Overblog Suivre ce blog
Editer l'article Administration Créer mon blog

Paco Inter La Popoloj, Klasbatalo, Homaj Rajtoj, Kontraŭseksismo, Medidefendado En Esperanto...

Serĉilo

Saluton !

Ekde 03/01/2012

free counters
Free counters

Bonvenon

5 mai 2017 5 05 /05 /mai /2017 13:30

05/05/2017

Fine de proceso pri la kontraŭ-leĝa okupado de grundo, la decido de la perua Ĉefkortumo koncerne la defendantinon de la homaj rajtoj Máxima Acuña Atalaya, estas historia decido por la medidefendantoj en la lando, deklaris "Internacia Amnestio" la 3an de majo 2017.

Post preskaŭ kvin jaroj da proceduroj koncerne la senbazajn punakuzojn de kontraŭ-leĝa okupado de grundo, la Ĉefkortumo decidis, ke neniu motivo ekzistas, kiu pravigas daŭrigon de la proceso kontraŭ Máxima Acuña Atalaya.

Erika Guevara-Rosas, direktorino de la programo pri Ameriko de "Internacia Amnestio" deklaris : «Multaj medidefendantoj en Peruo estas kriminaligitaj pere de senbazaj punproceduroj, en la celo malhelpi ilin plenumi sian legitiman laboron favore al la homaj rajtoj, elĉerpante iliajn fizikajn kaj mensajn fortojn, kaj iliajn limigajn monrimedojn, farante samtempe, ke ili estas rigardataj de la loĝantaro, kiel krimuloj»      

«Fundamentas, ke la aŭtoritatoj alprenu efikajn aranĝojn, en la celo haltigi la ekscesan uzadon de la punjustico, por timigi kaj turmentadi la defendantojn de la homaj rajtoj».

La 14an de februaro 2017, delegacio de "Internacia Amnestio" vizitis Máxima Acuña-n kaj ties familion, por transmeti al ili pli ol 150 000 subtenmesaĝojn, venantajn de la tuta mondo, kaj petante de la perua registaro, ke ĝi protektu ŝin kontraŭ ĉiuj atakoj, aŭ ĉiuj agoj de turmentado aŭ timigo. Samtage, ŝi ricevis la viziton de la ministro pri Justico kaj Homaj rajtoj, kiu venis kontroli la efektivigon de la protektaranĝoj akorditaj al Máxima Acuña, fare de la "Interamerika kortumo pri la homaj rajtoj".

Inter 2011 kaj 2014, Máxima Acuña Atalaya menciis plurajn agojn de turmentado, atakoj, kaj provoj de elpelado, imputataj al la perua nacia polico.

neniammilitointerni - dans medidefendo
Créer un blog gratuit sur overblog.com - Contact - CGU -
.date span.text {display:none ; }