĉiujn bonŝancojn esti definitiva. Oni sendube ofertas al la homaro sian lastan bonŝancon. Kaj tio povas esti finfine la preteksto al speciala eldono. Sed tio prefere devus esti la temo de kelkaj pripensaĵoj kaj multe da silento.

Aliparte, ekzistas aliaj kialoj akcepti kun skeptikeco la sciencfikcian romanon proponitan de la ĵurnaloj […]

Ni estu bone komprenitaj. Se la Japananoj kapitulacas post la detruado de Hiroŝimo kaj sub efiko de la timo, ni ĝojos pro tio. Sed ni rifuzas al ni eltiri de tiom grava novaĵo aliaĵon ol la decido eĉ pli energie pledi favore al vere internacia socio, en kiu la grandaj potencoj ne plu havos rajtojn superajn al la malgrandaj kaj averaĝaj nacioj, kie la milito, plago fariĝinta definitiva pro la sola efiko de la homa inteligenteco, ne plu dependos de la apetitoj aŭ de la doktrino de iu ajn Ŝtato.

Fronte al la terurigaj perspektivoj, kiuj malfermiĝas al la homaro, ni eĉ pli bone komprenas, ke la paco estas la sola batalo, kiu valoras esti kondukita. Tio ne estas preĝo sed ordono, kiu devas altiĝi de la popoloj al la registaroj, la ordono elekti definitive inter infero kaj saĝeco.

Albert Camus, la 8an de aŭgusto 1945

neniammilitointerni - dans Neniam milito inter ni
Créer un blog gratuit sur overblog.com - Contact - CGU -
.date span.text {display:none ; }