/image%2F0553642%2F20170724%2Fob_8aeb1c_logo.jpg){kind=logo}
15/08/2017
En Sirio, la ĉiutagaĵo de la milit-rifuĝintoj iĝas eĉ pli malfacila pro la somera varmo.
En la kampadejo de delokitoj en Ajn Asa, situanta norde de la urbo Raka, nutraĵoj kaj medicinaj provizoj ne sufiĉas.
De post septembro 2016, tiun kampadejon priloĝas 8 000 sirianoj, kiuj fuĝis la teritoriojn regatajn de la Islama Ŝtato.
«Ni forlasis Dair Az-Zaŭr-n la 2an de aŭgusto. Ni devige fuĝis la bombadojn, la detruadojn, la aviadilaron. Ni havis nenion por manĝi, eĉ ne panon. Ni sukcesis fuĝi IŜ-n kaj alveni ĉi tie. Ni trapasis semajnon sur la vojo, en la dezerto, sen akvo kaj nutraĵoj, kaj ni ĵus alvenis en tiu kampadejo», rakontas Saker al Jasem.
En Raka, la batalo daŭras. La ĝihadistoj plu forte rezistas kontraŭ la batalantoj de la araba-kurda alianco, subtenata de Vaŝingtono.
Britaj civitanoj estas surloke por batali kontraŭ IŜ-n. «Antaŭ ol veni ĉi tien, mi havis vivon normalan, kiel ĉiuj. Mi riparis komputilojn kaj pentris. Iam, mi decidis kuniĝi kun la kurdaj batalantoj de la YPG, ĉar mi volis lukti kontraŭ la malbono en Sirio. Tio vere okazis tiel simple», eksplikas Jack Holmes, brito fariĝinta tiraljoro.
La ofensivo por reakiri la sirian ĉefurbon el IŜ, komenciĝis pasintan 8an de junio.
