/image%2F0553642%2F20170724%2Fob_8aeb1c_logo.jpg){kind=logo}
04/09/2017
Tridek Ĉeĉenoj, persekutataj en ilia lando pro ilia seksa orientiĝo, trovis rifuĝon en Kanado tiujn pasintajn semajnojn.
La kanada registaro aranĝis apartan programon por ebligi al tiuj samseksemuloj, ke ili akiru statuson de rifuĝinto, kaj diskrete foriru. NeRegistara Organizaĵo bazita en Toronto havis ĉefan rolon en tiu delokigo.
La operacio aranĝita de la NRO Rainbow Railroad, kiu luktas kontraŭ la diskriminacioj suferitaj de la gejoj kaj lesbaninoj en la mondo, similas scenaron de polica filmo.
Unuatempe, tiu organizaĵo akiris la apogon de la kanada registaro. La celo estis havigi la statuson de rifuĝintoj al Ĉeĉenoj, arestitaj kaj frapitaj pro ilia seksa orientiĝo.
El diplomata vidpunkto, estus tikle por Kanado operacii malkaŝe en provinco ligita al Rusio. Pro tio, la organizaĵo Rainbow Railroad kontaktis tiujn personojn, prezentante la kanadan proponon.
De Rusio al Kanado
Rusia asocio pri helpo al gejoj kaj lesbaninoj plenumis poste ilian delokigon en sekuraj domoj, situantaj en Rusio. Plimulte el la tridek koncernataj rifuĝintoj nun troviĝas en Toronto aŭ aliaj kanadaj urboj.
Aliaj baldaŭ alvenos en Kanado. Tiu lando faris de la defendo de gejoj, lesbaninoj kaj transgenruloj sian prioritaton.
07/04/2017
Ĉeĉenio: Grozno akuzata pri murdo de samseksemuloj
16/07/2017
Ĉeĉenio: Ramzan Kadirov deklaris: «Ni devas forĵeti gejojn por purigi la ĉeĉenan sangon»
02/05/2017
Rusio: Sank-Peterburgo: marŝado por la rajtoj de la ĉeĉenaj samseksemuloj