Overblog
Editer l'article Suivre ce blog Administration + Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton!

Ekde 03/01/2012

free counters
Free counters

Bonvenon

1 mars 2019 5 01 /03 /mars /2019 15:58
Rosane Santiago Silveira

01/03/2019

Rosane Santiago Silveira, aktivulino pri homaj rajtoj kaj medio, estis perforte torturita kaj murdita en la urbo Nova Viçosa (Bahia) la 29an de januaro. Ŝi luktis por ĉesigi la akaparadon de teroj, fare de la plantejoj de eŭkalipto en la protektata media rezervejo Ilha de Barra Velha.

Ekstrakta rezervejo estas protektata areo, kie la rezidantaj familioj vivtenas sin per naturaj produktaĵoj el la arbaro. Tiuj aktivaĵoj helpas al konservado de tuteco el la arbaro.    

Laŭ la filo de Sinjorino Silveira, Tuian Santiago Cerqueira, Rosane ricevis multajn minacojn de morto.

«Bedaŭrinde, sento de tuta malsekureco ekzistas, ĉar la Ŝtato ne persekutas tiajn krimojn. Ni estis kun ŝi je Kristnasko, kaj ĉiuj konsciiĝis, ke ŝi estas maltrankvila, ŝi ricevis tri minacojn de morto», deklaris ŝia filo en Rádio Brasil Atual.

Rosane Santiago Silveira loĝis dum 18 jaroj en Nova Viçosa, kaj luktis por krei asocion de protektado de la insulo Barra Velha – protektata rezervejo, kie ŝi vivis – kaj estis membro de la konsilio de la rezervejo de ekstraktivistoj de Cassurubá.

«La tero, kie ŝi vivis troviĝis en la rezervejo, kaj ŝi luktis por malhelpi la antaŭeniradon de la plantejoj de eŭkaliptoj», eksplikis Tuian.

Laŭ ŝia filo, S° Silveira estis trovita mortinta en sia hejmo, kun manoj kaj piedoj ligitaj kaj vunditaj, vestaĵo premita ĉirkaŭ la kolo, kaj tranĉilfrapoj ĉe la kapo. «Mi vidis la korpon, tio estis scenejo de torturo. Ŝi estis ponardita, ligita kun spuroj de bataloj, kaj tirita malantaŭen», li deklaris.

Laŭ Tuian, la morto de Rosane kreis teruran etoson en la urbo. «Ĉiuj timas. Mia patrino estis gaja, ŝi havis bonajn rilatojn kun ĉiuj. Malgraŭ sia engaĝiĝo en la luktoj, ŝi ĉiam estis amika kaj afabla kun la homoj», li deklaris.

Rosane kuniĝas kun la dekoj da ekologiistaj aktivuloj murditaj ĉiujare en Brazilo. En 2016 kaj 2017, la lando situas ĉe la dua rango koncerne la nombron da murdoj de ekologiistaj aktivuloj. La brita NRO Global Witness mencias 57 murdojn en 2017. 

24/07/2018

Almenaŭ 207 defendantoj de la naturmedio estis mortigitaj en 2017, laŭ la NeRegistara Organizaĵo Global Witness

http://neniammilitointerni.over-blog.com/2018/07/almenau-207-defendantoj-de-la-naturmedio-estis-mortigitaj-en-2017-lau-la-neregistara-organizajo-global-witness.html

05/12/2017

En 2016, 200 personoj estis mortigitaj, ĉar ili defendis la naturmedion, laŭ Internacia Amnestio

http://neniammilitointerni.over-blog.com/2017/12/en-2016-200-personoj-estis-mortigitaj-car-ili-defendis-la-naturmedion-lau-internacia-amnestio.html

neniammilitointerni - dans Homaj Rajtoj
Créer un blog gratuit sur overblog.com - Contact - CGU -
.date span.text {display:none ; }