En Brazilo, Amazonio plu brulas

12 août 2020 3 12 /08 /août /2020 14:18

12/08/2020

Bildo: Laŭ Bolsonaro, la incendioj en Amazonio estas «mensogo».

Dekoj da ekfajriĝoj... Amazonio plu brulas senkompate. La nombroj de la "Brazila Nacia Instituto pri Spacaj Esploroj" konfirmas tion. La unua semajno de aŭgusto, preskaŭ 6 000 incendioj estis lokalizitaj. Tio reprezentas kreskon de 7% kompare kun la sama periodo pasintjare. La ekspluatadon de tiu terkultivisto el Mato-Groso atingis la flamoj :

«La fajro ne plu estas kontrolata, lamentas Luciano Nezzi. Do, ni provas savi la bestojn kaj la domojn. Tio nun estas la plej grava. Vidu kion ni faras kontraŭ la naturo, ĝi fariĝas nur karbo kaj fumo».

Ĉi-lunde markas la unuan datrevenon de tio, kion estis nomita «la fajro-tago», deirpunkto de la detruaj incendioj de 2019.

Kamparaj produktistoj tiam akordiĝis por provoki fajrojn cele al liberigo de teroj.

«En la zonoj, kiujn ni superflugis, la samaj, kiujn ni superflugis pasintjare dum la "fajro-tago" ni povis konstati, ke multaj nun posedas paŝtejojn kaj bestojn, breditajn por esti surmerkatigitaj», eksplikas Romulo Batista, porparolanto de "Greenpeace".

Sub la premo de la internacia komunumo, la brazila prezidento Jair Bolsonaro tiam finfine adoptis aranĝojn por protekti Amazonion, malpermesante interalie la kultivadon per bruligado.

Tiu malpermeso estas malmulte respektata.