/image%2F0553642%2F20170724%2Fob_8aeb1c_logo.jpg){kind=logo}
01/03/2020
Bildo: "TRAKTADU VIAJN DUNGITOJN, SAME KIEL VIAJN KLIENTOJN" - Stop la disvastiĝon! Restadu hejme!
La salajruloj de la usonaj vendo-platformoj Amazon kaj Instacart ekstrikis lundon, meze de trudizoliĝo en Nov-Jorko kaj San-Francisko. Ili akuzas siajn dungantojn, ke ili ne sufiĉe protektas ilin fronte al la nova kronviruso.
Pluraj dekoj da salajruloj de la nov-jorka stokejo de Amazon en Staten-Insulo, sude de Manhatano, ĉesigis la laboron lundon tagmeze.
Ili kolektiĝis antaŭ la stokejo Amazon, kelkaj kun masko aŭ fulardo antaŭ la buŝo, dise sur la parkejo, malproksime unu de la aliaj, pro respekto de la interpersona distancigo.
Sub griza ĉielo, ili svingis siajn afiŝtabulojn: «Nia sano estas esenca», «Traktadu viajn dungitojn same kiel viajn klientojn».
Aŭ: «Estas malfacile fermi entreprenon dum 3 aŭ 4 semajnoj. Sed estas eĉ pli malfacile fermi por ĉiam la ĉerkon de persono, kiun ni amas! RESTADU HEJME».
Dum la regiono, kiu fariĝis la epicentro de la epidemio en Usono, la homoj estas petitaj trudizoliĝi. Tiuj laboristoj riproĉas la usonan giganton, ke ĝi ne adoptis la necesajn aranĝojn por protekti ilin.
«Personoj malsanaj laboras en tiu konstruaĵo kaj transdonas la viruson al centoj da aliaj», indikis tviterkonto, nomita @Shut_downAmazon, ĵus kreita.
«Tiuj akuzoj estas senbazaj», reagis Amazon en komunikaĵo.
«Ni prenis ekstremajn aranĝojn por garantii la sekurecon de la personoj, plenumante purigon trioble pli ofte ol kutime, aĉetante sekurecajn ekipaĵojn, kaj modifante la procedurojn cele al respekto de la sekurecaj distancoj», asertas la entrepreno.
La salajruloj de la ĉeno de magazenoj Whole Foods, kiu apartenas al Amazon, alvokis al striko mardon. Ankaŭ ili postulas pli sekurecajn aranĝojn, kaj pli altajn laborpagojn.
Siaflanke, aĉetantoj-liverantoj de la platformo Instacart, kiu ebligas mendi aĉetaĵojn perrete, ankaŭ ĉesigis la laboron pasintan lundon. Ili postulas pli da sekureco kaj pli bonajn financajn kondiĉojn.
Ili ĉesigos la laboron, ĝis kiam «ĉiuj iliaj petoj estos kontentigitaj», indikis la porparolantino de la grupo Gig Workers.
«Ne temas nur pri ni, ni volas ankaŭ protekti la klientojn. La laboristoj koleras, ke Instacart ne faras eĉ la minimumon dum tiu mortiga pandemio», ŝi aldonis.
Lundon, la malsano Covid-19 trafis en Usono preskaŭ 157 000 personojn, kaj okazigis pli ol 2 880 mortintojn, laŭ la universitato Johns Hopkins, kies kalkulo estas referenco.
17/03/2020
COVID-19: Kion faras kaj diras la sindikatoj de la tuta mondo
Dum la nova kronviruso disvastiĝas tra la tuta mondo, la laboristoj kalkulas pri siaj sindikatoj por subteni kaj defendi ilin.
Gravas pro tio, ke la sindikatanoj povu trovi en Interreto fidindajn kaj precizajn informojn pri tio, kion diras kaj faras la sindikatoj fronte al la pandemio, konata sub la nomo COVID-19.
Ekde hodiaŭ, LabourStart prezentos specialajn paĝojn en ĉiuj niaj lingvoj kun novaĵoj pri la sindikatoj kaj la pandemio:
https://www.labourstart.org/covid-19.php?langcode=eo
Bonvolu disvastigi tiujn informojn en via sindikato.
Se via sindikato publikigas informojn pri la kronviruso, bonvolu enskribiĝi kiel memvola korespondanto de LabourStart, cele al divido de tiuj informoj kun aliaj:
https://www.labourstart.org/pico/?en/newcorrespondent
Dankon
Labourstart
26/03/2020
Kronviruso: la hispanaj kuracistoj akuzas la registaron pri neglekto
24/03/2020
Kronviruso: italaj sindikatoj en metalindustrio alvokas al striko
21/03/2020
Kronvirusa pandemio: la liveristoj de la platformoj Uber aŭ Deliveroo estas kiel «foroferitaj soldatoj»
18/03/2020
Francio: suspekto de Covid-19, rajto al labor-interrompo kaj strikoj, la situacio streĉiĝas ĉe Amazon kaj La Redoute
14/03/2020
Kronviruso: strikoj en Italio por garantii la protektadon de la salajruloj