/image%2F0553642%2F20170724%2Fob_8aeb1c_logo.jpg){kind=logo}
05/11/2017
Miloj da personoj amasiĝis sabaton sur la stratoj de Bonno, eks-ĉefurbo de Federala Germanio, 48 horojn antaŭ la malfermo de la COP23
La manifestaciantoj postulis konkretajn agojn por lukti kontraŭ la klimata varmiĝo post la Pariza akordo adoptita fine de 2015.
Aparte akuzata de la aktivuloj estas la karboekspluatado, plej detrua fosilia energio por la naturmedio.
Laŭ Jana Aljets, porparolanto de la grupo «Ende Gelände»: «La internaciaj registaroj kaj la Ŝtatoj ne faris sufiĉe, tute ne, kaj nenion faris por protekti la klimaton, aparte la germana registaro. Tio estos ebla, nur kiam ni haltigos la karboekspluatadon. Pro tio, ni okupas lignitminon por haltigi la detruadon, kie ĝi komenciĝas».
La manifestaciantoj intencas fari premon sur la delegitoj de ĉirkaŭ 200 landoj, kiuj kunsidos en Bonno, ĝis la 17a de novembro por la 23a konferenco de UN pri la klimato.
Usono partoprenos al la laboroj, malgraŭ sia eksiĝo el la Pariza akordo decidita de Donald Trump.
