/image%2F0553642%2F20170724%2Fob_8aeb1c_logo.jpg){kind=logo}
22/04/2019
La NeRegistaraj Organizaĵoj «Raportistoj sen landlimoj» (RSL) kaj la «Nacia Sindikato de la Ĵurnalistoj» (NSĴ) engaĝiĝas en lukto post la 23a ago de la « flavveŝtuloj ». Ili denuncas atencojn kontraŭ inform-libereco.
Du sendependaj raportistoj estis arestitaj sabaton en Parizo, interalie pro «partopreno al grupiĝo, cele al plenumo de perforto aŭ difektado», laŭ la prokuroraro de Parizo.
En Tuluzo kaj Parizo, pluraj ĵurnalistoj estis tuŝitaj de «pikkuglaj grenadoj» aŭ plorigaj grenadoj.
«Ni komencas pridubi», reagis Vincent Lanier, unua nacia sekretario de la NSĴ. «Ĉu ne ekzistas determina volo timigi la fotistojn, kiuj laboras sur la stratoj? Ŝajnas al ni, ke kelkaj el ili estas persone celitaj». Kaj li aldonas: «La situacio estas tre danĝera kontraŭ la libereco informi».
«Jura agado necesas por enketi ne nur pri la konduto de kelkaj policistoj, sed ĉefe pri la instrukcioj, kiuj estas komunikitaj al tiuj policistoj».
Vincent Lanier - unua nacia sekretario de la NSĴ
Ankaŭ la kun-direktorino de "Raportistoj Sen Landlimoj", Catherine Monnet, maltrankviliĝas, ĉar la incidentoj, kiuj celas la ĵurnalistojn, kiam ili filmas aŭ fotas, malhelpas la laboron de la gazetaro.
La ministrejo pri Internaj aferoj asertis, ke li ne atencas kontraŭ gazetlibereco. «Kiam ĵurnalistoj estas arestitaj, tio estas pro konstatitaj deliktoj».
http://www.rfi.fr/france/20190421-gilets-jaunes-incidents-journalistes-atteintes-liberte-snj-rsf
https://www.youtube.com/watch?time_continue=37&v=WPCI8efD1IA
Peticio por liberigo de Gaspard Glanz kaj eksigo de lia slipo "S" :
https://www.change.org/p/gouvernement-lib%C3%A9ration-de-gaspard-glanz-et-retrait-de-sa-fiche-s
16/02/2019
Francio: spertuloj de Unuiĝintaj Nacioj denuncas la «misproporcian» redukton de la rajto manifestacii