/image%2F0553642%2F20170724%2Fob_8aeb1c_logo.jpg){kind=logo}
08/09/2017
La streĉiteco estas tiel vigla en Togolando, kie la manifestacioj multobliĝas, ke la prezidento Faure Gnassingbe malŝaltis la sociajn retojn.
Togolando komencis serion da manifestacioj organizitaj de #Togo Debout kaj #Togo en marche – koalicio de la opozicio – merkredon kaj ĵaŭdon. Tiuj manifestacioj tuŝas ne nur la ĉefurbon, sed ankaŭ dekon da aliaj urboj, laŭ la registaraj aŭtoritatoj.
La togolandanoj sur la stratoj
En Lomeo, pluraj dekoj da miloj da personoj – kelkaj mencias milionon kaj Internacia Amnestio 100 000 – postulas foriron de la nuna prezidento Faure Gnassingbe, posteulo de sia patro, kiu akiris la potencon per puĉo – antaŭ tri balotoj gajnitaj per pli ol 50% da voĉdonoj – «50 jarojn da potenco por sama familio, estas longa periodo», estis legeble sur la afiŝtabuloj en la stratoj de Lomeo, la ĉefurbo. Ĉiuj interkonsentas pri unu temo: tiom da homoj sur la stratoj, tio estas senprecedenca.
La sociaj retoj estas malŝaltitaj
De pli ol dek jaroj, la opozicio postulas revizion de la konstitucio. Unu el la ĉefaj kontestataj temoj, koncernas la daŭron de la prezidenta mandato. La kritikoj celas rekte Faure Gnassingbe, la manifestaciantoj ja postulas ties foriron de pluraj jaroj. La registaro urĝe konsentis pri leĝprojekto, kiu limigas al du mandatoj la prezidenteco – sed kiu ne estas sufiĉe preciza por indiki, ĉu ĝi havas tujan efikon – kaj malŝaltis Interreton kaj la sociajn retojn en la lando, kio estas indiko pri ĝia maltrankvilo.
Tiujn lastajn monatojn, WhattsApp kaj Fejsbuko, kiuj estas la preferataj iloj de la opozicio, ne plu alireblas. Pasintece, la registaro ne hezitis uzadi perforton: du personoj laŭ la oficiala nombro, kaj sep laŭ la opoziciuloj, mortis dum la manifestacioj, pasintan aŭguston.
https://mondafrique.com/togo-cinquante-ans-de-pouvoir-famille-cest/
https://www.youtube.com/watch?v=v_ZYikVqyzQ