/image%2F0553642%2F20170724%2Fob_8aeb1c_logo.jpg){kind=logo}
30/11/2018
En Sud-Afriko, juĝo kontraŭ minkompanio emfazas la temon pri konsento de la indiĝenaj komunumoj.
La Alta Korto de la norda provinco Ĥaŭtengo decidis, ke la registaro ne povas akordi ekspluatpermesilon al la minprojekto de titano en Xolobeni.
LONGDAŬRA BATALO
Filio de la aŭstralia minkompanio MRC, Transworld Energy and Minerals (TEM), petis en 2008 la rajton ekstrakti titanon en la distrikto Umgungundlovu, provinco Orienta Kablando.
La vilaĝanoj de Xolobeni, en Pondolando, kreis la Krizkomitato Amadiba por kontesti tiun minprojekton eksplikante, ke ĝi senposedigus ilin de iliaj praaj teroj, kaj minacus senigi ilin de ilia historio kaj vivrimedoj.
PROGRESISMA DECIDO
Tiu progresisma justica decido reprezentas venkon por la loĝantoj de la regiono de Xolobeni, kiuj de longe luktas por akiri respekton de siaj rajtoj rifuzi la minajn ekspluatadojn sur siaj praaj teroj.
Tiu juĝo indikas klare al la multnaciaj minkompanioj, ke ili ne povas malrespekti la rajtojn de la homoj por generi monprofitojn.
Tiu decido estas venko, ne nur por tiu komunumo, sed ankaŭ por la aliaj komunumoj en la tuta lando, kiuj batalas por protekti siajn terojn, heredaĵon kaj kulturon.
