Overblog
Editer l'article Suivre ce blog Administration + Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton!

Ekde 03/01/2012

free counters
Free counters

Bonvenon

24 mars 2019 7 24 /03 /mars /2019 22:00

24/03/2019

Centoj da miloj da opoziciantoj al briteliro mobiliziĝis, pasintan sabaton, sur la stratoj de Londono por postuli duan referendumon, dum la Ĉefministrino Theresa May klopodas diskrete por favorigi la deputitojn al sia interkonsento pri apartigo.

La kontraŭ-briteliruloj surstratiĝis. Centoj da miloj da defendantoj de nova referendumo pri briteliro manifestaciis, sabaton 23an de marto, en Londono. Tio intensigas la streĉitecan etoson, en momento, kiam la Ĉefministrino Theresa May, hezitas submeti sian interkonsenton pri apartigo al la deputitoj.

La organizantoj de la marŝado taksis al miliono la nombron de partoprenintoj, t.e iom pli ol dum la sama marŝado en oktobro, kiu kolektis ĉirkaŭ 700 000 personojn.

La nombro miliono, sen konfirmo ĝis nun de sendependa fonto, farus de tiu marŝado, la plej vastan manifestacion en Londono post tiu kontraŭ la milito en Irako, en februaro 2003. Laŭ la organizantoj, preskaŭ du milionoj da personoj partoprenis tiun ĉi manifestacion.             

La partoprenintoj deplojis flagrubandojn, kiuj proklamis, ke «La plej bona interkonsento ne estas briteliro!» kaj «Ni postulas popolan konsultadon!».

Ekde sabatmatene, la partoprenantoj, venintaj el tuta Unuiĝinta Reĝlando, abunde diskonigis en la sociaj retoj la fotojn de siaj preparaĵoj, inter eŭropaj flagoj kaj afiŝtabuloj «aboli la artikolon 50» de la Traktato de Lisbono, kiu regas la eliron de lando el Eŭropa Unio.

 

Du opcioj por prokrasto 

Tiu marŝado intervenas  du tagojn post la decido de la eŭropaj estroj konsenti al Unuiĝinta Reĝlando du opciojn por prokrasti la briteliron post la dato origine antaŭvidata je la 29a de marto. La fatala dato estas do fiksita je la 12a de aprilo, preskaŭ tri jarojn post la referendumo, kiu decidis la eliron de EU.

La opcio pri dua referendumo estis forpuŝita la 14an de marto fare de la Ĉambro de la deputitoj kaj de la konservativa Ĉefministrino Theresa May. Sed ĝiaj defendantoj esperas, ke la nuna etoso en Unuiĝinta Reĝlando finfine igos tiun opcion neevitebla.       

La Ĉefministrino pene provis siaflanke akiri subtenon koncerne sian interkonsenton pri eliro de EU, en la celo submeti ĝin al la baloto de la deputitoj venontsemajne, kaj kies adopto ebligus, laŭ la konkludoj de la eŭropaj estroj, mallongan teknikan prokraston de la briteliro ĝis la 22a de majo.

27/06/2016

Briteliro : la rasismaj agoj multobliĝas en Unuiĝinta Reĝlando

http://neniammilitointerni.over-blog.com/2016/06/briteliro-la-rasismaj-agoj-multobligas-en-unuiginta-reglando.html

neniammilitointerni - dans Aktualaĵoj
Créer un blog gratuit sur overblog.com - Contact - CGU -
.date span.text {display:none ; }