/image%2F0553642%2F20170724%2Fob_8aeb1c_logo.jpg){kind=logo}
27/06/2019
Unu el la plej impona "Geja Fiero" en la mondo okazis pasintan dimanĉon en San-Paŭlo, Brazilo. Dekoj da miloj da personoj paŝadis sur la stratoj, kantante kaj dancante ĉirkaŭ dudeko da ĉaroj porokaze ornamitaj. Tiu kolorita parado intencas lukti kontraŭ homofobio kaj protesti kontraŭ la konservativa politiko de la nova brazila prezidento.
«Gravas montri ĉi tie, ke ni ekzistas, ke ni estas fortikaj, kaj ne nur la fama "Pink Money". Ni celebras tiun feston dum la tuta jaro, hodiaŭ estas nur prezentado de tio, kion ni reprezentas», diras manifestacianto.
«Homoj sin respektu kaj amu. Tiu festo estas okazo defendi tiun principon, kaj esperi pli bonan estontecon por Brazilo, ke ni amu nin unu la aliaj», aldonas aliulo.
Tiu "Geja Fiero" okazis en aparta kunteksto, estas ia defio al la nova brazila prezidento Jair Bolsonaro, famkonata pro siaj diroj konsiderataj homofobiaj. Prezidento de pasinta januaro, li kvalifis «eraro» la decidon de la brazila Ĉefkortumo, kiu kriminaligis homofobion.
